കോന്നി: നിയന്ത്രണം വിട്ട സ്‌കൂട്ടര്‍ കൊക്കയിലേക്ക മറിഞ്ഞ് കോന്നി മെഡിക്കല്‍ കോളജിലെ രണ്ടു ജൂനിയര്‍ ഡോക്ടര്‍മാര്‍ക്ക് പരുക്കേറ്റു. അപകട വിവരം പുറംലോകം വൈകിയാണ് അറിഞ്ഞത്. ഗവ: മെഡിക്കല്‍ കോളേജിലെ രണ്ട് വനിതാ ജൂനിയര്‍ ഡോക്ടര്‍മാരാണ് അപകടത്തില്‍പ്പെട്ടത്. ബുധനാഴ്ച ഉച്ചയ്ക്ക് ഒന്നിന് മെഡിക്കല്‍ കോളജില്‍ നിന്നും കോന്നിയിലേക്ക് വരുമ്പോള്‍ ഇുപതേക്കറിലേക്ക് തിരിയുന്ന റോഡിന് സമീപം സ്‌കൂട്ടര്‍ നിയന്ത്രണം വിട്ടു കൊക്കയിലേക്ക് മറിയുകയായിരുന്നു. ഡോ. അഷിത, ഡോ. വേണി എന്നിവരാണ് അപകടത്തില്‍പ്പെട്ടത്. അഷിതയായിരുന്നു സ്‌കൂട്ടര്‍ ഓടിച്ചിരുന്നത്. നിയന്ത്രണം വിട്ട് ആറടി താഴ്ചയുള്ള കൊക്കയിലേക്ക് മറിഞ്ഞ സ്‌കുട്ടറില്‍ നിന്ന് …

പത്തനംതിട്ട: പെണ്‍കുട്ടിയെ തട്ടിക്കൊണ്ടു പോയെന്ന പരാതിയില്‍ പൊലീസ് കസ്റ്റഡിയില്‍ എടുത്തു യുവാവ് തെളിവെടുപ്പിനിടെ ചാടിപ്പോയി. ചിറ്റാര്‍ സ്വദേശി ജിതിനാണ് കസ്റ്റഡിയില്‍ നിന്ന് രക്ഷപ്പെട്ടത്. ചിറ്റാറില്‍ വച്ച് ബുധനാഴ്ച വൈകിട്ട് അഞ്ചു മണിയോടെയാണ് സംഭവം. ജിതിന്‍ വിവാഹിതനാണ്. ഭാര്യയുമായി അകന്ന് ജീവിക്കുകയാണ്. ഇയാള്‍ ഒരു കാറില്‍ പതിനേഴു വയസുള്ള പെണ്‍കുട്ടിയുമായി വീട്ടിലെത്തി. സംശയം തോന്നിയ നാട്ടുകാര്‍ വീട് വളഞ്ഞ് ജിതിനെയും പെണ്‍കുട്ടിയെയും പൊലീസില്‍ ഏല്‍പ്പിച്ചു. ചിറ്റാര്‍ സ്‌റ്റേഷനില്‍ പ്രായപൂര്‍ത്തിയാകാത്ത പെണ്‍കുട്ടിയുടെ മൊഴിയെടുത്ത് കേസ് രജിസ്റ്റര്‍ ചെയ്യുന്നതിനിടെയാണ് ജിതിന്റെ വീടി പരിശോധിക്കാന്‍ തീരുമാനിച്ചത്. ഇയാള്‍ക്ക് കഞ്ചാവ് വില്‍പ്പനയുണ്ടെന്ന …

