കൊച്ചി: വിദേശനാണയ വിനിമയ ചട്ടം ലംഘിച്ച് അറുപതു കോടി ഹവാലാപ്പണം സൗദി അറേബ്യയിലേക്ക് കടത്തിയെന്ന പരാതിയില്‍ അങ്കമാലി കേന്ദ്രീകരിച്ചുള്ള പ്രമുഖ വ്യവസായ ഗ്രൂപ്പായ മൂലന്‍സ് ഇന്റര്‍നാഷണല്‍ പ്രൈവറ്റ് ലിമിറ്റഡ് കമ്പനി ഉടമകളായ ആറു പേര്‍ക്കെതിരേ എന്‍ഫോഴ്‌സ്‌മെന്റ് ഡയറക്ടറേറ്റ് കൊച്ചി യൂണിറ്റ് തുടങ്ങിയ പ്രാഥമികാന്വേഷണം അട്ടിമറിക്കാന്‍ നീക്കമെന്ന് ഹൈക്കോടതിയില്‍ സത്യവാങ് മൂലം. ജിദ്ദ കേന്ദ്രീകരിച്ചുള്ള സ്‌പൈസസ് സിറ്റി ഫോര്‍ ഫുഡ് സ്റ്റഫ്‌സ് വെയര്‍ ഹൗസ് കമ്പനിയില്‍ നിക്ഷേപം നടത്തിയെന്നാണ് പരാതി. ഈ പരാതിയിന്മേല്‍ മൂലന്‍സ് ഗ്രൂപ്പിന്റെ ഡയറക്ടര്‍മാര്‍ക്കെതിരേ ഇഡി പ്രാഥമികാന്വേഷണം നടത്തി കഴമ്പുളളതായി കണ്ടെത്തിയിരുന്നു. ഇതിന്മേലുളള …

തിരുവല്ല: തിരുമൂലപുരത്ത് മണിമലയാറിന്റെ തീരത്ത് വെറും 35 മീറ്റര്‍ മാത്രം സംരക്ഷണഭിത്തി നിര്‍മിച്ച് ജലസേചന വകുപ്പിന്റെ മാതൃക! ഇതിന്റെ ഗുട്ടന്‍സ് തേടി ഇറങ്ങിയ നാട്ടുകാര്‍ കണ്ടത് പുറമ്പോക്ക് ഭൂമിയില്‍ നേരത്തേ വച്ചു പിടിപ്പിച്ചിരുന്ന മരങ്ങള്‍ വെട്ടിനശിപ്പിച്ചിരിക്കുന്നത്. ഇവിടെ നിര്‍മിക്കാന്‍ പോകുന്ന സ്വകാര്യ റിസോര്‍ട്ട് ഉടമയ്ക്ക് വേണ്ടി സര്‍ക്കാര്‍ സംവിധാനങ്ങള്‍ വഴിവിട്ടു പ്രവര്‍ത്തിച്ചുവെന്ന് ആരോപണമുയരുന്നതിനിടെ ജലസേചന വകുപ്പ് നിര്‍മാണം താല്‍ക്കാലികമായി നിര്‍ത്തി വച്ചു. തിരുവല്ല നഗരസഭ 21-ാം വാര്‍ഡില്‍ പ്രവര്‍ത്തിക്കുന്ന ബിസിനസ് ഗ്രൂപ്പിന്റെ ഉടമസ്ഥതയിലുള്ള ഭൂമിയോട് ചേര്‍ന്നുള്ള ആറ്റു പുറമ്പോക്കിലാണ് സംരക്ഷണ ഭിത്തി നിര്‍മാണം തകൃതിയായി …

