തൊടുപുഴ: മുന്‍വൈരാഗ്യം മൂലം മനോജിനെ ലക്ഷ്യം വച്ച് നടത്തിയ ഓപ്പറേഷന്‍ പാളി. മരിച്ചത് സ്വന്തം ബന്ധുവായ കുഞ്ഞുമോന്‍. വഴിയില്‍ നിന്ന് വീണുകിട്ടിയതെന്ന് പറഞ്ഞ് നല്‍കിയ മദ്യം കുടിച്ച് യുവാവ് മരിച്ച സംഭവം കൊലപാതകമെന്ന് പൊലീസ്. കോട്ടയം മെഡിക്കല്‍ കോളജ് ആശുപത്രിയില്‍ ചികിത്സയിലിരിക്കേ കഴിഞ്ഞ ദിവസം മരിച്ച കുഞ്ഞുമോന്റെ ബന്ധു സുധീഷിനെ പൊലീസ് അറസ്റ്റ് ചെയ്തു. സിറിഞ്ച് ഉപയോഗിച്ച് കീടനാശിനി മദ്യക്കുപ്പിയില്‍ ഒഴിച്ചാണ് സുധീഷ് കൊല നടത്തിയതെന്നും പൊലീസ് പറയുന്നു. ജനുവരി എട്ടിന് രാവിലെയാണ് അടിമാലി അഫ്‌സരകുന്നില്‍ നിന്നും വീണു കിട്ടിയ മദ്യം എന്ന് പറഞ്ഞ് …

പത്തനംതിട്ട: പല തവണ വന്ന് ഭക്ഷണം കഴിച്ചിട്ടും പണം കൊടുക്കാതെ പോയി. ഒടുവില്‍ ഭക്ഷണത്തിന്റെ കാശ് ചോദിച്ചപ്പോള്‍ തട്ടുകട നടത്തുന്ന കുടുംബത്തിന് മര്‍ദനം. മര്‍ദനത്തില്‍ പരുക്കേറ്റവര്‍ ആശുപത്രിയില്‍ ചികില്‍സയില്‍ കഴിയവേ തട്ടുകട അടിച്ചു തകര്‍ത്ത് തി വച്ച് പ്രതികാരം. സി.പി.എം പഞ്ചായത്ത് അംഗത്തിന്റെ മകന്‍ സഹിതം ഉള്‍പ്പെട്ട അക്രമി സംഘത്തെ അറസ്റ്റ് ചെയ്യാതെ പോലീസിന്റെ ഒളിച്ചു കളി. പ്രമാടം പഞ്ചായത്തിലെ പൂങ്കാവില്‍ തട്ടുകട നടത്തുന്ന നാരങ്ങാനം സ്വദേശി സിബി ജോര്‍ജ്, ഭാര്യ ലിന്‍സി, മകന്‍ ലിനോ തോമസ് എന്നിവരെയാണ് വ്യഴാഴ്ച രാത്രി ഏഴു മണിയോടെ …

പത്തനംതിട്ട: പൂങ്കാവില്‍ തട്ടുകടയില്‍ നിന്ന് ഭക്ഷണം കഴിച്ചതിന്റെ പണം ചോദിച്ചതിന് കട ഉടമയെ മര്‍ദിച്ചതായി പരാതി. നാരങ്ങാനം സ്വദേശിയായ ലിനോ തോമസ്, അച്ഛന്‍ സിബി ജോര്‍ജ് അമ്മ ലിന്‍സി എന്നിവര്‍ക്കാണ് മര്‍ദ്ദനമേറ്റത്.  രാത്രി ഏഴു മണിയോടെയാണ് എട്ട് പേരടങ്ങുന്ന സംഘം മര്‍ദിച്ചത് മൂന്ന് മാസത്തിനിടയില്‍ പല തവണയായി കഴിച്ച ഭക്ഷണത്തിന്റെ പണം ആണ് കട ഉടമ ആവശ്യപ്പെട്ടത്. പൂങ്കാവ് സ്വദേശി ആരോമലിന്റെ നേതൃത്വത്തിലാണ് മര്‍ദിച്ചതെന്ന് കട ഉടമ ലിനോ തോമസ് പറഞ്ഞു. മര്‍ദനമേറ്റവര്‍ ജനറല്‍ ആശുപത്രിയില്‍ ചികിത്സ തേടി.

ഇലവുംതിട്ട: സ്വകാര്യ ഫിനാന്‍സ് കമ്പനിയില്‍ നിന്ന് മൈക്രോ ഫിനാന്‍സ് പദ്ധതിയില്‍ ചേര്‍ന്ന് എടുത്ത വായ്പയുടെ തിരിച്ചടവ് മുടങ്ങിയതിന് കളക്ഷന്‍ സംഘം വീടു കയറി സ്ത്രീകളെ ആക്രമിച്ചുവെന്ന് പറയുന്നു. കളക്ഷന്‍ ഏജന്റായ യുവതി അടക്കം അഞ്ചു പേര്‍ക്കെതിരേ പോലീസ് കേസെടുത്തു. ഇന്നലെ രാത്രി ഏഴു മണിയോടെ മെഴുവേലി സൂര്യേന്ദു വീട്ടില്‍ രാജുവിന്റെ ഭാര്യ ജെയിനിക്കും പെണ്‍മക്കള്‍ക്കും നേരെയാണ് ആക്രമണം നടന്നത്. ബി.എഫ്.ഐ.എല്‍ എന്ന ധനകാര്യ സ്ഥാപനത്തിന്റെ ചെങ്ങന്നൂര്‍ ബ്രാഞ്ചില്‍ നിന്നും ജെയ്‌നി അടക്കമുള്ള അഞ്ചംഗ സംഘം ഒരു ലക്ഷം രൂപ വായ്പയെടുത്തിരുന്നു. തിരിച്ചടവ് നടത്തിയിരുന്നത് ജെയ്‌നിയായിരുന്നു. …

