കോഴഞ്ചേരി: ദേവസ്വം സ്റ്റാള്‍ നിലനിര്‍ത്തി ആറന്മുള കിഴക്കേ നടയിലെ കടകള്‍ പൊളിച്ചു നീക്കി. പൊതു മരാമത്ത് വകുപ്പ് അധികൃതരുടെ നേതൃത്വത്തിലാണ് ഞായറാഴ്ച രാവിലെ കടകള്‍ നീക്കം ചെയ്തത്. കഴിഞ്ഞ ദിവസങ്ങളില്‍ പൊതുമരാമത്ത് ജീവനക്കാര്‍ എത്തി കടകള്‍ ഒഴിയാന്‍ നിര്‍ദേശിച്ചിരുന്നു. ഇതിനു പിന്നാലെയാണ് ഇന്നലെ ജെ.സി.ബി എത്തി ഇവ പൊളിച്ചു നീക്കിയത്. ക്ഷേത്രത്തിന്റെ കിഴക്കേ നടയില്‍ റോഡിന് ഇരുവശവുമായി ഉണ്ടായിരുന്ന താത്ക്കാലിക വില്‍പ്പന ശാലകള്‍ ആണ് പൊളിച്ചു നീക്കിയിട്ടുള്ളത്. ആറന്മുള ക്ഷേത്ര നഗരമാക്കുമ്പോള്‍ സൗന്ദര്യവല്‍ക്കരണത്തിന്റെ ഭാഗമായി കടകള്‍ പൊളിച്ചു നീക്കാന്‍ നിര്‍ദേശിച്ചിരുന്നു. കിഴക്കേ നടയില്‍ വാഹന …

പത്തനംതിട്ട: മുതിര്‍ന്ന നേതാക്കള്‍ക്കെതിരേ ഗുരുതര ആരോപണം ഉന്നയിച്ച് കോണ്‍ഗ്രസില്‍ നിന്ന് മാറ്റി നിര്‍ത്തപ്പെട്ട നേതാക്കളുടെ യോഗം. മുന്‍ ജില്ലാ പഞ്ചായത്ത് പ്രസിഡന്റ് ബാബു ജോര്‍ജിന്റെ അധ്യക്ഷതയില്‍ ചേര്‍ന്ന യോഗത്തില്‍ കോണ്‍ഗ്രസില്‍ നിന്നും മാറ്റി നിര്‍ത്തപ്പെട്ടവരും സസ്‌പെന്‍ഡ് ചെയ്യപ്പെട്ടവരും പുറത്താക്കപ്പെട്ടവരുമായവര്‍ പങ്കെടുത്തു. ഒന്നിച്ച് നിന്ന ജില്ലയിലെ പാര്‍ട്ടിയില്‍ ശുദ്ധികലശം നടത്താനാണ് തീരുമാനിച്ചത്. മുതിര്‍ന്ന നേതാവ് പി.ജെ. കുര്യന്‍, ആന്റോ ആന്റണി എം.പി, ഡിസിസി പ്രസിഡന്റ് സതീഷ് കൊച്ചുപറമ്പില്‍ എന്നിവര്‍ ചേര്‍ന്ന് ജില്ലയില്‍ പാര്‍ട്ടിയെ ഉന്മൂലനം ചെയ്യാനാണ് ശ്രമിക്കുന്നതെന്ന് പത്തനംതിട്ടയില്‍ ചേര്‍ന്ന യോഗം അഭിപ്രായപ്പെട്ടു. പി.ജെ. കുര്യന് …

