വയനാട്ടിൽ പുനരധിവാസം മുടങ്ങിയത് പിണറായി സർക്കാരിൻ്റെ പിടിപ്പുകേടു കൊണ്ടാണെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. കേന്ദ്രം നൽകിയ 860 കോടി രൂപ ട്രഷറിയിൽ ഉണ്ടായിട്ടും ദുരിതബാധിതർക്ക് വാടക കൊടുക്കാനുള്ള പണം പോലും പിണറായി സർക്കാർ നൽകിയില്ലെന്നും അദ്ദേഹം പറഞ്ഞു. വയനാട് ദുരന്തനിവാരണത്തിന് കേന്ദ്ര അവഗണന നേരിട്ടുവെന്നത് വ്യാജപ്രചരണമാണെന്ന് തെളിഞ്ഞ സാഹചര്യത്തിൽ സംസ്ഥാന സർക്കാർ പരസ്യമായി മാപ്പ് പറയണം. ഹൈക്കോടതിയിൽ കേന്ദ്രം സമർപ്പിച്ച രേഖകൾ പിണറായി സർക്കാരിൻ്റെ മുഖത്തേറ്റ പ്രഹരമാണ്. തിരഞ്ഞെടുപ്പ് നേട്ടത്തിന് വേണ്ടി വയനാട് ദുരന്തത്തെ ഉപയോഗിച്ച സർക്കാരും പ്രതിപക്ഷവും ജനങ്ങളെ വഞ്ചിക്കുകയാണ് ചെയ്തത്. …

ശബരിമല: സന്നിധാനത്ത് ശനിയാഴ്ച ചാറ്റല്‍ മഴ പെയ്തു. വൈകിട്ട് ആറരയോടെയാണ് മഴ പെയ്തത്. സന്നിധാനത്ത് ഭക്തരുടെ തിരക്കുണ്ടായിരുന്നെങ്കിലും മഴ ദര്‍ശനത്തെ ബാധിച്ചില്ല. സന്നിധാനത്ത് വിവിധയിടങ്ങളില്‍ ഭക്തര്‍ക്ക് മഴയും വെയിലും കൊള്ളാതെ വിശ്രമിക്കാന്‍ താല്‍ക്കാലിക പന്തലുകള്‍ സ്ഥാപിച്ചത് ഗുണകരമായി. ഒറ്റപ്പെട്ട ശക്തമായ മഴയ്ക്ക് സാധ്യതയുള്ളതിനാല്‍ രണ്ട്, മൂന്ന് തീയതികളില്‍ പത്തനംതിട്ട ജില്ലയില്‍ കേന്ദ്രകാലാവസ്ഥ വകുപ്പ് മഞ്ഞ അലേര്‍ട്ട് പ്രഖ്യാപിച്ചിട്ടുണ്ട്. 24 മണിക്കൂറില്‍ 64.5 മില്ലിമീറ്ററില്‍ മുതല്‍ 115.5 മില്ലിമീറ്റര്‍ വരെ മഴ ലഭിക്കുന്നതിനെയാണ് ശക്തമായ മഴയായി കണക്കാക്കുന്നത്. ഇടിമിന്നലോടു കൂടിയ മഴയാണ് പ്രതീക്ഷിക്കുന്നത്.

ശബരിമല: ഭഗവാന്റെ ഇഷ്ടവഴിപാടായ നെയ്യ് വിളക്ക് സമര്‍പ്പിക്കുവാന്‍ ഭക്ത ജനങ്ങള്‍ക്ക് അവസരം. നെയ് വിളക്കിന്റെ ഉദ്ഘാടനം തിരുവിതാംകൂര്‍ ദേവസ്വം ബോര്‍ഡ് പ്രസിഡന്റ് അഡ്വ. പി എസ് പ്രശാന്തും അംഗം അഡ്വ.എ അജികുമാറും ചേര്‍ന്ന് സന്നിധാനത്ത് നിര്‍വഹിച്ചു. ഈ മണ്ഡലകാലത്ത് ഇന്നു മുതല്‍ എല്ലാ ദിവസവും വൈകിട്ട് മൂന്ന് മണി മുതല്‍ ദീപാരാധന വരെയാണ് ഭക്തര്‍ക്ക് നെയ് വിളക്ക് സമര്‍പ്പിക്കാന്‍ അവസരം. ഒരു നെയ്യ് വിളക്കിന് 1000 രൂപയാണ് ടിക്കറ്റ് ചാര്‍ജ് . ക്ഷേത്രത്തിന് സമീപമുള്ള അഷ്ടാഭിഷേക കൗണ്ടറില്‍ നിന്നും ടിക്കറ്റുകള്‍ വാങ്ങാം. തുടര്‍ന്ന് നെയ്യ് …

