കോന്നി: ഗ്രാമപഞ്ചായത്തിലെ ആറാം വാര്‍ഡില്‍ അതുമ്പുംകുളം വരിക്കാഞ്ഞലി ഭാഗത്ത് കടുവ ആക്രമണം. പ്രദേശവാസികള്‍ ഭയപ്പാടില്‍. വ്യാഴാഴ്ച രാത്രിയില്‍ കടുവ ഇറങ്ങുകയും വീട്ടില്‍ കെട്ടിയിട്ട് വളര്‍ത്തിയിരുന്ന ആടിനെ ആക്രമിച്ച് കൊലപ്പെടുത്തുകയും ചെയ്തിരുന്നു. കടുവയാണ് ആടിനെ കൊന്നതെന്ന് വീട്ടുകാര്‍ നേരില്‍ കാണുകയും ചെയ്തിട്ടുമുണ്ട്. അതുമ്പുംകുളം വരിക്കാഞ്ഞിലി കിടങ്ങില്‍ വീട്ടില്‍ അനിലിന്റെ ആടിനെയാണ് കടുവ കൊന്നത്. രണ്ട് ആടുകളെ കാണാതാവുകയും ചെയ്തു. വനംവകുപ്പ് ഡോക്ടര്‍ ആടിന്റെ മൃതദേഹം പരിശോധിച്ച് കടുവയാണ് ആക്രമിച്ചതെന്ന് ഉറപ്പു വരുത്തിയിട്ടുണ്ട്. ജനവാസമേഖലയില്‍ കടുവയുടെ ആക്രമണത്തെ തുടര്‍ന്ന് പ്രദേശത്തെ ജനങ്ങള്‍ വലിയ പരിഭ്രാന്തിയിലും ഭീതിയിലുമാണ്. കടുവയെ …
കോന്നിയും കടുവാപ്പേടിയിലേക്ക്: അതുമ്പുംകുളത്ത് ആടിനെ കൊന്നു: വനംവകുപ്പിന് കത്തെഴുതി എംഎല്‍എ
