അടൂര്‍: വീണയ്ക്കും പറക്കമുറ്റാത്ത രണ്ട് കുഞ്ഞുങ്ങള്‍ക്കും വീടെന്ന സ്വപ്നം പൂവണിയുന്നു. കടമ്പനാട് പഞ്ചായത്ത് എട്ടാം വാര്‍ഡില്‍ ഒഴുകുപാറ കോളനിയില്‍ ഭര്‍ത്താവ് ഉപേക്ഷിച്ച് ബന്ധുവിന്റെ ഭൂമിയില്‍ വാസയോഗ്യമല്ലാത്ത ടാര്‍പോളില്‍ ഷെഡില്‍ കഴിഞ്ഞിരുന്ന അരക്കുംകാലായില്‍ വീണയ്ക്കും കുഞ്ഞുങ്ങള്‍ക്കും അഞ്ചു സെന്റ് ഭൂമി വാങ്ങി നല്‍കി നമ്മുടെ സ്വന്തം മണ്ണടി വാട്‌സ്ആപ്പ് ആന്‍ഡ് ഫെയ്‌സ്ബുക്ക് കൂട്ടായ്മ. സാമൂഹിക പ്രവര്‍ത്തകനായ ഫാ. റിഞ്ചു പി കോശി വീണയ്ക്ക് വീടൊരുക്കും. 2009 ല്‍ കന്നിമല ക്വാറി സമരത്തിന് ശക്തി പകരുവാന്‍ തുടങ്ങിയ നവമാധ്യമ കൂട്ടായ്മ കോവിഡ് കാലത്ത് ഓണ്‍ലൈന്‍ പഠന സംവിധാനം …

പത്തനംതിട്ട: സ്വന്തമായി സ്ഥലമോ വീടോ ഇല്ലാതെ സാമ്പത്തികമായി പിന്നോക്കാവസ്ഥയില്‍ കഴിഞ്ഞിരുന്ന നിരാലംബരായ ഏഴു കുടുംബങ്ങള്‍ക്ക് അഞ്ചു സെന്റ് വീതമാണ് ദാനം ചെയ്ത് വിദേശ മലയാളി. കോന്നി ഇളകൊള്ളുര്‍ സ്വദേശിയും അമേരിക്കയില്‍ ഫിലഡെല്‍ഫിയയില്‍ സ്ഥിരതാമസക്കാരനുമായ രാജു ഗീവര്‍ഗീസാണ് തനിക്ക് ലഭിച്ച കുടുംബ സ്വത്ത് 47 സെന്റ് സ്ഥലം ഏഴുകുടുംബങ്ങള്‍ക്ക് ദാനമായി വീതിച്ചു നല്‍കിയത്. പ്രസ് ക്ലബ്ബില്‍ നടന്ന ചടങ്ങില്‍ 7 കുടുംബങ്ങള്‍ക്കുമുള്ള ദാനാധാരം സാമൂഹിക പ്രവര്‍ത്തക ഡോ. എം.എസ്. സുനിലിന് രാജു ഗീവര്‍ഗീസ് കൈമാറ്റം ചെയ്തു. പ്രമാടം ഗ്രാമപഞ്ചായത്ത് പ്രസിഡന്റ് എന്‍. നവനിത്ത്, ജില്ലാ പഞ്ചായത്തംഗം …

