കോന്നി: ജോലി വാഗ്ദാനം ചെയ്ത് യുവതിയെ കടന്നു പിടിച്ച് അപമാനിച്ചുവെന്ന പരാതിയില്‍ നിരവധി കേസുകളില്‍ പ്രതിയായ ജീപ്പ് ഡ്രൈവര്‍ കസ്റ്റഡിയില്‍. കൊക്കാത്തോട് കള്ളിച്ചേത്ത് ഷിബു മോന്‍ (45) ആണ് കസ്റ്റഡിയിലുളളത്. 12 ന് ഉച്ച കഴിഞ്ഞ് രണ്ടരയോടെ പോലീസ് സ്‌റ്റേഷന് സമീപമുള്ള വെല്‍ഡിങ് വര്‍ക്ക് ഷോപ്പിന് അടുത്തു വച്ചാണ് ഇയാള്‍ കൂടല്‍ സ്വദേശിനിയെ കടന്നു പിടിച്ച് അപമാനിച്ചത്. ഗവ. സ്‌കൂളില്‍ സെക്യൂരിറ്റി ജോലി വാഗ്ദാനം ചെയ്ത ശേഷമായിരുന്നു യുവതിയെ അപമാനിച്ചത്.
ഇയാള്‍ സ്വന്തം ജീപ്പില്‍ കോന്നി ഗവ. സ്‌കൂളിലെ കുട്ടികളെ കൊണ്ടുവരുന്നുണ്ട്. യുവതിയുടെ പരാതിയില്‍ പോലീസ് കേസ് എടുത്ത് അന്വേഷണം നടത്തി വരികയായിരുന്നു. ശനിയാഴ്ച വൈകിട്ടാണ് പിടിയിലായത്. കോന്നി പോലീസ് സ്‌റ്റേഷനില്‍ നാലു കേസുകളില്‍ ഇയാള്‍ പ്രതിയാണ്.
