കോന്നി: അന്തരിച്ച വെള്ളപ്പാറ പാര്‍വതി മന്ദിരം പി മോഹനകുമാര്‍(68)ന്റെ മൃതദേഹം ഇനി കോട്ടയം മെഡിക്കല്‍ കോളേജ് അനാട്ടമി വിഭാഗത്തില്‍ വിദ്യാര്‍ത്ഥികള്‍ക്ക് പഠനത്തിന്. ശ്വാസകോശ സംബന്ധമായ അസുഖത്തെ തുടര്‍ന്ന് കഴിഞ്ഞ കുറെ കാലങ്ങളായി ചികിത്സയില്‍ കഴിയവേ ആയിരുന്നു മരണം സംഭവിച്ചത്. കോട്ടയം മെഡിക്കല്‍ കോളേജിലെ മെഡിക്കല്‍ അനാട്ടമി വിഭാഗത്തിന് പഠിക്കുവാന്‍ മൃതദേഹം ദാനം ചെയ്തു കൊണ്ട് മോഹനകുമാറും ഭാര്യ ജയശ്രീയും സമ്മതപത്രം നല്‍കിയത് 2010 ലാണ്. മരണ ശേഷം കണ്ണുകളും ഇദ്ദേഹവും കുടുംബവും ദാനം ചെയ്തിരുന്നു. എല്‍ ഐ സി ചീഫ് എന്‍ജിനീയര്‍ ആയിരുന്ന ഇദ്ദേഹം …

പത്തനംതിട്ട: സംസ്ഥാന സിലബസിലെ എല്‍.പി, യു.പി ക്ലാസുകളിലേക്കുള്ള പുതിയ പാഠപുസ്തകങ്ങള്‍ കുട്ടികളുടെ കൈകളിലെത്തുമ്പോള്‍ അതിലൊരു മലയാലപ്പുഴ ടച്ചുണ്ടാകും. പ്രശസ്ത കാര്‍ട്ടൂണിസ്റ്റ് മലയാലപ്പുഴക്കാരനായ ഷാജി മാത്യു വരച്ച ചിത്രങ്ങളാണ് പുസ്തകങ്ങളിലുള്ളത്. മണ്ടൂസ്, ടിന്റുമോന്‍, പിണ്ടൂസ്, ശുപ്പന്‍ തുടങ്ങി നിരവധി കാര്‍ട്ടൂണ്‍ കഥാപാത്രങ്ങള്‍ക്ക് ജീവന്‍ നല്‍കിയത് ഷാജി മാത്യുവാണ്. ഒന്ന്, മൂന്ന്, അഞ്ച് ക്ലാസുകളിലെ മലയാളം,ഇംഗ്ലീഷ്,ഗണിതം, സംസ്‌കൃതം പുസ്തകങ്ങളിലാണ് ഷാജി മാത്യു വരച്ചിട്ടുള്ളത്. കുട്ടികളുടെ വരയില്‍ ദീര്‍ഘകാലത്തെ പരിചയമുള്ള ഷാജി മാത്യുവിന്റെ കഴിവ് പ്രയോജനപ്പെടുത്തുവാന്‍ സംസ്ഥാന വിദ്യാഭ്യാസഗവേഷണ പരിശീലനസമിതി തീരുമാനിക്കുകയായിരുന്നു. ഷാജിമാത്യുവിന്റെ ചിത്രങ്ങള്‍ മുമ്പും പാഠപുസ്തകത്തില്‍ ഉള്‍പ്പെടുത്തിയിരുന്നു. …

റാന്നി : കോഴിക്കടയില്‍ വില്‍പനക്ക് കൊണ്ട് വന്ന കോഴിക്ക് നാല് കാല്‍ കണ്ടത് കൗതുകമായി. ബ്ലോക്കുപടിയില്‍ പ്രവര്‍ത്തിക്കുന്ന സജിയുടെ ഉടമസ്ഥതയിലുള്ള മാതാ ചിക്കന്‍ സെന്ററിലാണ് ഈ കൗതുക കോഴി എത്തിയത്. ഇന്നലെ രാവിലെ എരുമേലിയില്‍ നിന്ന് എത്തിയ ലോഡിലാണ് കോഴിയുണ്ടായിരുന്നത്. സാധാരണയുള്ള കാലിന് മുകളിലായി ഇരുവശത്തും രണ്ട് കാല് കൂടി പുറകിലേക്ക് വളര്‍ന്നിരിക്കുന്നു. കോഴി പൂര്‍ണ്ണ ആരോഗ്യത്തോട് ഇരിക്കുന്നു. 20 വര്‍ഷം മുന്‍പ് മൂന്ന് കാലുള്ള കോഴി വില്‍പനയ്ക്ക് വന്നിട്ടുണ്ടെന്ന് ഉടമ സജി പറഞ്ഞു. നാല് കാലുള്ള കോഴിയെ തല്‍ക്കാലം വില്‍ക്കുന്നില്ലെന്ന് അദ്ദേഹം പറഞ്ഞു. …

