അടൂര്‍: സുഹൃത്തിനും സഹോദരനുമൊപ്പം മദ്യപിച്ച ശേഷം കിടന്നുറങ്ങിയ യുവാവ് വീടിനുള്ളില്‍ മരിച്ച നിലയില്‍. ഏഴംകുളം നെടുമണ്‍ ഓണവിള പുത്തന്‍ വീട്ടില്‍ അനീഷ് ദത്തനാണ് മരിച്ചത്. ചൊവ്വാഴ്ച പുലര്‍ച്ചെ രണ്ടിന് അനീഷിന്റെ മാതാവാണ് മൃതദേഹം ആദ്യം കണ്ടത്. അനീഷും ഇളയസഹോദരന്‍ മനോജ് ദത്തനും അമ്മ ശാന്തമ്മയും മാത്രമാണ് വീട്ടില്‍ താമസം. തിങ്കളാഴ്ച രാത്രി അനീഷും മനോജും ഇവരുടെ സുഹൃത്തുമൊത്ത് വീട്ടില്‍ വച്ച് മദ്യപിച്ചിരുന്നതായി അമ്മ പറയുന്നു. പുലര്‍ച്ചെ രണ്ടുമണിയോടെ ശാന്തമ്മ എഴുന്നേറ്റു വന്നപ്പോഴാണ് അകത്തെ മുറിയില്‍ നിലത്ത് അനക്കമില്ലാതെ കിടക്കുന്ന മകനെ കണ്ടത്. അനീഷ് ഹൃദ്രോഗിയാണെന്നും …

തിരുവല്ല: ടികെ റോഡില്‍ കറ്റോട് ജങ്ഷന് സമീപം ടോറസുമായി കൂട്ടിയിടിച്ച് കാര്‍ തലകീഴായി മറിഞ്ഞുണ്ടായ അപകടത്തില്‍ പരുക്കേറ്റ് ചികിത്സയിലായിരുന്ന രണ്ടു വയസുകാരന്‍ മരിച്ചു. നങ്ങ്യാര്‍കുളങ്ങര നെയ്യിശ്ശേരില്‍ അബിന്‍ വര്‍ഗീസ്-കവിത അന്ന ജേക്കബ് ദമ്പതികളുടെ മകന്‍ ജോഷ്വാ ആണ് തിരുവല്ലയിലെ സ്വകാര്യ മെഡിക്കല്‍ കോളേജ് ആശുപത്രിയില്‍ ചികിത്സയിലിരിക്കെ ഇന്ന് പുലര്‍ച്ചെയോടെ മരിച്ചത്. ഇന്നലെ രാത്രി ഒമ്പതു മണിയോടെയായിരുന്നു അപകട.േ ജോഷ്വായുടെ മാതാവ് കവിത ഓടിച്ചിരുന്ന കാര്‍ ടോറസുമായി കൂട്ടിയിടിച്ച് തലകീഴായി മറിയുകയായിരുന്നു. അപകടത്തില്‍ കവിതയ്ക്കും അമ്മ ജെസിക്കും പരുക്കേറ്റിരുന്നു. തിരുവല്ലയില്‍ നിന്നും ഇരവിപേരൂരിലുള്ള കവിതയുടെ വീട്ടിലേക്ക് …

പത്തനംതിട്ട: പ്ലസ്ടു വിദ്യാര്‍ഥി വാടക വീട്ടില്‍ തൂങ്ങി മരിച്ചു. ചെറുമകന്റെ മരണ വിവരമറിഞ്ഞ് മുത്തച്ഛന്‍ കുഴഞ്ഞു വീണ് മരിച്ചു. ചിറ്റാര്‍ വയ്യാറ്റുപുഴ മണ്ണുങ്കല്‍ പുത്തന്‍ വീട്ടില്‍ സുജിത്ത് സിനി ദമ്പതികളുടെ മകന്‍ വിഷ്ണു, സിനിയുടെ പിതാവ് കുമ്പഴ പാലമറൂര്‍ പനച്ചമൂട്ടില്‍ വീട്ടില്‍ സി.ടി. വര്‍ഗീസ് (അനിയന്‍-63) എന്നിവരാണ് മരിച്ചത്. ഇന്നലെ വൈകിട്ട് ചിറ്റാര്‍ ജങ്ഷനിലെ വാടക വീട്ടിലാണ് വിഷ്ണുവിനെ തൂങ്ങി മരിച്ച നിലയില്‍ കണ്ടെത്തിയത്. ചിറ്റാര്‍ ഗവ്. ഹയര്‍ സെക്കന്‍ഡറി സ്‌കൂളിലാണ് വിഷ്ണു പഠിച്ചിരുന്നത്. സഹോദരി: വിദ്യ. വിഷ്ണുവിന്റെ മരണവാര്‍ത്ത ഫോണിലൂടെ അറിഞ്ഞതിന് പിന്നാലെ …

