അടൂര്‍: സിപിഎം ജില്ലാ കമ്മറ്റിയംഗം പ്രസിഡന്റായ കടമ്പനാട് പഞ്ചായത്ത് പട്ടികജാതി സര്‍വീസ് സഹകരണ സംഘത്തില്‍ ക്രമക്കേടെന്ന് ഓഡിറ്റ് റിപ്പോര്‍ട്ടില്‍ പരാമര്‍ശം. ഇക്കാര്യം ചൂണ്ടിക്കാട്ടി അംഗങ്ങള്‍ നല്‍കിയ പരാതി സിപിഎം ഏരിയാ കമ്മറ്റി ചര്‍ച്ച ചെയ്ത് തള്ളി. സിപിഎം ജില്ലാ കമ്മറ്റിയംഗം, കെഎസ്‌കെടിയു ജില്ലാ സെക്രട്ടറി, സംസ്ഥാന കമ്മറ്റിയംഗം, അഖിലേന്ത്യാ കമ്മറ്റിയംഗം എന്നീ നിലകളില്‍ പ്രവര്‍ത്തിക്കുന്ന സി. രാധാകൃഷ്ണനാണ് സംഘത്തിന്റെ പ്രസിഡന്റ്. സംഘത്തോട് അനുബന്ധിച്ച് ടെയ്‌ലറിങ് യൂണിറ്റ്, ഓഫ് സെറ്റ് പ്രിന്റേഴ്‌സ് എന്നിവ പ്രവര്‍ത്തിക്കുന്നു. 40 ലക്ഷം മുടക്കിയാണ് പ്രസും അനുബന്ധ സാമഗ്രികളും വാങ്ങിയിട്ടുള്ളത്. ഇത് …

മെഴുവേലി: നാലാം ക്ലാസിലെ മലയാളം പാഠപുസ്തകത്തിലെ മുരളി കണ്ട കഥകളി, ഊണിന്റെ മേളം, പരിസര പഠനത്തിലെ കലകളുടെ നാട്, ഇംഗ്ലീഷ് പാഠപുസ്തകത്തിലെ ദ ലോസ്റ്റ് ചൈല്‍ഡ് എന്നീ പാഠങ്ങളുമായി ബന്ധപ്പെട്ട് കുട്ടികള്‍ നടത്തിയ അന്വേഷണാത്മക പഠനപ്രവര്‍ത്തനമാണ് നാട്ടുകാര്‍ക്കും രക്ഷിതാക്കള്‍ക്കും വേറിട്ട കാഴ്ചയായത്. സ്‌കൂള്‍ എസ്ആര്‍ജിയില്‍ ചര്‍ച്ച ചെയ്ത് പിടിഎയുടെ പ്രത്യേക അനുവാദത്തോടെ അധ്യാപകരും കുട്ടികളും മെഴുവേലി ആനന്ദഭൂതേശ്വരം ക്ഷേത്രത്തില്‍ നടക്കുന്ന ശിവരാത്രി ഉത്സവത്തില്‍ മൂന്നാം നാള്‍ നടന്ന കഥകളിക്കാണ് പഠനയാത്ര തെരഞ്ഞെടുത്തത്. കഥകളി കലാകാരന്മാരെ നേരിട്ട് കാണുന്നതിനും അവരുമായി അനുഭവം പങ്കുവെക്കുന്നതിനും ക്ലാസ് മുറിയില്‍ …

