ഇലന്തൂര്‍: സെന്റ് പാട്രിക് മലങ്കര കത്തോലിക്കാ പള്ളി തിരുനാളിന് തുടക്കം കുറിച്ച് വികാരി ഫാ. വര്‍ഗീസ് ചാമക്കാലായില്‍ കൊടിയേറ്റി. ഇന്ന് വൈകിട്ട് ഭക്തസംഘടനകളുടെ വാര്‍ഷികം നടക്കും. ബുധന്‍ മുതല്‍ വെള്ളി വരെ വൈകിട്ട് കുടുംബ നവീകരണ ധ്യാനത്തിന് ഫാ. ആദര്‍ശ് കുമ്പളത്ത് നേതൃത്വം നല്‍കും. 11 ന് വൈകിട്ട് പെരുന്നാള്‍ റാസ, 12 ന് രാവിലെ 7.30 ന് ഭദ്രാസന അധ്യക്ഷന്‍ ഡോ. സാമുവല്‍ മാര്‍ ഐറേനിയോസ് മെത്രാപ്പോലീത്ത കുര്‍ബാന അര്‍പ്പിക്കും. നവതി ആഘോഷങ്ങളുടെ സമാപനവും ഇതോടൊപ്പം നടക്കുമെന്ന് ട്രസ്റ്റി ഓ.എം. മാത്യു ഓതിരേത്ത്, …

പത്തനംതിട്ട: മുതിര്‍ന്ന പത്ര പ്രവര്‍ത്തകരുടെ നിലവിലെ പെന്‍ഷന്‍ തുകയില്‍ ആനുപാതികമായ വര്‍ധനവ് വരുത്തുവാന്‍ വേണ്ടി ഇടപെടുമെന്ന് ഡെപ്യൂട്ടി സ്പീക്കര്‍ ചിറ്റയം ഗോപകുമാര്‍ പറഞ്ഞു. സീനിയര്‍ ജേണലിസ്റ്റ്‌സ് ഫോറം ഫ ജില്ലാ കമ്മിറ്റിയുടെ ആഭിമുഖ്യത്തിലുള്ള ‘പ്രത്യാശയുടെ പുതുവര്‍ഷം’ സൗഹൃദ സംഗമം ഉദ്ഘാടനം ചെയ്യുകയായിരുന്നു അദ്ദേഹം. പത്രപ്രവര്‍ത്തക പെന്‍ഷന്‍ പദ്ധതിയില്‍ മുന്‍പ് സര്‍ക്കാര്‍ ബജറ്റിലൂടെ വാഗ്ദാനം ചെയ്ത ആയിരം രൂപയുടെ വര്‍ധനവില്‍ പകുതി മാത്രമേ ഇതിനോടകം നല്‍കിയിട്ടുള്ളു. സമൂഹ പുരോഗതിക്കായി വലിയ കാലയളവ് പ്രവൃത്തി എടുത്തു വിരമിച്ച പത്ര പ്രവര്‍ത്തകര്‍ക്ക് കൂടുതല്‍ ക്ഷേമ പദ്ധതികള്‍ക്ക് ഉറപ്പാക്കേണ്ടതുണ്ട്. സംസ്ഥാന …

പത്തനംതിട്ട: കോടതി സമുച്ചയ നിര്‍മ്മാണത്തിന് ഏറ്റെടുക്കുന്ന സ്ഥലത്തെ സാമൂഹികാഘാത പഠന റിപ്പോര്‍ട്ട് വിലയിരുത്തുന്നതിനായി വിദഗ്ധസമിതി സ്ഥലം സന്ദര്‍ശിച്ചു. പൊതുമരാമത്ത് റിട്ട. എക്‌സിക്യൂട്ടീവ് എന്‍ജിനീയര്‍ മുകേഷിന്റെ നേതൃത്വത്തില്‍ നഗരസഭ ചെയര്‍മാന്‍ അഡ്വ. ടി. സക്കീര്‍ ഹുസൈന്‍, വാര്‍ഡ് കൗണ്‍സിലര്‍ റോസ്‌ലിന്‍ സന്തോഷ്, സാമൂഹിക പ്രവര്‍ത്തക ഡോ. എം എസ് സുനില്‍, സാമൂഹ്യ ശാസ്ത്രജ്ഞ ഡോ. കെ. എസ്.ബിനു, ജില്ലാ കോര്‍ട്ട് മാനേജര്‍ കെ. അന്‍സാരി, ഡെപ്യൂട്ടി കലക്ടര്‍ (എല്‍.എ), സ്‌പെഷല്‍ തഹസില്‍ദാര്‍ എല്‍.എ (ജനറല്‍) എന്നിവരടങ്ങുന്ന സമിതി യോഗം ചേര്‍ന്ന ശേഷമാണ് സ്ഥലത്ത് നേരിട്ട് സന്ദര്‍ശനം …

