പത്തനംതിട്ട: സീതത്തോട് ആങ്ങമൂഴി, മൂഴിയാര്‍ വഴി ഗവിയിലേക്കുള്ള കാനന പാതയുടെ ഓരത്തു നിറയെ പ്ലാസ്റ്റിക്ക് മാലിന്യങ്ങള്‍. ഗവിയുടെ പ്രകൃതി ഭംഗി കണ്ട് ആസ്വദിക്കാന്‍ എത്തുന്ന സഞ്ചാരികളുടെ സംഭാവനയാണിത്. പത്തനംതിട്ടയില്‍ നിന്നും സീതത്തോടുവഴി കൊച്ചാണ്ടി ചെക്ക് പോസ്റ്റില്‍ എത്തുന്ന സഞ്ചാരികള്‍ക്ക് വനം വകുപ്പ് കൃത്യമായ നിര്‍ദ്ദേശം നല്‍കാറുണ്ടെങ്കിലും ആരും ഇത് പാലിക്കാറില്ലെന്നുള്ളതിന്റെ തെളിവാണിത്. കൊച്ചാണ്ടി മുതല്‍ ഗവി വരെയുള്ള അറുപത് കിലോമീറ്റര്‍ പൂര്‍ണമായും ഉള്‍വനമാണ്. കക്കാട് ജലവൈദ്യുത പദ്ധതിയുടെ വേലുത്തോട്, മൂഴിയാര്‍ ഡാമുകള്‍ കൊച്ചാണ്ടിയില്‍ നിന്നും കേവലം 12 കി.മീറ്ററിനുള്ളിലാണ്. കൂടാതെ ചോരകക്കി മേഖലയില്‍ നിന്നുനോക്കിയാല്‍ …

കോഴഞ്ചേരി: പുല്ലാട് സര്‍വീസ് സഹകരണ സംഘം ഭരണം യു ഡി എഫ് നിലനിര്‍ത്തി. നിലവിലെ പ്രസിഡന്റും കെ.പി.സി.സി സെക്രട്ടറിയുമായ അനീഷ് വരിക്കണ്ണാമലയുടെ നേതൃത്വത്തിലുള്ള പാനല്‍ മുഴുവന്‍ സീറ്റിലും വിജയിച്ചു. എല്‍.ഡി.എഫും ബി.ജെ.പിയും പാനല്‍ ആയി തന്നെ മത്സരത്തിനുണ്ടായിരുന്നു. അടുത്തിടെ നടന്ന സഹകരണ സംഘം തെരഞ്ഞെടുപ്പുകളില്‍ എല്ലാം എല്‍.ഡി.എഫ്, യു.ഡി.എഫ് സംഘര്‍ഷം പതിവായിരുന്നു. ഇതേ തുടര്‍ന്ന് സംഘം നേരിട്ട് ഹൈക്കോടതിയെ സമീപിക്കുകയും പ്രശ്‌ന രഹിത തെരഞ്ഞെടുപ്പിന് ഉത്തരവ് സമ്പാദിക്കുകയും ചെയ്തിരുന്നു. വിജയിച്ചവരും ലഭിച്ച വോട്ടും.അനീഷ് വരിക്കണ്ണാമല 1689, അനില്‍ കുമാര്‍ പി ജി1450, കെ.അജിത1242, ശിവന്‍ …

പത്തനംതിട്ട: വരുമാനത്തില്‍ ലക്ഷങ്ങള്‍ നഷ്ടം സംഭവിച്ചതിനെ തുടര്‍ന്ന് ഇക്കുറി പമ്പ-നിലയ്ക്കല്‍ റൂട്ടില്‍ കണ്ടക്ടറില്ലാ സര്‍വീസ് അവസാനിപ്പിച്ച് കെഎസ്ആര്‍ടിസി. പമ്പ, നിലയ്ക്ക്ല്‍ ബസ് സ്‌റ്റേഷനുകളില്‍ നിന്ന് പുറപ്പെടാനൊരങ്ങുന്ന ചെയിന്‍ സര്‍വീസ് ബസുകളില്‍ ആദ്യം ടിക്കറ്റ് വാങ്ങിയ ശേഷം യാത്രക്കാരെ കയറ്റി വിടുന്നതായിരുന്നു കഴിഞ്ഞ തീര്‍ഥാടന കാലം വരെയുള്ള രീതി. പമ്പയില്‍ നിന്ന് വിട്ടാല്‍ നിലയ്ക്കലും തിരികെ നിലയ്ക്കലില്‍ നിന്ന് വിട്ടാല്‍ പമ്പയും മാത്രമാണ് സ്‌റ്റോപ്പുള്ളതെന്നതിനാല്‍ കണ്ടക്ടറെ ഒഴിവാക്കി ലാഭം കൂട്ടാനാണ് കെഎസ്ആര്‍ടിസി ശ്രമിച്ചത്. ഒരിടത്ത് നിന്ന് പുറപ്പട്ട്, ഇടയ്ക്ക് സ്‌റ്റോപ്പൊന്നുമില്ലാത്തിടത്ത് എന്തിനാണ് കണ്ടക്ടര്‍ എന്നതായിരുന്നു കെഎസ്ആര്‍ടിസി …

