തടിയൂര്‍: ഗ്രാമീണ മേഖലയുടെ കായികസ്വപ്നങ്ങള്‍ക്ക് ചിറക് വിരിച്ച് പറക്കാന്‍ സഹായമൊരുക്കുന്ന കായിക പരിശീലന കേന്ദ്രം ആല്‍ഫ സ്‌പോര്‍ട്ട്‌സ് അക്കാദമി എന്ന പേരില്‍ തടിയൂരില്‍ പ്രവര്‍ത്തനം ആരംഭിക്കുന്നു. കാല്‍പ്പന്തുകളിയുടെ ലോക മാമാങ്കത്തിന്റെ ആവേശം കായികപ്രേമികളുടെ മനസ്സില്‍ അലയടിച്ചു നില്‍ക്കുന്ന സന്ദര്‍ഭത്തിലാണ് ആല്‍ഫായുടെ ഉദ്ഘാടനം. 15 ന് വൈകിട്ട് നാലിന് മന്ത്രി സജി ചെറിയാന്‍ ഉദ്ഘാടനം ചെയ്യും. പ്രമോദ് നാരായണ്‍ എം.എല്‍.എ അധ്യക്ഷത വഹിക്കും. ഡോ. ഐ എം വിജയന്‍ അക്കാദമിയുടെ പ്രവര്‍ത്തനം ഉദ്ഘാടനം ചെയ്യും. ആന്റോ ആന്റണി എംപി മുഖ്യഭാഷണം നടത്തും. ജില്ലാ പഞ്ചായത്ത് പ്രസിഡന്റ് …

പത്തനംതിട്ട: ജനറല്‍ ആശുപത്രിക്ക് സമീപം വൈദ്യുതി പോസ്റ്റില്‍ കേബിളുകള്‍ക്ക് തീ പിടിച്ചത് പരിഭ്രാന്തി പരത്തി. ചൊവ്വാഴ്ച ഉച്ചക്ക് ഒന്നിനായിരുന്നു സംഭവം. തീയും പുകയും ഉയരുന്നത് കണ്ട് നാട്ടുകാര്‍ വിവരം അഗ്‌നിരക്ഷാ സേനയെ അറിയിച്ചു. ഉടന്‍ തന്നെ അവര്‍ എത്തി തീയണച്ചു. പോസ്റ്റിന് സമീപം റോഡരുകില്‍ നിരവധി കാറുകളും ഈ സമയം പാര്‍ക്ക് ചെയ്തിട്ടുണ്ടായിരുന്നു. വൈദ്യുതി കേബിളിന് തീ പിടിച്ച് സമീപത്തെ ടെലിഫോണ്‍ പോസ്റ്റിലേക്കും തീയാളി. ഇത് താഴെ പാര്‍ക്ക് ചെയ്തിരുന്ന അഭിഭാഷകരുടെ കാറിന് മുകളിലേക്ക് പതിച്ചു. ഭാഗ്യം കൊണ്ടാണ് വലിയ ദുരന്തം ഒഴിവായത്.