അടൂര്‍: ജാമ്യമില്ലാ കേസെടുത്ത ആളെ തിരഞ്ഞ് രാത്രിയില്‍ സ്ത്രീകള്‍ മാത്രമുള്ള വീട്ടിലെത്തി പരിശോധന നടത്തിയെന്ന പരാതിയില്‍ എസ്‌ഐയ്ക്ക് സ്ഥലംമാറ്റം. അടൂര്‍ പോലീസ് സ്‌റ്റേഷനിലെ എസ്‌ഐ അനൂപ് ചന്ദ്രനെയാണ് ജില്ലാ പോലീസ് മേധാവി പത്തനംതിട്ട കണ്‍ട്രാള്‍ റൂമിലേക്ക് സ്ഥലം മാറ്റിയത്. അടൂര്‍ കരുവാറ്റ മേരീഭവനില്‍ ജോമോന്റെ ഭാര്യ ഐനസാണ് ജില്ലാ പോലീസ് മേധാവിക്ക് പരാതി നല്‍കിയത്. വീട്ടില്‍ താനും രണ്ട് പെണ്‍മക്കളും ഉള്ള സമയത്താണ് എസ്‌ഐയും മറ്റ് ഏഴ് പോലീസുകാരും എത്തിയത്. ജോമോന്‍ വീട്ടില്‍ ഇല്ലാത്തതിനാല്‍ തന്നെ ഭീഷണിപ്പെടുത്തിയതായും ഇതു മാനസിക വിഷമമുണ്ടാക്കിയതായും ഐനസ് പാരാതിയില്‍ …

പത്തനംതിട്ട: കോന്നി വനം ഡിവിഷനിലെ കാട്ടാനശല്യം നേരിടുന്ന കുളത്തുമണ്ണില്‍ ആവശ്യമായ സുരക്ഷ നടപടി ഉറപ്പാക്കുമെന്ന് കെ യു ജനീഷ്‌കുമാര്‍ എംഎല്‍എ. വനം, പൊലിസ്, റവന്യു, തദ്ദേശം വകുപ്പുകളുടെ നേതൃത്വത്തില്‍ പ്രദേശത്തെ കാട്ടാനക്കൂട്ടത്തെ വനത്തിലേക്ക് കയറ്റിവിടാനുള്ള നീക്കം ആരംഭിക്കും. വന്യമൃഗസംഘര്‍ഷം ലഘൂകരിക്കുന്നതിന് എംഎല്‍എയുടെ അധ്യക്ഷതയില്‍ കലക്ട്‌റേറ്റില്‍ ചേര്‍ന്ന യോഗത്തിലാണ് തീരുമാനം. കല്ലേലിയില്‍ ഭീഷണിയായ ഒറ്റയാനയെയും മലയാലപ്പുഴ, വടശേരിക്കരയിലെ കാട്ടാനക്കൂട്ടത്തേയും മാറ്റുന്നതിന് നടപടി സ്വീകരിക്കും. കാട്ടാന ഇറങ്ങുന്ന പ്രദേശങ്ങളിലെ പൈനാപ്പിള്‍ കൃഷി ചെയ്യുന്ന കര്‍ഷകര്‍ക്ക് ജില്ലാ കലക്ടറുടെ നേതൃത്വത്തില്‍ മാര്‍ഗനിര്‍ദേശം നല്‍കും. വന്യമൃഗസംഘര്‍ഷവുമായി ബന്ധപ്പെട്ട് അടിയന്തര സാഹചര്യത്തില്‍ …