കോന്നി: കല്ലാറിലൂടെ കുട്ടവഞ്ചി സവാരി നടത്തി വനഭംഗി ആസ്വദിക്കാന്‍ വിനോദസഞ്ചാരികളുടെ വരവേറി. വിദേശ ടൂറിസ്റ്റുകള്‍ക്കും അടവിയോട് ഇഷ്ടംകൂടിയിട്ടുണ്ട്. കെ.എസ്.ആര്‍.ടി.സിയുടെ ബജറ്റ് ടൂറിസത്തിലൂടെയും സഞ്ചാരികള്‍ എത്തിയത് ഗുണമായി. കുറഞ്ഞ നിരക്കില്‍ ഓളപ്പരപ്പിലൂടെ മൂന്നു മുതല്‍ ഏഴ് കിലോമീറ്റര്‍ വരെ സഞ്ചരിക്കാമെന്നതാണ് കുട്ടവഞ്ചി സവാരിയുടെ സവിശേഷത. കല്ലാറിന്‍ തീരത്തെ പച്ചപ്പ് നിറഞ്ഞ കാനനഭംഗിക്കൊപ്പം വന്യമൃഗങ്ങളെയും കണാനാകും. മഴയത്ത് കുട പിടിച്ചും വെയിലത്ത് തണലിലൂടെയും സവാരി ആനന്ദകരമാണ്. യാത്രയ്ക്കിടയില്‍ കുട്ട കറക്കിയും തുഴകൊണ്ട് വെള്ളക്കീറുകളെ മുത്തുമണികള്‍ പോലെ മുകളിലേക്ക് ചിതറിച്ചും തുഴക്കാര്‍ നടത്തുന്ന അഭ്യാസങ്ങള്‍ സഞ്ചാരികളെ ആനന്ദിപ്പിക്കും. താമസിക്കാന്‍ …

പത്തനംതിട്ട: കൈപ്പട്ടൂര്‍ സഹകരണ ബാങ്ക് തെരഞ്ഞെടുപ്പില്‍ സിപിഎമ്മിന്റെ കുത്തകയ്ക്ക് ഇളക്കം തട്ടി. 30 വര്‍ഷമായി സിപിഎം ഭരിക്കുന്ന ബാങ്കില്‍ ഇക്കുറി നാലു സീറ്റില്‍ യുഡിഎഫ് വിജയിച്ചു. ഹൈക്കോടതി നിര്‍ദേശം അതേ പടി അംഗീകരിച്ച് റിട്ടേണിങ് ഓഫീസര്‍ പ്രവര്‍ത്തിച്ചതാണ് യുഡിഎഫ് വിജയത്തിന് വഴിയൊരുക്കിയത്. പ്രതികാര നടപടിയെന്ന നിലയില്‍ ഫലം വന്ന് മണിക്കൂറുകള്‍ക്കകം റിട്ടേണിങ് ഓഫീസര്‍ ആയിരുന്ന സഹകരണ വകുപ്പ് ഉദ്യോഗസ്ഥയെ സ്ഥലം മാറ്റി. കോന്നി അസിസ്റ്റന്റ് രജിസ്ട്രാര്‍ ഓഫീസില്‍ സീനിയര്‍ ഇന്‍സ്‌പെക്ടര്‍ തസ്തികയില്‍ ജോലി ചെയ്യുന്ന മിനികുമാരിയെയാണ് തെരഞ്ഞെടുപ്പ് നടന്നതിന്റെ പിറ്റേന്ന് സ്ഥലം മാറ്റിയത്. വര്‍ഷങ്ങളായി …

