നിരണം:ബിലീവേഴ്‌സ് ഈസ്‌റ്റേണ്‍ ചര്‍ച്ച് ദേശീയ വൈദിക സംഗമം നിരണം സെന്റ് തോമസ് ബിലീവേഴ്‌സ് ഈസ്‌റ്റേണ്‍ ചര്‍ച്ചില്‍ ഇംഫാല്‍ ഭദ്രാസനാധിപന്‍ ബിഷപ്പ് ജെരമ്യാ മോര്‍ തിയോഡഷ്യസ് എപ്പിസ്‌ക്കോപ്പ ഉദ്ഘാടനം ചെയ്തു. ഇടവക വികാരി സി.ബി. വില്യംസ് അധ്യക്ഷത വഹിച്ചു.
സിക്കിം ഭദ്രാസനാധിപന്‍ ബിഷപ്പ് ഇമ്മാനുവേല്‍ മോര്‍ ജൂലിയന്‍, ഛത്തീസ്ഗഡ് ഭദ്രാസനാധിപന്‍ ബിഷപ്പ് യാക്കൂബ് മോര്‍ തിയോഫനോസ് എപ്പിസ്‌ക്കോപ്പ, തിരുനെല്‍വേലി ഭദ്രാസനാധിപന്‍ ബിഷപ്പ് ബഞ്ചമിന്‍ മോര്‍ ഗ്രിഗോറിയോസ് എപ്പിസ്‌ക്കോപ്പ, ബിഷപ്പ് അനില്‍ മോര്‍ ഫിലോമോന്‍ എപ്പിസ്‌ക്കോപ്പ എന്നിവര്‍ പ്രസംഗിച്ചു.
ഇന്ത്യയിലെ വിവിധ ഭദ്രാസനങ്ങളില്‍ നിന്നും ഇരുന്നൂറിലധികം വൈദികരും ശെമ്മാശന്മാരും പങ്കെടുത്തു.തോമാ സ്ലീഹാ നിരണത്ത് കപ്പല്‍ മാര്‍ഗ്ഗം വന്നിറങ്ങിയ കടവ് സന്ദര്‍ശിക്കുകയും ചെയ്തു. ഫാ. സഞ്ചീവ് ബെഞ്ചമിന്‍, ഫാ. ബിജു സോളമന്‍, ഫാ. ഷിജു മാത്യു, ഫാ. റോബിന്‍ കണ്ടത്തില്‍, ട്രസ്റ്റി ഡോ. ജോണ്‍സണ്‍ വി. ഇടിക്കുള, അജോയി കെ. വര്‍ഗീസ്, റെന്നി തോമസ് എന്നിവര്‍ നേതൃത്വം നല്‍കി.
