ഡോ. ദീപക് അരവിന്ദ് മാനവരാശിക്ക് ആധുനിക വൈദ്യശാസ്ത്രത്തിലൂടെ ലഭിച്ച അനുഗ്രഹമാണ് പ്ലാസ്റ്റിക് സര്‍ജറി. പല ഗുരുതര അവസ്ഥകളെ അതിജീവിക്കാനുമുള്ള മാര്‍ഗം. ജൂലൈ 15 ലോക പ്ലാസ്റ്റിക് സര്‍ജറി ദിനമാണ്. ശരീരസൗന്ദര്യം വര്‍ദ്ധിപ്പിക്കാനുള്ള ഒരു ഉപാധി മാത്രമാണ് പ്ലാസ്റ്റിക്ക് സര്‍ജറി എന്ന് കരുതുന്നവരുണ്ട്. എന്നാല്‍, ജീവന്‍രക്ഷാ സാധ്യതകള്‍ ഉള്‍പ്പെടെ, അത് മുന്നോട്ട് വയ്ക്കുന്ന അവസരങ്ങള്‍ അനന്തമാണ്. സൗന്ദര്യം വര്‍ധിപ്പിക്കാനായി ഉപയോഗപ്പെടുത്തുന്ന പ്ലാസ്റ്റിക് സര്‍ജറിയുടെ ഉപവിഭാഗമാണ് കോസ്‌മെറ്റിക് സര്‍ജറി. ഇവ രണ്ടും ഒന്നാണെന്ന് പലരും കരുതുന്നത്. എന്താണ് പ്ലാസ്റ്റിക് സര്‍ജറി? രൂപാന്തരപ്പെടുത്തുക എന്നര്‍ത്ഥമുള്ള പ്ലാസ്റ്റിക്കോസ് എന്ന ഗ്രീക്ക് …

കോഴിക്കോട്: പി.എസ്.സി കോഴയിൽ പൊലീസ് കേസെടുത്ത് സമഗ്രമായ അന്വേഷണം നടത്തണമെന്ന് ബിജെപി സംസ്ഥാന അദ്ധ്യക്ഷൻ കെ.സുരേന്ദ്രൻ. സിപിഎം പിഎസ്സി കോഴ സ്ഥിരീകരിച്ചിരിക്കുകയാണ്. 25 ലക്ഷം രൂപ ഏരിയ കമ്മിറ്റി അംഗം കോഴ വാങ്ങിയെന്ന് സമ്മതിച്ചിട്ടും എന്തുകൊണ്ടാണ് പൊലീസ് കാഴ്ചക്കാരായി ഇരിക്കുന്നത്. ഇത് നാട്ടിലെ നിയമം അനുസരിച്ച് കുറ്റമായിരുന്നിട്ട് കൂടി പൊലീസ് ഇടപെടുന്നില്ല. പണം എങ്ങനെയാണ് കൈമാറിയതെന്നും അതിന്റെ സോഴ്സ് എന്താണെന്നും വെളിപ്പെടുത്തണം. സംസ്ഥാനം ഭരിക്കുന്ന പാർട്ടിയാണ് പ്രതികൂട്ടിലായിട്ടുള്ളതെന്നും കോഴിക്കോട് നടന്ന വാർത്താസമ്മേളനത്തിൽ സുരേന്ദ്രൻ പറഞ്ഞു. എന്തുകൊണ്ടാണ് ഇത് സംബന്ധിച്ച് ഒരു കേസും പൊലീസ് രജിസ്റ്റർ …

