പത്തനംതിട്ട: കേരളത്തില്‍ നിന്നുള്ള ഇന്ത്യന്‍ നിര്‍മ്മിത വിദേശ മദ്യത്തിന്റെ കയറ്റുമതി വര്‍ധിപ്പിക്കുന്നതിനുള്ള വിദഗ്ധ സമിതിയുടെ ശുപാര്‍ശകള്‍ക്ക് അംഗീകാരം വൈകുന്നു. സംസ്ഥാനത്ത് നിന്നുള്ള മദ്യ കയറ്റുമതി വര്‍ധിപ്പിക്കുന്നതിന് അബ്കാരി നയത്തില്‍ ചില പരിഷ്‌കാരങ്ങള്‍ വരുത്തണമെന്ന് വിദഗ്ധ സമിതി ശുപാര്‍ശ ചെയ്തിരുന്നു. എന്നാല്‍ റിപ്പോര്‍ട്ട് സമര്‍പ്പിച്ച് ഒരു വര്‍ഷം പിന്നിട്ടിട്ടും നടപടി ഇഴയുകയാണെന്നാണ് ആക്ഷേപം. വിദഗ്ധ സമിതിയുടെ ശുപാര്‍ശ നടപ്പാക്കുന്നതോടെ പുതിയ പരിഷ്‌കാരങ്ങളും സംരംഭങ്ങളുമുണ്ടാകും. ഇതിലൂടെ സംസ്ഥാനത്തിന് വിദേശ മദ്യ കയറ്റുമതി സാധ്യതകള്‍ വര്‍ദ്ധിപ്പിക്കാന്‍ കഴിയും. ശുപാര്‍ശ നടപ്പാക്കിയാല്‍ സര്‍ക്കാരിന് വന്‍ സാമ്പത്തിക നേട്ടം കൈവരിക്കാനാകുമെന്നുമാണ് വിലയിരുത്തല്‍. …

ഉത്തമപാളയം: മലയാളികളെ ലക്ഷ്യമിട്ട് തമിഴ്‌നാട്ടിലെ കമ്പത്ത് വമ്പന്‍ ചീട്ടുകളി സംഘം. പ്രമുഖ ബാര്‍ കേന്ദ്രീകരിച്ചുള്ള ക്ലബിലാണു സംസ്ഥാനത്തുട നീളമുള്ള മലയാളികള്‍ മേശയ്ക്ക് അപ്പുറമിപ്പുറം നേര്‍ക്കുനേര്‍ ഏറ്റുമുട്ടുന്നത്. ജീവനക്കാരായ തമിഴ്‌നാട് സ്വദേശികളൊഴിച്ചാല്‍ ക്ലബിന്റെ പൂര്‍ണ നിയന്ത്രണം മലയാളികള്‍ക്കാണ്. ഹൈറേഞ്ച് സ്വദേശികളായ പ്രമുഖ ചീട്ടുകളിക്കാരാണ് ഏജന്റുമാരായി പ്രവര്‍ത്തിക്കുന്നത്. മറ്റു സ്ഥലങ്ങളില്‍ നിന്നുള്ള പ്രഗത്ഭരായ ചീട്ടുകളിക്കാരെ സഭയില്‍ എത്തിക്കുന്നത് ഇവരാണ്. തലയൊന്നിന് 2000 രൂപ ഇവര്‍ക്കു കമ്മീഷനായി ലഭിക്കും. 2000 രൂപ പ്രവേശന ഫീസ് (ചീട്ടുമേശ) നല്‍കിയാല്‍ കളി ആരംഭിക്കാം. പ്രധാനമായും റമ്മി, വെട്ടിമലര്‍ത്ത്, മുച്ചിട്ട് എന്നിവയാണു കളികള്‍. …

