ദുബൈ: ജി.സി.സി രാജ്യങ്ങളിലെ പൗരന്‍മാര്‍ക്ക് എമിറേറ്റ്‌സ് ഐ.ഡി സൗജന്യമായി ലഭിക്കുമെന്ന പ്രചാരണം അടിസ്ഥാനരഹിതമാണെന്ന് യു.എ.ഇ ഫെഡറല്‍ അതോറിറ്റി ഫോര്‍ ഐഡന്റിറ്റി, സിറ്റിസണ്‍ഷിപ്പ്, കസ്റ്റംസ് ആന്‍ഡ് പോര്‍ട് സെക്യൂരിറ്റി വിഭാഗം അറിയിച്ചു. സാമൂഹിക മാധ്യമങ്ങളിലൂടെ നടക്കുന്ന പ്രചാരണത്തിനെതിരെ ട്വിറ്റര്‍ പോസ്റ്റിലൂടെയാണ് അധികൃതര്‍ വിശദീകരണം നല്‍കിയത്. എമിറേറ്റ്‌സ് ഐ.ഡിയുമായി ബന്ധപ്പെട്ട പഴയ നിബന്ധനകള്‍ തുടരും. ഇക്കാര്യത്തില്‍ മാറ്റമില്ല. തെറ്റായ പ്രചാരണങ്ങളെ അവഗണിക്കണമെന്നും ഔദ്യോഗിക വിവരങ്ങള്‍ മാത്രമെ ആശ്രയിക്കാവൂ എന്നും അവര്‍ അറിയിച്ചു.

അബുദബി: താമസക്കാര്‍ക്ക് കുറഞ്ഞ തുകക്ക് ഇന്‍ഷുറന്‍സ് പരിരക്ഷ ലഭിക്കുന്ന ഫ്‌ളക്‌സിബിള്‍ ഹെല്‍ത്ത് ഇന്‍ഷുറന്‍സ് സൗകര്യവുമായി അബുദബി. എമിറേറ്റില്‍ ജീവിക്കുന്ന സംരംഭകരെയും നിക്ഷേപകരെയും പിന്തുണക്കുന്നതിനാണ് പുതിയ ഇന്‍ഷുറന്‍സ് സൗകര്യം ഏര്‍പ്പെടുത്തുന്നത്. ആരോഗ്യവകുപ്പും സാമ്ബത്തിക വികസന വകുപ്പും സംയുക്തമായാണ് പുതിയ സൗകര്യം ഏര്‍പ്പെടുത്തിയത്. കുറഞ്ഞ തുകക്ക് ഇന്‍ഷുറന്‍സ് എടുക്കാനും ആവശ്യമെങ്കില്‍ അപ്‌ഗ്രേഡ് ചെയ്യാനുംഅവസരമൊരുക്കുന്നതാണ് പദ്ധതി. വിവിധ കാറ്റഗറികളിലെ താമസക്കാര്‍ക്ക് പുതിയ രീതിയിലുള്ള ഇന്‍ഷുറന്‍സ് എടുക്കാം. ആരോഗ്യ ഇന്‍ഷുറന്‍സ് ദായകര്‍ അപേക്ഷകള്‍ പരിശോധിച്ചാണ് ഫ്‌ളക്‌സിബിള്‍ ഹെല്‍ത്ത് ഇന്‍ഷുറന്‍സ് പോളിസിക്ക് അര്‍ഹരാണോയെന്ന് വിലയിരുത്തുക. സ്വകാര്യ മേഖലയില്‍ ജോലി ചെയ്യുന്ന അബുദബിയില്‍ …

അബുദാബി: യുഎഇ നാഷണല്‍ കെഎംസിസി യുടെ 2022-25 വര്‍ഷത്തെ മെമ്പര്‍ഷിപ്പ് ക്യാമ്പയിനെ അടിസ്ഥാനമാക്കി അബുദാബി പത്തനംതിട്ട ജില്ലാ കമ്മിറ്റി നിലവില്‍ വന്നു. ഇതാദ്യമായാണ് ഒരു സംസ്ഥാന കെഎംസിസി ക്കു കീഴില്‍ പത്തനംതിട്ട ജില്ലക്ക് കെഎംസിസി ഘടകം രൂപീകൃതമാവുന്നത്. ഇന്ത്യന്‍ ഇസ്ലാമിക് സെന്ററില്‍ നടന്ന ജനറല്‍ ബോഡി യോഗത്തില്‍ സൗത്ത് സോണ്‍ കെഎംസിസി പ്രസിഡന്റ് ഷാനവാസ് പുളിക്കല്‍ അധ്യക്ഷത വഹിച്ചു. സംസഥാന കെഎംസിസി സെക്രട്ടറി എ. സഫീഷ് യോഗം ഉദ്ഘാടനം ചെയ്തു. പത്തനംതിട്ട ജില്ലാ പ്രസിഡണ്ടന്റായി ഫൈസല്‍ പി ജെ റാന്നി , ജനറല്‍ സെക്രട്ടറിയായി …

