മല്ലപ്പളളി: കഞ്ചാവ് വില്‍പ്പനക്കായി കൈവശം സൂക്ഷിച്ചതിനെടുത്ത കേസ് ഉള്‍പ്പെടെ നിരവധി ക്രിമിനല്‍ കേസുകളില്‍ പ്രതിയും, കാപ്പ നിയമപ്രകാരം ജനുവരി 23 മുതല്‍ ജില്ലയില്‍ നിന്നും പുറത്താക്കിയിരുന്നതുമായ പ്രതിയെയും കൂട്ടാളിയെയും 1.184 കിലോഗ്രാം കഞ്ചാവുമായി പിടികൂടി. കല്ലൂപാറ കടമാന്‍കുളം ചാമക്കാലയില്‍ വീട്ടില്‍ പ്രവീണ്‍ എന്ന ബസലേല്‍ സി മാത്യു ( 36 ), കവിയൂര്‍,കണിയാന്‍ പാറ കുന്നില്‍താഴെ വീട്ടില്‍ ലിജിന്‍ എന്ന് വിളിക്കുന്ന കെ ആര്‍ ശ്രീജിത്ത് (35)എന്നിവരാണ് അറസ്റ്റിലായത്. രഹസ്യവിവരത്തേതുടര്‍ന്ന് ജില്ലാ പോലീസ് മേധാവിയുടെ നിര്‍ദേശമനുസരിച്ച് നടത്തിയ പ്രത്യേക റെയ്ഡില്‍ ബസലേലിന്റെ വീട്ടില്‍ നിന്നാണ് …

തിരുവല്ല: വില്‍പ്പനക്കായി വീട്ടില്‍ കഞ്ചാവ് സൂക്ഷിക്കുകയും ആവശ്യക്കാര്‍ക്ക് ഉപയോഗിക്കുന്നതിനുള്ള സംവിധാനം ഒരുക്കുകയും ചെയ്ത യുവാവിനെ പുളിക്കീഴ് പോലീസ് പിടികൂടി. നെടുമ്പ്രം കല്ലിങ്കല്‍ മഠത്തില്‍ചിറയില്‍ വീട്ടില്‍ നന്ദു മോഹനന്‍ (26 ) ആണ് പിടിയിലായത്. ലഹരിവസ്തുക്കളുടെ വില്പനയും കടത്തും തടയുന്നതുമായി ബന്ധപ്പെട്ട് ജില്ലാ പോലീസ് മേധാവി വി.ജി.വിനോദ് കുമാറിന്റെ നിര്‍ദ്ദേശപ്രകാരം പോലീസ് നടത്തിയ പ്രത്യേക പരിശോധനയിലാണ് ഇയാള്‍ കുടുങ്ങിയത്. കഞ്ചാവ് വില്‍പ്പനയ്ക്കായി കൈവശം വച്ചതിന് നേരത്തെ ഇയാള്‍ക്കെതിരെ എക്‌സൈസ് കേസ് രജിസ്റ്റര്‍ ചെയ്തിരുന്നു. ഈ കേസ് ഇപ്പോള്‍ കോടതിയില്‍ വിചാരണയിലാണ്. തിരുവല്ല ഡിവൈ.എസ്.പി എസ്. അഷാദിന്റെ …

നിലയ്ക്കല്‍: പാര്‍ക്കിങ് എക്‌സിറ്റിലെ ഇറക്കത്തില്‍ ബ്രേക്ക് നഷ്ടമായ വിങ്ങര്‍ വാന്‍ നിയന്ത്രണം വിട്ട് മുന്നില്‍ പോയ മാരുതി സ്വിഫ്ട് കാറില്‍ ഇടിച്ച് അപകടം. മുന്നില്‍ ക്രാഷ് ബാരിയറിനും വാനിനും ഇടയില്‍ കുരുങ്ങിയ തീര്‍ഥാടകര്‍ അടക്കം 18 പേര്‍ക്ക് പരുക്ക്. സാരമായി പരുക്കേറ്റ 10 പേരെ കോട്ടയം മെഡിക്കല്‍ കോളജിലേക്ക് മാറ്റി. രാവിലെ പത്തേകാലോടെയാണ് അപകടം. പാര്‍ക്കിങ് ഗ്രൗണ്ടില്‍ നിന്ന് പ്രധാന റോഡിലേക്ക് ഇറങ്ങുന്നതിനിടെയാണ് വാനിന്റെ നിയന്ത്രണം നഷ്ടമായത്. വാന്‍ തൊട്ടുമുന്നിലണ്ടായിരുന്ന മാരുതി സ്വിഫ്ട് കാറിന്റെ പിന്നില്‍ ഇടിക്കുകയും നിയന്ത്രണം നഷ്ടമായ ഇരു വാഹനങ്ങളും ക്രാഷ് …