വണ്ടന്മേട്: ഏലം കൃഷിക്കായി പാട്ടത്തിന് നല്കിയ സര്‍ക്കാര്‍ ഭൂമിയില്‍ നിന്ന് ലക്ഷങ്ങളുടെ കരിങ്കല്ല് പൊട്ടിച്ച് കടത്തിയിട്ടും അധികൃതര്‍ അറിഞ്ഞില്ലെന്ന് ആരോപണം. കട്ടപ്പന, വണ്ടന്മേട് വില്ലേജുകളില്‍ ഉള്‍പ്പെട്ടു വരുന്ന കറുവാ കുളത്താണ് സര്‍ക്കാര്‍ ഭൂമിയില്‍ നിന്നും മാസങ്ങളോളം വന്‍ തോതില്‍ പാറ പൊട്ടിച്ച് കടത്തിയതെന്നാണ് പരാതി. രാപകല്‍ ഭേദമില്ലാതെ ഖനനം നിര്‍ബാധം തുടര്‍ന്നെങ്കിലും ബന്ധപ്പെട്ടവര്‍ കണ്ട ഭാവം നടിച്ചില്ലെന്നാണ് ആക്ഷേപം. ഒടുവില്‍ സംസ്ഥാന രഹസ്യാന്വേഷണ വിഭാഗം റിപ്പോര്‍ട്ട് നല്കിയതോടെ ജിയോളജി, റവന്യു വകുപ്പുകള്‍ തിടുക്കപ്പെട്ട് സ്‌റ്റോപ്പ് മെമ്മോ നല്‍കി തലയൂരി. കഴിഞ്ഞ ഏഴ് മാസമായി വലിയ …

ഇടുക്കി: കലക്ടറേറ്റില്‍ നിന്നെന്ന വ്യാജേന ഗ്രാമസേവകനെ വിളിച്ച് കോള്‍ റെക്കോര്‍ഡ് ചെയ്ത് പഞ്ചായത്ത് വൈസ് പ്രസിഡന്റ് വാട്‌സാപ്പ് ഗ്രൂപ്പില്‍ പ്രചരിപ്പിച്ചതില്‍ ജീവനക്കാര്‍ക്കിടയില്‍ അമര്‍ഷം പുകയുന്നു. കഴിഞ്ഞ ശനിയാഴ്ചയാണ് സംഭവം. പാമ്പാടുംപാറ പഞ്ചായത്ത് വൈസ് പ്രസിഡന്റിന്റെ ഫോണ്‍ വിളിയാണ് നാട്ടില്‍ പുലിവാലായത്. വി.ഇ.ഒയെ കുറിച്ച് നിരന്തരം പരാതിയാണെന്നും ഓഫീസില്‍ കാണാന്‍ കഴിയില്ലെന്നും കലക്ടറേറ്റില്‍ ഇമെയില്‍ പരാതി വന്നിട്ടുണ്ടെന്നും തിങ്കളാഴ്ച കലക്ടറേറ്റില്‍ എത്തെണമെന്നുമായിരുന്നു ഫോണ്‍ സന്ദേശം. റെക്കോര്‍ഡ് ചെയ്ത ഫോണ്‍ സംഭാഷണം വൈസ് പ്രസിഡന്റ് തന്നെ ജീവനക്കാരും അംഗങ്ങളുമുള്‍പ്പെട്ട വാട്‌സാപ്പ് ഗ്രൂപ്പില്‍ ഇട്ടത്.ഏതാനും മിനിട്ടുകള്‍ക്കുള്ളില്‍ ഇത് മറ്റു …

കോന്നി: ഡ്യൂട്ടിക്കിടെ മദ്യപാനത്തിലേര്‍പ്പെട്ട കോന്നി അഗ്നിരക്ഷാ നിലയത്തിലെ രണ്ട് ഉദ്യോഗസ്ഥരെ കോട്ടയം റീജിയണല്‍ ഫയര്‍ ഓഫീസര്‍ സസ്‌പെന്‍ഡ് ചെയ്തു.  ഫയര്‍ ആന്‍ഡ് റസ്‌ക്യൂ ഓഫീസര്‍മാരായവി.ആര്‍. അഭിലാഷ്, എസ്. ശ്യാംകുമാര്‍ എന്നിവരാണ് സസ്‌പെന്‍ഷനിലായത്. ഫയര്‍ ആന്‍ഡ് റെസ്‌ക്യു സര്‍വീസ് ഡയറക്ടര്‍ (ഭരണം) നടത്തിയ മിന്നല്‍ പരിശോധനയിലാണ് ഇവരെ മദ്യവുമായി കണ്ടെത്തിയത്. കഴിഞ്ഞ മൂന്നിന് വൈകിട്ട് ഡയറക്ടര്‍ അരുണ്‍ അല്‍ഫോണ്‍സ് നിലയത്തിലെത്തുമ്പോള്‍ ശ്യാംകുമാര്‍ ഒരു ഗ്ലാസില്‍ മദ്യവുമായി നില്‍ക്കുന്നതാണ്് കണ്ടത്. അന്ന് നിലയത്തിന്റെ ചുമതലയുള്ള അഭിലാഷുമായി ചേര്‍ന്ന് മദ്യപിക്കുകയായിരുന്നുവെന്ന് ഇയാള്‍ ഡയറക്ടര്‍ക്ക് മൊഴി നല്‍കി. ഈ വിവരം …