അജോ കുറ്റിക്കന്‍ ഇടുക്കി: ഹരിയാന സ്വദേശിനിയെ റിസോര്‍ട്ടിലെത്തിച്ച് പീഡിപ്പിച്ചെന്ന പരാതിയില്‍ പ്രതികളെ അറസ്റ്റ് ചെയ്യാന്‍ വൈകിയെന്ന പരാതിയില്‍ പൊലീസ് ഉദ്യോഗസ്ഥര്‍ക്കെതിരേ നടപടിയുണ്ടായേക്കും. ജില്ലയുടെ അതിര്‍ത്തി പൊലീസ് സ്‌റ്റേഷനില്‍ ഏതാനും മാസം മുമ്പാണ് സംഭവം. ഉന്നത ഉദ്യോഗസ്ഥര്‍ വാദിക്കും പ്രതിക്കും വേണ്ടി ഒരു പോലെ സമ്മര്‍ദം ചെലുത്തിയതോടെയാണ് അറസ്റ്റിന് കാലതാമസമുണ്ടായതെന്നാണ് പറയുന്നത്. മേലുദ്യോഗസ്ഥരുടെ നിര്‍ദേശപ്രകാരം പ്രവര്‍ത്തിച്ച ഉദ്യോഗസ്ഥര്‍ക്കെതിരെ വകുപ്പ് തല നടപടി സ്വീകരിക്കുന്നതിനെതിരെ സേനയിലും അമര്‍ഷം പുകയുന്നു. സാമൂഹിക മാധ്യമം വഴി പരിചയപ്പെട്ട ഹരിയാന സ്വദേശിനിയെ റിസോര്‍ട്ടിലെത്തിച്ച് പീഡിപ്പിച്ചെന്ന പരാതിയിലാണ് ഹൈറേഞ്ച് മേഖലയില്‍ വ്യാപാര സ്ഥാപനം …

പത്തനംതിട്ട: വിനോദ സഞ്ചാരികള്‍ക്ക് ആറന്മുളയില്‍ പമ്പാ നദിയിലൂടെ ബോട്ട് സര്‍വീസ് ആരംഭിക്കുന്നതിന് അനുമതി ലഭിച്ചതായി വികസന സമതി. 1096 ലെ തിരുവിതാംകൂര്‍ കനാല്‍ ആന്‍ഡ് ഫെറീസ് ആക്ടില്‍ ആറന്മുളയെക്കൂടിഉള്‍പ്പെടുത്തി സര്‍ക്കാര്‍ ഉത്തരവും അസാധാരണ ഗസറ്റ് നോട്ടിഫിക്കേഷനും വന്നതോടെ ആണ് ഇത് യാഥാര്‍ഥ്യമാകുന്നത്. 2021 നവംബറില്‍ മാസത്തില്‍ വികസന സമിതി ഈ ആവശ്യവുമായി സര്‍ക്കാരില്‍ നിവേദനം നല്‍കിയിരുന്നു. തുടര്‍ന്ന് ജലസേചന വകുപ്പിന്റെയും ഇന്‍ലാന്റ് നാവിഗേഷന്റെയും കോഴഞ്ചേരി, കൊല്ലം, ആലപ്പുഴ, തിരുവനന്തപുരം വരെയുള്ള പത്തോളം ഓഫീസുകളില്‍ നിന്നുള്ള ശിപാര്‍ശ സര്‍ക്കാരില്‍ സമര്‍പ്പിക്കുകയും ചെയ്തു. ടൂറിസം, ജലവിഭവ, നിയമ …

പത്തനംതിട്ട: കടമ്മനിട്ട മൗണ്ട് സയന്‍ ലോകോളജില്‍ അധ്യാപകരുടെ നിയമനത്തിലും വിദ്യാര്‍ഥികളെ പരീക്ഷയ്ക്ക് ഇരുത്തിയതിലും അടിമുടി ചട്ടലംഘനം നടന്നുവെന്ന് എം.ജി യൂണിവേഴ്‌സിറ്റി സിന്‍ഡിക്കേറ്റ് കണ്ടെത്തി. ഈ സാഹചര്യത്തില്‍ പ്രിന്‍സിപ്പാളിനെ നീക്കം ചെയ്യാന്‍ കോളജ് മാനേജര്‍ക്ക് നിര്‍ദേശം നല്‍കി. കോളജിന്റെ അഫിലിയേഷന്‍ പുനഃപരിശോധിക്കുവാനും തീരുമാനിച്ചിട്ടുണ്ട്. തുടരന്വേഷണത്തിന് ഏകാംഗ കമ്മിഷനെയും നിയോഗിച്ചു. വിവിധ വിദ്യാര്‍ഥികള്‍ നല്‍കിയ പരാതിയിന്മേല്‍ അന്വേഷണം നടത്തിയ അന്വേഷണ കമ്മിഷന്റെ റിപ്പോര്‍ട്ടിന്റെ അടിസ്ഥാനത്തിലാണ് സിന്‍ഡിക്കേറ്റിന്റെ തീരുമാനം. അപാകതകള്‍ പരിഹരിച്ച് യൂണിവേഴ്‌സിറ്റി മാനദണ്ഡ പ്രകാരം അധ്യാപക നിയമനം നടത്തി പട്ടിക യൂണിവേഴ്‌സിറ്റിയില്‍ ഹാജരാക്കണം. ജെയസണ്‍ ജോസഫ് സാജന്‍ …