മനാമ: ബഹ്‌റൈനില്‍ പുതിയ രീതിയിലുള്ള ഫോണ്‍ തട്ടിപ്പുമായി വിദേശികള്‍. മൊബൈല്‍ ഫോണ്‍ ഒന്ന് തരുമോ, അത്യാവശ്യമായി ഒരു കോള്‍ ചെയ്യാനാണ് എന്നുപറഞ്ഞ് ആരെങ്കിലും നിങ്ങളെ സമീപിച്ചാല്‍ സൂക്ഷിക്കുക. വലിയൊരു തട്ടിപ്പിനുള്ള കെണിയൊരുക്കലായിരിക്കും അത്. കഴിഞ്ഞദിവസം ചില മലയാളികള്‍ക്കുണ്ടായ അനുഭവമാണ് പുതിയതരം തട്ടിപ്പ് വെളിച്ചത്തുകൊണ്ടുവന്നത്. വിദേശിയായ ഒരാള്‍ ഇവരെ സമീപിച്ച് മൊബൈല്‍ ഫോണ്‍ ചോദിച്ചു. അത്യാവശ്യമായി ഒരു കോള്‍ ചെയ്യാനാണെന്ന് പറഞ്ഞാണ് ഫോണ്‍ ആവശ്യപ്പെട്ടത്. മറ്റൊന്നും ചിന്തിക്കാതെ ഇവര്‍ ഫോണ്‍ നല്‍കുകയും ചെയ്തു. എന്നാല്‍, കൂട്ടത്തിലുണ്ടായിരുന്ന ഒരാള്‍ക്ക് സംശയം തോന്നിയതിനാല്‍ അയാള്‍ ഫോണില്‍ സംസാരിച്ചുകൊണ്ടിരിക്കുമ്‌ബോള്‍ തന്നെ …

അജ്മാന്‍: കഴിഞ്ഞ ദിവസം ഗള്‍ഫില്‍നിന്ന് നാട്ടിലേക്കയച്ച ഒരു മൃതദേഹത്തെക്കുറിച്ച് സാമൂഹികപ്രവര്‍ത്തകന്‍ അഷ്‌റഫ് താമരശ്ശേരി പങ്കുവെച്ച വിവരങ്ങള്‍ കണ്ണീര്‍പൊഴിക്കാതെ ആര്‍ക്കും വായിക്കാനാവില്ല. പ്രിയപ്പെട്ട മകളുടെ വിവാഹത്തിന്റെ രണ്ടുദിവസം മുമ്പ് ഹൃദയാഘാതത്തെ തുടര്‍ന്ന് മരണപ്പെട്ട പിതാവിന്റേതായിരുന്നു ആ ശരീരം. വിവാഹത്തില്‍ പങ്കെടുക്കാന്‍ ആഗ്രഹമുണ്ടെങ്കിലും പ്രാരബ്ധങ്ങള്‍ കാരണം അതിന് കഴിയാതെ ഗള്‍ഫിലെ ജോലിയില്‍ തുടരാന്‍ തീരുമാനിച്ചതായിരുന്നു അദ്ദേഹം. എന്നാല്‍, വിധിയുടെ തീരുമാനം മറ്റൊന്നായിരുന്നു. പ്രിയപ്പെട്ട മകളുടെ വിവാഹത്തിന്റെ ഒരുക്കങ്ങള്‍ കേട്ടറിഞ്ഞു. പൂതി മനസ്സില്‍ മറവു ചെയ്ത് തന്റെ ജോലിയില്‍ വ്യാപൃതനായി. മകളുടെ വിവാഹം നിശ്ചയിച്ച ദിവസം തന്നെ വളരെ …

