കോന്നി: വകയാറില്‍ കാറും സ്‌കൂട്ടറും കൂട്ടിയിടിച്ച് സ്‌കൂട്ടറില്‍ സഞ്ചരിച്ചിരുന്ന വയോധികന്‍ മരിച്ചു. മുറിഞ്ഞകല്‍ സന്ധ്യ സദനത്തില്‍ ഭരതന്‍ (80) ആണ് മരിച്ചത്.
ഇടിയുടെ ആഘാതത്തില്‍ കാര്‍ കുഴിയിലേക്ക് മറിഞ്ഞു. സ്‌കൂട്ടര്‍ യാത്രികയായ വിജയമ്മയ്ക്ക് പരുക്ക് പറ്റി .ഇവരെ ആശുപത്രിയില്‍ പ്രവേശിപ്പിച്ചു. കാറിലുണ്ടായിരുന്നവര്‍ക്ക് നിസാര പരുക്കേറ്റു.
പത്തനാപുരം ഭാഗത്ത് നിന്നും വന്ന കാറും കോന്നിയില്‍ നിന്നും പത്തനാപുരം ഭാഗത്തേക്ക് പോയ സ്‌കൂട്ടറും തമ്മിലാണ് വകയാര്‍ പള്ളിയ്ക്ക് സമീപം കൂട്ടിയിടിച്ചത്.
