പത്തനംതിട്ട: വിഎച്ച്എസ്ഇ വിഭാഗത്തില്‍ ജില്ലയില്‍ നിന്നും 2022-23 അധ്യയന വര്‍ഷത്തില്‍ മികച്ച എന്‍എസ്എസ് യുണിറ്റായി തെരഞ്ഞെടുക്കപ്പെട്ട വടശേരിക്കര ടിടിടിഎംവിഎച്ച്എസിന് വേണ്ടി പ്രിന്‍സിപ്പല്‍ ബിനു പി. തയ്യില്‍, എന്‍എസ്എസ് പ്രോഗ്രാം ഓഫീസര്‍ ഷൈനി ജോസഫ്, വിദ്യാര്‍ത്ഥികള്‍ എന്നിവര്‍ അവാര്‍ഡ് ഏറ്റു വാങ്ങി.
തിരുവനന്തപുരം ശിക്ഷക് സദനില്‍ ചേര്‍ന്ന സമ്മേളനത്തില്‍ മന്ത്രി വി ശിവന്‍കുട്ടിയില്‍ നിന്നും അവാര്‍ഡ് ഏറ്റുവാങ്ങി. ഗതാഗത മന്ത്രി ആന്റണി രാജു, പൊതു വിദ്യാഭ്യാസ സെക്രട്ടറി, ഡയറക്ടര്‍, വിഎച്ച്എസ്ഇ വിഭാഗം ഉന്നത ഉദ്യോഗസ്ഥര്‍ എന്നിവര്‍ ചടങ്ങില്‍ സന്നിഹിതരായിരുന്നു.
