പത്തനംതിട്ട: ജില്ലയില്‍ സിപിഎമ്മിന്റെ ഓരോ സമ്മേളനങ്ങള്‍ കഴിയുമ്പോഴും ശക്തമായ വിഭാഗീയത മറ നീക്കുകയാണ്. നിലവിലെ ജില്ലാ സെക്രട്ടറിയുടെ അടുപ്പക്കാരെയൊക്കെ പ്രവര്‍ത്തകരുടെ എതിര്‍പ്പ് മറികടന്ന് നേതൃസ്ഥാനങ്ങളില്‍ അവരോധിക്കുന്നുവെന്നാണ് ആക്ഷേപം. ഏറ്റവും ഒടുവിലായി പുതിയ കൊടുമണ്‍ ഏരിയ കമ്മിറ്റി സെക്രട്ടറി ആര്‍.ബി. രാജീവ് കുമാറിനെതിരേ സാമൂഹ്യ മാധ്യമങ്ങളില്‍ പോര് രൂക്ഷമായി. പ്രവര്‍ത്തകരും നേതാക്കളും സമൂഹ്യമാധ്യമങ്ങളിലൂടെ വിമര്‍ശനം തുടരുകയാണ്. മൂടുതാങ്ങികള്‍ക്കും പെട്ടിതാങ്ങികള്‍ക്കും ഭാരവാഹിത്വമെന്നാണ് വിമര്‍ശനം. കലഞ്ഞൂരില്‍ നടന്ന ഏരിയ സമ്മേളനത്തില്‍ മല്‍സരത്തിലൂടെയാണ് രാജീവ്കുമാര്‍ സെക്രട്ടറിയായി തെരഞ്ഞെടുക്കപ്പെട്ടത്. സി.പി.എം ഏഴംകുളം പഞ്ചായത്ത് അഞ്ചാം വാര്‍ഡ് അംഗം എ.എസ്. ഷെമീന്‍ ആണ് …

നിലയ്ക്കല്‍: നിലയ്ക്കല്‍-പമ്പ റൂട്ടില്‍ സമാന്തര സര്‍വീസ് നടത്തുന്ന വാഹനങ്ങളുടെ ഡ്രൈവര്‍മാര്‍ ഹോട്ടലില്‍ കയറി ജീവനക്കാരെ മര്‍ദിച്ചുവെന്ന് പരാതി. മര്‍ദനമേറ്റ നാലു ജീവനക്കാര്‍ നിലയ്ക്കല്‍ സര്‍ക്കാര്‍ ആശുപത്രിയില്‍ ചികില്‍സ തേടി. അനധികൃതമായി സര്‍വീസ് നടത്തുന്ന വാഹനങ്ങളുടെ ഡ്രൈവര്‍മാരായ അട്ടത്തോട് സ്വദേശികള്‍ എന്ന് അവകാശപ്പെടുന്നവരാണ് ജീവനക്കാരെ മര്‍ദിച്ചത്. നിലയ്ക്കലില്‍ നിന്ന് പമ്പയിലേക്ക് കെഎസ്ആര്‍ടിസിക്ക് 50 രൂപയാണ് നിരക്ക്. അതേസമയം, അയ്യപ്പന്മാരുടെ അജ്ഞത മുതലെടുത്ത് ആളൊന്നിന് 150 രൂപ ഈടാക്കിയാണ് സമാന്തര സര്‍വീസുകാര്‍ തീര്‍ഥാടകരെ കൊള്ളയടിക്കുന്നത് എന്ന് പറയുന്നു. സമാന്തര സര്‍വീസുകാരുടെ ഈ രീതി കാരണം നിലയ്ക്കലിലെ ഹോട്ടലുകളിലേക്ക് …

