കൊച്ചി: സാഹിത്യകാരനും അധ്യാപകനുമായ പ്രഫ.സി.ആര്‍.ഓമനക്കുട്ടന്‍ (80) അന്തരിച്ചു. കൊച്ചി ലിസി ആശുപത്രിയില്‍ ഉച്ചയ്ക്കു 2.50നായിരുന്നു വിയോഗം. 23 വര്‍ഷം മഹാരാജാസ് കോളജില്‍ അധ്യാപകനായിരുന്നു. 2010ല്‍ കേരള സാഹിത്യ അക്കാദമി പുരസ്‌കാരം ലഭിച്ചു. ഇരുപത്തഞ്ചിലേറെ പുസ്തകങ്ങള്‍ രചിച്ചിട്ടുണ്ട്. 1943 ഫെബ്രുവരി 13ന് കോട്ടയം തിരുനക്കരയിലായിരുന്നു ജനനം. കോട്ടയം സിഎംഎസ് കോളജ്, കൊല്ലം എസ്എന്‍ കോളജ്, ചങ്ങനാശ്ശേരി എസ്ബി കോളജ് എന്നിവിടങ്ങളിലായിരുന്നു വിദ്യാഭ്യാസം. നാലുവര്‍ഷം പബ്ലിക് റിലേഷന്‍സില്‍ ഇന്‍ഫര്‍മേഷന്‍ ഓഫിസറായി സേവനമനുഷ്ഠിച്ചു.സിനിമ മാസിക, ഗ്രന്ഥലോകം, പ്രഭാതം എന്നീ പത്രമാസികകളില്‍ സബ് എഡിറ്ററായിരുന്നു. 1973 മുതല്‍ മലയാളം അധ്യാപകനായി. …

തിരുവല്ല: ശനിയാഴ്ച പുലര്‍ച്ചെ തിരുവല്ലയെ നടുക്കിയ ബൈക്ക് അപകടത്തില്‍ പിന്നില്‍ ദൂരുഹത. അപകടത്തില്‍ മരിച്ചവരില്‍ വധശ്രമം അടക്കം നിരവധി ക്രിമിനല്‍ കേസുകളിലെ പ്രതിയും ഉണ്ടായിരുന്നതാണ് സംശയത്തിനിട നല്‍കുന്നത്. പുലര്‍ച്ചെ മൂന്നിന് കച്ചേരിപ്പടിയില്‍ ബുള്ളറ്റ് നിയന്ത്രണം വിട്ട് മതിലില്‍ ഇടിച്ചുണ്ടായ അപകടത്തില്‍ മഞ്ഞാടി കമലാലയത്തില്‍ വിഷ്ണു ഉണ്ണികൃഷ്ണന്‍ (25), പുഷ്പഗിരി ആശുപത്രിക്ക് സമീപം കിഴക്കേ പറമ്പില്‍ വീട്ടില്‍ ആസിഫ് അര്‍ഷാദ് (24) എന്നിവരാണ് മരിച്ചത്. മഞ്ഞാടി പുതുപ്പറമ്പില്‍ അരുണി(25) നാണ് പരുക്കേറ്റത്. ഇയാളുടെ നില ഗുരുതരമാണ്. സുഹൃത്തിന്റെ വിവാഹ വാര്‍ഷിക ആഘോഷം കഴിഞ്ഞ് ഒരു വണ്ടിയിലാണ് …