തിരുവല്ല: പക്ഷിപ്പനി സ്ഥിരീകരിച്ച നഗരസഭ 24-ാം വാര്‍ഡില്‍ ഉള്‍പ്പെടുന്ന തുകലശേരിയിലും നെടുമ്പ്രം പഞ്ചായത്തിലെ ഒന്‍പതാം വാര്‍ഡിലെ കല്ലുങ്കല്‍ ഭാഗത്തും വളര്‍ത്തു പക്ഷികളെ കൊന്നൊടുക്കുന്ന നടപടി ആരംഭിച്ചു. മൃഗസംരക്ഷണ വകുപ്പിന്റെയും തദ്ദേശഭരണ സ്ഥാപനങ്ങളുടെയും നേതൃത്വത്തില്‍ വെള്ളിയാഴ്ച രാവിലെ മുതലാണ് പക്ഷികളെ കൊന്നൊടുക്കി തുടങ്ങിയത്. കല്ലുങ്കലില്‍ 150 ഓളം പക്ഷികളെയും തുകലശേരിയില്‍ 50 ഓളം പക്ഷികളെയും ആണ് കൊന്നൊടുക്കുന്നത്. കഴിഞ്ഞ മാസം ഇരുപതാം തീയതി നെടുമ്പ്രം പഞ്ചായത്തിലെ രണ്ടാം വാര്‍ഡിലാണ് സംസ്ഥാനത്ത് ആദ്യമായി പക്ഷിപ്പനി സ്ഥിരീകരിച്ചത്. ഇതേ തുടര്‍ന്ന് 800 ഓളം പക്ഷികളെ അന്ന് കൊന്നൊടുക്കിയിരുന്നു.

അടൂര്‍: സംസ്ഥാനപാതയ്ക്ക് കുറുകെ പാഞ്ഞു വന്ന കാട്ടുപന്നി ഇടിച്ച് സ്‌കൂട്ടര്‍ യാത്രക്കാരനു പരുക്കേറ്റു. ഇടിയേറ്റ പന്നി ചത്തു. കലഞ്ഞൂര്‍ ഇടത്തറ പാലവിള തെക്കേതില്‍ വിഷ്ണു (29) വിനാണ് പരുക്കേറ്റത്. കൈക്കും കാലിനും പരിക്കേറ്റ വിഷ്ണുവിനെ ചായലോട് മൗണ്ട് സിയോന്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. കായംകുളം പത്തനാപുരം സംസ്ഥാന പാതയില്‍ ചൊവ്വാഴ്ച രാവിലെ 7.10നാണ് സംഭവം. മരുതിമൂട് സെന്റ് ജോര്‍ജ് കോണ്‍വെന്റിന്റെ എതിര്‍വശത്തെ ഉപറോഡില്‍ നിന്ന് സംസ്ഥാന പാതയിലേക്കിറങ്ങി വന്ന കാട്ടുപന്നി അടൂരിലേക്ക് വരികയായിരുന്ന വിഷ്ണുവിന്റെ സ്‌കൂട്ടറിന്റെ മധ്യത്തില്‍ ഇടിക്കുകയായിരുന്നു. ഗുരുതരമായി പരുക്കേറ്റ കാട്ടുപന്നി …

