തിരുവല്ല: ഫോണിലൂടെ പരിചയപ്പെട്ട് പ്രണയത്തിലായ പതിനാറുകാരിയെ കടത്തിക്കൊണ്ടു പോയി ബലാത്സംഗം ചെയ്ത യുവാവിനെ പുളിക്കീഴ് പോലീസ് അറസ്റ്റ് ചെയ്തു. എറണാകുളം കുന്നുകുരുടി ഐരാപുരം പഞ്ചായത്ത് ഓഫീസിനു സമീപം മണ്ണുമോളത്ത് വീട്ടില്‍ എം.എസ്.സുജിത്ത് (25) ആണ് അറസ്റ്റിലായത്.ഇയാള്‍ക്ക് നിലവില്‍ മറ്റ് രണ്ട് പോലീസ് സേ്റ്റഷനുകളിലായി രണ്ട് പോക്‌സോ കേസുകളുണ്ട്. ഒരു വര്‍ഷമായി നിരന്തരം ഫോണില്‍ വിളിച്ച് പ്രണയബന്ധം സ്ഥാപിച്ച യുവാവ് കഴിഞ്ഞ 11 ന് പുലര്‍ച്ചെയാണ് പെണ്‍കുട്ടിയെ കടത്തിക്കൊണ്ടു പോയത്. ഐരാപുരത്തെ ബന്ധുവീട്ടിലെത്തിച്ച് രണ്ടു രാത്രികളില്‍ ബലാല്‍സംഗം ചെയ്യുകയായിരുന്നു. കുട്ടിയെ കാണാതായതിന് പുളിക്കീഴ് പോലീസ് കേസ് രജിസ്റ്റര്‍ ചെയ്ത് അന്വേഷണം ആരംഭിച്ചിരുന്നു. തുടര്‍ന്ന്, കുട്ടിയെ കണ്ടെത്തി സേ്റ്റഷനിലെത്തിച്ചു.
വിശദമായ മൊഴി രേഖപ്പെടുത്തിയപ്പോഴാണ് യുവാവുമായുള്ള ബന്ധവും കടത്തിക്കൊണ്ടുപോയി പീഡിപ്പിച്ച വിവരവും പറഞ്ഞത്. വൈദ്യപരിശോധന നടത്തിക്കുകയും മറ്റ് നടപടികള്‍ കൈക്കൊള്ളുകയും ചെയ്തു. കോടതിയില്‍ കുട്ടിയുടെ മൊഴി രേഖപ്പെടുത്തുന്നതിനുള്ള നടപടികള്‍ കൈകൊണ്ടു.
പെണ്‍കുട്ടിയോടൊപ്പം ആലുവ കാഞ്ചാട്ടുകാവില്‍ നിന്നും കണ്ടെത്തിയ പ്രതിയെ സേ്റ്റഷനില്‍ എത്തി് അറസ്റ്റ് രേഖപ്പെടുത്തി. ഇയാള്‍ വൈക്കം, കുറത്തികാട് പോലീസ് സേ്റ്റഷനുകളിലെ ഓരോ പോക്‌സോ കേസുകളിലും,കുന്നത്തുനാട്, കോട്ടയം റെയില്‍വേ എന്നീ പോലീസ് സേ്റ്റഷനുകളില്‍ രജിസ്റ്റര്‍ ചെയ്ത കേസുകളിലും പ്രതിയാണെന്ന് വ്യക്തമായി. കോടതിയില്‍ ഹാജരാക്കിയ പ്രതിയെ റിമാന്‍ഡ് ചെയ്തു. പുളിക്കീഴ് പോലീസ് ഇന്‍സ്‌പെക്ടര്‍ അജിത്കുമാറിന്റെ നേതൃത്വത്തിലാണ് അന്വേഷണം നടത്തി പ്രതിയെ കണ്ടെത്തി തുടര്‍ നടപടികള്‍ സ്വീകരിച്ചത്. അന്വേഷണസംഘത്തില്‍ എ.എസ്.ഐമാരായ പ്രബോധചന്ദ്രന്‍, രാജേഷ് കുമാര്‍, എസ്.സി.പി.ഓമാരായ മനോജ്, സജില്‍, ശ്രീജ, സി.പി.ഓ അനൂപ് എന്നിവരാണ് ഉണ്ടായിരുന്നത്.