ഇരവിപേരൂര്‍: പൊയ്കയില്‍ ശ്രീകുമാര ഗുരുദേവന്റെ 147-ാം മത് ജന്മദിന ഉത്സവത്തോടനുബന്ധിച്ച് നാളെ (ഞായര്‍) വൈകിട്ട് നാലിന് നടക്കുന്ന ഭക്തിഘോഷയാത്രയുടെ ഭാഗമായി ടി.കെ റോഡില്‍ ഗതാഗത നിയന്ത്രണം ഏര്‍പ്പെടുത്തി. കോഴഞ്ചേരി ഭാഗത്തു നിന്നുമുള്ള വാഹനങ്ങള്‍ പുല്ലാട് നിന്നും വലത്തേക്ക് തിരിഞ്ഞ് വെണ്ണിക്കുളം, മല്ലപ്പള്ളി, കറുകച്ചാല്‍, കോട്ടയം ഭാഗത്തേക്കു പോകണം കോഴഞ്ചേരിയില്‍ നിന്നും വരുന്ന വാഹനങ്ങള്‍ കുമ്പനാട് നിന്നും ഇടത്തേയ്ക്ക് തിരിഞ്ഞ് കരിയിലമുക്ക് വഴിയും നെല്ലിമല, ഓതറ വഴി ചെങ്ങന്നൂര്‍,തിരുവല്ല തുടങ്ങിയ സ്ഥലങ്ങളിലേയ്ക്ക് പോകാം. വെണ്ണിക്കുളം ഭാഗത്ത് നിന്നും വരുന്ന വാഹനങ്ങള്‍ പുറമറ്റം ജങ്ഷനില്‍ നിന്നും വലത്തേയ്ക്ക് …

അടൂര്‍: പതിനേഴുകാരി നോവയുടെ മരണാനന്തരമുളള പ്രണയത്തിന്റെ കഥ പറയുന്ന ഇംഗ്ലീഷ് നോവല്‍ എഫിമെറല്‍ എക്കോസ് പ്രകാശനം ചെയ്തു. സെന്റ് മേരീസ് ഹൈസ്‌കൂളിലെ പത്താം ക്ലാസ് വിദ്യാര്‍ഥിനി കൃഷ്‌ണേന്ദു ബി. അജിയാണ് നോവലിസ്റ്റ്. നോവയെന്ന പെണ്‍കുട്ടി താനൊരു ആത്മാവാണെന്ന് തിരിച്ചറിയുന്നതും അവളെ സ്‌നേഹിക്കുന്ന കൗമാരക്കാരനുമൊത്ത് പേടിപ്പെടുത്തുന്ന ഓര്‍മകളിലൂടെയും ഭൂതകാലത്തിലൂടെയും സത്യത്തിന്റെയും മിഥ്യയുടെയും ലോകത്തിലൂടെ സഞ്ചരിക്കുന്നതാണ് കഥയുടെ ഇതിവൃത്തം. സ്‌കൂളില്‍ നടന്ന ചടങ്ങില്‍ സിനിമ സംവിധായകന്‍ ഡോ. ബിജുവാണ് നോവല്‍ പ്രകാശനം ചെയ്തത്. തിരുവനന്തപുരം മേഖലാ ഹയര്‍ സെക്കന്‍ഡറി ഡെപ്യൂട്ടി ഡയറക്ടര്‍ കെ. സുധ പുസ്തകം ഏറ്റു …