അബുദബി: കെട്ടിട നിര്‍മാണ ജോലിക്കിടെ പരുക്കേറ്റ തൊഴിലാളിക്ക് 1,10,000 ദിര്‍ഹം നഷ്ടപരിഹാരം. തലയില്‍ നിര്‍മാണ സാമഗ്രി വീണാണ് തൊഴിലാളിക്ക് പരുക്കേറ്റത്. ആഴ്ചകളോളം ചികിത്സയില്‍ കഴിയേണ്ടി വന്നു. തൊഴിലാളിക്ക് പരുക്കേല്‍ക്കാന്‍ കാരണം വേണ്ടത്ര സുരക്ഷാ മുന്‍കരുതലുകള്‍ ഏര്‍പ്പെടുത്തി നല്‍കാത്തതാണെന്ന് കണ്ടെത്തിയ ക്രിമിനല്‍ കോടതി കമ്പനിക്ക് 10,000 ദിര്‍ഹം പിഴ വിധിച്ചിരുന്നു. തുടര്‍ന്ന് കമ്പനിക്കെതിരെ തൊഴിലാളി സിവില്‍ കേസ് ഫയല്‍ ചെയ്യുകയും 1,70,000 ദിര്‍ഹം നഷ്ടപരിഹാരം ആവശ്യപ്പെടുകയും ചെയ്തു. കേസ് പരിഗണിച്ച കോടതി കമ്പനിയോട് 1.1 ലക്ഷം ദിര്‍ഹം നഷ്ടപരിഹാരം നല്‍കാന്‍ വിധിക്കുകയായിരുന്നു. കമ്പനി ഇതിനെതിരെ അപ്പീല്‍ …

ദുബൈ: ഒരു മകന്‍ മാത്രമുള്ള കുടുംബത്തെ നിര്‍ബന്ധിത സൈനിക സേവനത്തില്‍നിന്ന് ഒഴിവാക്കി. ഇതുസംബന്ധിച്ച നിയമത്തില്‍ ഭേദഗതി വരുത്തിയതായി നാഷനല്‍ ആന്‍ഡ് റിസര്‍വ് സര്‍വിസ് അതോറിറ്റി അറിയിച്ചു. അതേസമയം, സഹോദരിമാരുണ്ടെങ്കില്‍ ഇളവ് ലഭിക്കില്ല. ഏക പുത്രന്‍മാര്‍ക്ക് സ്വന്തം ഇഷ്ടപ്രകാരം സൈന്യത്തില്‍ ചേരുന്നതിന് തടസ്സമില്ല. എന്നാല്‍, ചില മാനദണ്ഡങ്ങള്‍ പാലിക്കണമെന്നുമാത്രം. ഇവരെ യുദ്ധഭൂമികളില്‍ നിയോഗിക്കണമെന്നും നിര്‍ബന്ധമില്ല. നിശ്ചിത വിദ്യാഭ്യാസമുള്ളവര്‍ക്ക് 11 മാസവും മറ്റുള്ളവര്‍ക്ക് മൂന്ന് വര്‍ഷവുമാണ് നിര്‍ബന്ധിത സൈനികസേവനം. വനിതകള്‍ക്ക് സൈനികസേവനം നിര്‍ബന്ധമല്ല. താല്‍പര്യമുള്ള വനിതകള്‍ക്ക് 11 മാസത്തെ സേവനം തിരഞ്ഞെടുക്കാം.

ദുബൈ: കേസിലുള്‍പ്പെട്ട് ജയിലില്‍ അടയ്ക്കപ്പെട്ട വിധവയുടെ മൂന്നു കുട്ടികള്‍ക്ക് സംരക്ഷണമൊരുക്കി ദുബൈ പൊലീസ്. കോടതിയുടെ പരിഗണനയിലുള്ള കേസില്‍ ഉള്‍പ്പെട്ട് ജയിലിലായ സ്ത്രീ ആദ്യ ഘട്ടത്തില്‍ കുട്ടികള്‍ അപ്പാര്‍ട്ട്‌മെന്റില്‍ തനിച്ചാണെന്ന കാര്യം പൊലീസിനോട് വെളിപ്പെടുത്തിയിരുന്നില്ല. സാമൂഹിക പരിചരണ കേന്ദ്രങ്ങളിലേക്ക് മാറ്റിയാല്‍ കുട്ടികള്‍ വേര്‍പെട്ടുപോകുമെന്ന് ഭയന്നതാണ് ഇക്കാര്യം മറച്ചുവെക്കാനുണ്ടായ സാഹചര്യമെന്ന് ഇവര്‍ പറയുന്നു. ജയിലില്‍ നിന്ന് വൈകാതെ മോചിതയാകുമെന്നും സ്ത്രീ കരുതിയിരുന്നു. എന്നാല്‍, ദിവസങ്ങള്‍ പിന്നിട്ടതോടെ മക്കള്‍ തനിച്ചാണെന്ന കാര്യം ഇവര്‍ ഉദ്യോഗസ്ഥരോട് വെളിപ്പെടുത്തുകയായിരുന്നു. സാമ്പത്തിക പ്രയാസം കാരണം പണമടയ്ക്കാത്തതിനാല്‍ ഇവര്‍ താമസിച്ച അപ്പാര്‍ട്ട്‌മെന്റിന്റെ കുടിവെള്ള, വൈദ്യൂതി …