പത്തനംതിട്ട: ചന്ദനപ്പള്ളി ഗവണ്മെന്റ് എല്‍.പി സ്‌കൂള്‍ ഹെഡ്മിസ്‌ട്രെസ് കോഴഞ്ചേരി കൊടുവന്തറയില്‍ ആനി കെ തോമസിന്റെ നഷ്ടപ്പെട്ട 10 ഗ്രാം തൂക്കം വരുന്ന സ്വര്‍ണമാല പോലീസിന്റെ സാന്നിധ്യത്തില്‍ തിരികെ ഏല്‍പ്പിച്ചു. പത്തനംതിട്ടയിലെ ലബോറട്ടറിയില്‍ പരിശോധനയ്ക്ക് ശേഷം മടങ്ങുമ്പോള്‍ ബസ് സ്റ്റാന്‍ഡില്‍ എത്തിയപ്പോഴാണ് മാല നഷ്ടമായ വിവരം ആനി അറിഞ്ഞത്. തുടര്‍ന്ന്, ലാബിലെത്തി അന്വേഷിച്ചെങ്കിലും കിട്ടിയില്ല. സെന്റ് പീറ്റേഴ്‌സ് ജങ്ഷനില്‍ ഗുരുമന്ദിരത്തിനടുത്ത് റോഡ് വക്കില്‍ കിടന്ന മാല ‘ലോകനേത്രനിധി’യില്‍ ബിസിനസ് ഡെവലപ്പ്‌മെന്റ് എക്‌സിക്യൂട്ടീവ് ആയി ജോലി ചെയ്യുന്ന മല്ലശ്ശേരി പൗര്‍ണമി വീട്ടില്‍ സജിക്കാണ് ലഭിച്ചത്. ഇദ്ദേഹം മാല …

തിരുവനന്തപുരം: ബഹ്റൈന്‍ രാജാവ് പരമോന്നത സിവിലിയന്‍ ബഹുമതിയായ മെഡല്‍ ഓഫ് എഫിഷ്യന്‍സി (ഫസ്റ്റ് ക്ലാസ്) നല്‍കി ആദരിച്ച പ്രവാസി വ്യവസായിയും നോര്‍ക്ക റൂട്ട്‌സ് ഡയറക്ടര്‍ ബോര്‍ഡ് അംഗവുമായ ഡോ.ബി.രവിപിള്ളയ്ക്ക് കേരളത്തിന്റെ സ്നേഹാദരമൊരുക്കുന്നതിന് അഞ്ചിന് ”രവിപ്രഭ” സ്‌നേഹ സംഗമം പരിപാടി സംഘടിപ്പിക്കും. ടാഗോര്‍ തിയേറ്ററില്‍ നടക്കുന്ന പരിപാടി വൈകിട്ട് നാലിന് മുഖ്യമന്ത്രി പിണറായി വിജയന്‍ ഉദ്ഘാടനം ചെയ്യും. ഗോവ ഗവര്‍ണര്‍ പി.എസ്.ശ്രീധരന്‍ പിള്ള മുഖ്യാതിഥിയായിരിക്കും. പ്രതിപക്ഷ നേതാവ് വി.ഡി.സതീശന്‍, മന്ത്രിമാര്‍,നടന്‍ മോഹന്‍ലാല്‍, രാഷ്ട്രീയ, സാമൂഹിക, സാംസ്‌കാരികരംഗങ്ങളിലെ പ്രമുഖര്‍ എന്നിവരും പങ്കെടുക്കും. നോര്‍ക്ക റൂട്ട്‌സിന്റെയും വിവിധ സര്‍ക്കാര്‍ …

തിരുവല്ല: അപൂര്‍വ ജനിതക രോഗം ബാധിച്ച മൂന്നു സഹോദരങ്ങള്‍ ജീവന്‍ നിിനിര്‍ത്താനുള്ള പോരാട്ടത്തില്‍. ചങ്ങനാശേരിയില്‍ നിന്നുള്ള മുബാറക്-സൈറുന്നീസ ദമ്പതികളുടെ മക്കളായ ഫൈസി (11), ഫൈഹ (10), ഫൈസ് (നാലര വയസ്) എന്നിവരാണ് ജനിതക രക്തരോഗമായ ബീറ്റാ തലസീമിയ മേജര്‍ ബാധിച്ച് ചികല്‍സയ്ക്ക് രക്ത മൂലകോശം ദാതാക്കളെ തേടുന്നത്. പതിവായി രക്തം സ്വീകരിക്കേണ്ട സാഹചര്യമാണ് ഇവര്‍ക്ക് ഇപ്പോഴുള്ളത്. 20 വയസു കഴിഞ്ഞാല്‍ ജീവന്‍ നിലനിര്‍ത്താന്‍ പോലും പാടാണ്. നിലവില്‍ പതിനൊന്നുകാരനായ ഫൈസിയുടെ നില വഷളാണ്. ശരീരത്തില്‍ ഹീമോഗ്ലോബിന്റെ ഉല്‍പാദന ശേഷി ദുര്‍ബലപ്പെടുന്ന രോഗമാണ് ബീറ്റാ തലസീമിയ …