അജോ കുറ്റിക്കന്‍ കമ്പംമെട്ട് (ഇടുക്കി): അതിര്‍ത്തി കടന്ന് വ്യാജ വെളിച്ചെണ്ണ സംസ്ഥാനത്ത് എത്തുന്നു. രാസവസ്തുക്കളും മായം കലര്‍ന്ന ഭക്ഷ്യ എണ്ണകളും വ്യാപകമായി വില്‍പ്പനയ്‌ക്കെത്തുന്നത്. അതിര്‍ത്തിയിലെ പരിശോധനകള്‍ പ്രഹസനമാകുന്നതായാണ് റിപ്പോര്‍ട്ടുകള്‍. വില കുറച്ച് പാക്കറ്റുകളിലും കുപ്പികളിലും കന്നാസുകളിലും നിറച്ച് വിവിധ ബ്രാന്റുകളിലായിട്ടാണ് വിറ്റഴിക്കപ്പെടുന്നത്. വ്യാജ വെളിച്ചെണ്ണക്ക് പേരുകേട്ട തമിഴ്‌നാട്ടിലെ കാങ്കയം, കരൂര്‍ എന്നീ സ്ഥലങ്ങളില്‍ നിന്നും അതിര്‍ത്തി ചെക്ക്‌പോസ്റ്റുകള്‍ വഴിയും മറ്റു പലറോഡുകളിലൂടെയും ഊടുവഴികളിലൂടെയും ടാങ്കര്‍ ലോറികളിലും മറ്റു ചരക്ക് വാഹനങ്ങളിലും സംസ്ഥാനത്തേക്ക് എത്തുന്നത്. മാരകമായ രോഗങ്ങള്‍ക്കും ആരോഗ്യപ്രശ്‌നങ്ങള്‍ക്കും ഇത്തരം വെളിച്ചെണ്ണകള്‍ കാരണമാകുന്നു. വ്യാജ വെളിച്ചെണ്ണ …

അജോ കുറ്റിക്കന്‍ ഇടുക്കി: പൊതുജനങ്ങളുടെ പരാതികള്‍ക്ക് അതിവേഗം പരിഹാരം നിര്‍ദ്ദേശിച്ചിരുന്ന ‘സുതാര്യകേരളം’ പരാതി പരിഹാര സംവിധാനം പൂട്ടിയിട്ട് ഒന്‍പത് വര്‍ഷം പിന്നിടുന്നു. 2016 ജൂലൈയിലാണ് സംസ്ഥാന ത്തെ മുഴുവന്‍ ജില്ലകളിലും പ്രവര്‍ത്തിച്ചിരുന്ന ഓഫീസുകള്‍ പൂട്ടിയത്. യു.ഡി.എഫ്. സര്‍ക്കാര്‍ തുടങ്ങിയ സംവിധാനമായതിനാല്‍ അതേ രൂപത്തില്‍ പ്രവര്‍ത്തിക്കാനാവില്ലെന്നായിരുന്നു ഒന്നാം എല്‍.ഡി.എഫ്. സര്‍ക്കാറിന്റെ തീരുമാനം. കെട്ടിലും മട്ടിലും മാറ്റം വരുത്തി ഉടന്‍ പുനരാരംഭിക്കുമെന്ന ഉറപ്പോടെയാണ് ഓഫീസുകള്‍ പൂട്ടിയത്. എന്നാല്‍ ഒന്‍പത് വര്‍ഷം പിന്നിടുമ്പോഴും ഇത് തുറക്കാന്‍ നടപടിയായില്ല. വര്‍ഷം ശരാശരി 8,000 പരാതികളാണ് സംസ്ഥാനത്തെ സുതാര്യകേരളം ഓഫീസുകളില്‍ ലഭിച്ചിരുന്നത്. …

