റാസല്‍ഖൈമ: അപമാനിക്കപ്പെടുകയാണെന്ന് ഭാര്യയും ഭര്‍ത്താവും പരസ്പരം കുറ്റപ്പെടുത്തിയ കേസില്‍ ഭാര്യക്ക് അനുകൂലമായി വിധി. നിര്‍ണായകമായ വിധിക്ക് തെളിവായത് വാട്‌സാപ്പില്‍ കൈമാറിയ ശബ്ദസന്ദേശങ്ങള്‍. കുടുംബവഴക്കിനെ തുടര്‍ന്ന് വീട്ടില്‍ നിന്നിറങ്ങിപ്പോയ ഭര്‍ത്താവ് വാട്‌സ് ആപ്പിലൂടെ അയച്ച മോശം പരാമര്‍ശങ്ങള്‍ ഭാര്യ സൂക്ഷിച്ച് വക്കുകയായിരുന്നു. ഭാര്യയ്‌ക്കെതിരെ ഉന്നയിച്ച ആരോപണങ്ങള്‍ക്ക് ഉപോദ്ബലകമായ തെളിവുകള്‍ നല്‍കാന്‍ ഭര്‍ത്താവ് പരാജയപ്പെടുകയും ചെയ്തു. പരാതിക്കൊപ്പം ഭാര്യ ഏഴ് ഓഡിയോ ഫയലുകള്‍ കോടതിയില്‍ സമര്‍പ്പിച്ചിരുന്നു. തന്നെയും കുടുംബത്തെയും ഭാര്യ അപമാനിച്ചെന്ന് ഭര്‍ത്താവ് കോടതിയില്‍ വാദിച്ചെങ്കിലും തെളിവ് ഹാജരാക്കാനായില്ല. ഇരുവിഭാഗത്തിന്റെയും വാദങ്ങള്‍ സസൂക്ഷ്മം പരിശോധിച്ച കോടതി ഭര്‍ത്താവിന് …

തിങ്കളാഴ്ച നിശ്ചയം, 1744 വൈറ്റ് ഓള്‍ട്ടോ എന്നീ ചിത്രങ്ങള്‍ക്കു ശേഷം സെന്ന ഹെഗ്‌ഡെ സംവിധാനം ചെയ്യുന്ന ചാക്കോച്ചന്‍ ചിത്രം പദ്മിനിയിയില്‍ അപര്‍ണ ബാലമുരളിയും മഡോണയും നായികമാരായെത്തുന്നു. ചിത്രത്തിന്റെ ഷൂട്ടിംഗ് കൊല്ലത്ത് ആരംഭിച്ചു. കുഞ്ഞിരാമായണത്തിനു ശേഷം ദീപു പ്രദീപ് തിരക്കഥയും സംഭാഷണവും ഒരുക്കുന്ന ചിത്രമാണ് പദ്മിനി. ലിറ്റില്‍ ബിഗ് ഫിലിംസിന്റെ ബാനറില്‍ ഒരുങ്ങുന്ന ചിത്രത്തിന്റെ ഛായാഗ്രഹണം നിര്‍വഹിക്കുന്നത് ശ്രീരാജ് രവീന്ദ്രനാണ്. സംഗീതം ഒരുക്കുന്നത് ജേക്‌സ് ബിജോയിയാണ്. പ്രൊഡക്ഷന്‍ കണ്‍ട്രോളര്‍ മനോജ് പൂങ്കുന്നം, കല ആര്‍ഷാദ്, മേക്കപ്പ് രഞ്ജിത്ത് മണലിപ്പറമ്ബ്, വസ്ത്രാലങ്കാരം ഗായത്രി കിഷോര്‍, സ്റ്റില്‍സ് ഷിജിന്‍, …

