റാന്നി: പെരുനാട് ബഥനിമലയില്‍ വീണ്ടും കടുവയുടെ ആക്രമണത്തില്‍ ആടുകള്‍ ചത്തു. മുന്‍പ് കടുവ കൊന്നു തിന്ന രണ്ടു പശുക്കളുടെ ഉടമ മാമ്പറത്ത് എബ്രഹാമിന്റെ (രാജന്‍) രണ്ടു ആടുകളെയാണ് കൊന്നത്. വ്യാഴാഴ്ച വൈകിട്ട് മൂന്ന് മണിയോടെ റബര്‍ തോട്ടത്തില്‍ തീറ്റാനായി തുറന്നുവിട്ട നാലെണ്ണത്തില്‍ രണ്ടു ആടുകളെയാണ് കടുവ ആക്രമിച്ചത്. കഴിഞ്ഞ മാസം രാജന്റെ പൂര്‍ണ ഗര്‍ഭിണിയായ പശുവിനെ കടുവ കൊന്നു. മൂന്ന് ദിവസത്തിന് ശേഷം രാജന്റെ സഹോദരന്റെ വീടിനോട് ചേര്‍ന്നുള്ള കൂട്ടില്‍ നിന്നും കടുവ ആടിനെ കടിച്ചെടുത്തു. ഇതിനെ അല്‍പ്പം മാറി ഭക്ഷിച്ച നിലയില്‍ കണ്ടെത്തിയിരുന്നു. …

റാന്നി: സീതത്തോട് കൊച്ചുകോയിക്കലില്‍ റോഡരികില്‍ നിന്നും പരുക്കേറ്റ നിലയില്‍ കിട്ടിയ പുലിക്കുഞ്ഞിന് വിദഗ്ധ ചികില്‍സ നല്‍കി. പത്തനംതിട്ടയിലെ ജില്ലാ മൃഗാശുപത്രിയില്‍ എത്തിച്ചാണ് ചികില്‍സ കൊടുത്തത്. പുലിക്കുട്ടിയെ കണ്ട വിവരം നാട്ടുകാരാണ് വനപാലകരെ അറിയിച്ചത്. കൊച്ചുകോയിക്കല്‍ ഫോറസ്റ്റ് സ്‌റ്റേഷനിലെ വനപാലകരാണ് പുലിക്കുട്ടിയെ വല ഉപയോഗിച്ച് പിടിച്ചത്. പുലിക്കുട്ടിക്ക് പരുക്കേറ്റിട്ടുണ്ട്. തുടക്കത്തില്‍ പടക്കം പൊട്ടിച്ച് ഇതിനെ വനത്തിലേക്ക് കയറ്റി വിടാന്‍ ശ്രമം നടത്തിയെങ്കിലും നടക്കാത്തതിനാല്‍ വനപാലകര്‍ നടത്തിയ സൂക്ഷ്മ പരിശോധനയില്‍ ഇതിന് പരുക്ക് പറ്റിയിട്ടുള്ളതായി മനസ്സിലാക്കി പിടികൂടുകയായിരുന്നു. കൊച്ചുകോയിക്കല്‍ ഫോറസ്റ്റ് സ്‌റ്റേഷനിലെത്തിച്ച് പ്രാഥമിക ചികില്‍സ നല്‍കിയ ശേഷം …