പത്തനംതിട്ട: ജില്ലയിലെ ഏറ്റവും തിരക്കേറിയ വിനോദസഞ്ചാര കേന്ദ്രമായ ഗവിയും ഇനി മൊബൈല്‍ ഫോണിന്റെ പരിധിക്ക് ഉള്ളില്‍. വര്‍ധിച്ച് വരുന്ന സഞ്ചാരികളുടെ തിരക്കും ഗവി നിവാസികളുടെ സൗകര്യവും കണക്കിലെടുത്താണ് ബി.എസ്.എന്‍.എല്‍ കവറേജ് ലഭ്യമാക്കിയിരിക്കുന്നത്. 3ജി, 4ജി ഇന്റര്‍നെറ്റ് സൗകര്യങ്ങള്‍ ലഭിക്കുന്ന ബി.എസ്.എന്‍.എല്ലിന്റെ ടവര്‍ നിര്‍മ്മാണം മീനാറില്‍ പൂര്‍ത്തിയായി. പരീക്ഷണമെന്ന നിലയില്‍ ഇന്റര്‍നെറ്റ് കണക്ഷന്‍ ലഭ്യമാക്കി. 4ജി സേവനങ്ങള്‍ക്കായി ജില്ലയില്‍ സജ്ജമാക്കുന്ന നാല്‍പ്പത് ടവറുകള്‍ക്കൊപ്പം ഇതും വൈകാതെ കമ്മിഷന്‍ ചെയ്യും. ഇവിടെ താമസിക്കുന്ന 350 കുടുംബങ്ങള്‍ക്കും വിനോദസഞ്ചാരികള്‍ക്കും പോലീസ്, വനംവകുപ്പ്, കെ.എസ്.ഇ.ബി ഉദ്യോഗസ്ഥര്‍ക്കും ഇത് ഏറെ സഹായകമാകും. …

തിരുവല്ല: നഗരസഭയില്‍ അവധി ദിനത്തില്‍ പ്രത്യേക ഡ്യൂട്ടിക്ക് വന്ന ജീവനക്കാര്‍ സിനിമാഗാനത്തിന്റെ പശ്ചാത്തലത്തില്‍ തയാറാക്കി സോഷ്യല്‍ മീഡിയയില്‍ പ്രചരിപ്പിച്ച റീല്‍ വൈറലായി. ഇതിന് പിന്നാലെ നഗരസഭാ സെക്രട്ടറി ജീവനക്കാര്‍ക്ക് കാരണം കാണിക്കല്‍ നോട്ടീസ് നല്‍കിയെങ്കിലും നടപടി വേണ്ടെന്ന് നിര്‍ദേശിച്ച് തദ്ദേശ സ്വയംഭരണ മന്ത്രി എം.ബി രാജേഷ് രംഗത്തു വന്നു. കഴിഞ്ഞ ഞായറാഴ്ച കെട്ടിക്കിടന്ന ഫയലുകള്‍ തീര്‍പ്പാക്കുന്നതിന് വേണ്ടി പ്രത്യേക ഡ്യൂട്ടിക്ക് വന്ന ജീവനക്കാരാണ് വിരസത ഒഴിവാക്കുന്നതിന് വേണ്ടി ദേവദുതന്‍ സിനിമയിലെ പൂവേ, പൂവേ പാലപ്പൂവേ എന്ന ഗാനം പശ്ചാത്തലമാക്കി റീല്‍ ചെയ്തത്. സാമൂഹിക മാധ്യമങ്ങളില്‍ …

കോഴഞ്ചേരി: പ്രഫഷന്‍ വിമാന മെക്കാനിസമെങ്കിലും പാഷന്‍ പള്ളിയോട നിര്‍മ്മാണത്തോട്. ആറന്മുള പള്ളിയോടങ്ങളുടെ പെരുന്തച്ചന്‍ ചങ്ങംകേരി വേണു ആചാരിയുടെ മകന്‍ വിഷ്ണുവാണ് എയര്‍ ക്രാഫ്റ്റ് എന്‍ജിനിയറിങ് ജോലിക്ക് ഇടവേള നല്‍കി ചുണ്ടന്‍ വള്ള നിര്‍മ്മാണം ഏറ്റെടുത്തിരിക്കുന്നത്. ഇത് ആദ്യമായല്ല വിഷ്ണു പള്ളിയോടം നിര്‍മാണത്തിനായി അച്ഛനെ സഹായിക്കാന്‍ എത്തുന്നത്. നാലാമത്തെ പുതിയ പള്ളിയോടമാണ് ഇപ്പോള്‍ വിഷ്ണുവിന്റെ കൂടി കരവിരുതില്‍ ഒരുങ്ങുന്നത്. 2010 ലാണ് വിഷ്ണു എയര്‍ ക്രാഫ്റ്റ് എന്‍ജിനിയറിങ് പഠനം ആരംഭിക്കുന്നത്. കോഴ്‌സ് പൂര്‍ത്തിയാക്കിയ ശേഷം 2015 ല്‍ എയര്‍ ഇന്ത്യ എക്‌സ് പ്രസില്‍ ട്രെയിനിയായി പ്രവേശിച്ചു. …

