റാന്നി: ഫോണില്‍ സംസാരിച്ചു കൊണ്ടിരുന്ന യുവതി പൊടുന്നനേ
പെരുന്തേനരുവി വെള്ളച്ചാട്ടത്തില്‍ എടുത്തു ചാടി. ഒഴുക്കില്‍പ്പെട്ട് പോയ യുവതിക്കായി തെരച്ചില്‍ ആരംഭിച്ചെങ്കിലും മോശം കാലാവസ്ഥ കാരണം അവസാനിപ്പിച്ചു.
വെച്ചൂച്ചിറ ചാത്തന്‍തറ ഡി.സി.എല്‍ പടി സ്വദേശിനി കരിങ്ങാമാവില്‍ ടെസി സോമനെ(ജെനി29) ആണ് വെള്ളച്ചാട്ടത്തില്‍ കാണാതായതെന്ന് അധികൃതര്‍ പറയുന്നു. ഇന്ന് ഉച്ചയ്ക്ക് ഒന്നരയോടാണ് സംഭവം. അഗ്‌നിശമന സേനയും നാട്ടുകാരും തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞില്ല. വെള്ളച്ചാട്ടത്തിന് സമീപത്തെ പാറക്കെട്ടില്‍ ഫോണ്‍ ചെയ്തു കൊണ്ടിരുന്ന യുവതി പെട്ടെന്ന് വെള്ളച്ചാട്ടത്തിലേക്കു എടുത്തു ചാടുകയായിരുന്നുവെന്ന് ദൃക്‌സാക്ഷികള്‍ പറഞ്ഞു.
വെച്ചൂച്ചിറ പൊലീസും റാന്നിയില്‍ നിന്നുള്ള അഗ്‌നിശമന സേനയും തിരച്ചില്‍ നടത്തിയെങ്കിലും കണ്ടെത്താനായില്ല. മഴ കനത്തതോടെ വൈകിട്ട് തെരച്ചില്‍ അവസാനിപ്പിച്ചു.