കോന്നി: സ്വകാര്യ ബസിലെ ഡ്രൈവറും കണ്ടക്ടറും തമ്മിലടിച്ചതിനെ തുടര്‍ന്ന് മൂന്ന് യാത്രക്കാരികള്‍ക്ക് പരുക്കേറ്റു. പത്തനാപുരം-പത്തനംതിട്ട റൂട്ടില്‍ ഓടുന്ന ബസിലെ ഡ്രൈവര്‍ രാജേഷും കണ്ടക്ടര്‍ അനീഷുമാണ് തമ്മിലടിച്ചത്. വൈകിട്ട് അഞ്ചരയോടെ കോന്നി ടൗണില്‍ വച്ചാണ് സംഭവം. കോന്നി ടൗണില്‍ നിര്‍ത്തി ആളെ ഇറക്കിയ ശേഷം ബെല്ലടിക്കുന്നതിന് മുന്‍പ് ബസ് എടുത്തുവെന്ന് ആരോപിച്ച് അനീഷും രാജേഷുമായി വാക്കു തര്‍ക്കം ഉണ്ടായി. തര്‍ക്കം മൂത്തപ്പോള്‍ രാജേഷ് ബസ് നിര്‍ത്തി ഡ്രൈവിങ് സീറ്റില്‍ നിന്ന ഇറങ്ങി വന്ന് യാത്രക്കാര്‍ ഇരിക്കുന്ന ഭാഗത്ത് കയറി അനീഷുമായി അടിയുണ്ടാക്കുകയായിരുന്നു. ഇവര്‍ തമ്മിലുള്ള അടിക്കിടെ …

അടൂര്‍: പാര്‍ത്ഥസാരഥി ക്ഷേത്ര സദ്യാലയത്തിലെ ജനല്‍ പാളികള്‍ ഇടിഞ്ഞു വീണു. സദ്യയില്‍ പങ്കെടുക്കാനെത്തിയവര്‍ രക്ഷപ്പെട്ടത് തലനാരിഴയ്ക്ക്. ഞായര്‍ ഉച്ചയ്ക്ക് രണ്ട് മണിയോടെയാണ് സംഭവം. പാര്‍ത്ഥസാരഥി ക്ഷേത്ര ഉത്സവത്തോടനുബന്ധിച്ച് നടന്ന അന്നദാനത്തില്‍ പങ്കെടുക്കാന്‍ ക്യൂ നില്‍ക്കവെ ഗ്രില്ലും കട്ടിളയും അടര്‍ന്നു വീഴുകയായിരുന്നു. കട്ടിളയുടെ ഒരു പാളിയാണ് വീണത് ക്യൂ നിന്നവര്‍ ഭാഗ്യം കൊണ്ടാണ് പരുക്കില്ലാതെ രക്ഷപ്പെട്ടത്. ഉത്സവത്തോടനുബന്ധിച്ച് ദിനംപ്രതി ഏഴായിരത്തിലധികം പേര്‍ സദ്യയ്ക്ക് എത്തുന്നുണ്ട്. ഉത്സവ ദിവസമായതിനാല്‍ വലിയ തിരക്കുമാണ്. മറ്റ് സൗകര്യമില്ലാത്തതിനാല്‍ നാശാവസ്ഥയിലായ സദ്യാലയത്തില്‍ വച്ചാണ് അന്നദാനം നടത്തുന്നത്. തിരുവിതാംകൂര്‍ ദേവസ്വം ബോര്‍ഡിന്റെ അനാസ്ഥ …

റാന്നി: കാട്ടാന ശല്യം കാരണം പൊറുതിമുട്ടിയ പെരുന്തേനരുവി പ്രദേശവാസികളുടെ ഉറക്കം കെടുത്തി മറ്റു കാട്ടുമൃഗങ്ങളും നാട്ടിലേക്ക്. കാട്ടാനക്കും കാട്ടുപോത്തിനുമൊപ്പം ഇപ്പോള്‍ പുലി ഭീതിയിലാണ് ആളുകള്‍ . പെരുന്തേനരുവിക്ക് സമീപം മണ്ണില്‍ പതിഞ്ഞ പുലിയുടെ കാല്‍പാടുകളാണ് നാട്ടുകാരെയും വനപാലകരെയും ഉറക്കം കെടുത്തിയിരിക്കുന്നത്. പുലിയുടേതെന്ന് സംശയിക്കുന്ന കാല്‍പാടുകള്‍ വനം വകുപ്പ് ഉദ്യോഗസ്ഥര്‍ എത്തി പരിശോധിച്ചു. പുലിയുടെ സാന്നിധ്യം സ്ഥിരീകരിച്ചിട്ടുണ്ട്.നാളുകളായി ഈ പ്രദേശം കാട്ടാന ഭീഷണിയുടെ നിഴലിലാണ്.ഒറ്റയ്ക്കും കൂട്ടമായും എത്തുന്ന ആനകള്‍ രാത്രികാലങ്ങളിലാണ് ജനവാസ മേഖലയിലെത്തുന്നത് ജനങ്ങള്‍ക്ക് പരിഭ്രാന്തി സൃഷ്ടിക്കുമ്പോഴാണ് പുലിയുടെ രംഗപ്രവേശം. ശബരിമല വനത്തില്‍ നിന്നും ആനകള്‍ …