അജോ കുറ്റിക്കന്‍ ഉത്തമപാളയം (തമിഴ്‌നാട്) : ജനപ്രതിനിധിമാരെയും മറ്റുഉന്നതരെയും അശ്ലീല വീഡിയോ കോളില്‍ കുടുക്കി പണം തട്ടുന്ന സംഘത്തിന്റെ പ്രവര്‍ത്തനം സജീവമാകുന്നു. രാജസ്ഥാന്‍, ഹരിയാന, യു.പി, മധ്യപ്രദേശ് എന്നിവിടങ്ങള്‍ ആസ്ഥാനമാക്കിയാണ് സംഘത്തിന്റെ പ്രവര്‍ത്തനമെന്നാണ് വിവരം.ഏതാനും ആഴ്ചകള്‍ക്ക് മുമ്പ് തേനി ജില്ലയിലെ പെരിയകുളം നിയമസഭ മണ്ഡലത്തിലെ എം.എല്‍.എ എസ്.ശരവണകുമാറിനെ മോര്‍ഫ് ചെയ്ത വീഡിയോ അയച്ച് ഭീഷണിപ്പെടുത്തി പണം തട്ടിയതാണ് ഒടുവിലെ സംഭവം.ഈ കേസിലെ പ്രതികളെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ഞെട്ടിക്കുന്ന വിവരങ്ങള്‍ പുറത്തായത്. ഉന്നത ഉദ്യോഗസ്ഥരെയും മാധ്യമപ്രവര്‍ത്തകരെയും സാമൂഹിക മാധ്യമങ്ങളിലൂടെ വലയിലാക്കി പണം തട്ടാന്‍ ഇവര്‍ …

പത്തനംതിട്ട: നിക്ഷേപിച്ച പണം തിരികെ നല്‍കിയില്ലെന്ന പരാതിയില്‍ മുത്തൂറ്റ് ഫിനാന്‍സിന്റെ ശാഖാ മാനേജര്‍ക്കെതിരേ ആറന്മുള പൊലീസ് കേസ് രജിസ്റ്റര്‍ ചെയ്തു. തടിയൂര്‍ പനക്കല്‍ തടം മാവുങ്കല്‍ പുത്തന്‍പുരയില്‍ വിമല്‍ കുമാര്‍ നല്‍കിയ പരാതിയില്‍ മുത്തൂറ്റ് ഫിനാന്‍സ് ആറാട്ടുപുഴ ശാഖാ മാനേജര്‍ ശ്രീകലയ്‌ക്കെതിരേയാണ് കേസ് എടുത്തിട്ടുള്ളത്. 18 വര്‍ഷം ഗള്‍ഫില്‍ ജോലി നോക്കി മടങ്ങിയെത്തിയ വിമല്‍ കുമാര്‍ 2018 മാര്‍ച്ച് 16 നാണ് ആറാട്ടുപുഴ മുത്തൂറ്റ് ഫിനാന്‍സ് ലിമിറ്റഡില്‍ 25 ലക്ഷം രൂപ നിക്ഷേപിച്ചത്. കണ്‍വര്‍ട്ടബിള്‍ ഡിബഞ്ചര്‍ സര്‍ട്ടിഫിക്കറ്റാണ് (എന്‍സിബി) ഇതിന് നല്‍കിയത്. ഇതാകട്ടെ കൊല്‍ക്കത്ത …

അടൂര്‍: എമര്‍ജന്‍സി വിന്‍ഡോയ്ക്ക് സമീപമായിരുന്നു ഞാനിരുന്നത്. ട്രെയിന്‍ ഭുവനേശ്വറിലേക്കുള്ള യാത്രയിലായിരുന്നു. പെട്ടെന്ന് സഡന്‍ബ്രേക്കിട്ടതു പോലെ വണ്ടിയൊന്ന് ഉലഞ്ഞു. എന്താണ് സംഭവിക്കുന്നതെന്ന് മനസിലാക്കുന്നതിന് മുന്‍പ് എമര്‍ജന്‍സി വിന്‍ഡോ തകര്‍ന്ന് ഞാന്‍ പുറത്തേക്ക് തെറിച്ചു വീണു. അവിടെ കിടന്ന് നോക്കുമ്പോള്‍ ഞാന്‍ വന്ന എസ് 5 ബോഗി കരണം മറിയുന്നു. ഞെട്ടിപ്പോയി. പിന്നെ ഓടി മറിഞ്ഞു കിടക്കുന്ന ബോഗിക്ക മുകളില്‍ കയറി. ലഗേജ് എടുക്കാന്‍ കയറിയ ഞാന്‍ പിന്നെ അതൊക്കെ മറന്നു. ഒരു മണിക്കൂര്‍ നീളുന്ന രക്ഷാപ്രവര്‍ത്തനം. ഒഡീഷ ട്രെയിന്‍ അപകടത്തില്‍ നിന്ന് കഷ്ടിച്ച് രക്ഷപ്പെട്ട മലയാളി …