പത്തനംതിട്ട: മലയാലപ്പുഴ പൊതീപ്പാട് പറമ്പ് വൃത്തിയാക്കുന്നതിനിടെ തലയോട്ടി കണ്ടെത്തി. മലയാലപ്പുഴ മുന്‍ പഞ്ചായത്ത് പ്രസിഡന്റും ജെഎസ്എസ് മുന്‍ ജില്ലാ സെക്രട്ടറിയുമായ റോസ് വില്ലയില്‍ എന്‍.എന്‍. സദാനന്ദന്റെ പറമ്പിലാണ് ഇന്ന് രാവിലെ വൃത്തിയാക്കാനെത്തിയ തൊഴിലാളി മനുഷ്യന്റെ തലയോട്ടിയുടെ ഭാഗം കണ്ടെത്തിയത്. മലയാലപ്പുഴ പൊതീപ്പാട് ജങ്ഷന് സമീപം ആനചാരിക്കല്‍ റോഡിനോട് ചേര്‍ന്നാണ് പറമ്പ്. റബര്‍ കൃഷിയുള്ള പറമ്പ് ഏറെ നാളായി കാടുപിടിച്ച് കിടക്കുകയായിരുന്നു. സാമൂഹിക വിരുദ്ധര്‍ മാലിന്യം വലിച്ചെറിയുന്നതിനെ തുടര്‍ന്നാണ് വൃത്തിയാക്കാന്‍ തീരുമാനിച്ചതെന്ന് സദാനന്ദന്റെ മകന്‍ ഷേന്‍ സദാനന്ദ് പറഞ്ഞു. വിവരം മലയാലപ്പുഴ പോലീസില്‍ അറിയിച്ചിട്ടുണ്ട്്.

തിരുവല്ല: വൃക്കരോഗികള്‍ക്ക് വീട്ടില്‍ തന്നെ ഡയാലിസിസ് നടത്താന്‍ സാധിക്കുന്ന ഹോം പെരിട്ടോണിയല്‍ ഡയാലിസിസ് വിഷയമാക്കി ബിലീവേഴ്‌സ് ചര്‍ച്ച് മെഡിക്കല്‍ കോളേജ് ആശുപത്രിയില്‍ ദേശീയ ശില്പശാല സംഘടിപ്പിച്ചു. വൃക്കരോഗ വിഭാഗത്തിന്റെയും മധ്യ തിരുവിതാംകൂര്‍ നെഫ്രോളജി ക്ലബ്ബിന്റെയും സംയുക്ത ആഭിമുഖ്യത്തില്‍ സംഘടിപ്പിച്ച മധ്യതിരുവിതാംകൂര്‍ പി.ഡി കോണ്‍ക്ലേവ് എന്ന ദേശീയ ശില്പശാലയില്‍ കേരളത്തിനകത്തും പുറത്തും നിന്നുമായി ഇരുന്നൂറില്‍ അധികം നെഫ്രോളജിസ്റ്റുകളും ആരോഗ്യ പ്രവര്‍ത്തകരും പങ്കെടുത്തു. ആശുപത്രിയിലെ വൃക്കരോഗ വിഭാഗം മേധാവി ഡോ. രാജേഷ് ജോസഫ് ഉദ്ഘാടനം ചെയ്തു. ആശുപത്രിയില്‍ പോകാതെ സ്വന്തം വീടിന്റെ സൗകര്യങ്ങളില്‍ വച്ചു തന്നെ വൃക്ക …

തിരുവനന്തപുരം: കനത്ത മഴയുടെ പശ്ചാത്തലത്തില്‍ നാളെ വയനാട്, പത്തനംതിട്ട ജില്ലകളിലെ വിദ്യാഭ്യാസ സ്ഥാപനങ്ങള്‍ക്ക് അവധി പ്രഖ്യാപിച്ചു. അങ്കണവാടി, ട്യൂഷന്‍ സെന്റര്‍, സ്‌കൂള്‍, പ്രഫഷനല്‍ കോളജുകള്‍ക്ക് ഉള്‍പ്പെടെ അവധി ബാധകമായിരിക്കും. കോട്ടയം ജില്ലയില്‍ കാഞ്ഞിരപ്പള്ളി, മീനച്ചില്‍ താലൂക്കുകളിലെ അങ്കണവാടി, പ്രഫഷനല്‍ കോളജുകള്‍ അടക്കമുള്ള വിദ്യാഭ്യാസ സ്ഥാപനങ്ങള്‍ക്കും തിങ്കളാഴ്ച അവധിയാണ്. മുന്‍ നിശ്ചയിച്ച പരീക്ഷകള്‍ക്ക് അവധി ബാധകമല്ല. സംസ്ഥാനത്തെ എല്ലാ ജില്ലകളിലും തിങ്കളാഴ്ച മഴ മുന്നറിയിപ്പുണ്ട്. അതിതീവ്ര മഴയ്ക്ക് സാധ്യതയുള്ളതിനാല്‍ മലപ്പുറം, കോഴിക്കോട്, വയനാട്, കണ്ണൂര്‍ ജില്ലകളില്‍ തിങ്കളാഴ്ച റെഡ് അലര്‍ട്ട് പ്രഖ്യാപിച്ചു.

