തിരുവല്ല: തിരുമൂലപുരം സ്വദേശിനിയായ പ്ലസ് ടു വിദ്യാര്‍ഥിനി വീട്ടിലെ കിടപ്പുമുറിയില്‍ തൂങ്ങി മരിക്കാന്‍ കാരണക്കാരനായ തൃശൂര്‍ സ്വദേശിയായ യുവാവ് അറസ്റ്റില്‍. തൃശ്ശൂര്‍ ചാവക്കാട് അണ്ടത്തോട് സ്വദേശി പ്രവീണി (20)യാണ് പോലീസ് അറസ്റ്റ് ചെയ്തത്. തിരുവല്ല കോടതിയില്‍ ഹാജരാക്കി റിമാന്‍ഡ് ചെയ്തു. വ്യാഴാഴ്ച വൈകിട്ടാണ് ഇയാള്‍ തിരുവല്ല പോലീസിന്റെ പിടിയിലായത്.
ഇന്‍സ്റ്റഗ്രാമിലൂടെ പരിചയപ്പെട്ട പെണ്‍കുട്ടിയെ പ്രവീണ്‍ കഴിഞ്ഞ ഒരു വര്‍ഷക്കാലമായി ലൈംഗികമായി ഉപയോഗിച്ചു വരികയായിരുന്നു. ഇക്കാര്യം രക്ഷിതാക്കള്‍ അറിഞ്ഞതാണ് പെണ്‍കുട്ടിയുടെ ആത്മഹത്യയില്‍ കലാശിച്ചത്.
കുട്ടിയുടെ അമ്മ ഗള്‍ഫില്‍ ജോലി നോക്കുകയാണ്. ഏക മകളാണ്. പിലതാവ് ജോലിക്ക് പോയിപ്പോഴാണ് ആത്മഹത്യ ചെയ്തത്. അമ്മൂമ്മമാരോടൊപ്പം ആയിരുന്നു താമസം. നിരന്തരം ഫോണ്‍ വിളിയെ ചൊല്ലി വീട്ടില്‍ അമ്മൂമ്മമാര്‍ വഴക്കു പറയുമായിരുന്നുവത്രേ.
