പന്തളം: പൊലീസുകാരുടെ ബൈക്ക് കള്ളന്‍ കൊണ്ടു പോയി. തിരുവല്ല ക്രൈം ബ്രാഞ്ച് യൂണിറ്റിലെ സിവില്‍ പോലീസ് ഓഫീസര്‍ കുരമ്പാല താജ് മന്‍സില്‍ താജുദ്ദീന്റെ ഉടമസ്ഥതയിലുള്ള യൂണികോണ്‍ മോട്ടോര്‍ ബൈക്കാണ് മോഷണം പോയത്.
തിരുവല്ലയില്‍ ജോലിക്ക് പോകുന്നതിനായി തിങ്കളാഴ്ച രാവിലെ പത്തിന് പന്തളം പത്തനംതിട്ട റോഡില്‍ സെന്‍ട്രല്‍ ബാങ്കിന്റെ മുന്‍വശത്ത് പാര്‍ക്ക് ചെയ്തശേഷം ജോലി കഴിഞ്ഞ് വൈകുന്നേരം മടങ്ങിയെത്തിയപ്പോഴാണ് ബൈക്ക് കാണാതായത്. പന്തളം പോലീസ് കേസെടുത്ത് അന്വേഷണം ആരംഭിച്ചു പന്തളം ടൗണ്‍ മുസ്ലിം ജുമാ മസ്ജിദിന് സമീപത്തെ കടകളിലെ സിസിടിവി ക്യാമറകളും പോലീസ് പരിശോധിച്ചു.