കേരളത്തിലെ  ഒരു  പ്രമുഖ വാഹനഡീലര്‍ഷിപ്പ് സ്ഥാപനത്തിന്റെ പത്തനംതിട്ട, കോട്ടയം, ഇടുക്കി ജില്ലകളില്‍ (ഷോറൂം, സർവീസ് സെന്റര്‍) ഒഴിവുളള വിവിധ തസ്തികകളിലേക്ക്  തിരിച്ചെത്തിയ പ്രവാസികളിൽ നിന്നും സംസ്ഥാന സര്‍ക്കാര്‍ സ്ഥാപനമായ നോര്‍ക്ക റൂട്ട്സ് മുഖേന അപേക്ഷ ക്ഷണിക്കുന്നു. നിലവിൽ എട്ട് തസ്തികകളിലെ 45 ഓളം ഒഴിവുകളിലേയ്ക്കാണ് അപേക്ഷ. തിരിച്ചെത്തിയ പ്രവാസികേരളീയര്‍ക്ക് നാട്ടിലെ സംരംഭങ്ങളിൽ തൊഴിൽ ലഭ്യമാക്കുന്നതിന് ലക്ഷ്യമിട്ട് സംസ്ഥാന സര്‍ക്കാര്‍ നോര്‍ക്ക റൂട്ട്സ് മുഖേന നടപ്പിലാക്കുന്ന പുതിയ പ്രവാസി പുനരധിവാസ പദ്ധതിയായ നോർക്കാ അസിസ്റ്റഡ്& മൊബിലൈസ്ഡ് എംപ്ലോയ്‌മെന്റ് അഥവ NAME പദ്ധതിപ്രകാരമാണ് അപേക്ഷ ക്ഷണിക്കുന്നത്.  ജനറൽ …

തിരുവല്ല: സിപിഎമ്മിലെ വിഭാഗീയത രൂക്ഷമായ തിരുവല്ലയില്‍ മാധ്യമങ്ങള്‍ക്ക് വാര്‍ത്ത ചോര്‍ത്തിയതിന്റെ പേരില്‍ ലോക്കല്‍ സെക്രട്ടറിയെ നീക്കി. ലോക്കല്‍ സമ്മേളന റിപ്പോര്‍ട്ട് മാധ്യമങ്ങള്‍ക്കടക്കം ചോര്‍ത്തി നല്‍കിയെന്ന് ആരോപിച്ച് തിരുവല്ല ടൗണ്‍ നോര്‍ത്ത് ലോക്കല്‍ സെക്രട്ടറി കെ.കെ.കൊച്ചുമോനെയാണ് സ്ഥാനത്ത് നിന്നും നീക്കിയത്. താല്‍ക്കാലിക ചുമതല ഏരിയ കമ്മിറ്റി അംഗം ജനു മാത്യുവിന് നല്‍കി. സിപിഎം തിരുവല്ല ഘടകത്തിലെ വിഭാഗീയത ചര്‍ച്ച ചെയ്യുന്നതിനായി ജില്ലാ കമ്മിറ്റി ഓഫീസില്‍ സംസ്ഥാന സെക്രട്ടറി എം.വി. ഗോവിന്ദന്റെ സാന്നിധ്യത്തില്‍ വിളിച്ചു ചേര്‍ത്ത അടിയന്തിര യോഗത്തിന്റേതാണ് തീരുമാനം. വിഭാഗീയതയെ തുടര്‍ന്ന് ടൗണ്‍ നോര്‍ത്ത് ലോക്കല്‍ …

