റാന്നി: പെരുനാട്ടില്‍ തുടരെയുള്ള കടുവ ആക്രമണത്തില്‍ ഒരു പശു കൂടി ചത്തു. തുടര്‍ച്ചയായ മൂന്നാം ദിവസവും ഉറക്കം നഷ്ടപ്പെട്ടു പ്രദേശവാസികളായ നാട്ടുകാര്‍. പെരുനാട് ബഥനി പുതുവല്‍ മാപ്രേത്ത് വീട്ടില്‍ ക്ഷീര കര്‍ഷകനായ എബ്രാഹാമിന്റെ പശുവിനെയാണ് കടുവ ആക്രമിച്ചു കൊന്നത്. രണ്ടു ദിവസം മുന്‍പ് ഇവിടെ നിന്നും ഒന്നര കിലോമീറ്റര്‍ ദൂരത്ത് വളവനാല്‍ റെജി തോമസിന്റെ നാലുമാസം ഗര്‍ഭിണിയായ പശുവിനെ കടുവ ആക്രമിച്ചതിന് പിന്നലെയാണ് വീണ്ടും ആക്രമണം ഉണ്ടായിരിക്കുന്നത്. വൈകിട്ട് അഞ്ചു മണിയോടെ വീട്ടുമുറ്റത്തു നിന്ന പശു കിടാവിനെ വീണ്ടും ആക്രമിക്കുന്നത് റെജി നേരിട്ട് കണ്ടതോടെയാണ് …

റാന്നി: ഇലവുങ്കല്‍ ട്രൈബല്‍ കോളനിയില്‍ നിന്നും ബിനു ബീറ്റ് ഫോറസ്റ്റ് ഓഫീസറാകുമ്പോള്‍ അതൊരു ചരിത്രമാവുകയാണ്. വനംവകുപ്പ് ഉദ്യോഗസ്ഥരുടെ പിന്തുണയും കരുതലും കൈമുതലാക്കിയാണ് ബിനു വനാശ്രിത പട്ടിക വര്‍ഗക്കാര്‍ക്കുള്ള പ്രത്യേക റിക്രൂട്ട്‌മെന്റിലൂടെ ഫോറസ്റ്റ് ഓഫീസറായത്. ഇളവുങ്കല്‍ ട്രൈബല്‍ കോളനിയിലെ പരേതനായ വിജയന്റെയും ഓമനയുടെയും മകനാണ് ബിന്ു. സംസ്ഥാനമൊട്ടാകെ 500 പേര്‍ക്കാണ് വനാശ്രിത പട്ടികവര്‍ഗക്കാര്‍ക്കുള്ള പ്രത്യേക റിക്രൂട്ട്‌മെന്റ്‌ലൂടെ നിയമന ഉത്തരവ് ലഭിച്ചത്. രാജ്യാന്തര വന ദിനത്തില്‍ മുഖ്യമന്ത്രി പിണറായി വിജയനാണ് ഉത്തരവ് കൈമാറിയത്. ജില്ലയില്‍ നിന്നും 10 പേരാണ് ഇത്തരത്തില്‍ സര്‍വീസില്‍ എത്തുന്നത്. എഴുത്തു പരീക്ഷയുടെയും കായികക്ഷമതാ …

പത്തനംതിട്ട: ഓര്‍ത്തഡോക്‌സ് യാക്കോബായ സഭാ തര്‍ക്കത്തില്‍ മന്ത്രി വീണ ജോര്‍ജിനെതിരെ പത്തനംതിട്ടയില്‍ പോസ്റ്റര്‍ പ്രതിഷേധം. മന്ത്രി മൗനം വെടിയണമെന്ന് പോസ്റ്ററിലൂടെ ആവശ്യം. സര്‍ക്കാര്‍ ചര്‍ച്ച് ബില്‍ പാസാക്കാനൊരുേമ്പാഴാണ് സഭയുടെ വിയര്‍പ്പിലും വോട്ടിലും മന്ത്രിയായ വീണ മൗനം വെടിയണമെന്ന് പോസ്റ്ററിലൂടെ ആവശ്യപൈടുന്നത്. ഓര്‍ത്തഡോക്‌സ് യുവജനം എന്ന് രേഖപ്പെടുത്തിയ പോസ്റ്ററില്‍ ചര്‍ച്ച് ബില്ലില്‍ മുഖ്യമന്ത്രി പിണറായി വിജയന്‍ നീതി നടപ്പാക്കണമെന്നും ആവശ്യപ്പെടുന്നുണ്ട്. പത്തനംതിട്ട മാക്കാംകുന്ന്, കുമ്പഴ, ചന്ദപ്പള്ളിയിലെ ഓര്‍ത്തഡോക്‌സ് ദേവാലയങ്ങളുടെ പരിസരത്തുമാണ് മന്ത്രിക്കെതിരായ പോസ്റ്റര്‍ പ്രത്യക്ഷപ്പെട്ടത്. ഓര്‍ത്തഡോക്‌സ് യാക്കോബായ സഭകള്‍ തമ്മിലുള്ള തര്‍ക്കം പരിഹരിക്കാന്‍ സര്‍ക്കാര്‍ ചര്‍ച്ച് …