കേരളത്തില്‍ റെയില്‍വേ വികസനത്തിനുള്ള ഭൂമി ഏറ്റെടുക്കല്‍ വേഗത്തിലാക്കാന്‍ നടപടി സ്വീകരിക്കണമെന്നാവശ്യപ്പെട്ട് കേന്ദ്ര റെയില്‍വേ മന്ത്രി അശ്വിനി വൈഷ്ണവ് മുഖ്യമന്ത്രി പിണറായി വിജയന് കത്തയച്ചിട്ട് രണ്ട് ദിവസമായിട്ടും മുഖ്യമന്ത്രി പ്രതികരിക്കാത്തത് പ്രതിഷേധാർഹമാണെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. ആവശ്യമായ ഭൂമി ഏറ്റെടുക്കാത്തതിനാല്‍ സംസ്ഥാനത്തെ മിക്ക റെയില്‍വേ പദ്ധതികളും മുന്നോട്ടുപോകുന്നില്ലെന്നും മന്ത്രി കത്തില്‍ ചൂണ്ടിക്കാണിച്ചത് ഗൗരവതരമാണ്. കേരളത്തിലെ റെയിൽവെ പദ്ധതികളുടെ സ്തംഭനാവസ്ഥയ്ക്ക് കാരണം മുഖ്യമന്ത്രിയും സംസ്ഥാന സർക്കാരുമാണ്. സംസ്ഥാനത്തെ പ്രധാന റെയില്‍വേ വികസനപ്രവര്‍ത്തികള്‍ക്കായി ആവശ്യമായ 470 ഹെക്ടര്‍ ഭൂമിയില്‍ ഇതുവരെ 64 ഹെക്ടര്‍ ഭൂമി മാത്രമാണ് ലഭ്യമായതെന്ന് …

പത്തനംതിട്ട: കടമ്മനിട്ടയിലെ സ്വകാര്യ ലോ കോളേജിന്റെ ഹോസ്റ്റല്‍ ഭക്ഷണത്തില്‍ പുഴുവിനെ കണ്ടെത്തിയെന്ന് പരാതി. മൗണ്ട് സിയോണ്‍ ലോ കോളേജ് ഗേള്‍സ് ഹോസ്റ്റലില്‍ നിന്നുളള ഭക്ഷണത്തില്‍ നിന്നാണ് പുഴുവിനെ കണ്ടെത്തിയത്. പ്രഭാത ഭക്ഷണത്തിന് വിളമ്പിയ സാമ്പാറിലാണ് പുഴു ഉണ്ടായിരുന്നത്. മുന്‍പും കോളേജില്‍ ഭക്ഷണത്തില്‍ നിന്ന് പുഴുവിനെ കിട്ടിയിട്ടുണ്ടെന്നും വിദ്യാര്‍ത്ഥിനികള്‍ ആരോപിക്കുന്നു. ഭക്ഷണം കൊണ്ടുവരുന്ന കാറ്ററിങ് ഏജന്‍സിക്ക് മുന്നറിയിപ്പ് നല്‍കിയെന്ന് പറഞ്ഞ് ഉത്തവാദിത്വത്തില്‍ നിന്നും ഒഴിയുകയാണ് കോളേജ് പ്രിന്‍സിപ്പാളെന്നും വിദ്യാര്‍ഥിനികള്‍ പറയുന്നു. ഹോസ്റ്റലില്‍ ഭക്ഷണത്തില്‍ പുഴുവിനെ കണ്ടെത്തിയതായുള്ള പരാതിയില്‍ ഫുഡ് സേഫ്റ്റി ഓഫീസര്‍ ഹോസ്റ്റല്‍ സന്ദര്‍ശിച്ച് നടപടി …