പത്തനംതിട്ട: തമ്മിലടി രൂക്ഷമായ ജില്ലയിലെ കോണ്‍ഗ്രസിനെ രക്ഷിക്കാന്‍ മുതിര്‍ന്ന നേതാവ് രമേശ് ചെന്നിത്തല രംഗത്ത്. ഡി.സി.സി വൈസ് പ്രസിഡന്റ് വെട്ടുര്‍ ജ്യോതിപ്രസാദ് ആണ് ജില്ലയിലെ പാര്‍ട്ടിയില്‍ ഉടലെടുത്തിരിക്കുന്ന അരക്ഷിതാവസ്ഥ ചെന്നിത്തലയെ അറിയിച്ചത്. അദ്ദേഹം ഡി.സി.സി പ്രസിഡന്റ് പ്രഫ. സതീഷ് കൊച്ചുപറമ്പില്‍, മുതിര്‍ന്ന നേതാക്കളായ പ്രഫ. പി.ജെ.കുര്യന്‍, അഡ്വ. കെ ശിവദാസന്‍ നായര്‍ എന്നിവരുമായി ബന്ധപ്പെട്ട് വിശദാംശങ്ങള്‍ ചോദിച്ചറിഞ്ഞു. കെപിസിസി പ്രസിഡന്റ് കെ.സുധാകരനുമായി വിഷയം ചര്‍ച്ച ചെയ്ത് ഉചിതമായ പരിഹാരം ഉടനടി ഉണ്ടാക്കാനുള്ള ശ്രമത്തിലാണ് ചെന്നിത്തല. അതിനിടയില്‍ മഹാരാഷ്ട്രയിലെ കോണ്‍ഗ്രസ് പ്രശ്‌നങ്ങള്‍ പരിഹരിക്കുന്നതിന് വേണ്ടി ഹൈക്കമാന്‍ഡ് …

പത്തനംതിട്ട: കടമ്മനിട്ട മൗണ്ട് സിയോണ്‍ ലോ കോളേജില്‍ 13 വിദ്യാര്‍ത്ഥിനികള്‍ക്ക് ഭക്ഷ്യ വിഷബാധ. ഇന്നലെ വനിതാ ഹോസ്റ്റലില്‍ നിന്നും ഭക്ഷണം കഴിച്ച വിദ്യാര്‍ത്ഥിനികള്‍ വയറുവേദനയും ഛര്‍ദ്ദിയും അനുഭവപ്പെട്ടതിനെ തുടര്‍ന്ന് രാത്രി കോഴഞ്ചേരിയില്‍ പ്രവര്‍ത്തിക്കുന്ന പത്തനംതിട്ട ജില്ലാ ആശുപത്രിയില്‍ ചികിത്സതേടി. ആവശ്യമായ പ്രാഥമിക ചികിത്സ നല്‍കി ഇവരെ രാത്രി തന്നെ ഡിസ്ചാര്‍ജ് ചെയ്തു. മൗണ്ട് സിയോണ്‍ ലോ കോളേജിലെ ഭക്ഷണത്തെപ്പറ്റി മുന്‍പും നിരവധി പരാതികള്‍ ഉയര്‍ന്നിരുന്നു. കഴിഞ്ഞ ദിവസം മൗണ്ട് സിയോണ്‍ ലോ കോളേജ് പ്രിന്‍സിപ്പാളിനെതിരെ വിദ്യാര്‍ത്ഥിനി നല്‍കിയ പരാതിയില്‍ പോലീസ് കേസെടുത്തിരുന്നു. ഇതിന് പിന്നാലെയാണ് …

ചിറ്റാര്‍: വനമേഖലയില്‍ കൊണ്ടു തളളിയ മാലിന്യത്തില്‍ ബാര്‍ബര്‍ ഷോപ്പ് ഉടമയുടെ അഡ്രസ്. അതു നോക്കി ആളെ കണ്ടു പിടിച്ച് നേരെ കൊണ്ടു വന്ന് ഇട്ട മാലിന്യം വാരിച്ച് വനപാലകര്‍. ചിറ്റാര്‍-തണ്ണിത്തോട് റോഡില്‍ ഇന്റര്‍ലോക്ക് പാകിയിരിക്കുന്ന ഭാഗത്തെ വനമേഖലയിലെ കല്ലംപ്ലാവ് ഭാഗത്താണ് ചിറ്റാറിലെ ബാര്‍ബര്‍ ഷോപ്പിലെ മുടിയുള്‍പ്പെടെയുള്ള മാലിന്യങ്ങള്‍ നിക്ഷേപിച്ചത്. മാലിന്യത്തില്‍ നിന്നും ലഭിച്ച അഡ്രസില്‍ നിന്നും ഉടമയെ തിരിച്ചറിഞ്ഞു. തണ്ണിത്തോട് പോലീസിന്റെ സഹായത്തോടെ ചിറ്റാറിലെ ബാര്‍ബര്‍ ഷോപ്പ് ഉടമയെയും മാലിന്യം കൊണ്ടു തള്ളിയ ഓട്ടോറിക്ഷ ഉടമയെയും സ്ഥലത്തെത്തിച്ചു. ഇവരെ കൊണ്ട് തന്നെ സ്ഥലങ്ങള്‍ വൃത്തിയാക്കി. …

