കോഴഞ്ചേരി: കാട് മൂടിക്കിടന്ന തോട്ടിലേക്ക് കാര്‍ മറിഞ്ഞു. ഡോക്ടര്‍ അത്ഭുതകരമായി രക്ഷപ്പെട്ടു. അയിരൂര്‍ കാഞ്ഞീറ്റുകര പ്രാഥമിക ആരോഗ്യ കേന്ദ്രത്തിലെ ശിശുരോഗ വിദഗ്ദ്ധന്‍ ഡോ. വിപിന്‍ ഓടിച്ചിരുന്ന കാറാണ് അയിരൂര്‍ വാളന്‍ പടിക്ക് സമീപം തോട്ടിലേക്ക് മറിഞ്ഞത്. ബുധന്‍ ഉച്ചക്ക് രണ്ടോടെ ആയിരുന്നു സംഭവം.
ആശുപത്രീയില്‍ നിന്നും ഇറക്കം ഇറങ്ങി വാളന്‍ പടിയിലേക്ക് എത്തിയപ്പോഴാണ് കാര്‍ നിയന്ത്രണം വിട്ട് മറിഞ്ഞത്.കാടു മൂടിയും ചെളി നിറഞ്ഞും കിടന്ന തോട്ടിലേക്ക് കാര്‍ തല കീഴായാണ് മറിഞ്ഞതെങ്കിലും പരുക്കേല്‍ക്കാതെ രക്ഷപെട്ടു.നാട്ടുകാര്‍ എത്തി രക്ഷാപ്രവര്‍ത്തനം നടത്തി.
