പൊടിപ്പാറ ജങ്ഷനില്‍ കാര്‍ സ്‌കൂട്ടര്‍ ഇടിച്ചു തെറിപ്പിച്ചു: സ്‌കൂട്ടര്‍ യാത്രികന് ഗുരുതര പരുക്ക്

0 second read
Comments Off on പൊടിപ്പാറ ജങ്ഷനില്‍ കാര്‍ സ്‌കൂട്ടര്‍ ഇടിച്ചു തെറിപ്പിച്ചു: സ്‌കൂട്ടര്‍ യാത്രികന് ഗുരുതര പരുക്ക്
0

ഇരവിപേരൂര്‍: ഇരവിപേരൂര്‍-കോഴഞ്ചേരി റോഡില്‍ പൊടിപ്പാറ ജങ്ഷനു സമീപം കാര്‍ സ്‌കൂട്ടറിലിടിച്ചുണ്ടായ അപകടത്തില്‍ ഒരാള്‍ക്ക് പരുക്കേറ്റു.
സ്‌കൂട്ടര്‍ യാത്രികന്‍ പായിപ്പാട് അനില്‍ ഭവനത്തില്‍ അനില്‍കുമാറിനാണ് പരുക്കേറ്റത്. വൈകിട്ട് 3.30 ഓടെയായിരുന്നു അപകടം.

കുമ്പനാട് നിന്നും ഇരവിപേരൂര്‍ ഭാഗത്തേക്കു വരികയായിരുന്ന സ്‌കൂട്ടറിനെ എതിര്‍ദിശയില്‍ അമിതവേഗതയിലെത്തിയ കാര്‍ മറ്റൊരു വാഹനത്തെ മറികടക്കുമ്പോള്‍ ദിശതെറ്റി വന്ന് ഇടിക്കുകയായിരുന്നു.

ഇടിയുടെ ആഘാതത്തില്‍ സ്‌കൂട്ടറില്‍ നിന്നും തെറിച്ചു വീണ അനില്‍കുമാറിന്റെ താടിക്ക് മുറിവും കൈക്കു പൊട്ടലും ഉണ്ടായിട്ടുണ്ട്.
ഇയാളെ തിരുവല്ല പുഷ്പഗിരി ആശുപത്രിയില്‍ പ്രവേശിപ്പിച്ചു. ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണ്ണമായും തകര്‍ന്നു. തിരുവല്ല പൊലീസ് മേല്‍നടപടി സ്വീകരിച്ചു.

Load More Related Articles
Load More By Veena
Load More In LOCAL
Comments are closed.

Check Also

പതിനാറുകാരിയെ തമിഴ്‌നാട്ടിലെത്തിച്ച് ദിവസങ്ങളോളം പീഡിപ്പിച്ച പ്രതിക്ക് ജീവപര്യന്തവും 10 വര്‍ഷം കഠിനതടവും

പത്തനംതിട്ട: പതിനാറുകാരിയെ വീട്ടില്‍ നിന്നും കടത്തിക്കൊണ്ടുപോയി ദിവസങ്ങളോളം കൂടെ താമസിപ്പി…