ഇരവിപേരൂര്‍: ഇരവിപേരൂര്‍-കോഴഞ്ചേരി റോഡില്‍ പൊടിപ്പാറ ജങ്ഷനു സമീപം കാര്‍ സ്‌കൂട്ടറിലിടിച്ചുണ്ടായ അപകടത്തില്‍ ഒരാള്‍ക്ക് പരുക്കേറ്റു. സ്‌കൂട്ടര്‍ യാത്രികന്‍ പായിപ്പാട് അനില്‍ ഭവനത്തില്‍ അനില്‍കുമാറിനാണ് പരുക്കേറ്റത്. വൈകിട്ട് 3.30 ഓടെയായിരുന്നു അപകടം. കുമ്പനാട് നിന്നും ഇരവിപേരൂര്‍ ഭാഗത്തേക്കു വരികയായിരുന്ന സ്‌കൂട്ടറിനെ എതിര്‍ദിശയില്‍ അമിതവേഗതയിലെത്തിയ കാര്‍ മറ്റൊരു വാഹനത്തെ മറികടക്കുമ്പോള്‍ ദിശതെറ്റി വന്ന് ഇടിക്കുകയായിരുന്നു. ഇടിയുടെ ആഘാതത്തില്‍ സ്‌കൂട്ടറില്‍ നിന്നും തെറിച്ചു വീണ അനില്‍കുമാറിന്റെ താടിക്ക് മുറിവും കൈക്കു പൊട്ടലും ഉണ്ടായിട്ടുണ്ട്. ഇയാളെ തിരുവല്ല പുഷ്പഗിരി ആശുപത്രിയില്‍ പ്രവേശിപ്പിച്ചു. ഇടിയുടെ ആഘാതത്തില്‍ സ്‌കൂട്ടര്‍ പൂര്‍ണ്ണമായും തകര്‍ന്നു. തിരുവല്ല …

പത്തനംതിട്ട: ജില്ലയിലെ ബി.ജെ.പി മണ്ഡലം പ്രസിഡന്റുമാരെ പ്രഖ്യാപിച്ചു. ജില്ലാ വരണാധികാരി അഡ്വ. ആര്‍.ജെ. പത്മകുമാര്‍, ഉപവരണാധികാരികളായ അജിത് പുല്ലാട്, സലിംകുമാര്‍ എന്നിവരാണ് പ്രഖ്യാപനം നടത്തിയത്. ജി. രാജേഷ് കൃഷ്ണ (തിരുവല്ല), ടിറ്റു തോമസ് (മല്ലപ്പള്ളി), ദീപ ജി. നായര്‍ (ആറന്മുള), വിപിന്‍ വാസുദേവ്(പത്തനംതിട്ട), അനീഷ് പി. നായര്‍ (റാന്നി), സിനു എസ്. പണിക്കര്‍ (അയിരൂര്‍), രഞ്ജിത് മാളിയേക്കല്‍ (കോന്നി), രഞ്ജിത് ഗോപാലകൃഷ്ണന്‍ (ചിറ്റാര്‍), ജി. ഗിരീഷ് കുമാര്‍ (പന്തളം), ബി. അനില്‍കുമാര്‍ (അടൂര്‍), എന്നിവരാണ് മണ്ഡലം പ്രസിഡന്റുമാര്‍. മണ്ഡലം തെരഞ്ഞെടുപ്പില്‍ സുരേന്ദ്രന്‍ പക്ഷം വ്യക്തമായ …

കോഴഞ്ചേരി: നിയന്ത്രണം വിട്ട സ്‌കൂള്‍ വാന്‍ മറിഞ്ഞ് കുട്ടികള്‍ക്കും ആയയ്ക്കും ഡ്രൈവര്‍ക്കും നിസാര പരുക്ക്. അയിരൂര്‍ ജ്ഞാനാനന്ദ ഗുരുകുലം ഇംഗ്ലീഷ് മീഡിയം സ്‌കൂളിലെ ബസാണ് മറിഞ്ഞത്. ഡ്രൈവര്‍ വിഷ്ണു, കുട്ടികളുടെ സഹായി ഷീല, കാര്‍ത്തിക, ഗംഗാലക്ഷ്മി, കാശിനാഥ്, ആദിശങ്കര്‍, ആദികേശവ്, അദൈ്വത്, അഭിമന്യു, വൈഷ്ണവ് എന്നീ വിദ്യാര്‍ഥികള്‍ക്കുമാണ് പരുക്കേറ്റത്. രാവിലെ ഒന്‍പത് മണിയോടെ പുത്തേഴം മുളവേലിക്കുഴി ഭാഗത്താണ് അപകടം നടന്നത്. ഇറക്കത്തില്‍ വണ്ടിയുടെ ബ്രേക്ക് നഷ്ടപ്പെട്ടതോടെ വശത്തെ തിട്ടയില്‍ ഇടിച്ചു നിര്‍ത്തിയെങ്കിലും വാന്‍ മറിയുകയായിരുന്നു. ബഹളം കേട്ട് ഓടിക്കൂടിയവര്‍ കുട്ടികളെ വാഹനത്തിനു പുറത്തെത്തിച്ചു. പത്ത് …