പത്തനംതിട്ട: ഒരുമിച്ച് ജീവിക്കുന്നതിന് വേണ്ടി നാടുവിടാന്‍ കാമുകിയെയും കൂട്ടി ബസ് സ്‌റ്റേഷനില്‍ എത്തിയ യുവാവ് മാതാവ് വിളിച്ചു വിരട്ടിയപ്പോള്‍ മുങ്ങി. ഇപ്പോള്‍ വരാമെന്ന് പറഞ്ഞ് പോയ കാമുകനെ കാണാതെ കണ്ണീരൊഴുക്കിയ യുവതിയെ കെഎസ്ആര്‍ടിസി അധികൃതര്‍ അറിയിച്ചതിന്‍ പ്രകാരം വനിതാ പോലീസെത്തി കൂട്ടിക്കൊണ്ടു പോയി. വിവരങ്ങള്‍ ചോദിച്ചറിഞ്ഞ ശേഷം കാമുകനെയും കാമുകിയെയും അവരവരുടെ വീട്ടുകാര്‍ക്കൊപ്പം വിട്ടു. ഇന്നലെ രാവിലെ പതിനൊന്നു മണിയോടെ പത്തനംതിട്ട കെഎസ്ആര്‍ടിസി ബസ് സ്‌റ്റേഷനിലാണ് സംഭവം. ഒരു യുവതി തനിയെ നിന്നു കരയുന്നത് കണ്ട് സംശയം തോന്നിയ ബസ് സ്‌റ്റേഷന്‍ അധികൃതര്‍ വിവരങ്ങള്‍ …

പത്തനംതിട്ട: പതിവു തെറ്റിയില്ല. ഇക്കുറിയും സംസ്ഥാനത്ത് ഏറ്റവുമധികം വേനല്‍ മഴ ലഭിച്ചത് പത്തനംതിട്ട ജില്ലയിയാണ്. പക്ഷേ, മഴയുടെ അളവില്‍ വന്ന കുറവ് ആശങ്കയാണ്.മുന്‍ വര്‍ഷങ്ങളെ അപേക്ഷിച്ച് അളവില്‍ വ്യാപക കുറവാണ് ഇത്തവണ രേഖപ്പെടുത്തിയിരിക്കുന്നത്. പത്തനംതിട്ടയില്‍ ഇതുവരെ 189 മില്ലീമീറ്റര്‍ വേനല്‍ മഴ ലഭിച്ചു. ഇത് മുന്‍ വര്‍ഷങ്ങളെ അപേക്ഷിച്ച് 45 ശതമാനത്തോളം കുറവാണെന്ന് കാലാവസ്ഥാ നിരീക്ഷണ കേന്ദ്രത്തിന്റെ കണക്കുകള്‍ വ്യക്തമാക്കുന്നു. പത്തനംതിട്ടയ്ക്ക് പുറമെ സാമാന്യം മഴ ലഭിച്ച മറ്റൊരു ജില്ല കോട്ടയമാണ്. ഇവിടെ 163 മില്ലീമീറ്റര്‍ മഴയാണ് ലഭിച്ചത്. അതേ സമയം വടക്കന്‍ കേരളത്തില്‍ …