തിരുവല്ല: പല തൊഴിലുകള്‍ മലയാളികള്‍ ഉപേക്ഷിച്ച പോലെ കപ്യാര്‍ ജോലിക്കും പള്ളികളില്‍ ആളില്ലാതായിരിക്കുകയാണ്. പതിവുപോലെ ഈ സ്ഥാനവും അതിഥി തൊഴിലാളികള്‍ ഏറ്റെടുത്തു. കേരളത്തില്‍ ഇതാദ്യമായി ഒരു ക്രൈസ്തവ ദേവാലയത്തില്‍ അതിഥി തൊഴിലാളി കപ്യാരായി സേവനം അനുഷ്ഠിക്കുന്നു. ഝാര്‍ഖണ്ഡ് സ്വദേശി പ്രകാശ് കണ്ടുല്‍നയാണ് തിരുവല്ലയ്ക്കടുത്തുള്ള ചാത്തങ്കേരി സെന്റ് പോള്‍സ് മാര്‍ത്തോമ പള്ളിയില്‍ കപ്യാരായി ജോലി ചെയ്യുന്നത്. ഇത് ഇന്നും ഇന്നലെയും തുടങ്ങിയതല്ല. അഞ്ച് വര്‍ഷമായി പ്രകാശാണ് നൂറ്റിയിരുപതിലധികം വര്‍ഷം പഴക്കമുള്ള പള്ളിയിലെ ഇടവക ശുശ്രൂഷകന്‍. ഝാര്‍ഖണ്ഡില്‍ പ്രകാശിന്റെ കുടുംബം വര്‍ഷങ്ങളായി ക്രൈസ്തവമത വിശ്വാസികളാണ്. പ്രകാശിന്റെ താത്പര്യപ്രകാരം …

പത്തനംതിട്ട: ഇടുക്കി മൂലമറ്റം അറക്കുളം 12ാം മൈല്‍ കരിപ്പിലങ്ങാട് കടുകുംമാക്കല്‍ വീട്ടില്‍ കെ.കെ. സജിത്ത് കുമാര്‍(45) പത്തനംതിട്ട നഗരസഭ സെക്രട്ടറിയായി ചുമതലയേല്‍ക്കുന്നത് ഏഴു മാസം മുന്‍പാണ്. കണ്ണൂരില്‍ നിന്നുമാണ് ഇവിടേക്ക് എത്തിയത്. ഹൃദ്യമായ പെരുമാറ്റവും ജോലിയിലെ ആത്മാര്‍ഥതയും കൊണ്ട് ചുരുങ്ങിയ കാലത്തിനുള്ളില്‍ ഏവരുടെയും ഹൃദയം കവര്‍ന്ന സജിത്തിന്റെ വേര്‍പാടിന്റെ ഞെട്ടലിലാണ് സഹപ്രവര്‍ത്തകരും ജനപ്രതിനിധികളും നാട്ടുകാരും. ഇന്‍ഡോറില്‍ മാലിന്യ സംസ്‌കരണത്തെപ്പറ്റി പഠിക്കാന്‍ പോയ സജിത്ത് അവിടെ ദുരൂഹ സാഹചര്യത്തില്‍ മരണപ്പെടുകയായിരുന്നു. മൃതദേഹം പോസ്റ്റ്‌മോര്‍ട്ടത്തിന് ശേഷം നാട്ടിലെത്തിച്ച് സംസ്‌കരിച്ചു. ഇന്‍ഡോര്‍ പൊലീസ് അന്വേഷണം തുടരുകയാണ്. കഴിഞ്ഞ ബുധനാഴ്ച …

പത്തനംതിട്ട: പൂങ്കാവനത്തിലെ ആദിവാസികള്‍ക്ക് രേഖകള്‍ സമ്മാനിച്ച് ഡോ. ദിവ്യാ എസ് അയ്യര്‍ പത്തനംതിട്ട കലക്ടറേറ്റിന്റെ പടിയിറങ്ങി. സംസ്ഥാന സര്‍ക്കാരിന്റെ നൂറ് ദിന കര്‍മ്മ പരിപാടിയില്‍ ഉള്‍പ്പെടുത്തി എല്ലാ ആദിവാസി സങ്കേതങ്ങളിലെയും കുടുംബങ്ങള്‍ക്കും വ്യക്തികള്‍ക്കും ആധികാരിക രേഖകള്‍ നല്‍കുന്ന എ ബി സി ഡി പദ്ധതി യുദ്ധകാലാടിസ്ഥാനത്തില്‍ പൂര്‍ത്തിയാക്കി രേഖകളുടെ വിതരണവും നടത്തിയ ശേഷമാണ് ഡോ. ദിവ്യാ എസ് അയ്യര്‍ പുതിയ ചുമതല ഏല്‍ക്കാനായി യാത്ര തിരിച്ചത്. ജില്ലയിലെ ആദിവാസി ജനവിഭാഗത്തിന് സമൂഹത്തിന്റെ മുഖ്യധാരയിലേക്ക് കൊണ്ടുവരാനുള്ള ആദ്യ ചുവട് വയ്പ്പ് മാത്രമാണ് എ ബി സി …