e-KYC ( മസ്റ്ററിംഗ്) പൂർത്തീകരിക്കാത്തത് കൊണ്ട് പാചകവാതകം ലഭിക്കില്ല എന്നുള്ള വാർത്ത വസ്തുതാപരമല്ലെന്ന് ഓൾ ഇന്ത്യ എൽ പി ജി ഡിസ്ട്രിബ്യുട്ടേഴ്‌സ് ഫെഡറേഷൻ (കേരള സർക്കിൾ ) അറിയിച്ചു. e-KYC ചെയ്യാത്തതുകൊണ്ട് ഉപഭോക്താക്കൾക്ക് പാചകവാതകം നിഷേധിക്കണമെന്ന് ഒരു ഉത്തരവും ആരും പുറപ്പെടുവിച്ചിട്ടില്ല. ഈ രീതിയിൽ ചാനലുകളിൽ വന്ന വാർത്ത വസ്തുതാ വിരുദ്ധവും വ്യാജവുമാണ്. സംശയ ദുരീകരണത്തിനായി  ഉപഭോക്താക്കൾ നിങ്ങളുടെ ഗ്യാസി എജൻസിയുമായിട്ടോ, ഡെലിവറി ബോയ്സുമായിട്ടോ ബന്ധപ്പെടേണ്ടതാണ്. എന്നും അസോസിയേഷന്‍ അറിയിച്ചു. നിലവിലുള്ള ഉപയോക്താക്കളുടെ കൃത്യമായ കണക്ക് എടുക്കുന്നതിനും അവര്‍ ഉപയോഗിക്കുന്ന സിലിണ്ടറുകളുടെ എണ്ണം മനസിലാക്കുന്നതിനും …

കോട്ടയം: കോട്ടയം വെസ്റ്റ് പൊലീസ് സ്‌റ്റേഷനിലെ ഗ്രേഡ് എസ്‌ഐ അയര്‍ക്കുന്നം നീറിക്കാട് കീഴാട്ട് കാലായില്‍ കെ. രാജേഷ് നാടുവിട്ടതിന് പിന്നില്‍ മേലുദ്യോഗസ്ഥരുടെ പീഡനമെന്ന് പരാതി. ഉന്നത ഉേദ്യാഗസ്ഥന്റെ സുഹൃത്തിന്റെ മക്കളെ വെളളം കയറിയ വീട്ടില്‍ നിന്നും പോലീസ് വാഹനത്തില്‍ കയറ്റി സുരക്ഷിത സ്ഥാനത്ത് എത്തിച്ചില്ലെന്ന് പറഞ്ഞ് ഡിവൈ.എസ്.പി, ഓഫീസില്‍ വിളിച്ചു വരുത്തി അസഭ്യം വിളിയ്ക്കുകയും മോശമായി പെരുമാറുകയും ചെയ്തതാണ് നാടുവിടാന്‍ കാരണമെന്ന് രാജേഷിന്റെ മൊഴിയില്‍ പറയുന്നു. കഴിഞ്ഞ 14 ന് നൈറ്റ് ഡ്യൂട്ടിക്ക് ശേഷം വീട്ടിലേക്ക് മടങ്ങിയതായിരുന്നു എസ് ഐ. എന്നാല്‍ ഇദ്ദേഹം രാത്രി …