അടൂര്‍: മൂവര്‍സംഘം ഒന്നിച്ച് ഒന്നാം ക്ലാസ്സില്‍, മണ്ണടി കല്ലുവിളയത്തില്‍ ബിജോയ്സില്‍ ബിനോയി ജോണ്‍സണ്‍, ജിഷ റെയ്ച്ചല്‍ ജോര്‍ജ് ദമ്പതികളുടെ മക്കള്‍ ഇവ ബിനോയി, ആത്മിക ബിനോയി, ദിയ ബിനോയി, എന്നിവരാണ് തൂവയ്യൂര്‍ ഇന്‍ഫന്റ് ജീസസ് സെന്‍ട്രല്‍ സ്‌കൂളില്‍ ഒന്നാം ക്ലാസില്‍ എത്തിയത്. ഒറ്റ പ്രസവത്തില്‍ പിറന്നതാണ് മൂവരും, സ്‌കൂളിന് പ്രിയപ്പെട്ട കുട്ടികളാണ് ഇവര്‍ എന്ന് സ്‌കൂള്‍ എച്ച് എം സിസ്റ്റര്‍ ഷീജാ എസ്. സി. വി., മാനേജര്‍,ഫാ: ജോബിന്‍ ജോസ് പുളിവിളയില്‍ പറഞ്ഞു.പ്രവേശനോത്സവം മണക്കാല എന്‍ജിനീയറിങ് കോളേജ് പ്രൊ: ജോണ്‍ ജോര്‍ജ് ഉദ്ഘാടനം ചെയ്തു. …

അടൂര്‍: ഗൂഗിള്‍ മാപ്പ് നോക്കി വന്ന കാര്‍ യാത്രികന്‍ അപകടത്തില്‍പ്പെട്ടു. ശനിയാഴ്ച രാത്രി 11 മണിയോടെ ഏഴംകുളം ട്രാഫിക് സിഗ്നലിലാണ് അപകടം ഉണ്ടായത്. കൈപ്പട്ടൂര്‍-ഏഴംകുളം റോഡിലൂടെ കൊല്ലത്തിന് പോകുന്നതിന് വന്ന യാത്രികനായിരുന്നു കാറിലുണ്ടായിരുന്നത്. വഴി നിശ്ചയമില്ലാത്തിനാല്‍ ഗൂഗിള്‍ മാപ്പ് നോക്കിയായിരുന്നു സഞ്ചാരം. അടുത്തിടെ പണി തീര്‍ന്ന് കിടന്ന റോഡിലൂടെ വന്ന യാത്രികന് ഏഴംകുളത്ത് നാലു റോഡുകള്‍ സംഗമിക്കുന്ന കവലയുണ്ടെന്ന് മനസിലായില്ല. കൊടുമണ്‍ ഭാഗത്ത് നിന്ന് വേഗതയില്‍ വന്ന് കെ.പി റോഡിലേക്ക് കയറിയ വാഹനത്തില്‍ പത്തനാപുരം റൂട്ടില്‍ വന്ന തമിഴ്‌നാട് രജിസ്‌ട്രേഷന്‍ ലോറി ഇടിക്കുകയായിരുന്നു. ഉപറോഡില്‍ …

അടൂര്‍: പ്രദേശത്ത് ഒമ്പതു പേരെ തെരുവുനായ കടിച്ചു പരുക്കേല്‍പ്പിച്ചു. ആനന്ദപ്പള്ളിയിലും മണക്കാല ജനശക്തി നഗറിലുമാണ് നായയുടെ ആക്രമണമുണ്ടായത്. ആനന്ദപ്പള്ളി കൊച്ചുവിളപ്പടി ഭാഗത്തു വച്ചാണ് വഴിയാത്രക്കാര്‍ ഉള്‍പ്പെടെ 7 പേര്‍ക്കു കടിയേറ്റത്. ആനന്ദപ്പള്ളി കൊച്ചുവിളപ്പടി മുകളേത്ത് പൊന്നന്‍, മലയില്‍ തെക്കേതില്‍ രാജീവ്, തുളസീതീര്‍ഥത്തില്‍ ആര്‍.സുകു, കൂടാതെ 4 വഴിയാത്രക്കാരേയുമാണ് കടിച്ചത്. വെള്ളിയാഴ്ച വൈകിട്ടും ഇന്നലെ രാവിലെയുമായിട്ടാണ് 7 പേരെ നായ കടിച്ചു പരുക്കേല്‍പ്പിച്ചത്. ഇവരെ കടിച്ച നായയെ പിന്നീട് ആനന്ദപ്പള്ളി പാലശേരി ഭാഗത്ത് ചത്ത നിലയില്‍ കണ്ടെത്തി. ഇതിനെ തുടര്‍ന്ന് നഗരസഭയിലെ ആരോഗ്യ സ്ഥിരം സമിതി …