ചിറ്റാര്‍: മതില്‍ എടുത്തു ചാടുന്നതിനിടെ റോഡിലേക്ക് വീണ മ്ലാവ് കഴുത്തൊടിഞ്ഞ് ചികില്‍സയിലിരിക്കേ ചത്തു. വടശേരിക്കര-ചിറ്റാര്‍ റോഡില്‍ അരീക്കക്കാവിനു അരീക്കകാവ് ഡിപ്പോയ്്ക്ക് സമീപം ശനിയാഴ്ച രാവിലെയാണ് സംഭവം. മ്ലാവ് പരുക്കേറ്റു റോഡില്‍ കിടക്കുകയായിരുന്നു. തൊട്ടടുത്ത മതില്‍ ചാടിക്കടക്കുന്നതിനിടെ നിയന്ത്രണം നഷ്ടമായി റോഡില്‍ വീഴുകയായിരുന്നുവെന്ന് കരുതുന്നു. ഗുരുതരമായി പരുക്കേറ്റ മ്ലാവിനെ റാന്നി റാന്നി റാപ്പിഡ് റെസ്‌പോണ്‍സ് ടീമിന്റെ സഹായത്തോട് ചിറ്റാര്‍ ഡെപ്യൂട്ടി ഫോറസ്റ്റ് സ്‌റ്റേഷനിലെ ഉദ്യോഗസ്ഥര്‍ രക്ഷപ്പെടുത്താന്‍ ശ്രമിച്ചെങ്കിലും സാധിച്ചില്ല. തുടര്‍ന്ന് ചിറ്റാര്‍ ഗ്രാമപഞ്ചായത്ത് വെറ്റിനറി സര്‍ജന്‍ ഡോ. രാഹുല്‍ നായര്‍ സ്ഥലത്തെത്തി പോസ്റ്റുമാര്‍ട്ടം നടത്തി. മതില്‍ചാടി …

ശബരിമല: സ്വാമി അയ്യപ്പന്‍ റോഡില്‍ കടന്നല്‍ ആക്രമണം. 12 തീര്‍ത്ഥാടകര്‍ക്ക് കടന്നലിന്റെ കുത്തേറ്റു. നാല് പേരെ പത്തനംതിട്ട ജനറല്‍ ജനറല്‍ ആശുപത്രിയില്‍ പ്രവേശിപ്പിച്ചു. സ്വാമി അയ്യപ്പന്‍ റോഡിലെ ഒന്നാം വളവിനടുത്ത് ചെളിക്കുഴി ഭാഗത്ത് വച്ചാണ് ആക്രമണം ഉണ്ടായത്. കുരങ്ങോ പരുന്തോ ആക്രമിച്ചതാണ് കടന്നല്‍ കൂട് ഇളകാന്‍ കാരണമെന്നാണ് നിഗമനം. അതേസമയം, കടന്നല്‍ ശല്യമുള്ളതിനാല്‍ സ്വാമി അയ്യപ്പന്‍ റോഡ് വഴി തീര്‍ഥാടകരെ കയറ്റി വിടുന്നത് നിരോധിച്ചു.