തിരുവല്ല: കച്ചേരിപ്പടിയില്‍ ബൈക്ക് മതിലില്‍ ഇടിച്ചുണ്ടായ അപകടത്തില്‍ രണ്ടു പേര്‍ക്ക് ദാരുണാന്ത്യം. തിരുവല്ല മഞ്ഞാടി കമലാലയത്തില്‍ വിഷ്ണു ഉണ്ണികൃഷ്ണന്‍ (25), തിരുവല്ല പുഷ്പഗിരി ആശുപത്രിക്കു സമീപം താമസിക്കുന്ന കിഴക്കേപ്പറമ്പില്‍ വീട്ടില്‍ ആസിഫ് അര്‍ഷാദ് (24) എന്നിവരാണ് മരിച്ചത്. മഞ്ഞാടി പുതുപ്പറമ്പില്‍ അരുണ്‍ (25) ഗുരുതര പരുക്കുകളുമായി തിരുവല്ലയിലെ സ്വകാര്യ ആശുപത്രിയില്‍ ചികിത്സയിലാണ്. ഇന്നു പുലര്‍ച്ചെ 3 മണിയോടെയായിരുന്നു അപകടം. പുലര്‍ച്ചെ അപകടത്തില്‍പ്പെട്ട് യുവാക്കള്‍ ഗുരുതരാവസ്ഥയില്‍ റോഡില്‍ കിടക്കുന്നതുകണ്ട പ്രദേശവാസികളാണ് പൊലീസിനെ വിവരമറിയിച്ചത്. താലൂക്ക് ആശുപത്രി ഭാഗത്തുനിന്നും എത്തിയ മൂവരും സഞ്ചരിച്ചിരുന്ന ബുള്ളറ്റ് നിയന്ത്രണംവിട്ട് മതിലില്‍ …

ആലപ്പുഴ : വിവാഹപ്പന്തല്‍ അഴിക്കുമ്പോള്‍ ഷോക്കേറ്റ് മൂന്ന് അതിഥി തൊഴിലാളികള്‍ മരിച്ചു. എസ്എന്‍ഡിപി യോഗം ജനറല്‍ സെക്രട്ടറി വെള്ളാപ്പള്ളി നടേശന്റെ കണിച്ചുകുളങ്ങരയിലെ വീട്ടില്‍, മകന്‍ തുഷാര്‍ വെള്ളാപ്പള്ളിയുടെ മകളുടെ വിവാഹത്തിനായി ഉയര്‍ത്തിയ പന്തല്‍ അഴിക്കുമ്പോഴായിരുന്നു അപകടം. സമീപത്തെ ലൈനില്‍നിന്നാണ് ഷോക്കേറ്റത്. വൈകിട്ട് ഏഴുമണിയോടെയാണ് സംഭവം. ബീഹാർ സ്വദേശികളായ ആദിത്യൻ,കാശി റാം,പശ്ചിമബംഗാൾ സ്വദേശി ധനഞ്ജയൻ എന്നിവരാണ് മരിച്ചത്. ബീഹാർ സ്വദേശികളായജാദുലാൽ,അനൂപ്,അജയൻ എന്നിവർക്കാണ് പൊള്ളലേറ്റത്. ഇവർ ഉപയോഗിച്ച കമ്പി എക്സ്ട്രാ ഹൈടെൻഷൻ ലൈനിൽ തട്ടിയാണ് ഷോക്കേറ്റത്.  

കടമ്പനാട്: കപ്പല്‍ ജീവനക്കാരനായ യുവാവ് തായ്‌ലാന്‍ഡില്‍ കടലില്‍ മുങ്ങി മരിച്ചു. നെല്ലിമൂട്ടില്‍ പുത്തന്‍വീട്ടില്‍ ( കാവില്‍) മോനച്ചന്റ മകന്‍ സിജു മോനച്ചന്‍ (25) ആണ് മരിച്ചത്. കപ്പലില്‍ നിന്ന് കാല്‍ വഴുതി കടലില്‍ വീണുവെന്നാണ് ചൊവ്വ ഴ്ച പതിനൊന്നോടെ വീട്ടുകാര്‍ക്ക് ലഭിച്ച വിവരം. ഏഴു മാസം മുന്‍പാണ് സിജു മലേഷ്യന്‍ കമ്പനിയുടെ വക കപ്പലില്‍ ജോലിക്ക് ചേര്‍ന്നത്. മൃതദേഹം നാട്ടിലെത്തിക്കാനുള്ള ശ്രമം തുടരുന്നു. സംസ്‌കാരം പിന്നീട്. മാതാവ്: സാലി. സഹോദരി: സിമി.