പത്തനംതിട്ട: എസ്.വൈ.എസ് മാനവ സഞ്ചാരത്തിന് ജില്ലയില്‍ സ്വീകരണം നല്‍കി. സംസ്ഥാന ജനറല്‍ സെക്രട്ടറി ഡോ. അബ്ദുല്‍ ഹക്കീം അസ്ഹരിയുടെ നേതൃത്വത്തില്‍ നടക്കുന്ന മാനവ സഞ്ചാരം പ്രഭാത നടത്തത്തോടെയാണ് ജില്ലയില്‍ പ്രയാണം ആരംഭിച്ചത്. തിരുവല്ല,അടൂര്‍,പത്തനംതിട്ട സോണ്‍ കേന്ദ്രങ്ങളില്‍ നടന്ന ‘ഏര്‍ളി ബേര്‍ഡ്’ പ്രഭാത നടത്തത്തിന് സംസ്ഥാന നേതാക്കള്‍ നേതൃത്വം നല്‍കി. വിദ്യാര്‍ഥികളും യുവജനങ്ങളും ഉള്‍പ്പെടെയുള്ള നിരവധിപേര്‍ നടത്തത്തില്‍ അണിചേര്‍ന്നു. വൈകിട്ട് പത്തനംതിട്ട നഗരത്തില്‍ നടന്ന മാനവ സൗഹൃദ നടത്തത്തില്‍ വിവിധ മത രാഷ്ട്രീയ സാമൂഹിക സാംസ്‌കാരിക രംഗത്തെ പ്രമുഖര്‍ അണിചേര്‍ന്നു. നഗരസഭ ഹാളില്‍ നടന്ന മാനവ …

പത്തനംതിട്ട: നവീന്‍ ബാബുവിന്റെ മരണം കൊലപാതകമാണെന്നും പ്രതികളെ കണ്ടെത്താന്‍ സി ബി ഐ അന്വേഷണം വേണമെന്നും കെപിസിസി ജനറല്‍ സെക്രട്ടറി അഡ്വ പഴകുളം മധു.സര്‍ക്കാരിലും പോലീസിലും വിശ്വാസമില്ലാത്തതുകൊണ്ടാണ് നവീന്‍ ബാബുവിന്റെ കുടുംബം സിബിഐ അന്വേഷണം ആവശ്യപ്പെട്ടത്.ഈ സംഭവത്തില്‍ സിപിഎം പാര്‍ട്ടിക്ക് പങ്കുള്ളത് കൊണ്ടാണ് അന്വേഷണം ഇഴയുന്നത്. കുടുംബത്തോടൊപ്പമാണെന്ന് പറഞ്ഞ സിപിഎം ജില്ലാ കമ്മിറ്റി സിബിഐ അന്വേഷണം വേണമെന്ന ആവശ്യത്തിലും കുടുംബത്തിനൊപ്പമുണ്ടോ എന്ന് വ്യക്തമാക്കണം. ആത്മഹത്യാ പ്രേരണ കുറ്റം ചുമത്തണമെന്ന് സിപിഎം നിരന്തരം ആവശ്യപ്പെട്ടതിന് പിന്നില്‍ പ്രതികളെ രക്ഷപ്പെടുത്താനുള്ള തന്ത്രമായിരുന്നോ എന്ന് സംശയിക്കണം. ഇനിയെങ്കിലും കൂടെ …