തിരുവല്ല: സെര്‍വൈക്കല്‍ സ്‌പോണ്ടിലോസിസ്…കാലുകള്‍ മരവിക്കുന്നത് കാരണം നടക്കാന്‍ കഴിയാത്ത അവസ്ഥയാണ്. മരവിച്ചു തുടങ്ങിയ കാലുമായി ഒരു ചുവട് പോലും വയ്ക്കാന്‍ കഴിയാതെ ബുദ്ധിമുട്ടിയാണ് പ്രേംജിത്ത് റായി എന്ന സിക്കിം സ്വദേശി ദക്ഷിണേന്ത്യയിലെ പ്രശസ്തമായ സിഎംസി വെല്ലൂരില്‍ എത്തിയത്. പക്ഷേ, അവിടെ ചികില്‍സയ്ക്കായി മൂന്നു മാസം കാത്തിരിക്കണം. അയാള്‍ നേരെ വച്ചു പിടിച്ചു തിരുവല്ല ബിലീവേഴ്‌സ് ചര്‍ച്ച് മെഡിക്കല്‍ കോളജ് ആശുപത്രിയിലേക്ക്. രോഗം ഭേദമായി പ്രേംജിത്ത് മടങ്ങുമ്പോള്‍ കേരളത്തോടും ആശുപത്രി അധികൃതരോടും സുഹൃത്തും ആശുപത്രി ജീവനക്കാരനുമായ എബനേസര്‍ കെന്നത്തിനോടും നന്ദിപറയാന്‍ വാക്കുകള്‍ ഉണ്ടായിരുന്നില്ല. വടക്ക് കിഴക്കന്‍ …

തിരുവല്ല: വീട്ടുകാര്‍ കളിക്കാന്‍ പുറത്തു വിടില്ല. കര്‍ശന നിയന്ത്രണം. പോരെങ്കില്‍ പത്താം ക്ലാസ് പരീക്ഷാഫലവും വരുന്നു. കൈയിലുള്ള മൊബൈല്‍ഫോണുമായി പതിനഞ്ചുകാരന്‍ നാടുവിട്ടു. കഴിഞ്ഞ മാസം ഏഴിന് കുറ്റപ്പുഴ പുന്നകുന്നം സ്വദേശിയായ പയ്യന്‍ നാടുവിട്ടപ്പോള്‍ ഏറ്റവുമധികം വിമര്‍ശനം നേരിട്ടത് തിരുവല്ല പൊലിസാണ്. എന്നാല്‍, ഒന്നര മാസത്തിന് ശേഷം ചെന്നൈയില്‍ നിന്ന് പയ്യനെ ഇതേ പോലീസ് കണ്ടെത്തി. നടന്നത് ഉദ്വേഗജനകമായ അന്വേഷണവും. സൂചനകളിലേക്ക് എത്താനുള്ള യാതൊരു മാര്‍ഗവുമില്ലാതെയായിരുന്നു ഡിവൈ.എസ്.പി എസ്. അഷദിന്റെ മേല്‍നോട്ടത്തില്‍, പോലീസ് ഇന്‍സ്‌പെക്ടര്‍ സുനില്‍ കൃഷ്ണന്റെ നേതൃത്വത്തിലുള്ള പ്രത്യേക അന്വേഷണ സംഘത്തിന്റെ കുട്ടിയെ തേടിയുള്ള …

പത്തനംതിട്ട: കുവൈറ്റില്‍ തീ പിടുത്തത്തില്‍ മരിച്ച ജില്ലയില്‍ നിന്നുള്ള ആറു പേരുടെയും മൃതദേഹങ്ങള്‍ നാട്ടിലെത്തിച്ചു. നെടുമ്പാശേരി എയര്‍പോര്‍ട്ടില്‍ രാവിലെ എത്തിച്ച മൃതദേഹങ്ങള്‍ ഉച്ചയ്ക്ക് ശേഷം ജില്ലാ അതിര്‍ത്തിയായ എഴിഞ്ഞില്ലത്ത് വച്ച് പത്തനംതിട്ട ജില്ലാ കലക്ടര്‍ എസ്. പ്രേം കൃഷ്ണന്‍, ആലപ്പുഴ ജില്ലാ കലക്ടര്‍ അലക്‌സ് വര്‍ഗീസ് എന്നിവരുടെ നേതൃത്വത്തില്‍ ഏറ്റുവാങ്ങി. വാഴമുട്ടം സ്വദേശി മുരളീധരന്റെ മൃതദേഹം സംസ്‌കാരം ഇന്നലെ വൈകിട്ട് വീട്ടുവളപ്പില്‍ നടത്തി. പന്തളം സ്വദേശി ആകാശ് ശശിധരന്റെ ഇടപ്പോണ്‍ ജോസ്‌കോ ആശുപത്രി മോര്‍ച്ചറിയില്‍ സൂക്ഷിച്ചിരിക്കുകയാണ്. സംസ്‌കാരം നാളെ ഉച്ചയ്ക്ക് രണ്ടിന് വീട്ടുവളപ്പില്‍ നടക്കും. …