ദുബൈ: വിമാനത്താവളത്തില്‍ നിന്ന് ന്യൂസിലന്‍ഡിലെ ഓക്‌ലന്‍ഡിലേക്ക് പറന്ന എമിറേറ്റ്‌സ് വിമാനം 13 മണിക്കൂര്‍ യാത്രക്ക് ശേഷം തിരിച്ചിറക്കി. കനത്ത മഴ കാരണം ഓക്‌ലന്‍ഡ് വിമാനത്താവളം അടച്ചതാണ് തിരിച്ചിറക്കാന്‍ കാരണം. വെള്ളിയാഴ്ച രാവിലെ 10.30നാണ് എമിറേറ്റ്‌സിന്റെ ഇ.കെ 448 വിമാനം ഓക്‌ലന്‍ഡിലേക്ക് പറന്നത്. എന്നാല്‍, കനത്ത മഴയെ തുടര്‍ന്ന് വെള്ളപ്പൊക്കാവും മരണങ്ങളും സ്ഥിരീകരിച്ചതോടെ വെള്ളിയാഴ്ച വൈകീട്ട് വിമാനത്താവളം അടക്കുന്നതായി പ്രഖ്യാപിച്ചു. ഇതോടെ, പാതിവഴിയില്‍ യാത്ര മതിയാക്കി തിരിക്കുകയായിരുന്നു. ഇതോടെ, ഞായറാഴ്ച ഓക്‌ലന്‍ഡില്‍ നിന്ന് ദുബൈയിലേക്കുള്ള വിമാനവും റദ്ദാക്കി. എമിറേറ്റ്‌സിന്റെ ഏറ്റവും ദൈര്‍ഘ്യമേറിയ സര്‍വിസുകളിലൊന്നാണിത്. 14,200 കിലോമീറ്റര്‍ …

ദുബൈ: പൊലീസ് യൂണിഫോം അണിഞ്ഞ് നഗരത്തില്‍ ചുറ്റണമെന്ന സഹോദരങ്ങളുടെ ആഗ്രഹം സഫലീകരിച്ച് ദുബൈ പൊലീസ്. അല്‍ മുല്ല കുടുംബത്തിലെ ഹമദ്, അവോഷ എന്നിവരുടെ ആഗ്രഹമാണ് പൊലീസ് സഫലീകരിച്ചത്. പൊലീസ് ആപ്പിലെ ‘ദുബൈ പൊലീസ് ലീഡേഴ്‌സ് അറ്റ് യുവര്‍ സര്‍വിസ്’ എന്ന സേവനം ഉപയോഗിച്ചാണ് കുട്ടികളുടെ രക്ഷിതാക്കള്‍ മക്കളുടെ ആഗ്രഹം പ്രകടിപ്പിച്ചത്. പൊലീസ് ഓഫിസര്‍മാരുടെ ജീവിതം അറിയാനും സൂപ്പര്‍ കാറില്‍ സഞ്ചരിക്കാനും ആഗ്രഹമുണ്ടെന്നാണ് ഇവര്‍ അറിയിച്ചത്. സന്ദേശം കിട്ടിയ പൊലീസ് ഉദ്യോഗസ്ഥര്‍ കുട്ടികളുടെ ആഗ്രഹസഫലീകരണത്തിന് മുന്നിട്ടിറങ്ങുകയായിരുന്നു. പൊലീസിന്റെ കുട്ടിക്കുപ്പായവും സമ്മാനങ്ങളും നല്‍കിയശേഷം പൊലീസിന്റെ ആഡംബര വാഹനത്തില്‍ …