ശബരിമല: ഭണ്ഡാരത്തിലിട്ട സ്വര്‍ണ വള മോഷ്ടിച്ച ദേവസ്വം ജീവനക്കാരന്‍ അറസ്റ്റില്‍. ഏറ്റുമാനൂര്‍ വാസുദേവ ക്ഷേത്രത്തിലെ തളി റെജികുമാര്‍ (51)നെയാണ് സന്നിധാനം പൊലീസ് ഇന്നലെ രാത്രി അറസ്റ്റ് ചെയ്തത്. കഴിഞ്ഞ 16 ന് വൈകിട്ട് ആറരയ്ക്കാണ് ഇതരസംസ്ഥാനത്തു നിന്നുള്ള അയ്യപ്പഭക്തന്‍ വിഗ്രഹത്തില്‍ ചാര്‍ത്തിയ ശേഷം 11 ഗ്രാം സ്വര്‍ണ വള ജുവലറി ബോക്‌സ് സഹിതം ഭണ്ഡാരത്തിലിട്ടത്. ഇത് ഭണ്ഡാരത്തില്‍ നിന്നെടുത്തത് അവിടെ ഡ്യൂട്ടിയിലുണ്ടായിരുന്ന റെജി കുമാര്‍ ആയിരുന്നു. ബോക്‌സിനുള്ളില്‍ ഒന്നുമില്ലെന്ന് പറഞ്ഞ് ആദ്യം ഇയാള്‍ വേസ്റ്റ് ബിന്നിലിട്ടു. വഴിപാട് സ്വര്‍ണം കാണാതെ വന്നതോടെ ദേവസ്വം അധികൃതര്‍ …

റാന്നി: ഓട്ടോറിക്ഷ ഡ്രൈവറെ മര്‍ദിച്ചു പല്ല് അടിച്ചു കൊഴിച്ച സഹോദരങ്ങളെ വെച്ചൂച്ചിറ പൊലീസ് അറസ്റ്റ് ചെയ്തു. വെച്ചൂച്ചിറ സി.എസ്.ഐ ഹോസ്റ്റലിന് മുന്‍വശം സെന്റടിപ്പടിയില്‍ ശനിയാഴ്ച രാവിലെ 11.30 നാണ് സംഭവം. വെണ്‍കുറിഞ്ഞിയില്‍ ഓട്ടം പോയി മടങ്ങി വരികയായിരുന്ന വെച്ചൂച്ചിറ സ്വദേശി ജോര്‍ജ് കുട്ടി എന്നു വിളിക്കുന്ന പി.സി ഡേവിഡിനെയാണ് ഓട്ടോ ഡ്രൈവറായ റോബിനും സഹോദരന്‍ ജോബിനും ചേര്‍ന്ന് മര്‍ദിച്ചത്. വെച്ചൂച്ചിറ സ്റ്റാന്‍ഡിലെ ഡ്രൈവര്‍മാരായ ജോര്‍ജ് കുട്ടിയും റോബിനും തമ്മില്‍ രണ്ടു മാസം മുന്‍പ് വാഹനം പാര്‍ക്ക് ചെയ്യുന്നതിനെ ചൊല്ലി തര്‍ക്കമുണ്ടായിരുന്നു. അതിന്റെ വൈരാഗ്യത്തിലാണ് ഇവര്‍ …

കോഴഞ്ചേരി: കുട്ടികളുടെ അശ്ലീല വീഡിയോ ഡൗണ്‍ലോഡ് ചെയ്ത് പ്രചരിപ്പിച്ച കേസില്‍ ഓപ്പറേഷന്‍ പി ഹണ്ട് പ്രകാരം യുവാവ് അറസ്റ്റില്‍. മല്ലപ്പുഴശ്ശേരി കാഞ്ഞിരവേലി മാതിരംപിള്ളില്‍ വിഷ്ണു എസ് നായരെ(24)യാണ് ആറന്മുള പോലീസ് അറസ്റ്റ് ചെയ്തത്. കൈവശമുള്ള രണ്ട് ഫോണുകളിലൂടെ കുട്ടികളുടെ അശ്ലീല വീഡിയോകള്‍ ഡൗണ്‍ലോഡ് ചെയ്തു മൊബൈല്‍ ആപ്ലിക്കേഷന്‍ ആയ ടെലഗ്രാം വഴി പലര്‍ക്കും അയച്ചു കൊടുത്ത് ഗൂഗിള്‍ പേ വഴി പണം കൈപ്പറ്റിയതായി സൈബര്‍ സെല്‍ കണ്ടെത്തിയതിനെ തുടര്‍ന്നാണ് പരിശോധന നടത്തിയത്. ഇയാളുടെ ഫോണില്‍ നിന്നും അശ്ലീല വീഡിയോകള്‍ കണ്ടെത്തിയതിനെ തുടര്‍ന്ന് അറസ്റ്റ് രേഖപ്പെടുത്തി.