പത്തനംതിട്ട: ഫേസ് ബുക്കിലൂടെ മതവികാരം വ്രണപ്പെടുത്തുന്ന തരത്തിലുള്ള പോസ്റ്റ് ഷെയര്‍ ചെയ്തതിന് വെല്‍ഡിങ് തൊഴിലാളി അറസ്റ്റില്‍. ഒരു പ്രത്യേക പേരിലുള്ള ഫേസ് ബുക്ക് പേജില്‍ സമുദായ മൈത്രിയെ ദോഷമായി ബാധിക്കുന്ന തരത്തിലുള്ള തലക്കെട്ടോടെ മൂന്ന് മിനിറ്റോളം നീണ്ടുനില്‍ക്കുന്ന വീഡിയോ പോസ്റ്റ് ചെയ്തിരുന്നു. വെട്ടിപ്രം മുണ്ടുകോട്ടയ്ക്കല്‍ തേക്കുംകാട്ടില്‍ വീട്ടില്‍ നിന്നും കടമ്മനിട്ട റോഡില്‍ കെ.എസ്.ഇ.ബി ഓഫീസിനു സമീപം ലക്ഷ്മി ശങ്കരവീട്ടില്‍ വാടകയ്ക്ക് താമസിക്കുന്ന പ്രശാന്ത് (45) ആണ് അറസ്റ്റിലായത്. ഇയാള്‍ രണ്ടാം പ്രതിയാണ്. പോസ്റ്റിട്ട ആളെ തിരിച്ചറിഞ്ഞിട്ടില്ല. പ്രചരിപ്പിക്കപ്പെട്ട പോസ്റ്റ് മതവികാരം വ്രണപ്പെടുത്തുന്നതും സമുദായസൗഹൃദം തകര്‍ക്കുന്നതുമാണെന്ന് …

അടൂര്‍: പത്തനംതിട്ട ജില്ലയില്‍ വീണ്ടും പനി മരണം. ഏഴംകുളം ഈട്ടിമൂട് കുലശ്ശേരി ചാവരുപടിക്കല്‍ പുത്തന്‍ വീട്ടില്‍ ആര്യ (26) യാണ് മരിച്ചത്. ഡെങ്കി സംശയിക്കുന്നു. കൂടുതല്‍ പരിശോധനകള്‍ക്ക് ശേഷം സ്ഥിരീകരണം ഉണ്ടാകും. രോഗം കലശലായി അവശനിലയിലായ ആര്യയെ വെള്ളിയാഴ്ച ഉച്ചയ്ക്ക് അടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചെങ്കിലും മരിച്ചു. ദിവസങ്ങളായി പനി ബാധിതയായിരുന്നു. തഹസീദാരുടെ സാന്നിധ്യത്തില്‍ ഇന്‍ക്വസ്റ്റ് നടപടികള്‍ക്ക് ശേഷം മൃതദേഹം താലൂക്ക് അശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. കോട്ടയം മെഡിക്കല്‍ കോളേജില്‍ മൃതദേഹ പരിശോധനയ്ക്കു നടത്തിയ ശേഷം വീട്ടുവളപ്പില്‍ സംസ്‌കരിക്കും. ഭര്‍ത്താവ് പിന്റുവിനും നേരത്തേ പനി …

പത്തനംതിട്ട: ആരാധനാലയങ്ങളുടെ കാണിക്ക വഞ്ചി കുത്തിത്തുറന്ന് മോഷണം നടത്തുന്നതില്‍ വിദഗ്ധനായ തലവടി നീരേറ്റുപുറം കാരിക്കുഴി വാഴയില്‍ വീട്ടില്‍ മാത്തുക്കുട്ടിയെ(52) മോഷണ മുതലുമായി ആറന്മുള പൊലീസ് അറസ്റ്റ് ചെയ്തു. ചോറ്റാനിക്കര റെയില്‍വേ സ്‌റ്റേഷന് സമീപമുള്ള ഒരു ക്ഷേത്രത്തിന്റെ കാണിക്കവഞ്ചി മോഷ്ടിച്ച് ട്രെയിനിലും ബസിലുമായി സഞ്ചരിച്ചിരുന്ന മാത്തുക്കുട്ടി പിടിയിലാകാന്‍ കാരണമായത് തിരുവല്ലയിലെ സ്‌പെഷല്‍ ബ്രാഞ്ച് പൊലീസുകാരന്‍ സജിത്തിന് കിട്ടിയ വിവരമാണ്. ഇയാളെ പിന്തുടര്‍ന്ന് തിരുവല്ല, ആറന്മുള പൊലീസ് നടത്തിയ സംയുക്ത നീക്കത്തിനൊടുവില്‍ പമ്പയാര്‍ നീന്തിക്കടന്ന് രക്ഷപ്പെടാന്‍ ശ്രമിച്ച മോഷ്ടാവിനെ കൈയോടെ പിടികൂടുകയായിരുന്നു. നാണയവും നോട്ടുകളുമുള്‍പ്പെടെ 8858 രൂപ …

