അയ്യപ്പന് പഞ്ചാമൃതം ഇടിച്ചുകൂട്ടാന്‍ തടി കൊണ്ട് പുതിയ ഇടിക്കോല്‍: സന്നിധാനത്ത് സമര്‍പ്പിച്ചത് സഹോദരങ്ങള്‍ സ്വന്തമായി നിര്‍മിച്ച്

0 second read
Comments Off on അയ്യപ്പന് പഞ്ചാമൃതം ഇടിച്ചുകൂട്ടാന്‍ തടി കൊണ്ട് പുതിയ ഇടിക്കോല്‍: സന്നിധാനത്ത് സമര്‍പ്പിച്ചത് സഹോദരങ്ങള്‍ സ്വന്തമായി നിര്‍മിച്ച്
0

ശബരിമല: ശ്രീ ധര്‍മ ശാസ്താവിന് പഞ്ചാമൃതം ഇടിച്ചു കൂട്ടുന്നതിനു വേണ്ടി തടിയില്‍ നിര്‍മിച്ച പുതിയ ഇടിക്കോല്‍ സമര്‍പ്പിച്ചു. പൊന്‍കുന്നം ചിറക്കടവ് പടിയപ്പള്ളി വീട്ടില്‍ സഹോദരങ്ങളായ അജി പി.ആര്‍, മനോജ് പി.ആര്‍, ജയന്‍ പി.ആര്‍ എന്നിവര്‍ ചേര്‍ന്നാണ് തടിയില്‍ പുതിയ ഇടിക്കോല്‍ ദേവസ്വത്തിന്റെ നിര്‍ദേശപ്രകാരം നിര്‍മിച്ച് എത്തിച്ചത്.
തേക്ക് തടിയില്‍ നിര്‍മിച്ച ഇടിക്കോല്‍ പനിനീരും കരിക്കും നെയ്യും ചേര്‍ത്ത് പൂശി തണലത്ത് ഉണക്കിയാണ് എത്തിച്ചത്. ഇതിനുള്ള തടി നല്‍കിയത് പൊന്‍കുന്നത്തെ തിരുവപ്പള്ളി സോ മില്ലും തടി കടഞ്ഞുനല്‍കിയത് പൊന്‍കുന്നം സ്വദേശി അനൂപുമാണ്.
ചിറക്കടവ് മഹാദേവ ക്ഷേത്ര സന്നിധിയില്‍ നിന്ന് വെള്ളിയാഴ്ച ദീപാരാധനയ്ക്ക് ശേഷമാണ് ഇടിക്കോലുമായി ഈ സഹോദരങ്ങള്‍ അയ്യപ്പന് സമര്‍പ്പിക്കാന്‍ മല കയറിയത്. ശനിയാഴ്ച പുതിയ ഇടിക്കോല്‍ സന്നിധാനത്ത് വെച്ച് സോപാനം അസി. സ്പെഷല്‍ ഓഫീസര്‍ എല്‍. രാധാകൃഷ്ണന്‍ ഏറ്റുവാങ്ങി.

Load More Related Articles
Load More By Veena
Load More In NEWS PLUS
Comments are closed.

Check Also

പതിനാറുകാരിയെ തമിഴ്‌നാട്ടിലെത്തിച്ച് ദിവസങ്ങളോളം പീഡിപ്പിച്ച പ്രതിക്ക് ജീവപര്യന്തവും 10 വര്‍ഷം കഠിനതടവും

പത്തനംതിട്ട: പതിനാറുകാരിയെ വീട്ടില്‍ നിന്നും കടത്തിക്കൊണ്ടുപോയി ദിവസങ്ങളോളം കൂടെ താമസിപ്പി…