പത്തനംതിട്ട: പത്ര ദൃശ്യ ഓണ്‍ലൈന്‍ നവമാധ്യമ പ്രവര്‍ത്തകരോട് സര്‍ക്കാര്‍ കാണിക്കുന്ന പ്രതികാര നടപടി അവസാനിപ്പിക്കണമെന്ന് ജേര്‍ണലിസ്റ്റ് ആന്‍ഡ് മീഡിയ അസോസിയേഷന്‍ ജില്ലാ കമ്മിറ്റി ആവശ്യപ്പെട്ടു. പബ്ലിക് റിലേഷന്‍സ് ഡിപ്പാര്‍ട്ട്‌മെന്റില്‍ നിന്നും സമയബന്ധിതമായി വാര്‍ത്തകള്‍ ലഭിക്കുന്നതിന് അധികാരികളുടെ ശ്രദ്ധ ഉണ്ടാവണമെന്ന് യോഗം ആവശ്യപ്പെട്ടു. മീഡിയ ലിസ്റ്റില്‍ ഓണ്‍ലൈന്‍ മാധ്യമങ്ങളെ ഉള്‍പ്പെടുത്തണം. മാധ്യമ പ്രവര്‍ത്തകരുടെ ക്ഷേമ പ്രവര്‍ത്തനങ്ങള്‍ക്കും സാമൂഹിക ഇടപെടലുകള്‍ക്കും വേണ്ടി രൂപീകൃതമായ സംഘടനയാണ് ജേര്‍ണലിസ്റ്റ് ആന്‍ഡ് മീഡിയ അസോസിയേഷന്‍. കേന്ദ്ര സര്‍ക്കാര്‍ ബ്രോഡ് കാസ്റ്റ് മന്ത്രാലയം അംഗീകാരം നല്‍കിയ കേരളത്തിലെ രണ്ടു സംഘടനകളില്‍ ഒന്നാണിത്. ജില്ലയിലെ …

പന്തളം: മാധ്യമ പ്രവര്‍ത്തകരുടെ ക്ഷേമ പ്രവര്‍ത്തനങ്ങള്‍ ലക്ഷ്യം വച്ച് സംസ്ഥാനത്ത് ആദ്യമായി പത്തനംതിട്ട ജില്ലയില്‍ ആരംഭിക്കുന്ന മാധ്യമ പ്രവര്‍ത്തക ക്ഷേമ സഹകരണ സംഘത്തിന്റെ ഉദ്ഘാടനം 23 ന് നടക്കും. പിടി 341-ാം നമ്പരായി പ്രവര്‍ത്തിക്കുന്ന സംഘം വൈകിട്ട് 3.30ന് സഹകരണ രജിസ്‌ട്രേഷന്‍ മന്ത്രി വി.എന്‍. വാസവന്‍ ഉദ്ഘാടനം ചെയ്യും. ആരോഗ്യ മന്ത്രി വീണാ ജോര്‍ജ്ജ് അധ്യക്ഷത വഹിക്കും. ഓഫീസ് ഉദ്ഘാടനവും ആദ്യ നിക്ഷേപം സ്വീകരിക്കലും ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ നിര്‍വഹിക്കും. ജില്ലയിലെ ജനപ്രതിനിധികളും സാമൂഹിക രാഷ്ട്രീയ രംഗത്തെ പ്രമുഖരും പങ്കെടുക്കും.

പത്തനംതിട്ട: പെട്രോള്‍ അടിക്കാന്‍ അല്‍പ്പം വൈകിയതിന് പമ്പ് ജീവനക്കാരിയെ അടിച്ചു. എന്നിട്ടും അരിശം തീരാതെ മടങ്ങി വന്ന് മറ്റ് ജീവനക്കാരെയും മര്‍ദിച്ചു. ഒന്നര മാസം മുന്‍പ് നടന്ന സംഭവത്തില്‍ ഒളിവിലായിരുന്ന മൂന്നു രപ്രതികളില്‍ ഒരാളെ തിരുവനന്തപുരത്ത് നിന്നും കൂടല്‍ പോലീസ് അറസ്റ്റ് ചെയ്തു. കലഞ്ഞൂര്‍ മലനട മുല്ലശ്ശേരില്‍ തെക്കേതില്‍ അനിരുദ്ധന്‍ (19) ആണ് കൂടല്‍ പോലീസിന്റെ പിടിയിലായത്. ഇഞ്ചപ്പാറ കൈരളി ഫ്യൂവല്‍സില്‍ ഏപ്രില്‍ 30 ന് വൈകിട്ട് അഞ്ചിന് നടന്ന സംഭവത്തിലാണ് ഇയാള്‍ ഇപ്പോള്‍ പിടിയിലായത്. ഇഞ്ചപ്പാറ കൈമളേത്ത് വടക്കേതില്‍ അനൂപിന്റെ ഭാര്യ ശാലിനിക്കെതിരെയാണ് …

