കോന്നി: തോട്ടിയുണ്ടാക്കാന്‍ പച്ചമുള വെട്ടാന്‍ പോയ വയോധികന്റെ മൃതദേഹം കണ്ടെത്തി. പച്ചമുള വൈദ്യുതി ലൈനില്‍ തട്ടി ഷോക്കേറ്റ് മരിച്ചുവെന്ന് സംശയം. മുളന്തറ ചരിവുപുരയിടത്തില്‍ (നെഹലാ മനസിലില്‍ ) ഷാഹുല്‍ ഹമീദ് (65) ആണ് മരിച്ചത്. ഞായര്‍ രാവിലെ 11 ഓടെയാണ് സംഭവം.
മുളന്തറ ഗോളം കുരിശിനു സമീപത്തെ ഇടറോഡിനു മുകളിലായി കാട് പിടിച്ചു കിടക്കുന്ന വസ്തുവില്‍11 കെ.വി. ലൈന്‍ കടന്നുപോകുന്നതിന് താഴെയുള്ള മുള വെട്ടുന്നതിനിടെ ലൈന്‍ കമ്പിയില്‍ തട്ടി ഷോക്കേറ്റ് മരച്ചുവെന്നാണ് കരുതുന്നത്. ഷാഹുല്‍ ഹമീദിന്റെ കാണാതെ വന്നപ്പോള്‍ വീട്ടുകാര്‍ നടത്തിയ അന്വേഷണത്തിലാണ് ഉച്ചയ്ക്ക് രണ്ടോടെ മരിച്ച നിലയില്‍ കണ്ടെത്തിയത്. മൃതദേഹം പത്തനംതിട്ട ജനറല്‍ ആശുപത്രിയിലേക്ക് മാറ്റി. പോസ്റ്റ് മോര്‍ട്ടത്തിന് ശേഷം മൃതദേഹം ബന്ധുക്കള്‍ക്ക് വിട്ടുനല്‍കും. ഭാര്യ: നൂര്‍ജഹാന്‍. മകള്‍: നെഹന.
