ബംഗളൂരു: ജെ.ഡി.എസ് എം.പിയും ഹാസനിലെ ലോക്‌സഭ സ്ഥാനാര്‍ഥിയുമായ പ്രജ്വല്‍ രേവണ്ണക്കെതിരെ ഒരു ബലാത്സംഗ കേസ് കൂടി രജിസ്റ്റര്‍ ചെയ്തു.
ഇതോടെ കേസുകളുടെ എണ്ണം മൂന്നായി. അന്വേഷണത്തിനായി രൂപവത്കരിച്ച പ്രത്യേക അന്വേഷണ സംഘമാണ് ബംഗളൂരുവില്‍ പ്രജ്വലിനെതിരെ എഫ്.ഐ.ആര്‍ രജിസ്റ്റര്‍ ചെയ്തത്.
ഐ.പി.സി 376(2), 376(2) (കെ), 354 (എ), 354 (ബി),354 (സി), 506 എന്നീ വകുപ്പുകള്‍ പ്രകാരമാണ് കേസെടുത്തിരിക്കുന്നത്. ആവര്‍ത്തിച്ചുള്ള ബലാത്സംഗം, വോയറിസം, ലൈംഗിക ചിത്രീകരണം, വസ്ത്രംകൊണ്ട് വലിച്ചിഴക്കല്‍, പീഡിപ്പിക്കല്‍, ഭീഷണിപ്പെടുത്തല്‍ എന്നിവയുമായി ബന്ധപ്പെട്ട വകുപ്പുകളാണ് ചുമത്തിയിരിക്കുന്നത്.