കോന്നി: കോന്നി സുരേന്ദ്രന് ശേഷം ആനത്താവളത്തിലെ തലയെടുപ്പിന്റെ പ്രതീകമായിരുന്ന കോടനാട് നീലകണ്ഠന്‍ ആന ചരിഞ്ഞ സംഭവത്തില്‍ ദുരൂഹത. എരണ്ടക്കെട്ടാണ് നീലകണ്ഠന്റെ ജീവനെടുത്തതെന്ന് ആനത്താവളം അധികൃതര്‍ പറയുന്നുണ്ടെങ്കിലും ആന്തരിക അവയവങ്ങളിലെ ക്ഷതവും അണുബാധയും മരണ കാരണമായേക്കാമെന്നാണ് പ്രാഥമിക റിപ്പോര്‍ട്ട്. ഇത് സംബന്ധിച്ച് പ്രത്യേക സംഘം അന്വേഷണം നടത്തും. ചീഫ് ഫോറസ്റ്റ് കണ്‍സര്‍വേറ്ററുടെ മേല്‍നോട്ടത്തില്‍ കോട്ടൂര്‍, കോടനാട് ആനക്കളരികളിലെ ഡോക്ടര്‍മാരും ആനചികിത്സാ വിദഗ്ദ്ധരും ഉള്‍പ്പെട്ട സംഘമായിരിക്കുംവനം വകുപ്പിന് പുറമെ സമാന്തര അന്വേഷണം നടത്തുന്നത്. ആവശ്യമെങ്കില്‍ തമിഴ്‌നാട് മുതുമല ആനവളര്‍ത്തല്‍ സങ്കേതത്തിലെ വിദഗ്ധരുടെ സഹായവും തേടും. ഇന്‍ക്വസ്റ്റും പോസ്റ്റ്‌മോര്‍ട്ടവും …

തേനി(തമിഴ്‌നാട്): മേഘമല മേഖലയിലെ തേയിലത്തോട്ടങ്ങളില്‍ കാട്ടാനകള്‍ വിഹരിക്കുന്നു. ഇതോടെ തൊഴിലാളികള്‍ ഭീതിയിലായി. മണലാര്‍, വെണ്‍ നിയാര്‍, മേഘമല എന്നിവയുള്‍പ്പെടെ ഏഴ് മലയോര ഗ്രാമങ്ങളില്‍ ധാരാളം തേയിലത്തോട്ടങ്ങളുണ്ട്. വേനല്‍ രൂക്ഷമായതോടെ ഗ്രാമങ്ങള്‍ക്ക് ചുറ്റുമുള്ള വനമേഖല കരിഞ്ഞുണങ്ങി. കാട്ടാനകള്‍ ഉള്‍പ്പെടെയുള്ള വന്യമൃഗങ്ങള്‍ വെള്ളവും ഭക്ഷണവും തേടി ജനവാസ കേന്ദ്രങ്ങളില്‍ എത്തുന്നുണ്ട്. അതിനിടെ, തേയിലത്തോട്ടങ്ങളിലൂടെയുള്ള ദേശീയപാതയില്‍ പത്തിലധികം കാട്ടുപോത്തുകള്‍ കൂട്ടംകൂടി നില്‍ക്കുന്നുണ്ട്. ശനിയാഴ്ച മേഘമല ഹൈവേസ് തേയിലത്തോട്ടത്തില്‍ കാട്ടാനക്കൂട്ടം വിഹരിച്ചു. ഇതുമൂലം തൊഴിലാളികള്‍ ഭീതിയോടെയാണ് ജോലി ചെയ്യുന്നത്. നിബിഡ വനമേഖലയിലേക്ക് അലഞ്ഞു തിരിയുന്ന കാട്ടാനകളെ തുരത്താന്‍ വനംവകുപ്പ് നടപടി …

