മല്ലപ്പള്ളി: ജലസേചന മന്ത്രി റോഷി അഗസ്റ്റിന് നേരെ യൂത്ത് കോണ്‍ഗ്രസിന്റെ കരിങ്കൊടി പ്രയോഗം. വാര്‍ത്ത റിപ്പോര്‍ട്ട് ചെയ്യാന്‍ വന്ന പ്രാദേശിക ചാനല്‍ പ്രവര്‍ത്തകന് പോലീസിന്റെ ലാത്തിയടി. വൈകിട്ട് ആറു മണിയോടെ ജില്ലാ പ്രസിഡന്റ് എം.ജി കണ്ണന്റെ നേതൃത്വത്തിലാണ് യൂത്ത് കോണ്‍ഗ്രസ് പ്രവര്‍ത്തകര്‍ മന്ത്രിക്ക് നേരെ കരിങ്കൊടിയും കാലിക്കുടവും എറിഞ്ഞത്. മടുക്കോലി ജങ്ഷനില്‍ വച്ചാണ് സംഭവം.
പോലീസ് പ്രവര്‍ത്തകര്‍ക്ക് നേരെ ലാത്തി വിശീ. ഗ്യാലക്‌സി ചാനല്‍ ചീഫ് എഡിറ്റര്‍ ജിജു വൈക്കത്തുശേരിക്ക് ഇതിനിടെ ലാത്തിയടിയേറ്റു. തിരുവല്ല ഡിവൈ.എസ്. പി രാജപ്പന്‍ റാവുത്തറുടെ നേതൃത്വത്തില്‍ വന്‍ പോലീസ് സംഘമാണ് യൂത്ത് കോണ്‍ഗ്രസുക്കാരെ നേരിട്ടത്. പോലീസ് മര്‍ദ്ദനത്തില്‍ പരുക്കേറ്റ ജിജു താലൂക്ക് ആശുപത്രിയില്‍ ചികിത്സ തേടി.