ശബരിമല: പമ്പയിലും സന്നിധാനത്തും നിലയ്ക്കലിലുമായി തിരുവിതാംകൂർ ദേവസ്വംബോർഡിന്റെ അന്നദാനമണ്ഡപങ്ങളിലൂടെ ഇതുവരെ അന്നമൂട്ടിയത് 3.52 ലക്ഷം പേർക്ക്. സന്നിധാനത്ത് 2.60 ലക്ഷം തീർഥാടകർക്കും നിലയ്ക്കലിൽ 30,000 പേർക്കും പമ്പയിൽ 62,000 പേർക്കും സൗജന്യമായി ഭക്ഷണം നൽകി. അന്നദാനമണ്ഡപങ്ങളിലൂടെ ദിവസം മൂന്നുനേരമാണ് ഭക്ഷണം നൽകുന്നത്. രാവിലെ 6.30 മുതൽ 11 വരെയാണ് പ്രഭാതഭക്ഷണം നൽകുന്നത്. രാവിലെ 11.45 മുതൽ ഉച്ചകഴിഞ്ഞ് നാലുവരെയാണ് ഉച്ചഭക്ഷണ സമയം. വൈകിട്ട് 6.30 മുതൽ അർധരാത്രിവരെ നീളുന്നു രാത്രിഭക്ഷണ സമയം. ഭക്ഷണം പാകം ചെയ്യുന്നതിന് ആധുനിക യന്ത്രങ്ങൾ ഉപയോഗിക്കുന്നു. പാചകശാലയിലും വിതരണഹാളിലും വൃത്തിയും …

ശബരിമല: പ്രകൃതിക്ഷോഭമടക്കം ഏതു പ്രതികൂലസാഹചര്യങ്ങളെ നേരിടാനും അടിയന്തരസാഹചര്യങ്ങളിൽ തീർഥാടകർക്ക് സഹായമേകാനും ദേശീയദുരന്തനിവാരണ സേന (എൻ.ഡി.ആർ.എഫ്) പമ്പയിലും സന്നിധാനത്തും സദാ സജ്ജം. എൻ.ഡി.ആർ.എഫ്. ചെന്നൈ ആരക്കോണം നാലാം ബറ്റാലിയനിൽനിന്നുള്ള 79 പേരടങ്ങിയ സംഘമാണ് ശബരിമലയിലുള്ളത്. ടീം കമാൻഡർ ജയന്തോ കുമാർ മണ്ഡൽ, എസ്.ഐ. സഞ്ജു സിൻഹ, എ.എസ്.ഐ. എസ്. അനീഷ് എന്നിവരുടെ നേതൃത്വത്തിൽ പമ്പയിൽ 33 പേരും സന്നിധാനത്ത് 46 പേരുമാണ് കർമനിരതരായുള്ളത്. മരംവെട്ടുന്നതിനുള്ള അത്യാധുനിക ഉപകരണങ്ങൾ, എട്ട് റബറൈസ്ഡ് ബോട്ടുകൾ, സാറ്റലൈറ്റ് ഫോണുകൾ, ക്യുക് ഡിപ്ലോയബിൾ ആന്റിന, സ്‌ട്രെച്ചറുകൾ അടക്കം സർവസജ്ജമായാണ് എൻ.ഡി.ആർ.എഫിന്റെ പ്രവർത്തനം. …

ശബരിമല: പമ്പയിലും സന്നിധാനത്തും മഴ തുടരുകയാണ്. മഴയ്‌ക്കൊപ്പം ഉച്ചകഴിഞ്ഞ് കോടമഞ്ഞുമുണ്ടായിരുന്നു. രാവിലെ ആരംഭിച്ച മഴ ഉച്ചയോടെ ശമിച്ചെങ്കിലും ഉച്ചകഴിഞ്ഞ് വീണ്ടും ശക്തിപ്പെട്ടു. രാവിലെ തീർഥാടകരുടെ തിരക്കുണ്ടായില്ല. എന്നാൽ ഉച്ചകഴിഞ്ഞ് തിരക്ക് അനുഭവപ്പെട്ടു. ഞായറാഴ്ച വൈകിട്ട് അഞ്ചുവരെ 49280 പേർ ദർശനം നടത്തിയതായാണ് കണക്കുകൾ സൂചിപ്പിക്കുന്നത്. വൈകിട്ട് അഞ്ചിനുശേഷവും തീർഥാടകരുടെ ഒഴുക്ക് തുടരുകയാണ്. അതിശക്തമായ മഴയ്ക്ക് സാധ്യതയുള്ളതിനാൽ കേന്ദ്രകാലാവസ്ഥ വകുപ്പ് പത്തനംതിട്ട ജില്ലയിൽ ഞായറാഴ്ച (ഡിസംബർ 1) ഓറഞ്ച് അലേർട്ട് പ്രഖ്യാപിച്ചു. 24 മണിക്കൂറിൽ 115.6 മുതൽ 204.4 മില്ലീമീറ്റർ വരെ മഴ ലഭിക്കുന്ന സാഹചര്യത്തെയാണ് …