പത്തനംതിട്ട: പണയം വച്ച സ്വര്‍ണം തിരികെ കൊടുക്കാത്ത സ്വകാര്യ പണമിടപാട് സ്ഥാപനം ഉടമ വീട്ടമ്മയ്ക്ക് അതിന്റെ നിലവിലുള്ള വിലയും കോടതി ചെലവും ചേര്‍ത്ത് 10.83 ലക്ഷം രൂപ നല്‍കാന്‍ ഉപഭോക്തൃ തര്‍ക്ക പരിഹാര കമ്മിഷന്‍ വിധിച്ചു. അടൂര്‍ വടക്കടത്തുകാവ് ഇടപടിക്കല്‍ വീട്ടില്‍ സാറാമ്മ അലക്‌സ് ഫയല്‍ ചെയ്ത കേസില്‍ പത്തനംതിട്ട കളീക്കല്‍ ഫൈനാന്‍സിയേഴ്‌സ് നടത്തുന്ന കെ.ജി.ഹരികുമാറിനെതിരേയാണ് വിധി. 1 89 ഗ്രാം സ്വര്‍ണത്തിന്റെ ഇപ്പോഴത്തെ വിലയായ 10,48,005 രൂപയും നഷ്ടപരിഹാരമായി 25,000 രൂപയും കോടതി ചെലവിനത്തില്‍ 5,000 രൂപയും ചേര്‍ത്ത് 10,83,000 രൂപ ഒരു …

പന്തളം: ലഹരി ഉപയോഗത്തോടൊപ്പം മൊബൈലിന്റെ അതിപ്രസരവും കുട്ടികളെ കാര്‍ന്നു തിന്നുകയാണെന്ന് സാംസ്‌കാരികമന്ത്രി സജി ചെറിയാന്‍ പറഞ്ഞു. ലഹരി ഉപയോഗത്തിന് എതിരെ മുന്‍ ബ്ലോക്ക് പഞ്ചായത്ത് അംഗം രഘു പെരുമ്പുളിക്കല്‍ സംവിധാനം ചെയ്ത ഹൃസ്വ ചിത്രത്തിന്റെ പ്രദര്‍ശനം ഉദ്ഘാടനം ചെയ്യുകയായിരുന്നു മന്ത്രി. കുടുംബങ്ങളില്‍ കുട്ടികള്‍ക്ക് ഒപ്പം രക്ഷിതാക്കളും മൊബൈലിന്റെ നിരന്തര ഉപയോക്താക്കളാണ്. നമ്മുടെ വീടുകളില്‍ പാചകം അന്യം നിന്നതായും മന്ത്രി പറഞ്ഞു. രക്ഷിതാക്കളുടെ അമിതമായ മൊബൈല്‍ ഉപയോഗം കുട്ടികളെയും ഈ വഴിക്ക് തിരിച്ചു വിടുകയാണ്. ഇവിടെയാണ് മയക്കുമരുന്നു ലോബി പിടിമുറുക്കുന്നത്. സ്‌കൂള്‍ കുട്ടികള്‍ അടക്കം മൊബൈല്‍ …

