തിരുവല്ല: വിരമിച്ച ഇന്ത്യന്‍ ആര്‍മി എന്‍എസ്ജി കമാന്‍ഡോയെ വീടിനുള്ളില്‍ വെടിയേറ്റ് മരിച്ച നിലയില്‍ കണ്ടെത്തി. ആത്മഹത്യയാണെന്ന് പ്രാഥമിക നിഗമനം. കുറ്റുര്‍ കൊല്ലം പറമ്പില്‍ ചിന്നു വില്ലയില്‍ സജി വര്‍ഗീസ് (48) ആണ് മരിച്ചത്. മൃതദേഹത്തിന് രണ്ടു ദിവസത്തെ പഴക്കമുണ്ട്. ഇന്നലെ രാത്രിയാണ് വീടിനുള്ളില്‍ മൃതദേഹം കണ്ടെത്തിയത്. സ്വന്തം പിസ്റ്റളില്‍ നിന്നുള്ള വെടിയേറ്റാണ് മരണം. ഭാര്യയയുമായി വിവാഹ മോചനത്തിന് കുടുംബകോടതിയില്‍ കേസ് നടക്കുന്നുണ്ടായിരുന്നു. ഇന്നലെ കോടതിയില്‍ സജി വിചാരണയ്ക്ക് ഹാജരായില്ല. സഹോദരി ഫോണില്‍ വിളിച്ചെങ്കിലും കിട്ടിയില്ല. തുടര്‍ന്ന് വീട്ടിലെത്തി ജനല്‍ വഴി നോക്കിയപ്പോഴാണ് മൃതദേഹം കണ്ടത്. …

ചിറ്റാര്‍: പഞ്ചാബില്‍ മഞ്ഞപ്പിത്തം ബാധിച്ച് ചികില്‍സയിലായിരുന്ന മലയാളി വിദ്യാര്‍ഥി മരിച്ചു. കിടങ്ങില്‍ എ.കെ സജിയുടെ മകന്‍ മുഹമ്മദ് സിറാജ് (22) ആണ് മരിച്ചത്. ഫോറന്‍സിക് സയന്‍സ് അവസാന വര്‍ഷ ബിരുദ വിദ്യാര്‍ഥിയായിരുന്നു. മഞ്ഞപ്പിത്തം ബാധിച്ചതിനെ തുടര്‍ന്ന് നാട്ടിലെത്തി ചികില്‍സ നടത്തി കഴിഞ്ഞ മാസം 18 നാണ് തിരികെ മടങ്ങിയത്. മരണ വാര്‍ത്തയറിഞ്ഞ് നാട്ടിലുള്ള ബന്ധുക്കള്‍ പഞ്ചാബിലേക്ക് തിരിച്ചിട്ടുണ്ട്. കബറടക്കം പിന്നീട്. മാതാവ്: അബീഷ പി എം. സഹോദരന്‍: മുഹമ്മദ് സിയാദ്.

റാന്നി: ഓട്ടോയും സ്‌കൂട്ടറുമായി കൂട്ടിയിടിച്ച് സ്‌കൂട്ടറില്‍ സഞ്ചരിച്ചിരുന്ന റിട്ട. മൃഗസംരക്ഷണ വകുപ്പ് ഉദ്യോഗസ്ഥന്‍ മരിച്ചു. വെച്ചൂച്ചിറ കൃഷ്ണ കൃപയില്‍ സുകുമാരന്‍ നായര്‍(81) ആണ് മരിച്ചത്. വെച്ചൂച്ചിറ റോഡില്‍ കുന്നത്തിനും ഇടമണ്ണിനും ഇടയില്‍ സോബാര്‍ പള്ളിപ്പടിയിലാണ് അപകടം നടന്നത്. സുകുമാരന്‍ നായര്‍ സ്‌കൂട്ടറില്‍ വെച്ചൂച്ചിറക്ക് പോകുന്ന വഴി എതിരെ വന്ന ഓട്ടോറിക്ഷ ഇടിക്കുകയായിരുന്നു. ഉടന്‍ തന്നെ  ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല വെച്ചൂച്ചിറ പോലീസ് മേല്‍നടപടി സ്വീകരിച്ചു. ഭാര്യ: രാധമ്മ വാഴപ്പള്ളില്‍. മക്കള്‍: സുരേഷ്,സുജ. മരുമക്കള്‍: രമ്യ,ജയന്‍.

പത്തനംതിട്ട: ലോഡ് കയറ്റി വന്ന ടിപ്പര്‍ ലോറി സ്‌കൂട്ടറില്‍ ഇടിച്ച് യാത്രക്കാരിയായ സ്‌കൂള്‍ വിദ്യാര്‍ഥിനി മരിച്ചു. കൊടുമണ്‍ അങ്ങാടിയ്ക്കല്‍ വടക്ക് പാലനില്‍ക്കുന്നതില്‍ ജയ്‌സണ്‍ ഷീബ ദമ്പതികളുടെ മകള്‍ ജെസ്‌ന ജയ്‌സണ്‍ (ജീന-15) ആണ് മരിച്ചത്. പ്രമാടം നേതാജി സ്‌കൂളിലെ പത്താം ക്ലാസ് വിദ്യാര്‍ഥിനിയായ ജെസ്‌ന മാതാവ് ഷീബയ്‌ക്കൊപ്പം സ്‌കൂട്ടറില്‍ ട്യൂഷന്‍ ക്ലാസിലേക്ക് പോകുമ്പോള്‍ രാവിലെ ഏഴിന് വള്ളിക്കോട് കൊച്ചാലുംമൂട്ടില്‍ വച്ചാണ് അപകടം. പാറമടയില്‍ നിന്ന ലോഡുമായി വന്ന ടിപ്പര്‍ ലോറിയാണ് സ്‌കൂട്ടറില്‍ ഇടിച്ചത്. അങ്ങാടിക്കല്‍ ഭാഗത്തു നിന്ന് രാവിലെ ഏഴു മണിക്ക് കൊച്ചാലുംമൂട്ടിലെ സ്വകാര്യ …

