തിരുവല്ല: വീട്ടിലെ ശുചിമുറിയില്‍ മുഖം കഴുകുയായിരുന്ന യുവതിയുടെ സ്വര്‍ണമാല പൊട്ടിക്കാന്‍ ശ്രമിച്ച പ്രതിയെ പോലീസ് അറസ്റ്റ് ചെയ്തു. കുറ്റൂര്‍ വെസ്റ്റ് ഓതറ തൈമറവുങ്കര പാലത്തിങ്കല്‍ വീട്ടില്‍ പി.ഐ.ബെന്നി (40) യാണ് അറസ്റ്റിലായത്. കണ്ടത്തില്‍ വീട്ടില്‍ കെ.എസ്.ആര്യയുടെ കഴുത്തില്‍ കിടന്ന മാലയാണ് മോഷ്ടാവ് കവര്‍ച്ച ചെയ്യാന്‍ ശ്രമിച്ചത്. യുവതി നിലവിളിച്ച് ബഹളമുണ്ടാക്കിയതിനാല്‍ ശ്രമം പരാജയപ്പെടുകയായിരുന്നു. ഞായറാഴ്ച രാത്രി ഒമ്പതേമുക്കാലോടെ വീടിന് പുറത്തുള്ള ശുചിമുറിയില്‍ മുഖം കഴുകി കൊണ്ടിരുന്ന യുവതിയുടെ ഒരു പവന്‍ തൂക്കം വരുന്ന സ്വര്‍ണ്ണമാലയാണ് പൊട്ടിക്കാന്‍ ശ്രമിച്ചത്. 14 ന് രാത്രി 9 15ന് വീടിനു സമീപത്തുനിന്നും ഇയാളെ കസ്റ്റഡിയിലെടുത്തു. പോലീസ് ഇന്‍സ്‌പെക്ടര്‍ എസ്. സന്തോഷിന്റെ മേല്‍നോട്ടത്തില്‍ എസ്.ഐ.സുരേന്ദ്രന്‍ പിള്ള, എസ്.സി.പി.ഓ സുശീല്‍ എന്നിവരടങ്ങുന്ന സംഘമാണ് അന്വേഷണം നടത്തി മോഷ്ടാവിനെ ഉടനടി പിടികൂടിയത്.