പത്തനംതിട്ട: തെരഞ്ഞെടുപ്പ് സര്‍വൈലന്‍സ് ഡ്യൂട്ടി നോക്കുന്നതിനുള്ള ഭക്ഷണ ബത്ത ലഭിച്ചില്ലെന്ന് ആരോപിച്ച് വാട്‌സാപ്പ് ഗ്രൂപ്പില്‍ പോസ്റ്റിട്ട സിവില്‍ പോലീസ് ഓഫീസറെ സസ്‌പെന്‍ഡ് ചെയ്തതില്‍ സേനയ്ക്കുള്ളില്‍ അമര്‍ഷം. മോശമായ വാക്ക് ഉപയോഗിച്ചാണെങ്കിലും പൊലീസുകാരന്‍ ചൂണ്ടിക്കാട്ടിയ പ്രശ്‌നം ഇതു വരെ പരിഹരിക്കപ്പെട്ടതുമില്ല. അടൂര്‍ ട്രാഫിക് എന്‍ഫോഴ്‌സ്‌മെന്റ് യൂണിറ്റില്‍ ജോലി ചെയ്യുന്ന സുനില്‍കുമാറിനെയാണ് (സുനില്‍ മാവടി) ജില്ലാ പോലീസ് മേധാവി വി. അജിത്ത് സസ്‌പെന്‍ഡ് ചെയ്തത്. ഇദ്ദേഹത്തിനെതിരേ വാച്യാന്വേഷണം നടത്തി റിപ്പോര്‍ട്ട് സമര്‍പ്പിക്കുന്നതിന് തണ്ണിത്തോട് പോലീസ് ഇന്‍സ്‌പെക്ടറെ ചുമതലപ്പെടുത്തിയിട്ടുണ്ട്. തെരഞ്ഞെടുപ്പ് വരണാധികാരി കൂടിയായ ജില്ലാ കലക്ടര്‍ സമര്‍പ്പിച്ച റിപ്പോര്‍ട്ടിന്റെ …

പത്തനംതിട്ട: റോമില്‍ മാത്രമല്ല, ഇങ്ങ് കൊച്ചു കേരളത്തില്‍ വകയാറിലുമുണ്ട് ഒരു വത്തിക്കാന്‍ സിറ്റി! എങ്ങനെയാണ് ഈ പേര് വന്നതെന്ന് അറിയില്ല, പക്ഷെ ഈ വത്തിക്കാന്‍ സിറ്റി ശുചിത്വത്തിന്റെയും സാഹോദര്യത്തിന്റെയും മാതൃകാ ഭൂമിയാണ്. പ്രമാടം ഗ്രാമപഞ്ചായത്ത് 11-ാം വാര്‍ഡായ വകയാറിലെ വത്തിക്കാന്‍ സിറ്റിയുടെ സൗന്ദര്യവല്‍ക്കരണം പുതുപ്പറമ്പില്‍ സുധീഷ് കുമാര്‍ എന്ന പ്രകൃതി സ്‌നേഹിയുടേതാണ്. പിതാവിന്റെ പാത പിന്തുടര്‍ന്നാണ് പൊതു ഇടം സൗന്ദര്യ വല്‍ക്കരിക്കാന്‍ സുധീഷ് കുമാറും ഇറങ്ങിയത്. നാട് ശുചീകരിക്കുന്നതിന് പുറമെ നാട്ടുകാരെ ആരോഗ്യ രംഗത്ത് സംരക്ഷിക്കുകയും പക്ഷി മൃഗാദികള്‍ക്ക് കൂട്ടാവുകയുമാണ് ഇദ്ദേഹം. വീടിനോട് ചേര്‍ന്ന …

അടൂര്‍: പള്ളിക്കല്‍ തോട്ടുവ ഭാഗത്തെ കുളഞ്ഞിക്കാട്ടില്‍ ഏലായില്‍ എള്ളിന്‍ പൂമണം നിറഞ്ഞ് പരക്കുന്നു. തോട്ടുവ ലാലി ഭവനം പങ്കജാക്ഷനാണ് ഒന്നര ഏക്കര്‍ പാടത്ത് എള്ള് കൃഷി ചെയ്തിരിക്കുന്നത്. ഇളംപള്ളില്‍ ഗ്രൂപ്പ് ഫാമിങ് പദ്ധതിയില്‍ ഉള്‍പ്പെടുത്തിയാണ് കൃഷി. മൂന്ന് മാസം കൊണ്ട് വിളവെടുപ്പിനൊരുങ്ങി. വരള്‍ച്ച രൂക്ഷമായ ഇക്കാലത്ത് മുണ്ടകന്‍ കൃഷി പോലും നടത്താന്‍ മടിക്കുമ്പോഴാണ് അവര്‍ക്ക് മുന്നില്‍ പുതിയ നേട്ടം പങ്കജാക്ഷന്‍ കൊയ്‌തെടുക്കുന്നത്. നെല്‍കൃഷി യുടെ ഇടവേളയിലാണ് എള്ള് കൃഷി തുടങ്ങിയത്. മഴ മാറി നിന്നതിനാല്‍ പൂ കൊഴി ഞ്ഞില്ല. എള്ളിന്റെ വിളവെടുപ്പ് കഴിഞ്ഞാല്‍ നെല്‍കൃഷി …