കോന്നി: വകയാറില്‍ കാറും സ്‌കൂട്ടറും കൂട്ടിയിടിച്ച് സ്‌കൂട്ടറില്‍ സഞ്ചരിച്ചിരുന്ന വയോധികന്‍ മരിച്ചു. മുറിഞ്ഞകല്‍ സന്ധ്യ സദനത്തില്‍ ഭരതന്‍ (80) ആണ് മരിച്ചത്. ഇടിയുടെ ആഘാതത്തില്‍ കാര്‍ കുഴിയിലേക്ക് മറിഞ്ഞു. സ്‌കൂട്ടര്‍ യാത്രികയായ വിജയമ്മയ്ക്ക് പരുക്ക് പറ്റി .ഇവരെ ആശുപത്രിയില്‍ പ്രവേശിപ്പിച്ചു. കാറിലുണ്ടായിരുന്നവര്‍ക്ക് നിസാര പരുക്കേറ്റു. പത്തനാപുരം ഭാഗത്ത് നിന്നും വന്ന കാറും കോന്നിയില്‍ നിന്നും പത്തനാപുരം ഭാഗത്തേക്ക് പോയ സ്‌കൂട്ടറും തമ്മിലാണ് വകയാര്‍ പള്ളിയ്ക്ക് സമീപം കൂട്ടിയിടിച്ചത്.

പത്തനംതിട്ട: ബന്ധുക്കളുടെയും സുഹൃത്തുക്കളുടെയും പ്രാര്‍ഥനകളും കാത്തിരിപ്പും വിഫലം. വടശേരിക്കര ഇടത്തറയില്‍ നിന്ന് 17 ദിവസം മുന്‍പ് കാണാതായ സംഗീത് സജിയുടെ മൃതദേഹം ആറന്മുള സത്രക്കടവിന് സമീപം കണ്ടെത്തി. ചൊവ്വാഴ്ച രാവിലെ 11 ന് പ്രദേശത്ത് ദുര്‍ഗന്ധം വമിച്ചതോടെ നാട്ടുകാര്‍ നടത്തിയ തെരച്ചിലിനൊടുവിലാണ് മുളം കാട്ടില്‍ തങ്ങി നില്‍ക്കുന്ന ജീര്‍ണ്ണിച്ച നിലയിലുള്ള യുവാവിന്റെ മൃതദേഹം കണ്ടെത്തിയത്. വസ്ത്രങ്ങളും വാച്ചും കണ്ടാണ് ബന്ധുക്കള്‍ തിരിച്ചറിഞ്ഞത്. ഒക്‌ടോബര്‍ ഒന്നിനാണ് സംഗീത് സജി (23)യെ ഇടത്തറ ഭാഗത്തുനിന്ന് കാണാതായത്. പ്രദേശത്ത് പൊതു പ്രവര്‍ത്തനങ്ങളിലും സജീവമായിരുന്ന സംഗീത് നാട്ടുകാര്‍ക്കും ഏറെ പ്രിയപ്പെട്ടവനായിരുന്നു. …