ഏഴംകുളം: പഞ്ചായത്തിലെ നാല് വാര്‍ഡുകള്‍ക്ക് ഉപകാരപ്രദമായ രീതിയില്‍ പ്രവര്‍ത്തിക്കുന്ന കുടുംബക്ഷേമ ഉപകേന്ദ്രം മറ്റൊരു സ്ഥലത്തേക്ക് മാറ്റി സ്ഥാപിക്കാന്‍ നീക്കം നടക്കുന്നുവെന്ന് പരാതി. കൈതപ്പറമ്പില്‍ പ്രവര്‍ത്തിക്കുന്ന പി.എച്ച്.സിക്ക് കീഴിലുള്ള ഉപകേന്ദ്രമാണ് ഒന്നാം വാര്‍ഡിലേക്ക് മാറ്റാന്‍ ശ്രമിക്കുന്നത്. പഞ്ചായത്തിലെ ഒന്നു മുതല്‍ നാലു വരെ വാര്‍ഡുകളിലുളളവര്‍ക്ക് പ്രയോജന പ്രദമായ രീതിയില്‍ തൊടുവക്കാട് ജങ്ഷനിലുള്ള കത്തോലിക്കാപ്പള്ളിക്ക് സമീപമാണ് കുടുംബക്ഷേമ ഉപകേന്ദ്രമുള്ളത്. മൂന്ന്, നാല് വാര്‍ഡുകള്‍ ഉള്‍പ്പെടുന്നതാണ് പ്രദേശം. നാലു വാര്‍ഡിലെയും ജനങ്ങള്‍ക്ക് സൗകര്യപ്രദമായി എത്തിച്ചേരാന്‍ പറ്റുന്ന ഇടത്ത് നിന്ന് ഒന്നാം വാര്‍ഡിലേക്ക് പറിച്ചു നടാനുള്ള ശ്രമമാണ് നടക്കുന്നത്. വാര്‍ഡ് …

കോഴഞ്ചേരി: ടൗണില്‍ പമ്പാ നദിക്ക് കുറുകേ പണി തീരാതെ കിടക്കുന്ന പുതിയ പാലം കണ്ട് അതു വഴി വന്ന മറുനാട്ടുകാര്‍ ആരോ ചോദിച്ചു പോലും: ഇതെന്താ മഹാപ്രളയത്തില്‍ പാലം ഒലിച്ചു പോയതാണോ? കണ്ടവര്‍ വിചാരിച്ചത് അങ്ങനെ ഒലിച്ചു പോയ പാലത്തിന് പകരം നിര്‍മിച്ചതിലൂടെയാണ് നിലവില്‍ വാഹനം കടന്നു പോകുന്നത് എന്നാണ്. ഇത് സോഷ്യല്‍ മീഡിയയില്‍ പടരുന്ന ബ്ലാക് ഹ്യൂമര്‍ ആണെങ്കിലും പൊതുജനം അങ്ങനെ ചിന്തിച്ചാല്‍ അവരെ തെറ്റു പറയാന്‍ കഴിയുമോ? ആറന്മുള എം.എല്‍.എയും ആരോഗ്യമന്ത്രിയുമായ വീണാ ജോര്‍ജ് തുടങ്ങി വച്ച് പദ്ധതികളൊക്കെ പാതി വഴിയില്‍ …

പത്തനംതിട്ട: നഗരത്തില്‍ കെ.എസ്.ഇ.ബിയുടെ ഭൂഗര്‍ഭ കേബിള്‍ വലിക്കുന്നതിനുള്ള ഡഷാക്കിള്‍ സെറ്റ് എന്ന ഉപകരണം മോഷ്ടിച്ചു കടത്തിയ സംഭവത്തില്‍ രണ്ടു പേരെ പോലീസ് അറസ്റ്റ് ചെയ്തു. പേട്ട മുദാര്‍ വീട്ടില്‍ നജീബ് (34), ആനപ്പാറ ഷാജി മന്‍സിലി െഷെരീഫ് (63) എന്നിവരെയാണ് അറസ്റ്റ് ചെയ്തത്. കഴിഞ്ഞ മൂന്നിന് വൈകിട്ട് ക്രിസ്ത്യന്‍ മെഡിക്കല്‍ മിഷന്‍ ആശുപത്രിക്ക് സമീപം പണി നടക്കുമ്പോഴാണ് ഉപകരണം മോഷ്ടിച്ചത്. ഇലക്ട്രിക്കല്‍ സെക്ഷന്‍ അസിസ്റ്റന്റ് എന്‍ജിനീയര്‍ അന്‍ഷാദ് മുഹമ്മദ് നല്‍കിയ പരാതിയിലാണ് കേസ് രജിസ്റ്റര്‍ ചെയ്തത്. കെ.എസ്.ഇ.ബി വര്‍ക്ക് സൈറ്റില്‍ നിന്നുമാണ് കേബിള്‍ വലിക്കാനുപയോഗിക്കുന്ന …