പത്തനംതിട്ട: കേന്ദ്രാവിഷ്‌കൃത പദ്ധതിയായ പിഎംജിഎസ് വൈ പദ്ധതിയുടെ നാലാം ഘട്ടത്തില്‍ പത്തനംതിട്ട പാര്‍ലമെന്റ് മണ്ഡലത്തിലെ 140 റോഡുകള്‍ക്ക് അനുമതിയായെന്ന് ആന്റോ ആന്റണി എം.പി അറിയിച്ചു. നിലവില്‍ റോഡുകള്‍ ഇല്ലാത്ത ജനവാസകേന്ദ്രങ്ങളിലേക്ക് ഏത് കാലാവസ്ഥയിലും നിലനില്‍ക്കുന്ന വിധത്തില്‍ പുതുതായി റോഡുകള്‍ വെട്ടി ദേശീയ നിലവാരത്തില്‍ ടാറിങ് നടത്തി ഗതാഗത യോഗ്യമാക്കുന്നതിനാണ് ഈ ഘട്ടത്തില്‍ മുന്‍ഗണന നല്‍കിയിരുന്നത്. 250ല്‍ അധികം റോഡുകള്‍ സമര്‍പ്പിച്ചിരുന്നുവെങ്കിലും മണ്‍പാതകള്‍ മാത്രമാണ് നാലാം ഘട്ടത്തില്‍ പരിഗണിച്ചിട്ടുള്ളത്. ഈ റോഡുകള്‍ ജില്ലയിലെ പിഎംജിഎസ് വൈ ഉദ്യോഗസ്ഥര്‍ നേരിട്ട് സന്ദര്‍ശിച്ച് എഐ സാങ്കേതിക വിദ്യ ഉപയോഗിച്ച് …

പത്തനംതിട്ട: നഗര സാംസ്‌കാരികേന്ദ്രമാകാന്‍ ഒരുങ്ങുന്ന ടൗണ്‍സ്‌ക്വയര്‍ 15ന് നിയമസഭാ സ്പീക്കര്‍ എ.എന്‍ ഷംസീര്‍ നാടിനു സമര്‍പ്പിക്കും മുന്‍ എംഎല്‍എ കെ കെ നായരുടെ പ്രതിമ അദ്ദേഹം അനാച്ഛാദനം ചെയ്യും. നഗരസഭാ ചെയര്‍മാന്‍ അഡ്വ.ടി സക്കീര്‍ ഹുസൈന്‍ അധ്യക്ഷത വഹിക്കും. സുപ്രീംകോടതിയിലെ ആദ്യ വനിതാ ജഡ്ജി ജസ്റ്റിസ് ഫാത്തിമ ബീവി മെമ്മോറിയല്‍ ഗേറ്റ് സംസ്ഥാന വനിതാ ശിശുക്ഷേമ വകുപ്പ് മന്ത്രി വീണ ജോര്‍ജ് ഉദ്ഘാടനം ചെയ്യും. ഉദ്ഘാടനത്തോട് അനുബന്ധിച്ച് സാംസ്‌കാരിക ഘോഷയാത്ര നടക്കും. ടൗണ്‍ഹാളിനു മുന്നില്‍ നിന്ന് ആരംഭിക്കുന്ന ഘോഷയാത്രയില്‍ സാമൂഹ്യ സാംസ്‌കാരിക പ്രവര്‍ത്തകരും കുടുംബശ്രീ …

പത്തനംതിട്ട: സാക്ഷിമൊഴി മാറ്റിപ്പറയാത്ത വിരോധം കാരണം ഭീഷണിപ്പെടുത്തുകയും അസഭ്യം വിളിക്കുകയും ചെയ്ത പ്രതിയെ പത്തനംതിട്ട പോലീസ് അറസ്റ്റ് ചെയ്തു. ഓമല്ലൂര്‍ പറയനാലി മലങ്കാവ് കൊച്ചുമുരുപ്പേല്‍ വീട്ടില്‍ എം ടി സാകുട്ടി (39) ആണ് പിടിയിലായത്. ഇയാള്‍ നേരത്തെ ഉള്‍പ്പെട്ട കേസില്‍ സാക്ഷിയായ ഓമല്ലൂര്‍ പറയനാലി മടുക്കുവലില്‍ വീട്ടില്‍ ജിജോ മോന്‍ ജോജിയെയാണ്, സാക്ഷിമൊഴി മാറ്റിപ്പറയാത്തതിന് കഴിഞ്ഞ എട്ടിനു രാവിലെ മലങ്കാവ് ജങ്ഷനില്‍ തടഞ്ഞുനിര്‍ത്തി ഭീഷണിപ്പെടുത്തിയത്. ഒരാളെ കൊന്ന തനിക്ക് മൂന്നുപേരെ കൊന്നാലും ശിക്ഷ ഒന്നുതന്നെയാണ് എന്ന് പറഞ്ഞുകൊണ്ട് അസഭ്യം പറയുകയും ചെയ്തു. ജിജോ പത്തനംതിട്ട …