കോഴഞ്ചേരി: ആറാട്ടുപുഴ പാലത്തിന്റെ കൈവരിയില്‍ ഇടിച്ച് സ്‌കൂട്ടര്‍ മറിഞ്ഞ് പരുക്കേറ്റ് ചികില്‍സയിലായിരുന്ന ഐഇഎല്‍ടിഎസ് അധ്യാപകന്‍ മരിച്ചു. കുമ്പനാട് വെള്ളിക്കര മാമണത്ത് എം.സി.സാമുവേലിന്റെ മകന്‍ ജിതിന്‍ സാമുവേല്‍ (26 ) ആണ് മരിച്ചത്. ബുധനാഴ്ച രാത്രി പത്തു മണിയോടെയാണ് അപകടം. വിദേശത്തേക്ക് പോകാന്‍ മെഡിക്കല്‍ ടെസ്റ്റ് നടത്തുന്നതിന് വേണ്ടി കരുനാഗപ്പള്ളിയില്‍ പോയി മടങ്ങും വഴിയാണ് അപകടം. ട്രെയിനില്‍ ചെങ്ങന്നൂരില്‍ വന്നിറങ്ങിയപ്പോള്‍ കുമ്പനാടിനും കോഴഞ്ചേരിക്കും ബസ് ഉണ്ടായിരുന്നില്ല. സുഹൃത്ത് കുമ്പനാട് കടപ്ര സ്വദേശി എന്‍സണ്‍ ജോര്‍ജിനെ വിളിച്ചു വരുത്തി ആ ബൈക്കിലാണ് മടങ്ങിയത്. അപകടത്തില്‍ ഗുരുതരമായി പരുക്കേറ്റ …

അടൂര്‍: ജനറല്‍ ആശുപത്രിയില്‍ ആരോ എത്തിക്കുകയും, സഹായിക്കുവാന്‍ ആരുമില്ലാത്ത സാഹചര്യത്തില്‍ ആശുപത്രി അധികൃതരുടെ അഭ്യര്‍ത്ഥനയെ തുടര്‍ന്ന് ഈ മാസം 15 ന് സ്വാതന്ത്ര്യദിനത്തില്‍ അടൂര്‍ മഹാത്മ ജനസേവനകേന്ദ്രം ഏറ്റെടുത്ത് സംരക്ഷണം നല്‍കിവന്നിരുന്നതുമായ ഏകദേശം നാല്‍പത് വയസ്സ് തോന്നിക്കുന്ന ഗോപാലകൃഷ്ണന്‍ ചികിത്സയിലിരിക്കെ മരണമടഞ്ഞു. ആശുപത്രി രേഖകളില്‍ തൊടുപുഴ പാറേക്കടവില്‍ കിഴക്കില്‍ പറമ്പില്‍ കോളനി നിവാസി എന്നാണ് രേഖപ്പെടുത്തിയിട്ടുളളത്. മകന്‍ ഗോപകുമാര്‍ ചികിത്സയ്ക്കായ് എത്തിച്ചതായും രേഖപ്പെടുത്തിയിരുന്നു. എന്നാല്‍ ആശുപത്രിയില്‍ എത്തിച്ച ശേഷമോ, അഗതി മന്ദിരത്തില്‍ ഏറ്റെടുത്ത വാര്‍ത്തകള്‍ വന്നശേഷമോ ഇദ്ദേഹത്തെ തേടി ആരുമെത്തിയിട്ടില്ല. സംസാരിക്കാന്‍ കഴിയാത്ത അവസ്ഥയിലായിരുന്നു …