പത്തനംതിട്ട: നഗരത്തില്‍ ഓടയുടെ സ്ലാബിലെ വിടവിന് ഇടയില്‍ വീട്ടമ്മയുടെ കാല്‍ കുടുങ്ങി. മണിക്കൂറുകളോളം വേദന സഹിച്ച് വെയിലും കൊണ്ട് കിടന്ന വീട്ടമ്മയെ ഒടുവില്‍ നിസാര പരുക്കുകളോടെ ഫയര്‍ ഫോഴ്‌സ് പുറത്തെത്തിച്ചു. പത്തനംതിട്ട-ഓമല്ലൂര്‍ റോഡില്‍ കാതോലിക്കറ്റ് കോളജ് ജങ്ഷനില്‍ ചൊവ്വാഴ്ച ഉച്ചയ്ക്കാണ് സംഭവം. കൊല്ലം ശൂരനാട് സ്വദേശിയായ അമ്പിളി എന്ന വീട്ടമ്മയാണ് നടന്നു പോകുന്ന വഴിയില്‍ ഓടയുടെ സ്ലാബിന്റെ വിടവില്‍ കാല്‍ കുടുങ്ങിയത്. ഇത് കണ്ട് നിന്ന് മറ്റ് വഴിയാത്രക്കാര്‍ കാല്‍ വലിച്ചെടുക്കാന്‍ നോക്കിയെങ്കിലും സാധിച്ചില്ല. പൊരിവെയിലില്‍ കാല്‍ കുടുങ്ങിയ വേദനയും സഹിച്ച് ഏറെ നേരം …

പത്തനംതിട്ട: ഭാര്യയെ പെട്രോള്‍ ഒഴിച്ച് തീ കൊളുത്തി കൊന്നുവെന്ന കേസില്‍ പ്രതിയായ ഭര്‍ത്താവിനെ കോടതി വെറുതെ വിട്ടു. ഫോറന്‍സിക് പരിശോധനാ ഫലത്തില്‍ തീ കൊളുത്താന്‍ ഉപയോഗിച്ചത് മണ്ണെണ്ണയാണെന്ന പരാമര്‍ശമാണ് പ്രതിക്ക് പ്രധാനമായും രക്ഷയായത്. ഇതടക്കം നാലോളം വീഴ്ചകളാണ് കേസ് നടത്തിപ്പില്‍ പൊലീസിനും പ്രോസിക്യൂഷനും ഉണ്ടായത്. കേരളാ പൊലീസിന്റെ ചരിത്രത്തിലെ തന്നെ ഏറ്റവും വലിയ തിരിച്ചടികളിലൊന്നായ ഈ കേസില്‍ രക്ഷപ്പെട്ടത് പ്രതിയായ ഏഴുമറ്റൂര്‍ പഞ്ചായത്ത് എട്ടാം വാര്‍ഡ് തെള്ളിയൂര്‍ അടിച്ചിനാക്കുഴിയില്‍ സുരേന്ദ്രനാണ്. ഭാര്യ സിന്ധുവിനെ(37) പെട്രോള്‍ ഒഴിച്ച് തീ വച്ചു കൊന്നുവെന്നതായിരുന്നു കേസ്. അഡീഷണല്‍ സെഷന്‍സ് …