ഇലന്തൂര്‍: വീതി കൂട്ടാതെ പുനരുദ്ധരിച്ചതു മൂലം ഓമല്ലൂര്‍-ഇലന്തൂര്‍ (പരിയാരം) റോഡില്‍ അപകടം തുടര്‍ക്കഥയാവുന്നു. വീതിക്കുറവും കൊടുംവളവും കാരണം ജെ. എം. ആശുപത്രി ജങ്ഷനില്‍ നിരന്തരം അപകടങ്ങളാണ്. ഏതാനും മാസങ്ങള്‍ക്ക് മുന്‍പ് കാറുമായി കൂട്ടിയിടിച്ച് രണ്ട് ബൈക്ക് യാത്രക്കാര്‍ക്ക് പരുക്കേറ്റിരുന്നു. ഉന്നത നിലവാരത്തില്‍ പുനര്‍നിര്‍മ്മിച്ച റോഡിന്റെ പല ഭാഗങ്ങളിലും നിശ്ചിത അളവില്‍ വീതി എടുക്കാതെ ടാറിങ് നടത്തുകയായിരുന്നു. റോഡിലൂടെ അമിത വേഗതയില്‍ പാഞ്ഞ് വരുന്ന വാഹനങ്ങള്‍ അപകടത്തില്‍പെടുന്നത് പതിവായി. അപകടനിരക്കും ഉയര്‍ന്നു. ജെ.എം. ആശുപത്രി ജങ്ഷനില്‍ നിന്നുളള അരകിലോമീറ്റര്‍ വീതി തീരെ കുറവാണ്. ഈ ഭാഗത്ത് …

റാന്നി: പെരുനാട്ടില്‍ കുത്തിറക്കത്തില്‍ നിയന്ത്രണം വിട്ട് സ്‌കൂള്‍ ബസ് അപകടത്തില്‍പ്പെട്ടു. ഡ്രൈവറുടെ സമയോചിത ഇടപെടല്‍ വന്‍ ദുരന്തം ഒഴിവാക്കി. വൈകിട്ട് പെരുനാട് ബഥനി ആശ്രമം ഗേള്‍സ് ഹൈസ്‌കൂളിലെ കുട്ടികളുമായിപ്പോയ ബസാണ് അപകടത്തില്‍പ്പെട്ടത്. ഇറക്കത്തില്‍ നിയന്ത്രണം വിട്ട ബസ് െ്രെഡവര്‍ വലതു വശത്തെ സംരക്ഷണ ഭിത്തിയില്‍ ഇടിച്ച് നിരക്കി പതുക്കെ നിയന്ത്രിച്ചു നിര്‍ത്തുകയായിരുന്നു. അത്തിക്കയം സ്വദേശിയായ ചിറപറമ്പില്‍ സാന്‍വിയാണ് വാഹനം ഓടിച്ചിരുന്നത്. അപകടത്തില്‍ ആര്‍ക്കും പരുക്കില്ല.