ശബരിമല: സന്നിധാനത്ത് കണ്ടെത്തിയ പാമ്പിനെ പിടികൂടി. പാണ്ടിത്താവളത്തിലേക്ക് പോകുന്ന വഴിയിലാണ് വെള്ളിയാഴ്ച ഉച്ചയോടെ പാമ്പിനെ കണ്ടത്. വിവരമറിയിച്ചയുടൻ വനംവകുപ്പിന്റെ അംഗീകൃത സ്‌നേക്ക് കാച്ചേഴ്‌സ് ആയ ബൈജു, അഭിനേഷ് എന്നിവർ ചേർന്നാണ് പാമ്പിനെ പിടികൂടിയത്. വിഷം ഇല്ലാത്ത ഇനത്തിൽപ്പെട്ട, മരങ്ങളിൽനിന്ന് മരങ്ങളിലേക്ക് പോകുന്ന പാമ്പിനെയാണ് കണ്ടെത്തിയത്. പിടികൂടിയ പാമ്പിനെ ഉൾവനത്തിൽ വിടും.

തിരുവല്ല: കുന്നന്താനത്തെ പ്ലാസ്റ്റിക് സംസ്കരണ ഫാക്ടറി ശുചിത്വ ക്യാമ്പയിന് ഏറ്റവും ഊർജ്ജം പകരുന്നതെന്ന് തദ്ദേശ സ്വയംഭരണ വകുപ്പ് മന്ത്രി എം ബി രാജേഷ്. പത്തനംതിട്ട ജില്ലാ പഞ്ചായത്തും ക്ലീൻ കേരള കമ്പനിയും സംയുക്തമായി 8 കോടി രൂപ ചെലവിൽ നിർമ്മിച്ച പ്ലാസ്റ്റിക് പാഴ് വസ്തു സംസ്കരണ ഫാക്ടറി ഗ്രീൻ പാർക്ക് കുന്നന്താനം കിൻഫ്ര പാർക്കിൽ ഉദ്ഘാടനം ചെയ്യുകയായിരുന്നു അദ്ദേഹം. ശുചിത്വത്തിനായുള്ള വലിയ ജനകീയ മുന്നേറ്റമാണ് സംസ്ഥാനത്ത് നടക്കുന്നത്. അന്താരാഷ്ട്ര ശൂന്യ മാലിന്യ ദിനമായ മാർച്ച് 30 ഓടെ സംസ്ഥാനത്തെ മാലിന്യമുക്തമാക്കുകയാണ് ഇതിലൂടെ ലക്ഷ്യം വയ്ക്കുന്നത്. …

മണ്ണാറക്കുളഞ്ഞി: പുനലൂര്‍-മൂവാറ്റുപുഴ റോഡില്‍ മൂഴിയാര്‍ മുക്കില്‍ ആന്റോ ആന്റണി എം.പിയുടെ വികസന ഫണ്ടില്‍ നിന്ന് സ്ഥാപിച്ച കാത്തിരുപ്പ് കേന്ദ്രം വനംവകുപ്പിന്റെ ജീപ്പ് ഇടിച്ചു തകര്‍ന്നു. രണ്ട് ദിവസം മുന്‍പ് രാത്രിയിലാണ് സംഭവം. നിയന്ത്രണം വിട്ട ജീപ്പ് തൊട്ടടുത്ത കൈയാലയില്‍ ഇടിച്ച ശേഷം കാത്തിരുപ്പ് കേന്ദ്രത്തില്‍ കൂടി കയറി മൂഴിയാര്‍ റോഡിലേക്ക് ഇറങ്ങി വീണ്ടും കൈയാലയില്‍ ഇടിച്ചു നില്‍ക്കുകയായിരുന്നു. ഈ സമയം അതു വഴി വാഹനത്തില്‍ വന്ന പോലീസ് ഉദ്യോഗസ്ഥന്‍ ജീപ്പിന് അടുത്ത് ചെന്നപ്പോള്‍ ഒന്നും അറിയാതെ ഡ്രൈവര്‍ ഉറക്കത്തില്‍ ആയിരുന്നു. അദ്ദേഹമാണ് അപകടത്തില്‍പ്പെട്ട ജീപ്പിന്റെ …