റാന്നി: സഹപാഠിയെ കാണാന്‍ രാത്രി വീട്ടിലെത്തിയ പതിനാറുകാരന്റെ മൃതദേഹം സമീപത്തെ പറമ്പിലെ പൊട്ടക്കിണറ്റില്‍ കണ്ടെത്തി. അങ്ങാടി പേട്ട അലങ്കാരത്ത് വീട്ടില്‍ അബ്ദുള്‍ ലത്തീഫിന്റെ മകന്‍ മുഹമ്മദ് ആഷികിന്റെ മൃതദേഹമാണ് പുതുശേരിമലക്ക് സമീപമുള്ള പറമ്പിലെ ഉപയോഗശൂന്യമായ കിണറ്റില്‍ കണ്ടെത്തിയത്. സമീപത്തായി കുട്ടി വന്ന സ്‌കൂട്ടറും കണ്ടെത്തി. ശനിയാഴ്ച രാത്രിയാണ് സംഭവം നടന്നത്. സഹപാഠിയുടെ വീടിന്റെ ജനാലയില്‍ തട്ടി വിളിച്ചത് വീട്ടുകാര്‍ അറിഞ്ഞത് മനസിലാക്കി ആഷിഖ് അവിടെ നിന്നും ഓടിപ്പോയി. താന്‍ വന്ന സ്‌കൂട്ടര്‍ എടുക്കാന്‍ വേണ്ടി അടുത്തുള്ള പറമ്പിലേക്ക് പോകുന്ന വഴി ആഷിഖ് എങ്ങനെയോ കാല്‍വഴുതി …

കോഴഞ്ചേരി: ഒന്നര വയസുകാരി പിതാവിന്റെ കൈയില്‍ നിന്നും വീണു മരിച്ച സംഭവത്തില്‍ കൂടുതല്‍ അന്വേഷണവുമായി ആറന്മുള പോലീസ്. തെക്കേമലയില്‍ വാടകയ്ക്ക് താമസിച്ചിരുന്ന ബീഹാര്‍ സ്വദേശികളായ ദമ്പതികളുടെ ഒന്നര വയസ്സുള്ള മകള്‍ മരിച്ച സംഭവത്തിലാണ് പോലീസ് തുടര്‍ നടപടി സ്വീകരിക്കുന്നത്. ബീഹാര്‍ കത്തീഹര്‍ ജില്ലയിലെ സൊണാലി സ്വദേശികളായ നാഗേന്ദര്‍ കുമാര്‍ ഉറാവു, സവിത ദേവി ദമ്പതികളുടെ മകള്‍ സൃഷ്ടികുമാരിയാണ് മരിച്ചത്. മൂന്ന് ദിവസം മുമ്പ് മാത്രമാണ് ഇവര്‍ ബീഹാറില്‍ നിന്ന് എത്തി തെക്കേമലയില്‍ താമസമായത്. വെള്ളിയാഴ്ച രാത്രി എട്ടു മണിയോടു കൂടി കുട്ടിയുമായി അച്ഛന്‍ കടയില്‍ …

അടൂര്‍: ലോകത്താകമാനം ആവശ്യക്കാരേറെയുള്ള അവക്കാഡോ പഴക്കൃഷി വിജയം കണ്ടതിന്റെ സന്തോഷത്തിലാണ് കടമ്പനാട് തുവയൂര്‍ സൗത്ത് പനവിള ഷോണ്‍ വില്ലയില്‍ സുജിത്ത് ടി. തങ്കച്ചന്‍. യാത്രയ്ക്കിടെ എറണാകുളത്ത് നിന്നും അഞ്ച് വര്‍ഷം മുന്‍പാണ് അവക്കാഡോ തൈ വാങ്ങിയത്. നട്ട് അഞ്ച് വര്‍ഷം കഴിഞ്ഞതോടെയാണ് പൂവിട്ടത്. രണ്ട് മാസം കൊണ്ട് പഴമാകും. കിലോയ്ക്ക് മുന്നൂറ് രൂപ വരെ വിലയുണ്ടെന്ന് കര്‍ഷകര്‍ പറഞ്ഞു. പോഷകഗുണങ്ങള്‍ ഏറെയുള്ള അവക്കാഡോ പഴം ഷേക്കാക്കി കുടിക്കുന്നതാണ് ആള്‍ക്കാര്‍ക്ക് പ്രിയം. ഇപ്പോള്‍ വൃക്ഷം നിറയെ പൂത്തുലഞ്ഞ് കായ പിടിച്ചു കിടക്കുകയാണ്. മലയോര മേഖലയില്‍ അപൂര്‍വമായാണ് …