അടൂര്‍: നിയന്ത്രണം വിട്ട കാര്‍ മരത്തില്‍ ഇടിച്ച് പ്രവാസിയായ യുവാവ് മരിച്ചു. നൂറനാട് എരുമക്കുഴി വിജിത്ത് ഭവനില്‍ വിജിത്ത് (32) ആണ് മരിച്ചത്. പുലര്‍ച്ചെ 12.15 ഓടെ കെ.പി.റോഡില്‍ തെങ്ങുംതാര ജങ്ഷനിലാണ് സംഭവം. നിയന്ത്രണം വിട്ട മാരുതി കാര്‍ പഞ്ഞി മരത്തില്‍ ഇടിച്ചാണ് അപകടം. കെ.പി.റോഡില്‍ അടൂര്‍ ഭാഗത്ത് നിന്നും നൂറനാട്ടെ വീട്ടിലേക്ക് പോകുന്ന വഴിയാണ് കാര്‍ റോഡിന് ഇടത് വശത്തുള്ള മരത്തിലിടിച്ചത്. സൗദിയില്‍ പ്ലംബര്‍ ആയി ജോലി നോക്കിയിരുന്ന വിജിത്ത് ഒന്നര മാസം മുമ്പാണ് നാട്ടില്‍ എത്തിയത്. ഒപ്പം ഉണ്ടായിരുന്ന മൂന്നു പേര്‍ നിസാര പരുക്കുകളോടെ രക്ഷപ്പെട്ടു.