ആറന്മുള: വാടക വീട്ടില്‍ യുവതി തൂങ്ങി മരിച്ച നിലയില്‍. വല്ലന കാവിന്റെ മേലേതില്‍ യശോധരന്റെ മകള്‍ ശ്രീജ (41)യാണ് മരിച്ചത്. സ്വന്തമായി തുടങ്ങാനിരുന്ന കടയുടെ ഉദ്ഘാടനത്തിന് മണിക്കൂറുകള്‍ക്ക് മുന്‍പാണ് നല്‍ക്കാലിക്കല്‍ മായാലുമണിലെ വാടക വീട്ടില്‍ മൃതദേഹം കണ്ടത്. ആറന്മുള പാര്‍ഥസാരഥി ക്ഷേത്രത്തിന് സമീപം ചിപ്‌സ് ആന്‍ഡ് സ്വീറ്റ് കോര്‍ട്ട് ഇന്ന് രാവിലെ ഒമ്പതിനും 10 നും ഇടയില്‍ ഉദ്ഘാടനം ചെയ്യാനിരിക്കേയാണ് ശ്രീജ ജീവനൊടുക്കിയത്. പ്രതീക്ഷിച്ച സാമ്പത്തിക സഹായം ലഭിക്കാതെ വന്നതാണ് മരണ കാരണമെന്ന് കരുതുന്നു. കോഴഞ്ചേരി തഹസില്‍ദാരുടെ നേതൃത്വത്തില്‍ ആറന്മുള പോലീസ് മേല്‍നടപടി സ്വീകരിച്ചു. …

കോഴഞ്ചേരി: രാജ്യാന്തര തലത്തില്‍ മുതിര്‍ന്ന സുവിശേഷകനും ചര്‍ച്ച് ഓഫ് ഗോഡ് ഇന്‍ ഇന്ത്യ കേരള റീജിയന്‍ മുന്‍ ഓവര്‍സീയറുമായ പാസ്റ്റര്‍ കെ.സി.ജോണ്‍ (74 ) നിര്യാതനായി. 2010 – 2012 കാലയളവില്‍ ദൈവസഭയുടെ ഓവര്‍സിയറായി സേവനമനുഷ്ഠിച്ചിരുന്നു. തമിഴ് നാട് സ്‌റ്റേറ്റ് ഓവര്‍സിയര്‍, സഭ വിദ്യാഭ്യാസ ബോര്‍ഡ് ചെയര്‍മാന്‍, രാജ്യാന്തര സഭ കോണ്‍സിലില്‍ ഇന്ത്യന്‍ പ്രതിനിധി എന്നീ നിലകളിലും പ്രവര്‍ത്തിച്ചു. 1949 ല്‍ മുളക്കുഴ കുഴിപൊയ്കയില്‍ കെ.കെ.ചാക്കോയുടെയും റാഹേലമ്മയുടെയും നാല് മക്കളില്‍ ഇളയവനായി ജനിച്ച ജോണ്‍ മുളക്കുഴ ഗവണ്മെന്റ് ഹൈസ്‌കൂളിലും പിന്നീട് ചെങ്ങന്നൂര്‍ ക്രിസ്ത്യന്‍ കോളേജിലുമായി …

റാന്നി: ഐത്തല പള്ളിക്കടവില്‍ 65 വയസ് തോന്നിക്കുന്ന സ്ത്രീയുടെ മൃതദേഹം കണ്ടെത്തി. ചന്ദന നിറത്തിലുള്ള സാരിയും ബ്ലൗസുമാണ് ധരിച്ചിട്ടുള്ളത്. തിരിച്ചറിഞ്ഞിട്ടില്ലാത്ത മൃതദേഹം ഇന്‍ക്വസ്റ്റ് നടപടികള്‍ക്ക് ശേഷം പത്തനംതിട്ട ജനറല്‍ ആശുപത്രി മോര്‍ച്ചറിയില്‍ സൂക്ഷിച്ചിരിക്കുന്നു. എന്തെങ്കിലും വിവരം കിട്ടുന്നവര്‍ താഴെ കാണുന്ന ഏതെങ്കിലും ഫോണ്‍ നമ്പരില്‍ ബന്ധപ്പെടേണ്ടതാണ്. റാന്നി പോലീസ് ഇന്‍സ്‌പെക്ടര്‍-9497987055, സബ് ഇന്‍സ്‌പെക്ടര്‍-9497980255, റാന്നി പോലീസ് സ്‌റ്റേഷന്‍-04735 227626.