കോഴഞ്ചേരി: ഓട്ടോറിക്ഷയില്‍ ടിപ്പര്‍ ലോറിയിടിച്ച് വയോധികന്‍ മരിച്ചു. രണ്ടു
സ്ത്രീകളും കുട്ടിയുമടക്കം നാല് പേര്‍ക്ക് പരുക്ക്. ഇലവുംതിട്ട പൂപ്പന്‍ കാലായില്‍ ശിവരാമന്‍ (ശിവരാമന്‍ മേസ്തിരി-85) ആണ് മരിച്ചത്.
പൂപ്പന്‍ കാലായില്‍ സിന്ധു (50),ശ്രീദേവി (42),വിസ്മജ (എട്ട്),ഓട്ടോ
ഡ്രൈവര്‍ ഇലവുംതിട്ട നാരങ്ങാനത്ത് ജെയിംസ് (45) എന്നിവര്‍ക്കാണ്
പരുക്കേറ്റത്. ഇവരെ കോട്ടയം മെഡിക്കല്‍ കോളേജില്‍ പ്രവേശിപ്പിച്ചു. ബുധന്‍ രാവിലെ 11.30 ന് തിരുവല്ല-പത്തനംതിട്ട സംസ്ഥാന പാതയില്‍ കോഴഞ്ചേരി സ്‌റ്റേഡിയത്തിന് സമീപം ആയിരുന്നു അപകടം.
കോഴഞ്ചേരി ജില്ലാ ആശുപത്രിയിലേക്ക് വന്ന ഓട്ടോ റിക്ഷയില്‍ മറ്റൊരു വാഹനം മറികടന്ന് വന്ന ടിപ്പര്‍ ലോറി ഇടിക്കുകയായിരുന്നുവെന്ന് ദൃക്‌സാക്ഷികള്‍ പറയുന്നു. ഉടന്‍ തന്നെ പരുക്കേറ്റവരെ ജില്ലാ ആശുപത്രിയിലും അവിടെ നിന്ന് കോട്ടയം മെഡിക്കല്‍ കോളജിലേക്കും മാറ്റുകയായിരുന്നു.