പത്തനംതിട്ട: സി.എ വിദ്യാര്‍ഥിയായിരുന്ന പ്രമാടം കാഞ്ഞിരവിളയില്‍ സന്തോഷിന്റെയും യമുനാ ദേവിയുടെയും മകള്‍ ആതിര സന്തോഷിന്റെ മരണവുമായി ബന്ധപ്പെട്ട ദുരൂഹതകള്‍ അകറ്റണമെന്ന് സിദ്ധനാര്‍ സര്‍വീസ് സൊസൈറ്റി കോന്നി താലൂക്ക് യൂണിയന്‍ ഭാരവാഹികള്‍ ആവശ്യപ്പെട്ടു.നിലവില്‍ കോന്നി പോലീസാണ് അന്വേഷണം നടത്തുന്നത്. കഴിഞ്ഞ നവംബര്‍ 11ന് രാത്രി ആതിരയെ കാണാതാവുകയും 12ന് അച്ചന്‍കോവിലാറ്റില്‍ വേലന്‍ കടവില്‍ നിന്നും പെണ്‍കുട്ടി സഞ്ചരിച്ചിരുന്ന സ്‌കൂട്ടറും ആറ്റില്‍ നിന്ന് മൃതദേഹവും ലഭിച്ചിരുന്നു. വീട്ടില്‍ നിന്നും ഏഴുകിലോമീറ്ററോളം അകലത്തിലുള്ള കടവിലാണ് മൃതദേഹം കണ്ടെത്തിയത്. ആതിര തനിയെ ഇവിടെ എത്തിയതില്‍ ദുരൂഹത ഉണ്ട്. സംഭവവുമായി ബന്ധപ്പെട്ട …

റാന്നി: പെന്‍ഷന്‍ തുക കൊടുക്കാത്തതിന്റെ പേരില്‍ പിതാവിനെ തലയ്ക്കടിച്ച് പരുക്കേല്‍പ്പിച്ച മകനെ പോലീസ് അറസ്റ്റ് ചെയ്തു. പെരുനാട് മാടമണ്‍ കോട്ടൂപ്പാറ പടിഞ്ഞാറേ ചരുവില്‍ വീട്ടില്‍ അരുണ്‍ സത്യനെ(31) യാണ് പോലീസ് പിടികൂടിയത്. തിങ്കളാഴ്ച വൈകിട്ട് അഞ്ചിന് വീട്ടില്‍ വച്ചായിരുന്നു ആക്രമണം. സ്റ്റീല്‍ കോപ്പയെടുത്തു പിതാവ് സത്യന്റെ (68) തലയ്ക്കടിക്കുകയായിരുന്നു. മനപ്പൂര്‍വമല്ലാത്ത നരഹത്യാ ശ്രമത്തിനാണ് കേസ് എടുത്തത്. പെരുനാട് പോലീസ് സ്‌റ്റേഷനില്‍ 13 കേസിലും റാന്നി, പത്തനംതിട്ട പോലീസ് സ്‌റ്റേഷനുകളില്‍ ഓരോ കേസുകളിലും പ്രതിയാണ് ഇയാള്‍. വീട്ടിലും നാട്ടിലും സ്ഥിരമായി പ്രശ്‌നങ്ങളുണ്ടാക്കുന്ന ഇയാള്‍ പോലീസിനും തലവേദനയാണ്. …

മല്ലപ്പളളി: വാഹനത്തിന്റെ അമിതവേഗം ചോദ്യം ചെയ്തതിന് വീട്ടില്‍ കയറി ആക്രമണം നടത്തിയ കേസില്‍ നാലുപേരെ കീഴ്‌വായ്പ്പൂര്‍ പോലീസ് അറസ്റ്റ് ചെയ്തു. കഴിഞ്ഞ ശനി രാത്രി 10.30 നാണ് സംഭവം. വീയപുരം മേല്‍പ്പാടത്തു നിന്നും കുന്നന്താനം ആഞ്ഞിലിത്താനത്ത് പഴമ്പള്ളി ആഞ്ഞിലിമൂട്ടില്‍ വാടകയ്ക്ക് താമസിക്കുന്ന ശശികുമാറിന്റെ വീട്ടില്‍ ആക്രമണം നടത്തിയ അഞ്ചംഗ സംഘത്തിലെ നാലുപേരാണ് അറസ്റ്റിലായത്. ഒന്നാം പ്രതി ഒളിവിലാണ്. മാമാട്ടി കവലയിലുള്ള കാവുങ്കല്‍ അയ്യപ്പക്ഷേത്രത്തിന് സമീപം വച്ചുണ്ടായ തര്‍ക്കമാണ് വീടുകയറി ആക്രമണത്തില്‍ കലാശിച്ചത്. ആഞ്ഞിലിത്താനം പഴമ്പിള്ളി കൊച്ചുകുന്നക്കാട്ടില്‍ കെ. കെ. ജയേഷ് (39), ചിറയക്കുളം മാവേലി …