അടൂര്‍: സിപിഎം സംസ്ഥാന സെക്രട്ടറി എം.വി ഗോവിന്ദന്‍ നയിച്ച ജാഥയ്ക്കുള്ള സ്വീകരണ യോഗത്തില്‍ പങ്കെടുക്കാന്‍ പോകാതിരുന്ന തൊഴിലുറപ്പ് തൊഴിലാളിയുടെ പേര് മസ്റ്റര്‍ റോളില്‍ ഉള്‍പ്പെടുത്താതിരുന്നുവെന്ന പരാതിയില്‍ തൊഴിലുറപ്പ് പദ്ധതി ഓംബുഡ്‌സ്മാന്റെ ഇടപെടല്‍. തൊഴിലാളിക്ക് 100 തൊഴില്‍ ദിനങ്ങള്‍ നല്‍കണമെന്നും അനാവശ്യ തടസങ്ങള്‍ സൃഷ്ടിക്കുന്നവര്‍ക്കെതിരേ ആവശ്യമായ നടപടി സ്വീകരിക്കണമെന്നും ഓംബുഡ്‌സ്മാന്‍ ഉത്തരവിട്ടു. കടമ്പനാട് ഗ്രാമപഞ്ചായത്ത് ആറാം വാര്‍ഡിലെ തൊഴിലുറപ്പ് തൊഴിലാളി ഡി. സിന്ധു അടക്കമാണ് പരാതിക്കാര്‍. പഞ്ചായത്ത് സെക്രട്ടറി, പറക്കോട് ബ്ലോക്ക് പഞ്ചായത്ത് സെക്രട്ടറി എന്നിവരാണ് എതിര്‍ കക്ഷികള്‍. കഴിഞ്ഞ എല്ലാ വര്‍ഷങ്ങളിലും 100 തൊഴില്‍ …

കോന്നി: സര്‍ക്കാര്‍ മെഡിക്കല്‍ കോളജിന്റെ അവസ്ഥ പരിതാപകരം. ഇവിടെയുള്ള ജീവനക്കാര്‍ക്കോ വിദ്യാര്‍ഥികള്‍ക്കോ പോലും എന്തെങ്കിലും അസുഖം വന്നാല്‍ വേറെ ആശുപത്രികളെ സമീപിക്കേണ്ട ഗതികേടാണ്. മെഡിക്കല്‍ കോളജ് കാമ്പസില്‍ വീണ് കൈയൊടിഞ്ഞ മെഡിക്കല്‍ വിദ്യാര്‍ഥിനി കോട്ടയം മെഡിക്കല്‍ കോളജില്‍ ചികില്‍സ തേടി. ഇവിടുത്തെ ഇല്ലായ്മകള്‍ പുറത്തു പറയരുതെന്നാണ് ജീവനക്കാര്‍ക്കും വിദ്യാര്‍ഥികള്‍ക്കും നല്‍കിയിരിക്കുന്ന നിര്‍ദേശം. പറഞ്ഞാല്‍ വിവരമറിയുമെന്ന ഭീഷണിയും നിലനില്‍ക്കുന്നു. ഇവിടെ ജോലി ചെയ്യുന്നവര്‍ അസംതൃപ്തരാണ്. ഇക്കാര്യം ഇവര്‍ നേരില്‍ കണ്ടാല്‍ പറയും. അതും ഭയപ്പാടോടെ. പുറമേ കൊട്ടിഘോഷിക്കുന്നതു പോലെയല്ല മെഡിക്കല്‍ കോളജിന്റെ അവസ്ഥ എന്നതാണ് യാഥാര്‍ഥ്യം. …

പത്തനംതിട്ട: സംസ്ഥാനത്ത് ഏറ്റവുമധികം വേനല്‍മഴ ലഭിച്ചത് ജില്ലയിലെ കോന്നി മണ്ണീറയില്‍. വൃഷ്ടിപ്രദേശങ്ങളില്‍ കാര്യമായ മഴ ലഭിക്കാത്തതിനാല്‍ ഡാമുകളിലെ ജലനിരപ്പ് താണ നിലയിലാണ്. മാര്‍ച്ച് ഒന്ന് മുതല്‍ 18 വരെയുള്ള കണക്കനുസരിച്ച് സംസ്ഥനത്തെ മറ്റ് ജില്ലകളിലും ലക്ഷദ്വീപ്, മാഹി പ്രദേശങ്ങളിലും ഉള്‍പ്പെടെ ഏറ്റവും കൂടുതല്‍ വേനല്‍ മഴ ലഭിച്ചത് പത്തനംതിട്ട ജില്ലയിലാണ്. കഴിഞ്ഞ നാല് ദിവസങ്ങളിലായി 34.6 മില്ലീമീറ്റര്‍ വേനല്‍ മഴയാണ് ജില്ലയില്‍ ലഭിച്ചത്. 30.8 മില്ലീമീറ്റര്‍ മഴ ലഭിക്കേണ്ട സ്ഥാനത്ത് 4 % അധിക വേനല്‍മഴ പത്തനംതിട്ട ജില്ലയില്‍ ലഭിച്ചിട്ടുണ്ട്. മലയോര മേഖലകളിലാണ് കഴിഞ്ഞ …