ശബരിമല: 21 ദിവസം കൊണ്ട് 750 കിലോമീറ്റര്‍ കാല്‍നടയായി സഞ്ചരിച്ച് അയ്യനെ കണ്ടതിന്റെ നിര്‍വൃതിയിലാണ് ശ്രീജിത്തും സുജനും. കഴിഞ്ഞ ഏഴുവര്‍ഷമായി മുറ തെറ്റാതെ ഇരുവരും ബംഗളൂരില്‍ നിന്നും കാല്‍നടയായി വന്നാണ് ശബരീശ ദര്‍ശനം നടത്തുന്നത്. 41 ദിവസം വൃതം നോറ്റ ശേഷമാണ് ശബരീശ ദര്‍ശനത്തിനായി ഇരുവരും പുറപ്പെടാറ്. ഒരു ദിവസം പരമാവധി 40 കിലോമീറ്ററിന് താഴെയാണ് ഇരുവരും സഞ്ചരിച്ചത്. പുലര്‍ച്ചെ നാലിന് ആരംഭിക്കുന്ന നടത്തം രാവിലെ ഒന്‍പത് മണിയോടെ അവസാനിപ്പിക്കും. വൈകുന്നേരം അഞ്ചിന് പുനരാരംഭിക്കും. സന്ധ്യമയങ്ങുന്നതോടെ ഏതെങ്കിലും ക്ഷേത്രത്തില്‍ വിരി വച്ച് വിശ്രമിക്കും. കുമളി …

ശബരിമല: നിലയ്ക്കലിലെ പാര്‍ക്കിങ് ഫീസ് പിരിക്കാനുള്ള കരാര്‍ റദ്ദ് ചെയ്തു. ടെന്‍ഡര്‍ തുക പൂര്‍ണമായും അടയ്ക്കുന്നതില്‍ കരാറുകാരന്‍ വീഴ്ച വരുത്തിയതിനെ തുടര്‍ന്നാണ് ദേവസ്വം ബോര്‍ഡ് കരാര്‍ റദ്ദ് ചെയ്തത്. കൊല്ലം ശൂരനാട് സ്വദേശി സജീവാണ് മൂന്ന് കോടി രൂപയ്ക്ക് പാര്‍ക്കിങ് കരാര്‍ ഏറ്റെടുത്തിരുന്നത്. രണ്ട് കോടി രൂപ ഇയാള്‍ തുടക്കത്തില്‍ അടച്ചിരുന്നു. ബാക്കിയുള്ള ഒരു കോടിയും മറ്റിങ്ങളിലായുള്ള 32 ലക്ഷവും ചേര്‍ത്താണ് അടയ്ക്കാന്‍ ബാക്കിയുള്ളത്. ഇത് അടയ്ക്കുന്നതിന് സാവകാശം ആവശ്യപ്പെട്ട് കരാറുകാരന്‍ ഹൈക്കോടതിയെ സമീപിച്ചിരുന്നു. തുക അടയ്ക്കുന്നതിന് കഴിഞ്ഞ മൂന്ന് വരെ കോടതി സമയം …

പത്തനംതിട്ട: ഡോക്ടറുടെ അശ്രദ്ധ ആറു വയസുകാരിയുടെ രോഗം മൂര്‍ഛിക്കുന്നതിന് ഇടയാക്കിയെന്ന രക്ഷിതാക്കളുടെ പരാതിയില്‍ കേസ് രജിസ്റ്റര്‍ ചെയ്ത് അന്വേഷിക്കാന്‍ കോടതി ഉത്തരവ്. സെന്റ് ലൂക്ക് ആശുപത്രി ഉടമയും പീഡിയാട്രീഷ്യനുമായ ഡോ. വല്‍സല ജോണിനെതിരേ വയ്യാറ്റുപുഴ സ്വദേശി സൂരജ് നല്‍കിയ ഹര്‍ജിയിലാണ് ഉത്തരവ്. സൂരജിന്റെ മകള്‍ ആത്മജയെ കഴിഞ്ഞ മാസം 14 ന് വയറുവേദനയുമായി ആശുപത്രിയില്‍ അഡ്മിറ്റ് ചെയ്തിരുന്നു. അഞ്ച് ദിവസത്തോളം ചികിത്സിച്ചുവെങ്കിലും രോഗത്തിന് ശമനം ഉണ്ടായില്ല. കുട്ടിയെ സ്‌കാന്‍ ചെയ്യണമെന്ന് രക്ഷിതാക്കള്‍ ആവശ്യപ്പെട്ടിട്ടും അണുബാധ ആണെന്ന് പറഞ്ഞ് ഡോക്ടര്‍ നിഷേധിക്കുകയായിരുന്നുവത്രേ. മാതാപിതാക്കളുടെ നിര്‍ബന്ധത്തിന് വഴങ്ങി …

