പത്തനംതിട്ട: സര്‍ക്കാരിന്റെ ഓണ്‍ലൈന്‍ ഡോക്ടര്‍ കണ്‍സള്‍ട്ടേഷന്‍ പോര്‍ട്ടലായ ഈ സഞ്ജീവനിയില്‍ ഡ്യൂട്ടി ചെയ്തിരുന്ന ഡോക്ടര്‍ക്ക് മുമ്പാകെ ഓണ്‍ലൈനില്‍ വന്ന് നഗ്നതാ പ്രദര്‍ശനം നടത്തിയ കേസില്‍ യുവാവ് അറസ്റ്റില്‍.
തൃശൂര്‍ ഊരകം കരിവണ്ണൂര്‍ പൊട്ടുചിറ കൊഴ കുഴിപ്പറമ്പില്‍ വീട്ടില്‍ ഷാജഹാന്റെ മകന്‍ ഷുഹൈബ് (21) ആണ് ആറന്മുള പോലീസിന്റെ പിടിയിലായത്. ഇ സഞ്ജീവനി പ്രകാരം വീട്ടിലിരുന്ന ഓണ്‍ലൈനായി ഡ്യൂട്ടി ചെയ്തിരുന്ന കോന്നി മെഡിക്കല്‍ കോളജിലെ സൈക്യാട്രി വിഭാഗം ഡോക്ടറുടെ മുന്നില്‍ തിങ്കളാഴ്ച രാവിലെയാണ് സംഭവം.
ഡോക്ടര്‍ ഉടന്‍ തന്നെ കോന്നി മെഡിക്കല്‍ കോളേജിലെ പ്രിന്‍സിപ്പല്‍ ഡോ. മറിയം വര്‍ഗീസ് മുഖാന്തരം പരാതി ഈ മെയില്‍ വഴി കോന്നി പോലീസ് സ്‌റ്റേഷനിലേക്ക് അയച്ചു. ഡോക്ടര്‍ ഡ്യൂട്ടി ചെയ്തിരുന്ന സ്ഥലം ആറന്മുള പോലീസ് സ്‌റ്റേഷന്‍ അതിര്‍ത്തിയില്‍ ആയതിനാല്‍ പരാതി തുടര്‍ നടപടിക്കായി അവിടേക്ക് മാറ്റി. തുടര്‍ന്ന് ആറന്മുള പോലീസ് കേസ് രജിസ്റ്റര്‍ ചെയ്ത് അന്വേഷണം തുടങ്ങി. ഓണ്‍ലൈന്‍ പോര്‍ട്ടലില്‍ രജിസ്റ്റര്‍ ചെയ്യാന്‍ പ്രതി കൊടുത്തിരുന്ന വിലാസവും മറ്റ് വിവരങ്ങളും ക/ത്യമായിരുന്നതിനാല്‍ കൈയോടെ പിടികൂടാനായി.