കട്ടപ്പന: സംസ്ഥാനമൊട്ടാകെ അംഗീകാരമില്ലാത്ത വ്യാജ പാരാമെഡിക്കൽ സ്ഥാപനങ്ങൾ തലപൊക്കുന്നു.ഇത്തരം സ്ഥാപങ്ങളുടെ കോഴ്സുകളിൽ ചേർന്ന് തട്ടിപ്പിന് ഇരയായി ഭാവിയും പണവും ഭാവിയും നഷ്ടപ്പെട്ടവർ നിരവധിയാണ്.ബി.എസ്.സി എം.എൽ.ടി ,ഡി.എം.എൽ.ടി ,നഴ്സിംഗ്, ഫിസിയോ തെറാപ്പി, ഓപ്പറ്റിയോമെട്രീ, ഫാർമസി, എക്‌സ്രേ ടെക്നിഷ്യൻ, ഓപ്പറേഷൻ തിയേറ്റർ അസിസ്റ്റന്റ് ടെക്നിഷ്യൻ, ഡയാലിസിസ് ടെക്നിഷ്യൻ തുടങ്ങിയ കോഴ്സുകളാണ് ഒരു വർഷത്തെയും ആറും രണ്ടും മാസകാലയളവിലുമെല്ലാം ഡിപ്ലോമ എന്ന പേരിൽ പൂർത്തിയാക്കി സർട്ടിഫിക്കറ്റ് നൽകുന്നത്. പാരാമെഡിക്കൽ ഡിഗ്രി അല്ലെങ്കിൽ ഡിപ്ലോമ കോഴ്സുകൾ പഠിക്കാൻ പ്ലസ് ടു സയൻസ് ആണ് യോഗ്യത.എന്നാൽ പ്ലസ് ടു സയൻസ് ഇല്ലാത്ത …

കൊട്ടാരക്കര: മണ്ണു-ക്വാറി മാഫിയയില്‍ നിന്ന് ലക്ഷങ്ങള്‍ കൈക്കൂലി കൈപ്പറ്റുന്നുവെന്ന പരാതിയെ തുടര്‍ന്ന് തഹസില്‍ദാര്‍ എം.കെ. അജികുമാര്‍, ഡെപ്യൂട്ടി തഹസില്‍ദാര്‍ (ഇന്‍സ്‌പെക്ഷന്‍) വി. അനില്‍കുമാര്‍, ഡ്രൈവര്‍ ടി. മനോജ് എന്നിവരെ റവന്യൂ വകുപ്പ് പ്രിന്‍സിപ്പല്‍ സെക്രട്ടറി ടിങ്കു ബിസ്വാള്‍ സസ്‌പെന്‍ഡ് ചെയ്തു. ഇവര്‍ക്കെതിരേ കൊട്ടാരക്കര കുളക്കട ശ്രീനിലയം വീട്ടില്‍ കെ.ജെ. രാധാകൃഷ്ണപിള്ള നല്‍കിയ പരാതിയില്‍ റവന്യൂ വകുപ്പ് അണ്ടര്‍ സെക്രട്ടറിയുടെ നേതൃത്വത്തില്‍ നടത്തിയ അണ്ടര്‍ കവര്‍ ഓപ്പറേഷനിലാണ് കൊട്ടാരക്കര താലൂക്കിലെ ഉദ്യോഗസ്ഥര്‍ക്ക് പണി കിട്ടിയത്. റവന്യൂമന്ത്രിയുടെ ഉത്തരവ് പ്രകാരം രൂപീകരിച്ച പ്രത്യേക അന്വേഷണ സംഘം വേഷം …

ഇടുക്കി: കടുത്ത വേനലില്‍ ഏലം കരിഞ്ഞുണങ്ങി ആദായം നഷ്ടപ്പെട്ട കര്‍ഷകര്‍ ഇനി നേരിടാന്‍ പോകുന്നത് പുതിയ കൃഷിയിറക്കാനുള്ള തട്ടയുടെ (തൈ) ക്ഷാമം. മുമ്പ് 150 മുതല്‍ 200 രൂപ വരെ ആയിരുന്ന തട്ട വില 400-500 രൂപയിലേക്കും എത്തുമെന്നാണ് കര്‍ഷകര്‍ പറയുന്നത്. ഹൈറേഞ്ചില്‍ ചുരുക്കം സ്ഥലങ്ങളിലൊഴികെ മിക്കയിടത്തും ഏലം പൂര്‍ണമായോ ഭാഗികമായോ കരിഞ്ഞ് നശിച്ച അവസ്ഥയാണ്. ആദായം രണ്ട് വര്‍ഷത്തേക്ക് പൂര്‍ണമായും ഇല്ലാതായതിനോടൊപ്പം പുനര്‍ കൃഷിക്ക് ഏലം തട്ടകള്‍ക്ക് കനത്ത ക്ഷാമവും നേരിടുന്ന സാഹചര്യമാണ് നിലനില്‍ക്കുന്നത്. ഏലം തട്ട ലഭിച്ചാല്‍ത്തന്നെ കനത്ത വില നല്‍കേണ്ടിവരും. …