പത്തനംതിട്ട: സി.എ വിദ്യാര്‍ഥിയായിരുന്ന പ്രമാടം കാഞ്ഞിരവിളയില്‍ സന്തോഷിന്റെയും യമുനാ ദേവിയുടെയും മകള്‍ ആതിര സന്തോഷിന്റെ മരണവുമായി ബന്ധപ്പെട്ട ദുരൂഹതകള്‍ അകറ്റണമെന്ന് സിദ്ധനാര്‍ സര്‍വീസ് സൊസൈറ്റി കോന്നി താലൂക്ക് യൂണിയന്‍ ഭാരവാഹികള്‍ ആവശ്യപ്പെട്ടു.നിലവില്‍ കോന്നി പോലീസാണ് അന്വേഷണം നടത്തുന്നത്. കഴിഞ്ഞ നവംബര്‍ 11ന് രാത്രി ആതിരയെ കാണാതാവുകയും 12ന് അച്ചന്‍കോവിലാറ്റില്‍ വേലന്‍ കടവില്‍ നിന്നും പെണ്‍കുട്ടി സഞ്ചരിച്ചിരുന്ന സ്‌കൂട്ടറും ആറ്റില്‍ നിന്ന് മൃതദേഹവും ലഭിച്ചിരുന്നു. വീട്ടില്‍ നിന്നും ഏഴുകിലോമീറ്ററോളം അകലത്തിലുള്ള കടവിലാണ് മൃതദേഹം കണ്ടെത്തിയത്. ആതിര തനിയെ ഇവിടെ എത്തിയതില്‍ ദുരൂഹത ഉണ്ട്. സംഭവവുമായി ബന്ധപ്പെട്ട …

റാന്നി: പെന്‍ഷന്‍ തുക കൊടുക്കാത്തതിന്റെ പേരില്‍ പിതാവിനെ തലയ്ക്കടിച്ച് പരുക്കേല്‍പ്പിച്ച മകനെ പോലീസ് അറസ്റ്റ് ചെയ്തു. പെരുനാട് മാടമണ്‍ കോട്ടൂപ്പാറ പടിഞ്ഞാറേ ചരുവില്‍ വീട്ടില്‍ അരുണ്‍ സത്യനെ(31) യാണ് പോലീസ് പിടികൂടിയത്. തിങ്കളാഴ്ച വൈകിട്ട് അഞ്ചിന് വീട്ടില്‍ വച്ചായിരുന്നു ആക്രമണം. സ്റ്റീല്‍ കോപ്പയെടുത്തു പിതാവ് സത്യന്റെ (68) തലയ്ക്കടിക്കുകയായിരുന്നു. മനപ്പൂര്‍വമല്ലാത്ത നരഹത്യാ ശ്രമത്തിനാണ് കേസ് എടുത്തത്. പെരുനാട് പോലീസ് സ്‌റ്റേഷനില്‍ 13 കേസിലും റാന്നി, പത്തനംതിട്ട പോലീസ് സ്‌റ്റേഷനുകളില്‍ ഓരോ കേസുകളിലും പ്രതിയാണ് ഇയാള്‍. വീട്ടിലും നാട്ടിലും സ്ഥിരമായി പ്രശ്‌നങ്ങളുണ്ടാക്കുന്ന ഇയാള്‍ പോലീസിനും തലവേദനയാണ്. …

