ശബരിമല: മണ്ഡല കാലം 20 ദിവസം പിന്നിടുമ്പോള്‍ സ്ന്നിധാനത്ത് പ്രധാന പ്രസാദമായ അരവണ, അപ്പം വില്‍പ്പനയില്‍ റെക്കോര്‍ഡ് വര്‍ധന. നവംബര്‍ 16 മുതല്‍ ഡിസംബര്‍ 5 വരെ 60,54,95,040 രൂപയുടെ വില്‍പ്പന നടന്നതായി ദേവസ്വം ബോര്‍ഡ് അറിയിച്ചു . കഴിഞ്ഞ വര്‍ഷം ഇതേ കാലയളവില്‍ 42,20,15,585 രൂപയാണ് അപ്പം അരവണ വില്പനയില്‍ ലഭിച്ചത്. ഈ വര്‍ഷം ഡിസംബര്‍ 5 വരെ അരവണ വില്‍പ്പനയിലൂടെ 54,37,00,500 രൂപയും അപ്പം വില്‍പ്പനയിലൂടെ 6,17,94,540 രൂപയും ലഭിച്ചു. 18,34 ,79455 രൂപയാണ് ഇക്കുറി ഈ രംഗത്തെ വര്‍ധന.
ആദ്യ പന്ത്രണ്ട് ദിവസത്തിനുള്ളില്‍ അപ്പം വിറ്റുവരവ് 35328555 രൂപയായിരുന്നു . അരവണ വില്പനയാകട്ടെ 289386310 രൂപയും. സന്നിധാനത്തെ ആഴിക്ക് സമീപത്തുള്ള 10 കൗണ്ടറുകളിലൂടെയും മാളികപ്പുറത്തുള്ള എട്ട് കൗണ്ടറുകളിലൂടെയുമാണ് അപ്പം, അരവണ വില്‍പ്പന നടക്കുന്നത്. അയ്യപ്പ ഭക്തര്‍ക്ക് പോസ്റ്റലായും അപ്പവും അരവണയും വാങ്ങാനുള്ള സംവിധാനവും ദേവസ്വം ബോര്‍ഡ് ഒരുക്കിയിട്ടുണ്ട്.
