കോന്നി: തടി കയറ്റുന്നതിനെ ചൊല്ലിയുള്ള തര്‍ക്കത്തിനൊടുവില്‍ ബന്ധുവായ റിട്ട. എസ്.ഐയുടെ കൈ തല്ലിയൊടിച്ച കോണ്‍ഗ്രസിന്റെ ഗ്രാമപഞ്ചായത്തംഗം അറസ്റ്റില്‍. കോന്നി പഞ്ചായത്ത് അഞ്ചാം വാര്‍ഡ് അംഗം ജോസഫാണ് അറസ്റ്റിലായത്. ബന്ധുവായ റിട്ട.എസ്.ഐ ജോസ് കൊന്നപ്പാറയെ ആണ് ആക്രമിച്ചത്. മരക്കുറ്റി കൊണ്ടുള്ള അടിയില്‍ ജോസിന്റെ കൈ ഒടിയുകയും തലയ്ക്ക് പരുക്കേല്‍ക്കുകയും ചെയ്തു. വെള്ളിയാഴ്ച വൈകിട്ട് മൂന്നിനാണ് സംഭവം. ജോസും ജോസഫും തമ്മില്‍ മുന്‍പ് തന്നെ വൈരാഗ്യം നിലനിന്നിരുന്നു. ഇതിനിടെയാണ് ഇരുവരുടെയും വീടിന് സമീപം നിന്ന് മാറിയുള്ള റോഡില്‍ തടി കയറ്റുന്നതിനെ ചൊല്ലിയുള്ള വിഷയമാണ് ആക്രമണത്തില്‍ കലാശിച്ചത്. തടി …

ശബരിമല: വിർച്വൽ ക്യൂ സംവിധാനം വഴി ശബരിമല തീർത്ഥാടകർക്ക് ആദ്യ ദിനത്തിൽ സുഗമമായ ദർശനം സാധ്യമായതായി ദേവസ്വം മന്ത്രി വി.എൻ.വാസവൻ പറഞ്ഞു. 30,000 പേരാണ് നടതുറന്ന വെള്ളിയാഴ്ച ദർശനത്തിനായി വിർച്വൽ ക്യൂ വഴി ബുക്ക് ചെയ്തിരുന്നത്. ഇതിൽ 26,942 പേർ ദർശനം നടത്തി. സ്‌പോട്ട് ബുക്കിങ് വഴി 1872 ഭക്തരും എത്തി. വി.ഐ.പി.കൾ ഉൾപ്പെടെ ആകെ 30,687 ഭക്തരാണ് വെള്ളിയാഴ്ച വൈകിട്ട് നടതുറന്ന ശേഷം നട അടക്കന്നത് വരെ ദർശനത്തിനെത്തിയത്. ശബരിമല തീർഥാടനവുമായി ബന്ധപ്പെട്ട് പ്രവർത്തിക്കുന്ന സന്നിധാനത്തെ വിവിധ വകുപ്പു മേധാവിമാരുടെ അവലോകന യോഗത്തിനു …

ശബരിമല: പുതിയതായി ചുമതലയേറ്റ ശബരിമല മേല്‍ശാന്തി അരുണ്‍നമ്പൂതിരിയുടെ നേതൃത്വത്തില്‍ നട തുറന്നതോടെ അയ്യപ്പനെ തൊഴാനെത്തിയ ഭക്തര്‍ക്ക് വൃശ്ചികപ്പുലരിയില്‍ ശബരിമലയില്‍ ദര്‍ശന പുണ്യം. രാവിലെ തന്നെ ദര്‍ശനത്തിനെത്തിയ തീര്‍ഥാടകരുടെ നല്ല തിരക്കാണ് അനുഭവപ്പെട്ടത്. തന്ത്രി കണ്ഠരര് രാജീവരുടെ സാന്നിധ്യത്തിലായിരുന്നു നടതുറന്നത്. ദേവസ്വം ബോര്‍ഡ് പ്രസിഡന്റ് പി. എസ്. പ്രശാന്ത്, അംഗങ്ങളായ അഡ്വ. എ. അജികുമാര്‍, ജി. സുന്ദരേശന്‍ തുടങ്ങിയവരും രാവിലെ ദര്‍ശനത്തിന് എത്തിയിരുന്നു. പുലര്‍ച്ചെ മൂന്നു മണിക്ക് നട തുറന്നു. ശബരിമല ക്ഷേത്ര സമയം രാവിലെ 3.00 ഉച്ചയ്ക്ക് 1.00 വൈകുന്നേരം 3.00 രാത്രി 11.00 …