ഇടുക്കി: മൂന്നാര്‍ മേഖലയിലെ കാട്ടാന ശല്യത്തിന് പരിഹാരം കാണുകയെന്ന ലക്ഷ്യത്തോടെ ചിന്നക്കനാലില്‍ സര്‍ക്കാര്‍ പ്രഖ്യാപിച്ച ആന പാര്‍ക്ക് പദ്ധതിയുടെ മറവില്‍ ആദിവാസി ഭൂമി തട്ടിയെടുക്കാന്‍ വനം വകുപ്പ് ഉദ്യോഗസ്ഥരുടെ സഹായത്തോടെ ഭൂമാഫിയ നീക്കം നടത്തിയിരുന്നതായുള്ള വിവരങ്ങള്‍ പുറത്തായി. 2022 ജനുവരിയിലാണ് ഉദ്യോഗസ്ഥരെ കൂട്ടുപിടിച്ച് മാഫിയ സംഘം ഭൂമി തട്ടിയെടുക്കാനുള്ള നീക്കം നടത്തിയത്. ഉടുമ്പന്‍ചോല തഹസീല്‍ദാരുടെ അവസരോചിതമായ ഇടപെടലുകളെ തുടര്‍ന്ന് പദ്ധതി പാളുകയായിരുന്നു. ആന പാര്‍ക്കിനായി ഭൂമി ഏറ്റെടുക്കുമെന്നും തങ്ങള്‍ പറയുന്നവര്‍ക്ക് ഭൂമി വിട്ടു നല്കിയാല്‍ കുടുംബത്തിന് 15 ലക്ഷം രൂപ വീതം നല്കാമെന്ന് ഉദ്യോഗസ്ഥര്‍ …

ഇടുക്കി: കാട്ടാന ശല്യം നാള്‍ക്കു നാള്‍ വര്‍ധിക്കുമ്പോഴും ഇതിന് പരിഹാരം കാണുന്നതിനായി സര്‍ക്കാര്‍ പ്രഖ്യാപിച്ച ആന പാര്‍ക്ക് പദ്ധതി ഏങ്ങുമെത്തിയില്ല. ചിന്നക്കനാലിലാണ് സംസ്ഥാനത്തെ ആദ്യ ആനപ്പാര്‍ക്ക് നിര്‍മ്മിക്കാന്‍ സര്‍ക്കാര്‍ പദ്ധതിയിട്ടത്. കാട്ടാനകള്‍ക്ക് തനത് ആവാസ വ്യവസ്ഥ ഒരുക്കുന്നതിനൊപ്പം ജനവാസ മേഖലകളില്‍ ഇറങ്ങി മനുഷ്യജീവനും സ്വത്ത് വകകള്‍ക്കും നാശനഷ്ടമുണ്ടാക്കുന്നത് തടയുകയെന്ന ലക്ഷ്യമായിരുന്നു കാട്ടാന ഉദ്യാനം വഴി ലക്ഷ്യം വച്ചിരുന്നത്. പദ്ധതിയുടെ ഭാഗമായി നടത്തിയ സാറ്റലൈറ്റ് സര്‍വേ പൂര്‍ത്തിയാക്കി റിപ്പോര്‍ട്ട് സര്‍ക്കാരിന് സമര്‍പ്പിച്ചിരുന്നു. എന്നാല്‍ ആന പാര്‍ക്കിനായുള്ള തുടര്‍ നടപടികള്‍ക്ക് അനക്കമുണ്ടായിട്ടില്ല. കാട്ടാന ആക്രമണങ്ങള്‍ ശക്തിപ്രാപിക്കുകയും ചെയ്തു. …