ശബരിമല: പന്ത്രണ്ട് വിളക്ക് ദിവസമായ ഇന്ന് കര്‍പ്പുര ദീപപ്രഭയില്‍ ജ്വലിച്ച് സന്നിധാനം. വൈകിട്ട് 6.15ന് ദീപാരാധനയോടനുബന്ധിച്ച്തിരുമുറ്റത്തെ വിളക്കുകള്‍ എല്ലാം തെളിച്ച് ആയിരുന്നു ആഘോഷം. പതിനെട്ടാം പടിയുടെ ഇരുവശവുമുള്ള വിളക്കുകളും തിരുമുറ്റത്തെ കല്‍കെട്ടു കള്‍ക്ക് മുകളില്‍ കര്‍പ്പൂരവും കത്തിച്ചതോടെ സന്നിധാനം പ്രശോഭിതമായി. കര്‍പ്പൂര ദീപപ്രഭയില്‍ സന്നിധാനം ജ്വലിച്ച് നില്‍ക്കെ മണിനാദവും ശരണ ഘോഷവും ഇഴുകി ചേര്‍ന്ന സന്ധ്യയില്‍ കലിയുഗവരദന് ദീപാരാധന നടന്നു.

അടൂര്‍: പ്രസിഡന്റ് അറിയാതെ കേരളാ കോണ്‍ഗ്രസ് (എം) നിയോജകമണ്ഡലം കമ്മറ്റി ചേരാന്‍ സംസ്ഥാന നേതാക്കള്‍ അടക്കം എത്തിയതിനെ തുടര്‍ന്ന് തെറവിളിയും കൈയാങ്കളിയും. ജില്ലാ പ്രസിഡന്റിന്റെ നിര്‍ദേശപ്രകാരം അടൂര്‍ നിയോജക മണ്ഡലം യോഗം വിളിച്ചു ചേര്‍ത്ത സ്ഥലത്താണ് ബഹളം. യോഗത്തിനെത്തിയ സംസ്ഥാന കമ്മിറ്റി അംഗത്തിനു നേരെ കയ്യേറ്റ ശ്രമവുമുണ്ടായി. കെഎസ്ആര്‍ടിസിസി ജങ്ഷനു സമീപത്തുള്ള കെട്ടിടത്തിനു മുന്‍പിലാണ് പാര്‍ട്ടിയിലെ ഒരു വിഭാഗം ബഹളമുണ്ടാക്കിയത്. നിയോജക പ്രസിഡന്റായ സജു മിഖായേലിനെ അറിയിക്കാതെ യോഗം വിളിച്ചതുമായി ബന്ധപ്പെട്ടുള്ള തര്‍ക്കമാണ് ബഹളത്തില്‍ കലാശിച്ചത്. യോഗത്തിനെത്തിയ സംസ്ഥാന കമ്മിറ്റി അംഗം തോമസ് മാത്യുവിനു …

അടൂര്‍: ലീഡ് നില മാറി മറിഞ്ഞതൊന്നും അവരെ ബാധിച്ചില്ല. നമ്മുടെ ചെക്കന്‍ ഇപ്പോള്‍ ജയിച്ചു കയറി വരുമെന്ന് അവര്‍ക്ക് അറിയാമായിരുന്നു. പടിപടിയായി ലീഡ് നില ഉയര്‍ന്നപ്പോള്‍ അവര്‍ മധുരം വിതരണം ചെയ്തു. പാലക്കാട്ട് രാഹുല്‍ മാങ്കൂട്ടം കന്നിയങ്കം ജയിച്ചു കയറിയതിന്റെ ത്രില്ലിലായിരുന്നു അടൂരില്‍ പാര്‍ട്ടി പ്രവര്‍ത്തകരും ബന്ധുക്കളും പ്രദേശവാസികളും. രാവിലെ 10 മണിക്ക് ലീഡ് നില കൂടിയതോടെ രാഹുലിന്റെ മുണ്ടപ്പള്ളിയിലെ ആറ്റുവിളാകത്ത് വീട്ടിലേക്ക് പാര്‍ട്ടി പ്രവര്‍ത്തകരുടെ വരവായി. വീട്ടില്‍ ഉണ്ടായിരുന്ന രാഹുലിന്റെ സഹോദരി ഭര്‍ത്താവ് ശ്യാമും മറ്റ് ബന്ധുക്കളും പ്രവര്‍ത്തകര്‍ക്ക് ലഡു വിതരണം ചെയ്തു. …