ശബരിമല: ചികിത്സ ആവശ്യമായി വരുന്ന അയ്യപ്പഭക്തർക്ക് സൗജന്യ സേവനം നൽകാൻ സേവന സന്നദ്ധരായി, സർക്കാരും ദേവസ്വം ബോർഡുമായി സഹകരച്ച് 125 ഡോക്ടർമാരുടെ സംഘം. സന്നിധാനത്ത് പ്രവർത്തിക്കുന്ന സർക്കാർ ആശുപത്രിയിൽ ആരോഗ്യ വകുപ്പിന്റെ ഡോക്ടർമാർക്കൊപ്പമാണ് സർക്കാരിന്റെയും ഹൈക്കോടതിയുടെയും പ്രത്യേക അംഗീകാരത്തോടെ ഇവരുടെ പ്രവർത്തനം. ഡി വോട്ടീസ് ഡോക്ടേഴ്‌സ് ഓഫ് ശബരിമല എന്ന പേരിൽ കേരളത്തിനു പുറമേ തമിഴ്‌നാട്, കർണാടക, ആന്ധ്രാപ്രദേശ്, തെലങ്കാന എന്നിവിടങ്ങളിൽ നിന്നുള്ള അയ്യപ്പ ഭക്തരായ ഡോക്ടർമാരാണ് സേവന സന്നദ്ധരായി എത്തിയത്. ഒരു വാട്‌സ്ആപ് കൂട്ടായ്മയിലൂടെയാണ് ഇവർ ഒരുമിച്ചത്. പ്രമുഖ ന്യൂറോ സർജൻ ഡോ. …

തിരുവല്ല: പത്തനംതിട്ട ജില്ലയില്‍ കേരളാ കോണ്‍ഗ്രസ് എമ്മിലെ തമ്മലടി മൂര്‍ഛിക്കുന്നു. ജില്ലാ പ്രസിഡന്റിനും അനുയായികള്‍ക്കുമെതിരേ പ്രതിഷേധം ശക്തമാവുകയാണ്. സജി അലക്‌സ് ജില്ലാ പ്രസിഡന്റായി സ്ഥാനമേറ്റതിന് പിന്നാലെയാണ് വിഭാഗീയത രൂക്ഷമായിരിക്കുന്നത്. ഇതിനിടെ പാര്‍ട്ടിക്കുള്ളിലും സജിക്കും കൂട്ടര്‍ക്കും തിരിച്ചടി നേരിടുന്നുണ്ട്. മുന്‍ ജില്ലാ പ്രസിഡന്റുമാരായിരുന്ന എന്‍.എം.രാജു, ചെറിയാന്‍ പോളച്ചിറയ്ക്ക്ല്‍ എന്നിവരെ അനുകൂലിക്കുന്ന വിഭാഗമാണ് സജിക്കെതിരേ രംഗത്തുള്ളത്. ജില്ലയുടെ ചുമതലയുള്ള ജോബ് മൈക്കിള്‍ എംഎല്‍എയാണ് സജിക്ക് ശക്തി പകരുന്നത്. ഏറെ വിവാദങ്ങള്‍ക്കൊടുവിലാണ് ചെറിയാന്‍ പോളച്ചിറയ്ക്കലിനെ മാറ്റി സജി അലക്‌സിനെ പ്രസിഡന്റാക്കിയത്. പോളച്ചിറയ്ക്ക് മുന്‍പ് എന്‍.എം. രാജുവായിരുന്നു പ്രസിഡന്റ്്. റാന്നി …

