പത്തനംതിട്ട: മലേഷ്യയില്‍ ഹണിമൂണിന് പോയ നവദമ്പതികളായ അനുവിനേയും നിഖിലിനേയും തിരുവനന്തപുരം വിമാനത്താവളത്തില്‍ നിന്ന് വീട്ടിലേക്ക് കൂട്ടിക്കൊണ്ടുവരാന്‍ വേണ്ടി പോയതായിരുന്നു പിതാക്കന്മാരായ ബിജു പി. ജോര്‍ജും മത്തായി ഈപ്പനും. വീടണയുന്നതിന് ഏതാനും കിലോമീറ്റര്‍ അകലെ നാലു പേരെയും മരണം കവര്‍ന്നു. അപകടമേഖലായി മാറിയിട്ടുള്ള പുനലൂര്‍-മൂവാറ്റുപുഴ സംസ്ഥാന പാതയില്‍ കൂടല്‍ മുറിഞ്ഞകല്‍ ഗുരുമന്ദിരത്തിന് സമീപം വച്ച് ഇവര്‍ സഞ്ചരിച്ചിരുന്ന കാര്‍ ശബരിമല ദര്‍ശനം കഴിഞ്ഞ് മടങ്ങിയ തെലങ്കാന സ്വദേശികളുടെ ബസിലേക്ക് ഇടിച്ചു കയറുകയായിരുന്നു. നവംബര്‍ 30ന് പൂങ്കാവ് സെന്റ് മേരീസ് മലങ്കര പള്ളിയില്‍ വച്ചായിരുന്നു അനുവിന്റേയും നിഖിലിന്റേയും …

ശബരിമല: മണ്ഡലകാലം തുടങ്ങിയ ശേഷമുള്ള കനത്ത മഴ ഇന്നലെയും ഇന്നുമായി സന്നിധാനത്ത് പെയ്ത് തിമിര്‍ത്തു. ഇന്നലെ രാവിലെ 8.30 മുതല്‍ 24 മണിക്കൂറില്‍ സന്നിധാനത്ത് പെയ്തത് 68 മില്ലിമീറ്റര്‍ മഴ. ഇത് ഏറ്റവും കൂടിയ മഴയാണ്. ഇതേസമയം നിലയ്ക്കലില്‍ രേഖപ്പെടുത്തിയത് 73 മില്ലിമീറ്റര്‍ മഴ. ഇന്ന് രാവിലെ 8.30 നും ഉച്ച 2.30 നും ഇടയില്‍ സന്നിധാനത്ത് 14.6 മില്ലിമീറ്റര്‍ മഴ ലഭിച്ചു. ഇതേസമയം സമയം നിലയ്ക്കലില്‍ 1.6 മില്ലിമീറ്ററും പമ്പയില്‍ 12.6 മില്ലിമീറ്ററും മഴ പെയ്തു. പത്തനംതിട്ട ജില്ലയില്‍ വ്യാഴാഴ്ച റെഡ് അലര്‍ട്ടും …

എല്ലാ ഗവ സേവനങ്ങളും പ്രവാസികള്‍ക്ക് ലഭിക്കുന്ന ഏകജാലക സംവിധാനമാക്കി ലോക കേരളം പോര്‍ട്ടലിനെ മാറ്റുമെന്ന് നോര്‍ക്ക റൂട്ട്‌സ് റസിഡന്റ് വൈസ് ചെയര്‍മാന്‍ പി. ശ്രീരാമകൃഷ്ണന്‍ പറഞ്ഞു. അറ്റസ്‌റ്റേഷന്‍ സേവനങ്ങളുടെ ഡിജിറ്റലൈസേഷനുമായി ബന്ധപ്പെട്ട് വിഎഫ്എസ് ഗ്ലോബല്‍ പ്രതിനിധികളുമായി തൈക്കാട് നോര്‍ക്ക സെന്ററില്‍ നടത്തിയ ചര്‍ച്ചയില്‍ പങ്കെടുത്തു സംസാരിക്കുകയായിരുന്നു അദ്ദേഹം. അറ്റസ്റ്റേഷന്‍ സേവനങ്ങള്‍ പൂര്‍ണമായും ഡിജിറ്റലൈസ് ചെയ്യും. ഏറ്റവും മികച്ച ഗുണമേന്മയുള്ള സേവനം വേഗത്തില്‍ പ്രവാസികള്‍ക്ക് ലഭ്യമാക്കുകയാണ് ലക്ഷ്യമെന്നും അദ്ദേഹം പറഞ്ഞു. പൗരസൗഹൃദ സമീപനമാണ് നോര്‍ക്ക റൂട്ട്‌സ് പുലര്‍ത്തുന്നതെന്ന് നോര്‍ക്ക റൂട്ട്‌സ് ചീഫ് എക്‌സിക്യുട്ടീവ് ഓഫീസര്‍ അജിത് …

