പന്തളം: കാറും ലോറിയും കൂട്ടിയിടിച്ച് കാറില്‍ യാത്ര ചെയ്തിരുന്ന വീട്ടമ്മ മരിച്ചു. ചെങ്ങന്നൂര്‍ ബുധനൂര്‍ വര്‍ണേത്ത് നന്ദനത്തില്‍ ജയശ്രീ(48)യാണ് മരിച്ചത്. ഭര്‍ത്താവ് പ്രസന്നന്‍ (58), മക്കളായ അനുപ്രിയ(24), ദേവപ്രിയ(20)എന്നിവര്‍ക്ക് പരുക്കേറ്റു. ഇവരെ കല്ലിശേരിയിലെ സ്വകാര്യ ആശുപത്രിയില്‍ പ്രവേശിപ്പിച്ചു. എം.സി.റോഡില്‍ കുളനടയ്ക്കും ചെങ്ങന്നൂരിനും ഇടയില്‍ മാന്തുക ഭാഗത്ത് തിങ്കളാഴ്ച രാവിലെ 5.45നാണ് അപകടം. യു.കെ.യില്‍ എം.ബി.ബി.എസിന് പഠിക്കുന്ന ദേവപ്രിയയെ തിരുവനന്തപുരം വിമാനത്താവളത്തില്‍ നിന്നും വിളിച്ചുകൊണ്ടുവരും വഴിയാണ് അപകടം. കണ്ണൂരില്‍ നിന്നും വെട്ടുകല്ലും കയറ്റി പന്തളം ഭാഗത്തേക്ക് വരികയായിരുന്ന ലോറിയുമായാണ് കൂട്ടിയിടിച്ചത്.