തിരുവല്ല: ഭാര്യയുടെ അഭിഭാഷകനും ജഡ്ജിയും ഒത്തു കളിച്ച് കേസ് നീട്ടി വയ്ക്കുന്നുവെന്ന് ആരോപിച്ച് തൂമ്പയുമായി വന്ന മുന്‍ മര്‍ച്ചന്റ് നേവി ഉദ്യോഗസ്ഥന്‍ തിരുവല്ലയിലെ കുടുംബകോടതി ജഡ്ജിയുടെ കാര്‍ അടിച്ചു തകര്‍ത്തു. പ്രതിയെ പോലീസ് കസ്റ്റഡിയില്‍ എടുത്തു. മംഗലാപുരം കുലായി ഹോസ്പിറ്റല്‍ പോസ്റ്റല്‍ അതിര്‍ത്തിയില്‍ അതുല്യ നഗറില്‍ ജയപ്രകാശ്(55) ആണ് പിടിയിലായത്. നഗരസഭാ വളപ്പില്‍ പ്രവര്‍ത്തിക്കുന്ന കുടുംബ കോടതിക്ക് മുന്നില്‍ ബുധനാഴ്ച വൈകീട്ട് നാലരയോടെയാണ് സംഭവം. കുടുംബ കോടതി ജഡ്ജിയുടെ ഔദ്യോഗിക വാഹനമാണ് അടിച്ചു തകര്‍ത്തത്. ജയപ്രകാശും ഭാര്യയുമായുളള വിവാഹ മോചനം സംബന്ധിച്ച കേസ് കാലങ്ങളായി …

പത്തനംതിട്ട: ആരോഗ്യമന്ത്രിയുടെ ജില്ലയില്‍ വീണ്ടും പനി മരണം. പത്തനംതിട്ട മുണ്ടുകോട്ടയ്ക്കല്‍ ചരിവുകാലായില്‍ ശശീന്ദ്രന്റെ മകളും ആറന്മുള സ്വദേശി രാജേഷിന്റെ ഭാര്യയുമായ എസ്. അഖില (32) ആണ് ഇന്ന് രാവിലെ തിരുവല്ല ബിലീവേഴ്‌സ് ചര്‍ച്ച് മെഡിക്കല്‍ കോളജ് ആശുപത്രിയില്‍ ചികില്‍സയിലിരിക്കേ മരിച്ചത്. ഡെങ്കിപ്പനിയെന്നാണ് പ്രാഥമിക നിഗമനം. എലിപ്പനിയും സംശയിക്കുന്നു. ജില്ലയില്‍ പനി ബാധിച്ച് മരിക്കുന്ന അഞ്ചാമത്തെയാളാണ് അഖില. മൂന്നു പേര്‍ എലിപ്പനി ബാധിച്ചാണ് മരിച്ചത്. ആങ്ങമൂഴിയിലെ പിഞ്ചുകുഞ്ഞിന്റെ മരണം ഏത് പനി വന്നാണെന്ന് സ്ഥിരീകരിച്ചിട്ടില്ല. ദിവസങ്ങള്‍ക്ക് മുന്‍പ് ചെറിയ പനിയും മൂക്കൊലിപ്പുമായിട്ടാണ് അഖിലയ്ക്ക് രോഗത്തിന്റെ തുടക്കം. …