ശബരിമല: പോലീസ് മെസില്‍ നിന്നും ഭക്ഷണം കഴിച്ച് മടങ്ങിയ പോലീസ് ഉദ്യോഗ സ്ഥനെ പിന്നില്‍ നിന്നും പന്നി കുത്തി വീഴ്ത്തി. കണ്ണൂര്‍ റൂറല്‍ ഡിസ് ട്രിക്റ്റ് ഹെഡ് ക്വാര്‍ട്ടേഴ്‌സിലെ എസ്. സി.പി.ഒ പയ്യന്നൂര്‍ കണ്ടംകാളി തലോടി ഹൗസില്‍ സത്യ(52)നാണ് പരുക്കേറ്റത്. തലയ്ക്ക് പരുക്കേറ്റ ഇദ്ദേഹത്തെ സന്നിധാനം ഗവണ്‍മെന്റ് ആശുപത്രിയില്‍ പ്രവേശിപ്പിച്ചു. തലയ്ക്ക് നാല് തുന്നലിടേണ്ടി വന്നു. ഉച്ചയ്ക്ക് 12.30 ന് പോലീസ് മെസില്‍ പോയി ഭക്ഷണം കഴിച്ച് ബാരക്കിലേക്ക് മടങ്ങും വഴിയാണ് പിന്നില്‍ നിന്ന് പന്നി കുത്തി വീഴ്ത്തിയത്.

ശബരിമല: ദര്‍ശനത്തിന് തിരക്ക് വര്‍ധിച്ചുവരുന്ന സാഹചര്യത്തില്‍ പമ്പയില്‍ നിന്നും കെ എസ് ആര്‍ ടി സി യുടെ ഏഴ് പുതിയ ദീര്‍ഘദൂര സര്‍വീസുകള്‍ ആരംഭിച്ചു. കോയമ്പത്തൂരിലേക്ക് രണ്ടും തെങ്കാശി, തിരുനെല്‍വേലി എന്നിവിടങ്ങളിലേക്ക് ഓരോ സര്‍വീസുകളും കുമളിയിലേക്ക് രണ്ടും തേനിയിലേക്ക് ഒരു സര്‍വീസുമാണ് പുതിയതായി ആരംഭിച്ചത്. നിലവില്‍ പമ്പ ബസ് സ്‌റ്റേഷനില്‍ നിന്നുമാണ് ദീര്‍ഘദൂര സര്‍വീസുകളുള്ളത്. ഓണ്‍ലൈന്‍ ടിക്കറ്റ് ബുക്കിങ്ങിനോടെപ്പം പമ്പ ബസ് സ്‌റ്റേഷനില്‍ നിന്നും സ്‌പോട്ട് ബുക്കിങ്ങ് സൗകര്യവും ഒരുക്കിയിട്ടുണ്ട്. തീര്‍ഥാടകര്‍ക്ക് 40 പേര്‍ക്ക് മുന്‍ നിശ്ചയിച്ച നിരക്ക് പ്രകാരം യാത്രാ സൗകര്യം ഒരുക്കുന്ന …

