തിരുവല്ല: എം.സി റോഡില്‍ കുറ്റൂര്‍ തോണ്ടറ പാലത്തിനു സമീപം നിയന്ത്രണം വിട്ട കാര്‍ വൈദ്യൂതി തൂണിലും പൊതിച്ചോര്‍ വില്‍പ്പന നടത്തി വന്നിരുന്ന ആറന്മുള സ്വദേശിനിയെയും ഇടിച്ചു തെറിപ്പിച്ചു. അപകടത്തില്‍ ആറന്മുള സ്വദേശിയുടെ കൈക്കും കാലിനും പരുക്കേറ്റു. ഇന്ന് ഉച്ചയ്ക്ക് 2.30 ആയിരുന്നു അപകടം.
തിരുവല്ല ഭാഗത്തു നിന്നു ചെങ്ങന്നൂര്‍ ഭാഗത്തേക്ക് വയോധികന്‍ ഓടിച്ച കാര്‍ നിയന്ത്രണം തെറ്റി റോഡിന്റെ വശത്തേക്ക് അപകടത്തില്‍പ്പെടുക ആയിരുന്നു. അപകടത്തെ തുടര്‍ന്ന് വില്‍പ്പനയ്ക്ക് വച്ചിരുന്ന പൊതിച്ചോര്‍ റോഡില്‍ ചിതറി വീണു. സംഭവം കണ്ട് ഓടി കൂടിയവര്‍ ചേര്‍ന്ന് പരുക്കേറ്റ ആളെ തിരുവല്ലായിലെ സ്വകാര്യ ആശുപത്രിയില്‍ പ്രവേശിപ്പിച്ചു.