മല്ലപ്പളളി: വാഹനത്തിന്റെ അമിതവേഗം ചോദ്യം ചെയ്തതിന് വീട്ടില്‍ കയറി ആക്രമണം നടത്തിയ കേസില്‍ നാലുപേരെ കീഴ്‌വായ്പ്പൂര്‍ പോലീസ് അറസ്റ്റ് ചെയ്തു. കഴിഞ്ഞ ശനി രാത്രി 10.30 നാണ് സംഭവം. വീയപുരം മേല്‍പ്പാടത്തു നിന്നും കുന്നന്താനം ആഞ്ഞിലിത്താനത്ത് പഴമ്പള്ളി ആഞ്ഞിലിമൂട്ടില്‍ വാടകയ്ക്ക് താമസിക്കുന്ന ശശികുമാറിന്റെ വീട്ടില്‍ ആക്രമണം നടത്തിയ അഞ്ചംഗ സംഘത്തിലെ നാലുപേരാണ് അറസ്റ്റിലായത്. ഒന്നാം പ്രതി ഒളിവിലാണ്. മാമാട്ടി കവലയിലുള്ള കാവുങ്കല്‍ അയ്യപ്പക്ഷേത്രത്തിന് സമീപം വച്ചുണ്ടായ തര്‍ക്കമാണ് വീടുകയറി ആക്രമണത്തില്‍ കലാശിച്ചത്. ആഞ്ഞിലിത്താനം പഴമ്പിള്ളി കൊച്ചുകുന്നക്കാട്ടില്‍ കെ. കെ. ജയേഷ് (39), ചിറയക്കുളം മാവേലി …

ശബരിമല: തിരുവനന്തപുരത്ത് നിന്നും 200 കിലോമീറ്റര്‍ തുടര്‍ച്ചയായി ഓടി ദീര്‍ഘദൂര ഓട്ടക്കാരന്‍ ബാഹുലേയനും സുഹൃത്ത് ബിനുവും ശബരീശ ദര്‍ശനം നടത്തി. നെയ്യാറ്റിന്‍കര ശ്രീകൃഷ്ണസ്വാമി ക്ഷേത്രത്തില്‍ നിന്നും വ്യാഴാഴ്ച രാവിലെ 10ന് കെട്ട് നിറച്ചാണ് ഇവര്‍ ശബരിമലയിലേക്ക് ഓടിയെത്തിയത്. കടുത്ത ചൂട് വകവെയ്ക്കാതെ നഗ്‌നപാദരായാണ് ഇരുവരും ഓടി എത്തിയത്. രാപ പകല്‍ വിശ്രമമില്ലാതെ ഓടിയാണ് ശബരീശ സന്നിധിയില്‍ എത്തിയത്. പാറശാല മുതല്‍ കാസര്‍ഗോഡ് വരെ 660 കിലോമീറ്റര്‍ ഒന്‍പത് ദിവസം കൊണ്ട് ഓടി ധനുവച്ചപുരം വൈദ്യന്‍ ബ്ലാഹത്ത് ബാഹുലേയന്‍ ലിംക ബുക്ക് ഓഫ് റെക്കോര്‍ഡില്‍ ഇടം …

പറക്കോട്: സംസ്ഥാനത്ത് മൃഗസംരക്ഷണവും പരിപാലനവും ഡിജിറ്റലായി എന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. ജനജീവിതം പോലെ തന്നെ ജീവികളുടെയും സംരക്ഷണത്തിന് തുല്യ ഉത്തരവാദിത്തമാണ് സര്‍ക്കാര്‍ പുലര്‍ത്തുന്നതെന്നും ചിറ്റയം പറഞ്ഞു. കര്‍ഷകരുടെ വീട്ടുപടിക്കല്‍ മൃഗചികിത്സാ സംവിധാനങ്ങള്‍ എത്തിക്കാനുള്ള മൊബൈല്‍ വെറ്ററിനറി ക്ലിനിക്കുകളുടെയും കേന്ദ്രീകൃത കോള്‍ സെന്ററിന്റെയും ഉദ്ഘാടനം പറക്കോട് ബ്ലോക്കില്‍ ഡെപ്യൂട്ടി സ്പീക്കര്‍ നിര്‍വഹിച്ചു.1962 എന്ന ടോള്‍ ഫ്രീ നമ്പര്‍ മുഖാന്തരം പ്രവര്‍ത്തിക്കുന്ന മൊബൈല്‍ വെറ്ററിനറി ക്ലിനിക്ക് 24 മണിക്കൂറും പ്രവര്‍ത്തിക്കുന്നതാണ്. ഇതിന്റെ ഭാഗമായി മൃഗചികിത്സാ സംവിധാനങ്ങള്‍ ഇനി കര്‍ഷകരുടെ വീട്ടുപടിക്കല്‍ എത്തും. കേന്ദ്ര …