കോന്നി: വിനോദ സഞ്ചാര കേന്ദ്രമായ മണ്ണീറ അടവിയില്‍ കുട്ടവഞ്ചി സവാരിക്കിടെ കുഴഞ്ഞു വീണ തുഴച്ചില്‍ക്കാരന്‍ മരിച്ചു. എലിമുള്ളുംപ്ലാക്കല്‍ കിഴക്കേതില്‍ വീട്ടില്‍ കെ.ഡി. സണ്ണി(43) ആണ് മരിച്ചത്. കുട്ടവഞ്ചി തുഴയുന്നതിനിടെ നെഞ്ച് വേദന അനുഭവപ്പെട്ടു. വഞ്ചിയില്‍ കുഴഞ്ഞു വീണ സണ്ണിയെ സഹപ്രവര്‍ത്തകര്‍ ഉടന്‍ തന്നെ പത്തനംതിട്ട ജനറല്‍ ആശുപത്രിയില്‍ എത്തിച്ചെങ്കിലും മരിച്ചു. അവിവിവാഹിതനാണ്. അച്ഛന്‍: പരേതനായ ഡാനിയേല്‍. മാതാവ്: അന്നമ്മ. സഹോദരങ്ങള്‍:സാം കുട്ടി, ഷൈനി, സാലി. സംസ്‌കാരം പിന്നീട്.

റാന്നി: രാത്രിയില്‍ കനത്ത മഴയ്ക്കിടെ വൈദ്യുതി ലൈനിലെ തകരാര്‍ പരിഹരിക്കുന്നതിനിടെ കെ.എസ്.ഇ.ബി ലൈന്‍മാന്‍ ഷോക്കേറ്റ് മരിച്ചു.പെരുനാട് സെക്ഷനിലെലൈന്‍മാന്‍ ആങ്ങമൂഴി പടിഞ്ഞാറ്റിന്‍കര രാജന്റെ സി.ആര്‍. അജികുമാര്‍ (45) ആണ് മരിച്ചത്. ചൊവ്വാഴ്ച രാത്രി പത്തരയോടെ നാറാണംമൂഴി പഞ്ചായത്തിലെ തോണിക്കടവ് വന്നിരിപ്പന്‍മൂഴി ട്രാന്‍സ്‌ഫോര്‍മര്‍ പരിധിയിലെ വൈദ്യൂതി തകരാര്‍ പരിഹരിക്കുന്നതിനിടയിലാണ് 11 കെ വി ലൈനില്‍ നിന്നും ഷോക്കേറ്റത്. ഉടന്‍ തന്നെ കൂടെ ഉണ്ടായിരുന്ന മറ്റു രണ്ടു ജീവിനക്കാര്‍ ചേര്‍ന്ന് പെരുനാട് സാമൂഹിക ആരോഗ്യ കേന്ദ്രത്തിലേക്ക് എത്തിക്കാന്‍ ശ്രമിച്ചെങ്കിലും അജികുമാര്‍ മരിച്ചു. കനത്ത മഴയിലുംവൈദ്യൂതി തകരാര്‍ പരിഹരിക്കാന്‍ ശ്രമിക്കുന്നിതിനിടയിലാണ് …

പത്തനംതിട്ട: സ്‌കൂള്‍ കായികമേളയില്‍ 3000 മീറ്റര്‍ ഓട്ടമത്സരത്തില്‍ പങ്കെടുത്ത് വീട്ടിലെത്തിയ പത്താം ക്ലാസ് വിദ്യാര്‍ഥി കുഴഞ്ഞു വീണ് ആശുപത്രിയില്‍ ചികില്‍സയിലിരിക്കേ മരിച്ചു. അഴൂര്‍ പാട്ടത്തില്‍ മനുവിന്റെയും ദീപയുടെയും മകന്‍, പ്രമാടം നേതാജി എച്ച്.എസ്.എസ് വിദ്യാര്‍ഥി വിഘ്‌നേഷ് മനു(15)വാണ് മരിച്ചത്. ചൊവ്വാഴ്ച വൈകിട്ടാണ് സംഭവം. പത്തനംതിട്ട ജില്ലാ സ്‌റ്റേഡിയത്തില്‍ നടന്ന കോന്നി ഉപജില്ലാ സ്‌കൂള്‍ കായികമേളയില്‍ 3000 മീറ്റര്‍ ഓട്ട മത്സരത്തില്‍ വിഘ്‌നേഷ് പങ്കെടുത്തിരുന്നു. മടങ്ങി വീട്ടിലെത്തി ഉച്ച ഭക്ഷണം കഴിക്കുന്നതിനിടെ കുഴഞ്ഞു വീഴുകയായിരുന്നു. രക്തസമ്മര്‍ദവും ഹൃദയമിടിപ്പും കുറഞ്ഞു വന്നതോടെ പത്തനംതിട്ടയിലെയും അവിടെ നിന്ന് കോഴഞ്ചേരിയിലെയും …