ശബരിമല: ശ്രീ ധര്‍മ ശാസ്താവിന് പഞ്ചാമൃതം ഇടിച്ചു കൂട്ടുന്നതിനു വേണ്ടി തടിയില്‍ നിര്‍മിച്ച പുതിയ ഇടിക്കോല്‍ സമര്‍പ്പിച്ചു. പൊന്‍കുന്നം ചിറക്കടവ് പടിയപ്പള്ളി വീട്ടില്‍ സഹോദരങ്ങളായ അജി പി.ആര്‍, മനോജ് പി.ആര്‍, ജയന്‍ പി.ആര്‍ എന്നിവര്‍ ചേര്‍ന്നാണ് തടിയില്‍ പുതിയ ഇടിക്കോല്‍ ദേവസ്വത്തിന്റെ നിര്‍ദേശപ്രകാരം നിര്‍മിച്ച് എത്തിച്ചത്. തേക്ക് തടിയില്‍ നിര്‍മിച്ച ഇടിക്കോല്‍ പനിനീരും കരിക്കും നെയ്യും ചേര്‍ത്ത് പൂശി തണലത്ത് ഉണക്കിയാണ് എത്തിച്ചത്. ഇതിനുള്ള തടി നല്‍കിയത് പൊന്‍കുന്നത്തെ തിരുവപ്പള്ളി സോ മില്ലും തടി കടഞ്ഞുനല്‍കിയത് പൊന്‍കുന്നം സ്വദേശി അനൂപുമാണ്. ചിറക്കടവ് മഹാദേവ ക്ഷേത്ര …

റാന്നി: ‘സുരേഷ് റാന്നി’. തഴക്കവും പഴക്കവും ചെന്ന ലേഖകന്മാര്‍ക്കൊപ്പം മിക്കപ്പോഴും മംഗളം ദിനപത്രത്തിന്റെ ഒന്നാം പേജില്‍ ഇടം പിടിച്ചിരുന്ന ബൈലൈന്‍ ആയിരുന്നു അത്. ചെയ്യുന്നത് പ്രാദേശിക പത്രപ്രവര്‍ത്തകന്റെ ജോലിയാണെങ്കിലും വി.കെ. സുരേഷ് എന്ന സുരേഷ് റാന്നി പലപ്പോഴും ദേശീയഅന്തര്‍ദേശീയ തലത്തില്‍ നിന്ന് വരെ വാര്‍ത്തകള്‍ കണ്ടെത്തിയിരുന്നു. പത്രത്തിന്റെ ഒന്നാം പേജില്‍ ആ വാര്‍ത്തകള്‍ സ്വന്തം ബൈലൈനോട് കൂടി അടിച്ചു വരുന്നത് കാണുമ്പോള്‍ സുരേഷ് ചെറുചിരിയോടെ പറയും ‘ചുമ്മാതൊന്ന് വിളിച്ചു നോക്കിയതാണ്. വിവരങ്ങള്‍ മുഴുവന്‍ കിട്ടി’. മംഗളത്തില്‍ 20 വര്‍ഷത്തിലധികം റാന്നി ലേഖകനായി ജോലി നോക്കിയിരുന്ന …

ശബരിമല: അയോധ്യയില്‍ നിന്ന് കാല്‍നടയായി മലയാളി തീര്‍ത്ഥാടകര്‍ ശബരീശ ദര്‍ശന ത്തിനെത്തി. കണ്ണൂര്‍ നെടുംപൊയ്യില്‍ ഹരിനിലയം പ്രകാശന്‍ (56), തനോളി ജിതേഷ് (40), ചെറുവത്തല്‍, കണ്ണവം മനോഷ് (40) എന്നിവരാണ് രണ്ടായിരത്തി അറുന്നൂറിലധികം കിലോമീറ്റര്‍ താണ്ടി 81 ദിവസം കൊണ്ട് സന്നിധാനത്ത് എത്തിയത്. 25ന് രാവിലെയാണ് ഇവര്‍ സന്നിധാനത്ത് എത്തിയത്. കണ്ണൂരില്‍ നിന്നും ട്രെയിനിലാണ് അയോധ്യയിലേക്ക് പോയത്. അയോധ്യ രാമ ക്ഷേത്രത്തില്‍ തൊഴുത ശേഷം സമീപമുള്ള ഹനുമാന്‍ ക്ഷേത്രത്തില്‍ നിന്നുമാണ് കെട്ടു മുറുക്കിയത്. ഒകേ്ടാബര്‍ നാലിന് യാത്ര ആരംഭിച്ചു. ഉത്തര്‍പ്രദേശ്, മധ്യപ്രദേശ്, മഹാരാഷ്ര്ട, തെലുങ്കാന, …