അടൂര്‍: മണ്ണടിയില്‍തെരുവുനായആക്രമണത്തില്‍നാലു പേര്‍ക്ക് പരുക്ക്.മണ്ണടികുറ്റിയില്‍വീട്ടില്‍ഗീത(51),കാഞ്ഞിരവിളപുത്തന്‍വീട്ടില്‍ശാമില(38), ചക്കാലകിഴക്കേതില്‍അനീഷ(30),കുറുമ്പോലില്‍വീട്ടില്‍അനൂപ്(44) എന്നിവരെ ജനറല്‍ ആശുപത്രിയില്‍പ്രവേശിപ്പിച്ചു.ഇന്നലെ ഉച്ചക്ക് 2.30നും വൈകിട്ട് നാലിനും ഇടയിലാണ്ആക്രമണംഉണ്ടായത്. മണ്ണടി വേലുത്തമ്പിദളവ ജങ്ഷന് സമീപം നില്‍ക്കുകയായിരുന്ന ഹരിത കര്‍മ്മസേനാംഗമായ ഗീതയെയാണ് ആദ്യം നായ ആക്രമിച്ചത്. ഇവരുടെ ഇടതുകാലിനാണ് കടിയേറ്റത്. തുടര്‍ന്ന്പുതൂട്ട് മുക്കില്‍ സ്‌കൂളില്‍ പോയ കുട്ടിയെ വിളിക്കാന്‍ എത്തിയ അനീഷയെ ആക്രമിച്ചു. ഇവരുടെ ഇടതുകൈത്തണ്ടയില്‍ കടിച്ച നായയെ കൈയിലിരുന്ന ഷാള്‍ ഉപയോഗിച്ച് ചുറ്റിയതോടെ ഇത് കുതറിയോടി രക്ഷപെട്ടു. തൊട്ടടുത്ത് തയ്യല്‍ തൊഴിലാളിയായ അനൂപിനെ ബൈക്കില്‍ നിന്ന് ഇറങ്ങുമ്പോഴാണ് നായ ആക്രമിച്ചത്. ഇയാളുടെ വലതുകാലില്‍ ആഴത്തില്‍ മുറിവേറ്റു. …

ശബരിമല: ഇലവുങ്കലില്‍ തീര്‍ഥാടകര്‍ സഞ്ചരിച്ച മിനി ബസ് തിട്ടയിലേയ്ക്ക് ഇടിച്ചുകയറി 10 പേര്‍ക്ക് പരിക്ക്. രാവിലെ 10ന് ഇലവുങ്കല്‍ എരുമേലി പാതയില്‍ രണ്ടാമത്തെ ഹെയര്‍പിന്‍ വളവിലാണ് അപകടം. ദര്‍ശനം കഴിഞ്ഞ് മടങ്ങിയ തീര്‍ഥാടകര്‍ സഞ്ചരിച്ച വാഹനമാണ് അപകടത്തില്‍പ്പെട്ടത്. ബസിലുണ്ടായിരുന്ന തമിഴ്‌നാട് സ്വദേശികളായ ശിവ (32), ദിനകരന്‍ (24), പ്രഭാകരന്‍ (32), അയ്യപ്പന്‍ ഹരിദോസ് (32), മുരുകവേല്‍ (42), വിജയകുമാര്‍ (46), ജ്യോതിബസു (29), ജീവ (38), രഞ്ജിത് (30), ജോര്‍ജ് (50) എന്നിവര്‍ക്കാണ പരുക്ക്. സാരമായി പരുക്കേറ്റവരെ കോന്നി മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ശബരിമല: അട്ടത്തോട്ടില്‍ കാര്‍ താഴ്ചയിലേയ്ക്ക് മറിഞ്ഞ് മൂന്ന് പേര്‍ക്ക് പരുക്കേറ്റു. രാവിലെ 11.30ന് ദര്‍ശനം കഴിഞ്ഞ് മടങ്ങിയ തീര്‍ഥാടകര്‍ സഞ്ചരിച്ച കാര്‍ അപകടത്തില്‍പ്പെട്ടത്. തമിഴ്‌നാട് തിരുപ്പൂര്‍ സ്വദേശി ഹരീഷ് (27), ശിവകുമാര്‍ (28), തരുണ്‍ (24) എന്നിവര്‍ക്കാണ് പരുക്കേറ്റത്. കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചു.

ശബരിമല: പത്തനംതിട്ട- പമ്പ പാതയില്‍ വിളക്കുവഞ്ചി ഭാഗത്ത് ഓടിക്കൊണ്ടിരുന്ന മിനി ലോറിക്ക് തീപിടിച്ചു. രാവിലെ 10.45 ഓടെ പമ്പയിലേയ്ക്ക് സാധനങ്ങളുമായി എത്തിയ ലോറിക്കാണ് തീ പിടിച്ചത്. അഗ്‌നിരക്ഷാ സേന എത്തി തീ അണച്ചു. കയറ്റം കയറി എത്തിയ വാഹനത്തില്‍ നിന്ന് തീ ഉയരുന്നതായി റോഡരുകില്‍ നിന്നവര്‍ പറഞ്ഞതോടെ നിര്‍ത്തി ഡ്രൈവര്‍ പുറത്തിറങ്ങിയതിനാല്‍ ആളപായമുണ്ടായില്ല.