പത്തനംതിട്ട: ഔദ്യോഗിക വിഭാഗത്തെ ബലപ്രയോഗത്തിലൂടെ അട്ടിമറിച്ച് അയ്യപ്പസേവാ സംഘം പിടിച്ചെടുക്കാന്‍ അണിറ നീക്കം. ഇതിന്റെ ഭാഗമായാണ് ഒരു രാഷ്ട്രീയ പാര്‍ട്ടിയുടെ പിന്‍ബലത്തോടെ മീനമാസ പൂജയ്ക്ക് നടതുറന്നപ്പോള്‍ പമ്പാ ക്യാമ്പ് ഓഫീസ് പിടിച്ചടക്കാന്‍ വിമതര്‍ ശ്രമം നടത്തിയതെന്ന് ജനറല്‍ സെക്രട്ടറി അഡ്വ. ഡി. വിജയകുമാര്‍ പറഞ്ഞു. ശബരിമലയില്‍ കാലങ്ങളായി സേവന പ്രവര്‍ത്തനങ്ങള്‍ നടത്തിവരുന്ന അഖിലഭാരതഅയ്യപ്പസേവാ സംഘത്തിന്റെ ചരിത്രത്തില്‍ ആദ്യമായാണ് ഇത്തരത്തിലുള്ള വിമത നീക്കം നടക്കുന്നത്. സംഭവത്തിന് പിന്നില്‍ രാഷ്ട്രീയ പാര്‍ട്ടിയുടെ പിന്തുണയുണ്ടെന്ന് ജനറല്‍ സെക്രട്ടറി പറഞ്ഞെങ്കിലും കൃത്യമായി ഏത് പാര്‍ട്ടിയെന്ന് വ്യക്തമാക്കിയിട്ടില്ല. എന്നാല്‍ സി.പി.എമ്മിന് ഇതിന് …

കുളനട: ബിജെപി ഭരിക്കുന്ന പന്തളം നഗരസഭയിലും കുളനട പഞ്ചായത്തിലും മാര്‍ക്കറ്റുകളില്‍ ഉണ്ടായ തീപിടുത്തം അട്ടിമറിയെന്ന ആരോപണം ബലപ്പെടുന്നു. തുടര്‍ച്ചയായ ദിവസങ്ങളിലാണ് രണ്ടിടത്തും തീപിടുത്തമുണ്ടായത്. പന്തളത്ത് കെഎസ്ആര്‍ടിസി ബസ് സ്റ്റാന്‍ഡിന് സമീപമുള്ള മത്സ്യമാര്‍ക്കറ്റിലെ പ്ലാന്റിനോട് ചേര്‍ന്ന് തിങ്കളാഴ്ച ഉച്ചയ്ക്ക് 12 ന് തീ പിടിച്ചത്. സമാന രീതിയില്‍ ബുധനാഴ്ച വൈകിട്ട് മൂന്നരയോടെ കുളനട പഞ്ചായത്തിന്റെ ഉടമസ്ഥതയില്‍ ഉള്ള മത്സ്യ മാര്‍ക്കറ്റിന് സമീപം സ്ഥിതി ചെയ്യുന്ന മാലിന്യ സംഭരണ കേന്ദ്രത്തിന് തീ പിടിച്ചു. കൂട്ടിയിട്ടിരുന്ന പ്ലാസ്റ്റിക് മാലിന്യങ്ങള്‍ക്ക് ആണ് തീ പിടിച്ചത്. വിവരം അറിഞ്ഞ് സ്ഥലം എം.എല്‍.എ …