റാന്നി: ദൃശ്യത്തിലെ ജോര്‍ജു കുട്ടിയെപ്പോലെ തെളിവുകള്‍ മുക്കി മൊബൈല്‍ ഫോണ്‍ മോഷ്ടിക്കുന്ന വിരുതന്‍ ഒടുവില്‍ പിടിയിലായി. റാന്നി തെക്കേപ്പുറം ലക്ഷം വീട് കോളനി വിളയില്‍ വീട്ടില്‍ രാജേഷ് കുമാറി(34)നെയാണ് പോലീസ് പിന്തുടര്‍ന്ന് പൊലീസ് കൊരട്ടിയില്‍ നിന്ന് പൊക്കിയത്. ഇയാളുടെ മോഷണ രീതികള്‍ വളരെ വിചിത്രമാണെന്ന് പൊലീസ് പറഞ്ഞു. പരിസരം നിരീക്ഷിച്ച് തെളിവുകള്‍ ഇല്ലാതാക്കി മോഷ്്ടിക്കുന്നതാണ് രീതി. പഴവങ്ങാടി കരികുളം മോതിരവയല്‍ വഞ്ചികപ്പാറത്തടത്തില്‍ വാസുവിന്റെ ഭാര്യ രമണി (47) യുടെ വീടിന്റെ ഓടിളക്കി അകത്തു കടന്ന് മകളുടെ സ്മാര്‍ട്ട് ഫോണും മറ്റൊരു ഫോണും മോഷ്ടിച്ചതിനാണ് ഇപ്പോഴുള്ള …

പത്തനംതിട്ട: ജില്ലയില്‍ ഒരാഴ്ചയ്ക്കിടെ എലിപ്പനി ബാധിച്ച് മരിച്ചത് മൂന്നു പേര്‍. രണ്ടു പേര്‍ തൊഴിലുറപ്പ് തൊഴിലാളികളായ സ്ത്രീകളും മറ്റൊന്ന് പുരുഷനുമാണ്. ആരോഗ്യമന്ത്രിയുടെ ജില്ലയിലാണ് മൂന്നു പേരും മരിച്ചത്. ഇതില്‍ രണ്ടു പേരുള്ളത് മന്ത്രി വീണയുടെ വീട് ഉള്‍പ്പെടുന്ന കൊടുമണ്‍ പഞ്ചായത്തിലാണ്. കൊടുമണ്‍ ഒന്‍പതാം വാര്‍ഡ് കൊടുമണ്‍ ചിറ പാറപ്പാട്ട് പടിഞ്ഞാറ്റേതില്‍സുജാത(50), പതിനേഴാം വാര്‍ഡില്‍ കാവിളയില്‍ ശശിധരന്റെ ഭാര്യ മണി (57) എന്നിവരാണ് മരിച്ച തൊഴിലുറപ്പ് തൊഴിലാളികള്‍. സുജാത മൂന്ന് ദിവസമായി കോട്ടയം മെഡിക്കല്‍ കോളജ് ആശുപത്രിയില്‍ ചികില്‍സയിലായിരുന്നു. സംസ്‌കാരം തിങ്കളാഴ്ച ഉച്ചയ്ക്ക് 12 ന് …