പത്തനംതിട്ട: ബിരുദ വിദ്യാര്‍ത്ഥിയും പടയണി കലാകാരനുമായ ഇലന്തൂര്‍ സ്വദേശി ആനന്ദ് സന്തോഷ് നിര്‍മ്മിക്കുന്ന പടയണിക്കോലങ്ങളുടെ മിനിയേച്ചര്‍ ശ്രദ്ധേയമാകുന്നു. പടയണിക്കളത്തില്‍ ദേശദേവതക്ക് മുന്നില്‍ തുള്ളിയുറയുന്ന പടയണിക്കോലങ്ങളുടെ ചെറു മാതൃകകള്‍ പടയണി പഠിതാക്കള്‍ക്കും ഏറെ പ്രയോജനം ചെയ്യും: മദ്ധ്യ തിരുവിതാംകൂറിലെ ദേവീക്ഷേത്രങ്ങളില്‍ അവതരിപ്പിക്കുന്ന അനുഷ്ഠാന കലാരൂപമായ പടയണി ഇലന്തൂരിലെ യുവ തലമുറയ്ക്ക് ജീവിതത്തിന്റെ ഭാഗം കൂടിയാണ്. വ്രതനിഷ്ഠയോടെ പടയണി കലാകാരന്മാര്‍ പ്രകൃതിദത്തമായ വര്‍ണ്ണങ്ങള്‍ ചാലിച്ച് പച്ചപ്പാളയില്‍ വരച്ചെടുക്കുന്ന കോലങ്ങള്‍ രണ്ടോ മൂന്നോ ദിവസം മാത്രമേ നിലനില്‍ക്കൂ. എന്നും കാണാന്‍ കേടുകൂടാതെ സൂക്ഷിക്കാവുന്ന പടയണിക്കോലങ്ങളുടെ ചെറു മാതൃകകള്‍ സൃഷ്ടിച്ചെടുക്കണമെന്ന …

ക്രിക്കറ്റില്‍ 111 എന്ന സംഖ്യ നെല്‍സണ്‍ നമ്പര്‍ എന്നാണ് അറിയുന്നത്. ബാറ്റിങ് ടീമിന്റെ സ്‌കോര്‍ 111 ല്‍ എത്തിയാല്‍ നെല്‍സണ്‍ എന്ന് കമന്റേറ്റര്‍മാര്‍ പറയുന്ന പതിവുണ്ട്. ആ നെല്‍സണ്‍ നമ്പര്‍ തന്റെ പുതിയ പുസ്തകത്തിന്റെ തലക്കെട്ട് ആക്കിയിരിക്കുകയാണ് പത്തനംതിട്ട ജില്ലാ സി ബ്രാഞ്ച് എസ്.ഐ സജീവ് മണക്കാട്ടുപുഴ. സുഹൃത്തുക്കള്‍ക്കും മറ്റും ശുഭദിനാശംസകള്‍ അയക്കുമ്പോള്‍ അതതു ദിവസത്തെ പ്രാധാന്യം കൂടി മനസ്സിലാക്കി അതുമായി ചേര്‍ത്ത് കുറിപ്പ് തയാറാക്കി അയക്കുന്ന ശീലത്തില്‍ നിന്നാണ് ഈ പുസ്തകത്തിന്റെ പിറവി കുറിക്കപ്പെട്ടതെന്ന് സജീവ് പറയുന്നു. ഒരുവര്‍ഷം മുഴുവന്‍ ഇത്തരത്തില്‍ ആശംസകള്‍ …