പത്തനംതിട്ട: കോന്നി മെഡിക്കല്‍ കോളജിന്റെ നിര്‍മാണ പ്രവര്‍ത്തനങ്ങള്‍ സമയബന്ധിതമായി പൂര്‍ത്തിയാക്കാന്‍ ആരോഗ്യമന്ത്രി വീണാ ജോര്‍ജ് നിര്‍ദേശം നല്‍കി. ഹോസ്പിറ്റല്‍ ബ്ലോക്ക്, അക്കാഡമിക് ബ്ലോക്ക് എന്നിവയുടെ ബാക്കിഘട്ട നിര്‍മാണങ്ങള്‍ വേഗത്തിലാക്കണം. നിര്‍മാണത്തിന്റെ പല ഘട്ടങ്ങളിലുള്ള ഹോസ്റ്റലുകള്‍, ക്വാര്‍ട്ടേഴ്‌സുകള്‍, ഓഡിറ്റോറിയം, പ്രിന്‍സിപ്പല്‍ ഓഫീസ്, ലോണ്‍ട്രി ബില്‍ഡിങ്, റോഡ് എന്നിവയെല്ലാം സമയബന്ധിതമായി പൂര്‍ത്തിയാക്കണമെന്നും മന്ത്രി നിര്‍ദേശം നല്‍കി. കോന്നി മെഡിക്കല്‍ കോളജിന്റെ പ്രവര്‍ത്തനങ്ങള്‍ വിലയിരുത്താന്‍ ചേര്‍ന്ന യോഗത്തിലാണ് നിര്‍ദേശം. രണ്ട് മാസത്തിനുള്ളില്‍ കാമ്പസില്‍ സ്ട്രീറ്റ് ലൈറ്റ് സ്ഥാപിക്കണം. ലാന്‍ഡ് സ്‌കേപ്പിങ് പൂര്‍ത്തിയാക്കണം. വൈദ്യുതി ഉപയോഗത്തിനായി സോളാര്‍ പാനല്‍ സ്ഥാപിക്കണം. …

ചെങ്ങന്നൂര്‍: ആലപ്പുഴ, പത്തനംതിട്ട ജില്ലകളിലൂടെ കടന്നു പോകുന്നതിന് വിഭാവനം ചെയ്ത സില്‍വര്‍ ലൈന്‍ ഏറെക്കുറെ നടക്കില്ലെന്ന് ഉറപ്പായി. സര്‍ക്കാരിന്റെ പൊതുജനദ്രോഹത്തിന്റെ സ്മാരകം എന്നതു പോലെ പലരുടെയും അടുക്കളിയില്‍ വരെ സില്‍വര്‍ ലൈനിന്റെ മഞ്ഞക്കുറ്റികള്‍ കിടക്കുന്നുണ്ട്. ഇതിനിടെ പമ്പയുടെ തീരനിവാസികളെ ആശങ്കയിലാഴ്ത്തി പുതിയ റെയില്‍വേ ലൈനിനുള്ള സര്‍വേ നടപടികള്‍ ആരംഭിച്ചിരിക്കുകയാണ്. ചെങ്ങന്നൂര്‍-പമ്പ ശബരിമല പാതയ്ക്ക് വേണ്ടിയുള്ള സര്‍വേയാണ് തുടങ്ങിയിരിക്കുന്നത്. നേരത്തേ ഇത് ആകാശപാതയാകുമെന്നാണ് പറഞ്ഞിരുന്നത്. എന്നാല്‍ ഭൂമിയിലൂടെ തന്നെ പാത വരുമെന്നാണ് സര്‍വേ നടപടികള്‍ സൂചിപ്പിക്കുന്നത്. ഇതോടെ മറ്റൊരു സില്‍വര്‍ ലൈന്‍ പ്രതിഷേധവുമായി ജനങ്ങളും രംഗത്തേക്ക് …