അടൂര്‍: കടയടച്ച് വീട്ടിലേക്ക് മടങ്ങിയ വയോധികനെ പിന്തുടര്‍ന്ന് മാല പൊട്ടിച്ച കേസില്‍ പ്രധാന പ്രതിയും പിടിയില്‍. കായംകുളം പേരിങ്ങല മാരൂര്‍തറ പടീറ്റതില്‍ മുഹമ്മദ് അന്‍വര്‍ഷാ(24)യാണ് പിടിയിലായത്. കേസില്‍ രണ്ടാം പ്രതിയായ ഇയാളുടെ കാമുകി കൃഷ്ണപുരം പുള്ളിക്കണക്ക് ചാലക്കല്‍ കോളനിയില്‍ ശിവജി വിലാസം വീട്ടില്‍ സരിത(27)യെ സംഭവം നടന്ന ഉടനെ തന്നെ അറസ്റ്റ് ചെയ്ത് റിമാന്‍ഡ് ചെയ്തിരുന്നു. വെള്ളിയാഴ്ച രാത്രി ഏട്ടരയ്ക്ക് പതിനാലാം മൈലില്‍ കട നടത്തുന്ന പെരിങ്ങനാട് സ്വദേശി തങ്കപ്പ (61)ന്റെ അഞ്ചു പവന്‍ തൂക്കം വരുന്ന മാലയാണ് ബൈക്കിലെത്തി പ്രതികള്‍ പൊട്ടിച്ചെടുത്തത്. തങ്കപ്പനും …

കോഴഞ്ചേരി: തിരക്കേറിയ നഗരം സ്തംഭിപ്പിച്ചും ഭീതി പരത്തിയും അതിഥി തൊഴിലാളിയുടെ വിളയാട്ടം. ഗതാഗതം തടസപ്പെട്ടു. യാത്രക്കാരും ഭീതിപൂണ്ടു. ശനിയാഴ്ച ഉച്ചയ്ക്ക് പന്ത്രണ്ട് മണിയോടെയാണ് ടൗണില്‍ പൊയ്യാനില്‍ പ്ലാസക്ക് സമീപമുള്ള പ്രധാന ബസ് സ്‌റ്റോപ്പില്‍ ബംഗാള്‍ സ്വദേശിയെന്ന് പറയുന്ന ബിദുപാല്‍ അക്രമാസക്തനായത്. കൈവശം ഉണ്ടായിരുന്ന ബാഗുകള്‍ ബസ് ബേയുടെ മധ്യത്തിലിട്ട ശേഷം ആയിരുന്നു തിരുവല്ല-പത്തനംതിട്ട സംസ്ഥാന പാതയിലേക്ക് ഇറങ്ങിയത്. ഏറെ തിരക്കുള്ള റോഡിലേക്ക് കയറി വാഹനങ്ങള്‍ തടഞ്ഞു തുടങ്ങി. ഇതും പോരാഞ്ഞ് കാത്തിരുപ്പ് കേന്ദ്രത്തിന് സമീപം ബസ് ബേക്ക് വേണ്ടി പോലീസ് സ്ഥാപിച്ചിരുന്ന ബാരിക്കേഡുകള്‍ ഇളക്കി …

ഏഴംകുളം: പഞ്ചായത്ത് പ്രൈമറി ഹെല്‍ത്ത് സെന്ററിന് കീഴിലുള്ള തൊടുവക്കാട് കുടുംബക്ഷേമ ഉപകേന്ദ്രം മറ്റൊരു സ്ഥലത്തേക്ക് മാറ്റാനുള്ള നീക്കത്തിനെതിരേ പൗരസമിതി രൂപീകരിച്ച ആക്ഷന്‍ കൗണ്‍സില്‍ നേതൃത്വത്തില്‍ പഞ്ചായത്ത് ഓഫീസിന് മുന്നില്‍ ധര്‍ണ നടത്തി. പൗരസമിതി പ്രസിഡന്റ് വിമല്‍ രാജ് അധ്യക്ഷത വഹിച്ചു. കോ-ഓര്‍ഡിനേറ്റര്‍ സി.പി. സുഭാഷ്, സെക്രട്ടറി റോഹന്‍ ജോര്‍ജ്, ഭാരവാഹികളായ രാജന്‍ കുഞ്ഞ്, സോമന്‍പിളള, ജയിംസ് കക്കാട്ടുവിള, ജോര്‍ജ് തോമസ് എന്നിവര്‍ പ്രസംഗിച്ചു. മാര്‍ച്ചിന് ബാബു കോട്ടയ്യത്ത്, ജിനു ഓലിക്കല്‍, ഷാനവാസ്, ചാര്‍ലി ഡാനിയല്‍, രാധാമണി, സൈമണ്‍, ലെജ മോനച്ചന്‍ എന്നിവര്‍ നേതൃത്വം നല്‍കി.