അടൂര്‍: ഏറത്ത് സര്‍വീസ് സഹകരണ ബാങ്ക് യു.ഡി.എഫ് ഭരണസമിതിയെ കോറം നിലനില്‍ക്കെ പിരിച്ചു വിട്ട് അഡ്മിനിസ്‌ട്രേറ്ററെ നിയമിച്ച പത്തനംതിട്ട സഹകരണ സംഘം ജോയിന്റ് രജിസ്ട്രാറുടെ നടപടി ഹൈക്കോടതി റദ്ദാക്കി. ജില്ലയിലെ നിരവധി യു.ഡി.എഫ് ബാങ്കുകളുടെ ഭരണം പിടിച്ചെടുക്കുന്ന ജനാധിപത്യവിരുദ്ധ പ്രവര്‍ത്തനത്തിന് സി.പി.എം. നേതൃത്വത്തിന് കിട്ടിയ കനത്ത തിരിച്ചടിയാണിതെന്ന് സഹകരണ ജനാധിപത്യവേദി ജില്ലാ ചെയര്‍മാന്‍ അഡ്വ. കെ. ജയവര്‍മ്മ പറഞ്ഞു. നിയമവിരുദ്ധമായി കമ്മിറ്റി പിരിച്ചുവിടുന്നതിന് ശിപാര്‍ശ ചെയ്ത ബന്ധപ്പെട്ട ഉദ്യോഗസ്ഥന്മാര്‍ക്കെതിരെ നിയമ നടപടി സ്വീകരിക്കണം. തെരഞ്ഞെടുപ്പ് വിജ്ഞാപനം വന്നുകഴിഞ്ഞാല്‍ ഉടനെ തന്നെ കുത്സിത മാര്‍ഗത്തിലൂടെ നിരവധി …

പന്തളം: കാട്ടുപന്നി ഇടിച്ച് സ്‌കൂട്ടര്‍ മറിഞ്ഞ് യുവതിയുടെ കൈയൊടിഞ്ഞു. കുടശനാട് കല്ലിനാല്‍ കിഴക്കേതില്‍ ടോണി രാജുവിന്റെ ഭാര്യ ജിന്‍സി ഫിലിപ്പിനാണ് (32) ഇടതുകൈയ്ക്ക് ഒടിവ് പറ്റിയത്. തിരുവല്ലയിലെ സ്വകാര്യ ആശുപത്രിയില്‍ പ്രവേശിപ്പിച്ചു. വെള്ളിയാഴ്ച ഉച്ചകഴിഞ്ഞു രണ്ടരയോടെ പന്തളം-പത്തനംതിട്ട റോഡില്‍ തുമ്പമണ്‍ പാറേപ്പടിക്കും ചക്കിട്ടതില്‍ ജങ്ഷനുമിടയിലായിരുന്നു അപകടം. പന്തളം ഭാഗത്തേക്ക് വരുമ്പോള്‍ മുന്നില്‍ പന്നിക്കൂട്ടത്തെ കണ്ടതോടെ സ്‌കൂട്ടറിന്റെ വേഗത കുറച്ചു. ഈ സമയം പിന്നിലൂടെയെത്തിയ പന്നി സ്‌കൂട്ടറില്‍ ഇടിക്കുകയായിരുന്നു. സ്‌കൂട്ടര്‍ നിയന്ത്രണം വിട്ടു മറിഞ്ഞാണ് അപകടം.