ശബരിമല: ദര്‍ശനം കഴിഞ്ഞ് മടങ്ങിയ തീര്‍ത്ഥാടകന് പാമ്പ് കടിയേറ്റു. തമിഴ്‌നാട് തിരുവള്ളൂര്‍ പെരിയടപ്പാളയം കാമരാജര്‍ രണ്ടാം നമ്പര്‍ സ്ട്രീറ്റില്‍ 4/9 ല്‍ ജഗനാ(30)ണ് പാമ്പ് കടിയേറ്റത്. ഇയാളെ പമ്പ ഗവണ്‍മെന്റ് ആശുപത്രിയില്‍ പ്രഥമ ശുശ്രൂഷ നല്കിയ ശേഷം കോട്ടയം മെഡി ക്കല്‍ കോളേജ് ആശുത്രിയില്‍ പ്രവേശിപ്പിച്ചു. സ്വാമി അയ്യപ്പന്‍ റോഡില്‍ പമ്പ കരിക്ക് വില്പന കേന്ദ്രത്തിന് സമീപം വച്ച് ഇന്നലെ വൈകിട്ട് 3.30നാണ് ഇയാളുടെ ഇടതുകാലിന് പാമ്പ് കടിയേറ്റത്.

തിരുവനന്തപുരം: സംസ്ഥാന ജൈവവൈവിധ്യ ബോര്‍ഡിന്റെ 2022ലെ ജൈവ വൈവിധ്യ സംരക്ഷണ പുരസ്‌കാര വിതരണം മുഖ്യമന്ത്രി പിണറായി വിജയന്‍ നിര്‍വഹിച്ചു. മികച്ച സംരക്ഷക കര്‍ഷകനുള്ള പുരസ്‌ക്കാരം പത്തനംതിട്ട എഴുമറ്റൂര്‍ അമൃതധാര ഗോശാല ചെയര്‍മാന്‍ അജയകുമാര്‍ വല്യുഴത്തിലിന് മുഖ്യമന്ത്രി സമ്മാനിച്ചു. പത്തൊമ്പതിലധികം ഇനങ്ങളിലായി ഏതാണ്ട് എഴുന്നൂറോളം പശുക്കളെ സംരക്ഷിച്ചു വരുന്ന അജയകുമാര്‍ നാടന്‍ പശുവധിഷ്ഠിത കാര്‍ഷിക സമ്പ്രദായത്തിന്റെയും പ്രചാരകനാണ്. നിരവധി ദേശീയ സംസ്ഥാന പുരസ്‌കാരങ്ങള്‍ക്ക് അര്‍ഹനായ അജയകുമാര്‍, അടുത്തിടെ ജീസസിന്റെ രൂപത്തില്‍ കരനെല്‍ കൃഷിയൊരുക്കി വാര്‍ത്തകളില്‍ ഇടംപിടിച്ചിരുന്നു. മാസ്‌ക്കറ്റ് ഹോട്ടലില്‍ നടന്ന പുരസ്‌ക്കാര ദാനച്ചടങ്ങില്‍ പൊതുമരാമത്ത് ടൂറിസം …

തിരുവല്ല: മലാശയ കാന്‍സര്‍ ചികില്‍സയിലെ നൂതന രീതികള്‍ സംബന്ധിച്ച് ബിലീവേഴ്‌സ് ചര്‍ച്ച് മെഡിക്കല്‍ കോളജ് ആശുപത്രിയില്‍ സംഘടിപ്പിച്ച ഏകദിന ശില്‍പശാല വന്‍കുടല്‍ കാന്‍സറിനെ അതിജീവിച്ച ജോര്‍ജ് മാത്യു ഉദ്ഘാടനം ചെയ്തു. ബിലീവേഴ്‌സ് റീജണല്‍ ഇന്‍സ്റ്റിറ്റിയൂട്ട് ഓഫ് ഗ്യാസ്‌ട്രോ എന്‍ട്രോളജി ഹെപ്പറ്റോളജി ആന്‍ഡ് ട്രാന്‍സ്പ്ലാന്റേഷന്‍ ( ബ്രൈറ്റ്) വിഭാഗത്തിന്റെ നേതൃത്വത്തിലാണ് പരിപാടി സംഘടിപ്പിച്ചത്. ആശുപത്രി അസോസിയേറ്റ് ഡയറക്ടര്‍ ഡോ. ജോണ്‍ വല്യത്ത് അധ്യക്ഷത വഹിച്ചു. സര്‍ജിക്കല്‍ ഗ്യാസ്‌ട്രോ എന്‍ട്രോളജി വിഭാഗം മേധാവി ഡോ. സുജിത്ത് ഫിലിപ്പ് മുഖ്യപ്രഭാഷണം നടത്തി. യു.കെയിലെ നാഷണല്‍ ഹെല്‍ത്ത് സര്‍വീസില്‍ സേവനമനുഷ്ഠിക്കുന്ന …