പത്തനംതിട്ട: നഗരപ്രാന്തമായ കുമ്പഴയില്‍ ടയര്‍ റീട്രേഡിങ് സ്ഥാപനത്തില്‍ വന്‍ അഗ്നിബാധ. മൂന്നു യൂണിറ്റ് ഫയര്‍ഫോഴ്‌സ് അക്ഷീണം പരിശ്രമിച്ച് തീയണച്ചതിനാല്‍ തൊട്ടടുത്ത ഫര്‍ണിച്ചര്‍ കടയിലേക്ക് പടര്‍ന്നില്ല. കടുത്ത ദുര്‍ഗന്ധവും പ്രദേശത്ത് നിലനില്‍ക്കുന്നു. ഇന്ന് പുലര്‍ച്ചെ ഏഴു മണിയോടെയാണ് കുമ്പഴ കിങ്‌സ്ടന്‍ ടയേഴ്‌സില്‍ തീ പടരുന്നത് പ്രദേശവാസികളുടെ ശ്രദ്ധയില്‍പ്പെട്ടത്. നാട്ടുകാര്‍ അറിയിച്ചതിനെ തുടര്‍ന്ന് പത്തനംതിട്ടയില്‍ നിന്നും അഗ്‌നിശമന സേന എത്തിയപ്പോഴേക്കും സ്ഥാപനത്തിന് പിന്നില്‍ ടയര്‍ സൂക്ഷിക്കുന്ന ഗോഡൗണിലേക്കും തീ പടര്‍ന്ന് കഴിഞ്ഞിരുന്നു. സമീപത്തെ ഫര്‍ണിച്ചര്‍ ഗോഡൗണ്‍ അടക്കമുള്ള സ്ഥാപനങ്ങളിലേക്ക് തീ പടര്‍ന്ന് പിടിക്കാതെ മുന്‍കരുതലെടുത്തതാണ് വന്‍ ദുരന്തം …

തിരുവനന്തപുരം: വിഴിഞ്ഞത്തെ സര്‍ക്കാരിന്റെ ആഘോഷം ജനങ്ങളുടെ കണ്ണില്‍ പൊടിയിടാനുള്ള മാമാങ്കം മാത്രമാണെന്ന് തിരുവനന്തപുരം അതിരൂപത വികാരി ജനറാള്‍ മോണ്‍സിഞ്ഞോര്‍ യൂജിന്‍ പെരേര. എന്തിനാണ് ഇത്രയും വലിയ ആഘോഷം. തുറമുഖത്തേക്ക് കപ്പല്‍ അടുക്കുന്നുണ്ടായിരുന്നുവെങ്കില്‍ മനസ്സിലാക്കാം. കപ്പല്‍ അടുപ്പിക്കുന്ന ക്രെയിന്‍ ഇറക്കുന്നതാണ് ആഘോഷമാക്കുന്നതെന്നും അദ്ദേഹം വിമര്‍ശിച്ചു. പെരുമാതുറയിലും മുതലപ്പൊഴിയിലും മുങ്ങിമരിച്ച മത്സ്യത്തൊഴിലാളി കുടുംബങ്ങള്‍ക്ക് നഷ്ടപരിഹാരം പോലും നല്‍കിയിട്ടില്ല. 145 ദിവസം നീണ്ട ഐതിഹാസിക സമരം നടന്നപ്പോള്‍ ഏഴ് വാഗ്ദാനങ്ങള്‍ സര്‍ക്കാര്‍ നല്‍കി. ഒന്നുപോലും പാലിക്കപ്പെട്ടിട്ടില്ലെന്നും അദ്ദേഹം കുറ്റപ്പെടുത്തി. സഭാ പ്രതിനിധികളുമായി ആലോചിക്കാതെ നോട്ടീസില്‍ ആര്‍ച്ച്‌ ബിഷപ്പുമാരുടെ പേര് …