പത്തനംതിട്ട: ചിറ്റാറില്‍ പ്രാദേശിക നേതാവിന്റെ നേതൃത്വത്തില്‍ സിപിഎം പ്രവര്‍ത്തകര്‍ വനിത അടക്കമുള്ള വനപാലകരെ കൈയേറ്റം ചെയ്ത സംഭവത്തില്‍ പോലീസ് ജാമ്യമില്ലാ വകുപ്പിട്ട് കേസ് രജിസ്റ്റര്‍ ചെയ്തതിന് പിന്നാലെ ഭീഷണി തുടര്‍ന്ന് നേതാക്കള്‍. കൊച്ചുകോയിക്കല്‍ ഫോറസ്റ്റ് സ്‌റ്റേഷനിലേക്ക് സിപിഎം ലോക്കല്‍ കമ്മറ്റി നേതൃത്വത്തില്‍ നടത്തിയ മാര്‍ച്ചിലാണ് വനപാലകര്‍ക്കെതിരായ ഭീഷണി സിപിഎം തുടര്‍ന്നത്. ബൂട്ടിട്ട് വീടുകളില്‍ പരിശോധനയ്ക്ക് വരുന്ന ഉദ്യോഗസ്ഥര്‍ ഒറ്റക്കാലില്‍ നടക്കാന്‍ കൂടി പഠിക്കേണ്ടി വരുമെന്ന് ഡി.വൈ.എഫ്.ഐ സംസ്ഥാന സമിതിയംഗവും മുന്‍ സീതത്തോട് പഞ്ചായത്ത് പ്രസിഡന്റുമായ ജോബി ടി. ഈശോ പറഞ്ഞു. വനപാലകരെ കൈയേറ്റം ചെയ്തതിന് …

തിരുവല്ല: തെരഞ്ഞെടുപ്പിലേറ്റ കനത്ത തോല്‍വിക്ക് പിന്നാലെ സംസ്ഥാന സര്‍ക്കാരിനെയും സി.പി.എമ്മിനെയും നിശിതമായി വിമര്‍ശിച്ച് യാക്കോബായ സഭ നിരണം ഭദ്രാസനം മുന്‍ അധ്യക്ഷനും ഇടതു സഹയാത്രികനുമായ ഗീവര്‍ഗീസ് മാര്‍ കൂറിലോസ് മെത്രാപ്പോലീത്ത. ഫേസ്ബുക്കിലാണ് കൂറിലോസിന്റെ പ്രതികരണം. ജനങ്ങള്‍ നല്‍കുന്ന തുടര്‍ച്ചയായ ആഘാത ചികിത്സയില്‍ നിന്നും ഇനിയും പാഠം പഠിക്കുവാന്‍ തയാറായില്ലെങ്കില്‍ കേരളത്തിലെ ഇടതുപക്ഷത്തിന് ബംഗാളിലെയും ത്രിപുരയിലെയും അവസ്ഥ വരുമെന്ന് അദ്ദേഹം ഫേസ്ബുക്കില്‍ കുറിച്ചു. ലോക്‌സഭാ തെരഞ്ഞെടുപ്പില്‍ കേരളത്തില്‍ ഇടതുപക്ഷത്തിന് ഉണ്ടായ തകര്‍ച്ചയുടെ പ്രധാന കാരണങ്ങളില്‍ ഒന്ന് നിലവിലുള്ള അതിശക്തമായ ഭരണവിരുദ്ധ വികാരമാണ്. സി.പി.എം എത്ര നിഷേധിക്കുവാന്‍ …