അടൂര്‍: ജനവാസമേഖലയിലെ തോട്ടില്‍ കക്കൂസ് മാലിന്യം തള്ളിയ ടാങ്കര്‍ പോലീസ് പിടിച്ചെടുത്തു. ഇന്നലെ രാത്രി 12 മണിയോടെ നെല്ലിമൂട്ടില്‍പടി ജങ്ഷന് സമീപം തോട്ടിലാണ് മാലിന്യം നിക്ഷേപിച്ചത്. ഈ ഭാഗത്തേക്ക് ടാങ്കര്‍ അമിത വേഗതയില്‍ വന്നുപോയത് നാട്ടുകാര്‍ കണ്ടിരുന്നു. സമീപത്ത് ദുര്‍ഗന്ധം വമിച്ചതിനെതുടര്‍ന്ന് നടത്തിയ അന്വേഷണത്തില്‍ തോട്ടിലേക്ക് മാലിന്യം തള്ളിയതായി നാട്ടുകാര്‍ കണ്ടെത്തി. നാട്ടുകാര്‍ അറിയിച്ചതിനെ തുടര്‍ന്ന് പോലീസ് സ്ഥലത്തെത്തി പരിശോധന നടത്തിയശേഷം, കേസ് രജിസ്റ്റര്‍ ചെയ്ത് അന്വേഷണം ആരംഭിച്ചു. അടൂര്‍ ടൗണിലെയും, പരിസര പ്രദേശങ്ങളിലെയും നിരവധി സി.സി.റ്റി.വി ക്യാമറകള്‍ നിരീക്ഷിച്ചതിനെ തുടര്‍ന്ന് ടാങ്കര്‍ ആദിക്കാട്ടുകുളങ്ങരയില്‍ …

മല്ലപ്പള്ളി: ജലസേചന മന്ത്രി റോഷി അഗസ്റ്റിന് നേരെ യൂത്ത് കോണ്‍ഗ്രസിന്റെ കരിങ്കൊടി പ്രയോഗം. വാര്‍ത്ത റിപ്പോര്‍ട്ട് ചെയ്യാന്‍ വന്ന പ്രാദേശിക ചാനല്‍ പ്രവര്‍ത്തകന് പോലീസിന്റെ ലാത്തിയടി. വൈകിട്ട് ആറു മണിയോടെ ജില്ലാ പ്രസിഡന്റ് എം.ജി കണ്ണന്റെ നേതൃത്വത്തിലാണ് യൂത്ത് കോണ്‍ഗ്രസ് പ്രവര്‍ത്തകര്‍ മന്ത്രിക്ക് നേരെ കരിങ്കൊടിയും കാലിക്കുടവും എറിഞ്ഞത്. മടുക്കോലി ജങ്ഷനില്‍ വച്ചാണ് സംഭവം. പോലീസ് പ്രവര്‍ത്തകര്‍ക്ക് നേരെ ലാത്തി വിശീ. ഗ്യാലക്‌സി ചാനല്‍ ചീഫ് എഡിറ്റര്‍ ജിജു വൈക്കത്തുശേരിക്ക് ഇതിനിടെ ലാത്തിയടിയേറ്റു. തിരുവല്ല  ഡിവൈ.എസ്. പി രാജപ്പന്‍ റാവുത്തറുടെ നേതൃത്വത്തില്‍ വന്‍ പോലീസ് …

അടൂര്‍: സിപിഎം സംസ്ഥാന സെക്രട്ടറി എം.വി. ഗോവിന്ദന്‍ നയിക്കുന്ന ജാലയ്ക്ക് നിയോജക മണ്ഡലം തലത്തില്‍ സ്വീകരണം നല്‍കാന്‍ സ്വാഗതസംഘം രൂപീകരിച്ചതിനെ ചൊല്ലി സി.പി.എമ്മില്‍ അസംതൃപ്തി. ഇന്നലെ ബിജെപിയില്‍ വന്നയാളെ പിടിച്ച് സ്വാഗതസംഘം ചെയര്‍മാന്‍ ആക്കിയതാണ് അതൃപ്തിക്ക് കാരണമായത്. ആറാം തമ്പുരാനിലെ ഞാനും അപ്പന്‍ തമ്പുരാനും പിന്നെ സുഭദ്രയും എന്ന ഡയലോഗിനെ അനുസ്മരിപ്പിക്കുന്നതാണ് ചിലരുടെ പ്രവര്‍ത്തി എന്നാണ് വിമര്‍ശനം. ജില്ലാ സെക്രട്ടറിയേറ്റംഗം പി.ബി. ഹര്‍ഷകുമാര്‍ ആണ് സ്വാഗത സംഘം കണ്‍വീനര്‍. ചെയര്‍മാനായി തെരഞ്ഞെടുത്തത് ബിജെപിയില്‍ നിന്ന് അടുത്തിടെ സിപിഎമ്മില്‍ എത്തിയ പ്രസന്നന്‍ ഉണ്ണിത്താനാണ്. നിരവധി മുതിര്‍ന്ന …