കോഴഞ്ചേരി: ഓട്ടോറിക്ഷ കെ.എസ്.ആര്‍.ടി.സി ബസുമായി കൂട്ടിയിടിച്ചുണ്ടായ അപകടത്തില്‍ ഗുരുതരമായി പരുക്കേറ്റ് ചികില്‍സയിലായിരുന്ന ഓട്ടോ യാത്രക്കാരന്‍ മരിച്ചു. മല്ലപ്പുഴശേരി പുന്നക്കാട് കര്‍ത്തവ്യം കന്നടിയില്‍ രസ്മിന്‍ 29) ആണ് മരിച്ചത്. പരുക്കേറ്റ ഓട്ടോ ഡ്രൈവര്‍ പുന്നക്കാട് പേരാത്രയില്‍ രതീഷ് (28) കോട്ടയം മെഡിക്കല്‍ കോളജില്‍ ഗുരുതര പരുക്കുകളോടെ ചികിത്സയിലാണ്. പത്തനംതിട്ട-തിരുവല്ല സംസ്ഥാന പാതയില്‍ തെക്കേമലക്കും കോഴഞ്ചേരി പഞ്ചായത്ത് സ്‌റ്റേഡിയത്തിനും മധ്യേ തിങ്കളാഴ്ച വൈകിട്ട് ആറേ മുക്കാലോടെയാണ് അപകടം.ആലപ്പുഴയില്‍ നിന്നും തെങ്കാശിയിലേക്ക് പോകുകയായിരുന്ന ബസിലേക്ക് തെക്കേമല ഭാഗത്തു നിന്നും വന്ന വാഹനത്തെ മറികടക്കാന്‍ ശ്രമിക്കുന്നതിനിടയില്‍ അമിത വേഗത്തില്‍ എത്തിയ …

റാന്നി: അത്തിക്കയത്ത് അന്യസംസ്ഥാന തൊഴിലാളിയെ മരിച്ച നിലയില്‍ കണ്ടെത്തി.ബീഹാര്‍ സ്വദേശിയായ സുബാഷ്(46) നെ രാവിലെ താമസ സ്ഥലത്തെ മുറിയില്‍ തൂങ്ങി മരിച്ച നിലയില്‍ കണ്ടെത്തിയത്. വിവരം അറിയിച്ചതിനെ തുടര്‍ന്ന് പെരുനാട് പോലീസ് സ്ഥലത്തെത്തി മേല്‍നടപടികള്‍ സ്വീകരിച്ച ശേഷം മൃതദേഹം കോട്ടയം മെഡിക്കല്‍ കോളജിലേക്ക് മാറ്റി. ഏറെ വര്‍ഷങ്ങളായി അത്തിക്കയത്തും മറ്റു പ്രദേശങ്ങളിലുമായി ജോലി ചെയ്തു വന്നിരുന്ന സുബാഷിനു സ്വദേശവുമായി കാര്യമായ ബന്ധമില്ലെന്നുംസമീപകാലത്ത് ലോട്ടറി അടിച്ചിരുന്നതിനാല്‍ ആഴ്ചകളായി ജോലിക്ക് പോകാതെ മദ്യപിച്ചു റൂമില്‍ തന്നെ തുടരുകെയായിരുന്നെനുംതൊട്ടടുത്ത് താമസിക്കുന്നവര്‍ പറയുന്നത്. പ്രാഥമികമായ അന്വേഷണത്തില്‍ മരണത്തില്‍ അസ്വാഭാവികമായി ഒന്നുമില്ലെന്നാണ് …