റാന്നി: കളഞ്ഞു കിട്ടിയ സ്വര്‍ണ്ണമാല തിരികെ നല്‍കി പൊതുപ്രവര്‍ത്തകന്‍ മാതൃകയായി.പത്ര പ്രവര്‍ത്തകനും സി.പി.ഐ ജില്ലാ കൗണ്‍സിലംഗവും എ.ഐ.ടി.യു.സി മണ്ഡലം സെക്രട്ടറിയുമായ എം.വി പ്രസന്നകുമാര്‍ ആണ് മാല തിരികെ നല്‍കി മാതൃക ആയത്. റാന്നി പെരുമ്പുഴയില്‍ നിന്നും ബുധനാഴ്ച വൈകിട്ടാണ് മാല കിട്ടിയത്. അപ്പോള്‍ തന്നെ പോലീസ് സ്‌റ്റേഷനില്‍ എത്തി മാല എസ്.എച്ച്.ഓ മനോജ് കുമാറിനെ ഏല്‍പ്പിച്ചിരുന്നു. ഈ സമയം മാല നഷ്ടമായ സങ്കടത്തില്‍ ഉടമസ്ഥന്‍ അന്വേഷണത്തിലായിരുന്നു. രാവിലെ പരാതിയുമായി പോലീസ് സ്‌റ്റേഷനില്‍ എത്തിയപ്പോഴാണ് നഷ്ടപ്പെട്ട തന്റെ സ്വര്‍ണ്ണമാല അവിടെ ഉണ്ടെന്നു മനസിലായത്. റാന്നി തെക്കേപ്പുറം …

അടൂര്‍: ബൈപ്പാസില്‍ നിയന്ത്രണം വിട്ട ലോറി ഹോട്ടലിലേക്ക് ഇടിച്ചു കയറി. നെല്ലിമൂട്ടിപ്പടി ട്രാഫിക് ഐലന്‍ഡിന് സമീപം ബൈപ്പാസിലാണ് നിയന്ത്രണം വിട്ട ലോറി ഒരു ഹോട്ടലിന്റെ മുന്നിലൂടെ പാഞ്ഞ് ബിവറേജസ് ഔട്ട്‌ലെറ്റിലേക്കുള്ള വഴിയുടെ മുകളിലൂടെ പാലവിളയില്‍ തരകന്‍സ് പാര്‍ക്കിലെ ഹോട്ടലിന്റെ മുന്നിലെ ഫാസ്റ്റ്ഫുഡ് സെന്ററിലേക്ക് ഇടിച്ച് കയറി നിന്നത്. ഇന്ന് പുലര്‍ച്ചെ നാലിനായിരുന്നു അപകടം. ആര്‍ക്കും പരുക്കില്ല. രാവിലെ ഒമ്പതോടെ ക്രെയിന്‍ ഉപയോഗിച്ച് ലോറി മാറ്റി. പെരുമ്പാവൂരില്‍ നിന്നും കടമ്പനാട് ഭാഗത്തേക്ക് പോയ കാലിവണ്ടിയാണ് അപകടത്തില്‍പ്പെട്ടത്.  

അടൂര്‍: ഓടിക്കൊണ്ടിരുന്ന കാറില്‍ നിന്ന് പുക ഉയര്‍ന്നത് പരിഭ്രാന്തി പടര്‍ത്തി. ബൈപ്പാസില്‍ വൈകിട്ട് 4.20 നാണ് സംഭവം. കോട്ടയത്ത് നിന്നും തിരുവനന്തപുരത്തേക്ക് പോയ ഇയാണ്‍ കാറിന്റെ മുന്‍വശത്തു നിന്നും പുക ഉയര്‍ന്നു. ഡ്രൈവര്‍ പെട്ടെന്ന് തന്നെ കാര്‍ നിര്‍ത്തി യാത്രക്കാര്‍ എല്ലാവരും പുറത്തിറങ്ങി. എന്‍ജിന്‍ ഭാഗത്തെ വയറിങ് ഇന്‍സുലേഷന് തീപിടിച്ചിരുന്നു. ഉടന്‍ തന്നെപച്ചിലകള്‍ വെട്ടി തീ അടിച്ചു കെടുത്തി അപകടം ഒഴിവാക്കി. ബൈപാസില്‍ കെ.എഫ്.സിക്ക് സമീപമായിരുന്നു സംഭവം. സ്‌റ്റേഷന്‍ ഓഫീസര്‍ വിനോദ് കുമാറിന്റെ നേതൃത്വത്തില്‍ ഫയര്‍ ഫോഴ്‌സ് സംഭവ സ്ഥലത്തെത്തിയിരുന്നു.