പത്തനംതിട്ട: പാലക്കാട് കഞ്ചിക്കോട് കൈരളി സ്റ്റീല്‍ കമ്പനിയിലുണ്ടായ പൊട്ടിത്തെറിയില്‍ കൊല്ലപ്പെട്ട അരവിന്ദ് (22) ജോലിക്ക് കയറിയത് 23 ദിവസം മുന്‍പ് മാത്രമാണ്. ഓമല്ലൂര്‍ പഞ്ചായത്ത് ഐമാലി രാമവിലാസത്തില്‍ പി.ടി. പ്രദീഷിന്റെയും എസ്. രാജശ്രീയുടെയും മകനാണ് അരവിന്ദ്. കൈരളി സ്റ്റില്‍സില്‍ എക്‌സകവേറ്റര്‍ ഓപ്പറേറ്റര്‍ എന്ന തസ്തികയില്‍ മേയ് 29 നാണ് ജോലിക്ക് കയറിയത്. 2021 ല്‍ ഐടിഐയില്‍ നിന്ന് 67 ശതമാനം മാര്‍ക്കോടെയാണ് അരവിന്ദ് പഠിച്ച് ഇറങ്ങിയത്. ഇപ്പോള്‍ കിട്ടിയ ജോലി കുടുംബത്തിന്റെ ഏക പ്രതീക്ഷയായിരുന്നു. ജോലിക്ക് കയറിയ സന്തോഷം തീരുന്നതിന് മുന്‍പാണ് അരവിന്ദിന്റെ ജീവന്‍ …

പത്തനംതിട്ട: അതീവ സുരക്ഷാ മേഖലയായ ശബരിമല പൊന്നമ്പലമേട്ടില്‍ അതിക്രമിച്ചു കയറി പൂജ നടത്തിയതിന് വനം വകുപ്പും പൊലീസും രജിസ്റ്റര്‍ ചെയ്തിട്ടുള്ള കേസില്‍ മുഖ്യപ്രതി നാരായണ സ്വാമിയുടെ മുന്‍കൂര്‍ ഹര്‍ജി ജില്ലാ കോടതി തള്ളി. വനംവകുപ്പിന്റെയും ദേവസ്വം ബോര്‍ഡിന്റെയും തടസ ഹര്‍ജികളും മുഖ്യപ്രതിയുടെ ജാമ്യഹര്‍ജിയും കേട്ടതിന് ശേഷമാണ് തള്ളിക്കൊണ്ട് വിധി പ്രഖ്യാപിച്ചത്. പൊന്നമ്പലമേട്ടില്‍ ഹിന്ദു ആചാര പ്രകാരമാണ് പൂജ നടത്തിയതെന്നും ഇവിടെ തമിഴ്‌നാട്ടില്‍ നിന്നുള്ളവരടക്കം നിരവധി ഭക്തര്‍, ശബരിമല തീര്‍ത്ഥാടനത്തോടനുബന്ധിച്ച് സ്ഥിരമായി പൂജ നടത്തി വന്നിരുന്നു എന്നുമാണ് നാരായണ സ്വാമിക്ക് വേണ്ടി ഹാജരായ അഡ്വ. അജിത് …

തിരുവല്ല: നാലാം ക്ലാസ് വിദ്യാര്‍ത്ഥിനിക്ക് നേരെ ലൈംഗികാതിക്രമം നടത്തിയ സംഭവത്തില്‍ ഓട്ടോ ഡ്രൈവര്‍ പോക്‌സോ നിയമപ്രകാരം അറസ്റ്റില്‍. വെണ്‍പാല താഴമ്പള്ളത്ത് വീട്ടില്‍ കുഞ്ഞായന്‍ എന്ന് വിളിക്കുന്ന വര്‍ഗീസ് (67) ആണ് പോലീസിന്റെ പിടിയിലായത്. കഴിഞ്ഞ ഒരു വര്‍ഷക്കാലമായി ഇയാള്‍ കുട്ടിയെ ഉപദ്രവിച്ച് വരികയാണ്. കഴിഞ്ഞ ദിവസം സംഭവം ശ്രദ്ധയില്‍പ്പെട്ട നാട്ടുകാരില്‍ ഒരാള്‍ കുട്ടിയുടെ മാതാവിനോട് വിവരം പറഞ്ഞു. തുടര്‍ന്ന് മാതാവ് വിവരങ്ങള്‍ ചോദിച്ചപ്പോഴാണ് കുട്ടി പീഡന വിവരം തുറന്നു പറഞ്ഞത്. തുടര്‍ന്ന്മാതാവ് നല്‍കിയ പരാതിയില്‍ പ്രതിയെ പോലീസ് അറസ്റ്റ് ചെയ്യുകയായിരുന്നു.