പന്തളം: നിയന്ത്രണം വിട്ട ബൈക്ക് വൈദ്യുതി പോസ്റ്റിലിടിച്ച് രണ്ട് യുവാക്കള്‍ക്ക് ഗുരുതര പരുക്ക്. മുടിയൂര്‍ക്കോണം പുതുശ്ശേരിയില്‍ ശ്യാം (25), തൈക്കൂട്ടത്തില്‍ വടക്കത്തില്‍ വിഘ്‌നേഷ് (24) എന്നിവര്‍ക്കാണ് പരുക്കേറ്റത്.
വിഘ്‌നേഷിനെ കല്ലിശ്ശേരിയിലെയും ശ്യാമിനെ അടൂരിലെയും സ്വകാര്യ ആശുപത്രികളില്‍ പ്രവേശിപ്പിച്ചു. പന്തളം -മാവേലിക്കര റോഡില്‍ പൂളയില്‍ ജങ്ഷനില്‍ ഞായറാഴ്ച രാത്രി 11:30 യോടു കൂടിയായിരുന്നു അപകടം. ഇരുവരും സഞ്ചരിച്ചിരുന്ന മോട്ടോര്‍ സൈക്കിള്‍ നിയന്ത്രണം തെറ്റി ഇലക്ട്രിക് പോസ്റ്റില്‍ ഇടിക്കുകയായിരുന്നു. ഇരുവരുടെയും തലയ്ക്കാണ് പരുക്ക്.