തിരുവല്ല : ശബരിമല മണ്ഡലകാല തീര്‍ത്ഥാടനവുമായി ബന്ധപ്പെട്ട് റെയില്‍വേ സേ്റ്റഷനില്‍ എക്‌സൈസ് റേഞ്ച് പാര്‍ട്ടിയും റെയില്‍വേ പോലീസും പത്തനംതിട്ട ഡോഗ് സ്‌കോഡും ചേര്‍ന്ന് നടത്തിയ പരിശോധനയില്‍ ആണ് 20 കി.ഗ്രാം പാന്‍മസാലയുമായി ഒരാളെ അറസ്റ്റ് ചെയ്തു. ഹാന്‍സ്, കൂള്‍, ഇനത്തില്‍പ്പെട്ട നിരോധിത പുകയില ഉല്‍പ്പന്നങ്ങള്‍ പിടികൂടിയത്. 60 പാക്കറ്റുകള്‍ കണ്ടെടുത്തു.ബാംഗ്ലൂര്‍ – കന്യാകുമാരി ട്രെയിന്‍ കേന്ദ്രീകരിച്ചാണ് പരിശോധന നടത്തിയത്. പാന്‍ മസാല കടത്തിക്കൊണ്ടുവന്ന പശ്ചിമബംഗാള്‍ സ്വദേശിയായ സഹേജാത സാഹില്‍ ഉസ്മാനു (43) ആണ് പിടിയിലായത്. പ്രതിയെ പോലീസിന് കൈമാറി. പോലീസ് ഡോഗ് സ്‌ക്വാഡ്‌ലെ സാമന്ത …

തിരുവല്ല: വീട്ടില്‍ സൂക്ഷിച്ചിരുന്ന 120 ലിറ്റര്‍ കോടയുമായി കവിയൂര്‍ സ്വദേശി എക്‌സൈസ് സംഘത്തിന്റെ പിടിയിലായി. തുണ്ടിയില്‍ പുത്തന്‍വീട്ടില്‍ വീട്ടില്‍ ടി പി വിനോദ് ( 36 ) നെ ആണ് എക്‌സൈസ് റേഞ്ച് ഇന്‍സ്‌പെക്ടര്‍ എച്ച് നാസറിന്റെ നേതൃത്വത്തില്‍ ഉള്ള സംഘം പിടികൂടിയത്. വിനോദിന്റെ വീട് കേന്ദ്രീകരിച്ച് ചാരായം വാറ്റുന്നതായ രഹസ്യ വിവരത്തെ തുടര്‍ന്ന് നടത്തിയ റെയ്ഡിലാണ് ഇയാള്‍ പിടിയിലായത്. കുളിമുറിക്കുള്ളില്‍ ഒളിപ്പിച്ചിരുന്ന മൂന്ന് ജാര്‍ കോട എക്‌സൈസ് സംഘം പിടിച്ചെടുത്തു. അസി. എക്‌സൈസ് ഇന്‍സ്‌പെക്ടര്‍ കെ.പി അജയകുമാര്‍, സിവില്‍ എക്സൈസ് ഓഫീസര്‍മാരായ രാഹുല്‍ …

അടൂര്‍: മരം മുറിച്ചു താഴെയിറക്കുന്നതിനിടെ കാല്‍വഴുതി കിണറ്റില്‍ വീണ് മരം വെട്ടുകാരന്‍ മരിച്ചു. നഗരസഭ 16ാം വാര്‍ഡില്‍ പറക്കോട് മറ്റത്തുകിഴക്കതില്‍ ഹസീനയുടെ വീട്ടിലെ കിണറ്റിലാണ് മരംവെട്ടു തൊഴിലാളിയായ ഏഴംകുളം പുതുമല ശ്രീനിലയത്തില്‍ പി.എ. സുരേഷ് (50) വീണത്. ഹസീന ബീവിയുടെ വീട്ടുമുറ്റത്തു നിന്നിരുന്ന പ്ലാവ് മുറിക്കുന്നതിനിടെയാണ് സംഭവം. മരം മുറിച്ചു വടം കെട്ടി ഇറക്കുന്നതിനിടയില്‍ ബാലന്‍സ് തെറ്റി തൊട്ടടുത്തുള്ള കിണറ്റിലേക്ക് തെറിച്ചു വീഴുകയായിരുന്നു. സ്ഥലത്ത് എത്തിയ ഫയര്‍ ആന്‍ഡ് റെസ്‌ക്യൂ സംഘം ഓഫീസര്‍ ദീപേഷിനെ കിണറ്റിലിറക്കി ഹൂക്ക് ഉപയോഗിച്ച് സുരേഷിന്റെ മൃതദേഹം സേനാംഗങ്ങളുടെ സഹായത്തോടെ …