കൊച്ചി: സമൂഹത്തിൽ വിഭജനവും ഭീതിയും വളർത്തി മുസ്ലിംലീഗ് വർഗീയ കലാപത്തിന് കോപ്പുകൂട്ടുകയാണെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. മുനമ്പം വഖഫ് ഭൂമിയാണെന്ന് ഒരു വിഭാഗം നേതാക്കൾ പരസ്യമായി പ്രഖ്യാപിച്ചത് സംസ്ഥാനത്തിൻ്റെ സമാധാനാന്തരീക്ഷം തകർക്കാൻ ലക്ഷ്യമിട്ടാണ്. പ്രതിപക്ഷ നേതാവിൻ്റെ അഭിപ്രായം ലീഗിൻ്റെ ഉന്നത നേതാക്കൾ തന്നെ പരസ്യമായി തള്ളിക്കളഞ്ഞിരിക്കുകയാണ്. വിഡി സതീശനും യുഡിഎഫും മുനമ്പത്തുകാരെ വഞ്ചിക്കുകയാണ്. മുസ്ലിം ലീഗിലെ പിഎഫ്ഐ ലോബിയാണ് യുഡിഎഫിലെ കാര്യങ്ങൾ തീരുമാനിക്കുന്നത്. പാലക്കാട് പിഎഫ്ഐ പിന്തുണ ലഭിച്ചതിൻ്റെ കടപ്പാട് യുഡിഎഫിന് അവരോടുണ്ടാകുമെന്നുറപ്പാണ്. പ്രശ്ന പരിഹാരത്തിന് മുസ്ലിം ലീഗ് മുൻകൈ എടുത്തത് മത്സ്യത്തൊഴിലാളികളെ …

കേരളത്തില്‍ നിന്നുള്ള പ്രൊഫഷണലുകള്‍ക്ക് യൂറോപ്യന്‍ യൂണിയനില്‍ ഉള്‍പ്പെട്ട രാജ്യങ്ങളിലെ തൊഴിലവസരങ്ങള്‍ ലഭ്യമാക്കുന്നതിനായി നോര്‍ക്ക റൂട്ട്‌സും ജര്‍മ്മന്‍ ഏജന്‍സി ഫോര്‍ ഇന്റര്‍നാഷണല്‍ കോ-ഓപ്പറേഷനും(ജിഐഇസെഡ്) യോജിച്ച് പ്രവര്‍ത്തിക്കും. തിരുവനന്തപുരത്തെ നോര്‍ക്ക സെന്റര്‍ സന്ദര്‍ശിച്ച ജിഐഇസെഡ് ഇന്റര്‍നാഷണല്‍ സര്‍വീസസ് ഡയറക്ടര്‍ ജനറല്‍ ആന്‍ഡ്രിയ വോണ്‍ റൗച്ചുമായി നോര്‍ക്ക റൂട്ട്‌സ് സിഇഒ അജിത് കോളശേരി നടത്തിയ കൂടിക്കാഴ്ചയിലാണ് ഇതുസംബന്ധിച്ചുള്ള സാധ്യത പരിശോധിക്കാന്‍ തീരുമാനമായത്. ഇതിന്റെ ഭാഗമായി ജര്‍മ്മന്‍ കോണ്‍സുലേറ്റിന്റെ സഹകരണത്തോടെ യൂറോപ്യന്‍ രാജ്യങ്ങളിലെ എംബസികളില്‍ നിന്നുള്ള പ്രതിനിധികളുമായി യോഗം ഡല്‍ഹിയില്‍ വിളിച്ചു ചേര്‍ക്കുന്നതിനും ധാരണയായി. നിലവില്‍ ജര്‍മ്മനിയിലേക്ക് കേരളത്തിലെ നഴ്‌സിംഗ് …