പത്തനംതിട്ട: പൂങ്കാവ് ജങ്ഷനില്‍ സ്ഥിതി ചെയ്യുന്ന ലൈഫ് കെയര്‍ ആന്‍ഡ് ഡയബറ്റിക് റിസര്‍ച്ച് സെന്റര്‍ ആശുപത്രിയിലെ ജനറേറ്റര്‍ കത്തിയത് പരിഭ്രാന്തിയ്ക്കിടയാക്കി. തിങ്കളാഴ്ച ഉച്ചക്ക് ഒന്നരയോടെയായിരുന്നു സംഭവം. വൈദ്യുതി ഇല്ലാഞ്ഞതിനാല്‍ ജനറേറ്ററാണ് ആശുപത്രിയില്‍ ഉപയോഗിച്ചത്. താഴത്തെ നിലയില്‍ സ്‌റ്റെയര്‍ കേസിനോട് ചേര്‍ന്നാണ് ജനറേറ്റര്‍ സ്ഥാപിച്ചിരുന്നത്. ജനറേറ്ററിന്റെ ചൂടു കൊണ്ട് സമീപത്ത് കൂട്ടിയിട്ടിരുന്ന ഉപയോഗശൂന്യമായ പേപ്പറുകളിലേക്ക് തീ പടരുകയായിരുന്നു. ഉടന്‍ തന്നെ ആശുപത്രി പുക കൊണ്ട് നിറഞ്ഞു. ആശുപത്രിയിലെ ജനറേറ്ററും ഉപയോഗശൂന്യമായ എക്‌സറേ മെഷിനും വയറിംഗും കത്തി നശിച്ചു. സമീപത്തെ മെയിന്‍ സ്വിച്ച് ബോര്‍ഡിലേക്ക് തീ പിടിച്ചില്ല …

അടൂര്‍: ജന്തുജന്യരോഗങ്ങളുടെ വെല്ലുവിളിയാണ് ഇപ്പോള്‍ നേരിടുന്നതെന്ന് ആരോഗ്യ മന്ത്രി വീണാ ജോര്‍ജ്. ലൈഫ് ലൈന്‍ ആശുപത്രിയുടെ വാര്‍ഷികം ഉദ്ഘാടനം ചെയ്യുകയായിരുന്നു മന്ത്രി. രോഗങ്ങളില്‍ വലിയ മാറ്റങ്ങള്‍ ഉണ്ടായിക്കൊണ്ടിരിക്കുന്ന കാലഘട്ടമാണ്. കോവിഡിന്റെ ചെറിയ വരവ് കാണുന്നുണ്ട്. പേടിക്കേണ്ട കാര്യം ഇല്ല. ഇത് പകരുന്നതിന്റെ തോത് ഉയര്‍ന്നതാണെങ്കിലും ഭയക്കേണ്ടതില്ല. പ്രായമുള്ളവരും രോഗമുള്ളവരും മാസ്‌ക് ധരിക്കണം. ലൈഫ്‌ലൈന്‍ ആശുപത്രിയുടെ പ്രവര്‍ത്തന ചരിത്രത്തിലെ പ്രധാന നാഴികക്കല്ലാണ് ഈ 20 വര്‍ഷം. ആര്‍ദ്രതയുള്ള ജനസേവനത്തിന്റെ, ഗുണനിലവാരമുള്ള ചികിത്സയുടെ 20 വര്‍ഷങ്ങളാണ് ലൈഫ് ലൈന്‍ ആശുപത്രി പൂര്‍ത്തിയാക്കുന്നതെന്നും മന്ത്രി പറഞ്ഞു. ഡെപ്യൂട്ടി സ്പീക്കര്‍ …