പത്തനംതിട്ട: ജില്ലയുടെ വിവിധ പ്രദേശങ്ങളില്‍ വീണ്ടും തെരുവ് നായ ആക്രമണം. അഞ്ചു പേര്‍ക്ക് കടിയേറ്റു. ഇലന്തൂര്‍ മാര്‍ക്കറ്റ് ജങ്ഷനില്‍ നാലു പേര്‍ക്കും വി കോട്ടയത്ത് ഒരാള്‍ക്കുമാണ് കടിയേറ്റത്. പരുക്കേറ്റ അമല്‍, ഉണ്ണികൃഷ്ണന്‍, ഗിരിജ, വിജയന്‍, ജലജ എന്നിവര്‍ പത്തനംതിട്ട ജനറല്‍ ആശുപത്രിയിലും ഇലന്തൂര്‍ മാര്‍ക്കറ്റിലെ വ്യാപാരിയായ അനിയന്‍ തലപ്പായില്‍ എന്ന ആളെ കോഴഞ്ചേരി ജില്ലാ ആശുപത്രിയിലും പ്രവേശിപ്പിച്ചു. രണ്ടിടത്തും അക്രമകാരികളായ നായകളെ പിടികൂടാന്‍ കഴിഞ്ഞിട്ടില്ല.

പന്തളം: സാമൂഹിക മാധ്യമം വഴി പരിചയപ്പെട്ട പതിനേഴുകാരിയെ വിവാഹ വാഗ്ദാനം ചെയ്ത് പീഡിപ്പിക്കുകയും തട്ടിക്കൊണ്ടു നാടുവിടാന്‍ ശ്രമിക്കുകയും ചെയ്ത കേസിലെ പ്രതി അറസ്റ്റില്‍. കൊല്ലം പത്തനാപുരം കോട്ടവിള വീട്ടില്‍ നിന്നും പുനലൂര്‍ വെളിക്കോട് കാഞ്ഞിരവിള വീട്ടില്‍ താമസിക്കുന്ന അരുണ്‍ രാജി (23 ) നെയാണ് അറസ്റ്റ് ചെയ്തത്. സാമൂഹിക മാധ്യമം വഴി പരിചയപ്പെട്ട പെണ്‍കുട്ടിയെ വിവാഹ വാഗ്ദാനം ചെയ്ത് പ്രതി, പന്തളത്തെ പ്രൈവറ്റ് ബസ് സ്റ്റാന്‍ഡില്‍ എത്തിച്ച് അവിടെ നിന്നും കടത്തിക്കൊണ്ടു പോയി ലൈംഗികമായി പീഡിപ്പിക്കുകയായിരുന്നു. പെണ്‍കുട്ടിയെ കാണാനില്ലെന്ന വീട്ടുകാരുടെ പരാതിയില്‍ പോലീസ് കേസെടുത്തു …

ഷാര്‍ജ: യുഎഇയില്‍ ചിറ്റാര്‍ പഞ്ചായത്തിലെ പ്രവാസികളുടെ ‘സുഹൃദ് സംഗമം’ ഷാര്‍ജ സ്റ്റുഡന്‍സ് ടോപ്പ് ട്രെയിനിങ് സെന്ററില്‍നടന്നു. വിവിധ എമിറേറ്റുകളില്‍ നിന്നായി 150 അംഗങ്ങള്‍ പങ്കെടുത്തു. ടിക്കറ്റ് നിരക്കിന്റെ പേരില്‍ പ്രവാസികളെ കൊള്ളയടിക്കുന്ന വിമാന കമ്പനികളെ സര്‍ക്കാര്‍ നിയന്ത്രിക്കണമെന്ന് യോഗം ആവശ്യപ്പെട്ടു. ജീവിക്കാനുള്ള മാര്‍ഗം തേടി ഉറ്റവരെയും നാടിനെയും ഉപേക്ഷിച്ച് പ്രവാസ ജീവിതം തിരഞ്ഞെടുക്കാന്‍ വിധിക്കപ്പെട്ടവരുടെ നാളിതുവരെയുള്ള സമ്പാദ്യം ഊറ്റിയെടുക്കുന്ന നടപടി നടപടിയാണ് വിമാന കമ്പനികള്‍ ചെയ്യുന്നത്. കേന്ദ്ര-സംസ്ഥാന സര്‍ക്കാരുകള്‍ പ്രവാസികളുടെ പ്രശ്‌നങ്ങളില്‍ അടിയന്തരമായി ഇടപെടണം. മനു കുളത്തുങ്കല്‍ അധ്യക്ഷത വഹിച്ചു. നോബിള്‍ കരോട്ടുപാറ, ഷാജി …