പത്തനംതിട്ട: ‘ഐ ക്വിറ്റ്’. ജീവനൊടുക്കിയ നഴ്‌സിങ് വിദ്യാര്‍ഥിനിയുടെ ഡയറിത്താളില്‍ എഴുതിയിരുന്നത് ഇത്ര മാത്രമായിരുന്നു. പെണ്‍കുട്ടിയുടെ ആത്മഹത്യയുടെ കാരണം തേടിപ്പോയ പോലീസിന് പക്ഷേ, ഒരു പരാതി കൂടി കിട്ടി. സഹപാഠികള്‍ മാനസികമായി പീഡിപ്പിക്കുന്നുവെന്ന് കാട്ടി പിതാവ് കോളജ് പ്രിന്‍സിപ്പാളിന് നല്‍കിയ പരാതി ആയിരുന്നു അത്. ചുട്ടിപ്പാറ എസ്.എം.ഇ നഴ്‌സിങ് കോളജിലെ ബി.എസ്.സി നഴ്‌സിങ് അവസാന വര്‍ഷ വിദ്യാര്‍ഥിനി തിരുവനന്തപുരം സ്വദേശി അമ്മു എ. സജീവ് ഹോസ്റ്റല്‍ കെട്ടിടത്തിന് മുകളില്‍ നിന്ന് ചാടി ജീവനൊടുക്കിയത് സഹപാഠികളുടെ പീഡനം മൂലമാണെന്ന പരാതിയെ തുടര്‍ന്ന് പോലീസ് അന്വേഷണം തുടങ്ങി. വെളളിയാഴ്ച …

കടമ്പനാട്: ഗ്രാമപഞ്ചായത്തിലെ സാധു വിധവയുടെ ഏഴു മാസത്തെ പെന്‍ഷന്‍ സിപിഎം ലോക്കല്‍സെക്രട്ടറി കൈക്കലാക്കിയ സംഭവത്തില്‍ വിജിലന്‍സ് അന്വേഷണം ആവശ്യപ്പെട്ട് കോണ്‍ഗ്രസ് സമരം. സിപിഎം കടമ്പനാട് ലോക്കല്‍ സെക്രട്ടറി ആര്‍. രഞ്ജുവാണ് 12-ാം വാര്‍ഡില്‍ തുവയൂര്‍തെക്ക് പറങ്കിമാംവിള വീട്ടില്‍ കെ. ചന്ദ്രികയുടെ ഏഴു മാസത്തെ പെന്‍ഷന്‍ കൈവശം സൂക്ഷിച്ചിരുന്നത്. ഇവര്‍ പഞ്ചായത്തില്‍ മസ്റ്ററിങിന് ചെന്നപ്പോഴാണ് തന്റെ ഏഴു മാസത്തെ പെന്‍ഷന്‍ മറ്റാരോ ഒപ്പിട്ടു വാങ്ങിയെന്ന് ചന്ദ്രിക അറിയുന്നത്. കടമ്പനാട് പി.ടി. 59ാം നമ്പര്‍ സഹകരണ സംഘം മുഖേനയാണ് പെന്‍ഷന്‍ വിതരണം ചെയ്തു കൊണ്ടിരുന്നത്. വിതരണത്തിന്റെ ചുമതല …