പത്തനംതിട്ട: ഓസ്‌ട്രേലിയയില്‍ കാറപകടത്തില്‍ മലയാളി യുവാവ് മരിച്ചു. പത്തനംതിട്ട ചിറ്റാര്‍ പ്ലാത്താനത്ത് ജോണ്‍മാത്യു (ജോജി) -ആന്‍സി ദമ്പതികളുടെ മകന്‍ ജെഫിന്‍ ജോണ്‍ (23) ആണ് മരിച്ചത്. റേഡിയോളജി രണ്ടാം വര്‍ഷം പഠിക്കുന്ന ജെഫിന്റെ കാര്‍ അലിഗഡ് എന്ന സ്ഥലത്ത് വച്ചാണ് അപകടത്തില്‍പ്പെട്ടത്. കാറില്‍ ജെഫിന്‍ മാത്രമാണുണ്ടായിരുന്നത് എന്നാണ് വിവരം. അപകടം വിവരം അറിഞ്ഞ് ബന്ധുക്കള്‍ സംഭവ സ്ഥലത്തേക്ക് തിരിച്ചു. 15 വര്‍ഷമായി ജെഫിന്റെ കുടുംബം ഓസ്‌ട്രേലിയയില്‍ സ്ഥിരതാമസമാണ്. മൃതദേഹം നാട്ടിലെത്തിച്ച് സംസ്‌കരിക്കുമെന്നാണ് ബന്ധുക്കള്‍ക്ക് ലഭിച്ചിരിക്കുന്ന വിവരം.

മലയാള സിനിമാ സീരിയല്‍ നടന്‍ കൈലാസ് നാഥ് (65) അന്തരിച്ചു. ആദ്യ കാലത്ത് സിനിമയിലും പിന്നീട് സീരിയല്‍ രംഗത്തും ശ്രദ്ധേയമായ അനവധി കഥാപാത്രങ്ങള്‍ അവതരിപ്പിച്ച താരമായിരുന്നു. കരള്‍ രോഗ ബാധിതനായി എറണാകുളത്തെ സ്വകാര്യ ആശുപത്രിയില്‍ ചികിത്സയില്‍ കഴിയുകയായിരുന്നു ഇന്ന് വൈകിട്ട് മൂന്നരയോടെയാണ് അന്ത്യം സംഭവിച്ചത്. സംസ്‌കാര ചടങ്ങുകള്‍ നാളെ നടക്കും. സിനിമകളേക്കാള്‍ കൂടുതല്‍ ടെലിവിഷന്‍ സീരിയലുകളിലൂടെയാണ് നടന്‍ പ്രേക്ഷകര്‍ക്ക് കൂടുതല്‍ സുപരിചിതനാവുന്നത്. ഏഷ്യാനെറ്റില്‍ സംപ്രേഷണം ചെയ്തു വരുന്ന സാന്ത്വനം സീരിയലില്‍ പിള്ളച്ചേട്ടന്‍ എന്ന കഥാപാത്രമായിരുന്നു കൈലാസ് നാഥിന്റെ അവസാനത്തേത്. ഇതിനിടെ കരള്‍ രോഗം കലശലായതിനെ …

തിരുവനന്തപുരം: മുതിർന്ന കോൺഗ്രസ് നേതാവും മുൻ ഗവർണറുമായ വക്കം പുരുഷോത്തമൻ (96) അന്തരിച്ചു. ശാരീരിക അവശതകളെ തുടർന്ന് വിശ്രമത്തിലായിരുന്നു. തിരുവനന്തപുരത്തെ വസതിയിലായിരുന്നു അന്ത്യം. ആൻഡമാനിലും മിസോറാമിലും ഗവർണറായിരുന്നു. മൂന്നു തവണ മന്ത്രിയായി, രണ്ട് തവണ എംപിയും, അഞ്ച് തവണ എംഎൽഎയുമായി. തിരുവനന്തപുരം ജില്ലയിലെ വക്കത്ത് ഭാനു പണിക്കരുടേയും ഭവാനിയുടേയും മകനായി 1928 ഏപ്രിൽ 12നായിരുന്നു ജനനം. 1946-ൽ സ്റ്റുഡൻറ്സ് കോൺഗ്രസ് എന്ന വിദ്യാർഥി സംഘടന വഴിയാണ് പൊതുരംഗ പ്രവേശനം. 1953-ൽ വക്കം ഗ്രാമ പഞ്ചായത്ത് അംഗമായി. പിന്നീട് തിരുവനന്തപുരം ഡി.സി.സി പ്രസിഡൻറ്, കെ.പി.സി.സി ജനറൽ …

പത്തനംതിട്ട: കാറിന് പിന്നില്‍ സ്‌കൂട്ടര്‍ ഇടിച്ച് അഞ്ച് വയസുകാരന്‍ മരിച്ചു. സീതത്തോട് കൊച്ചുകോയിക്കല്‍ സതീഷ് ഭവനം സതീഷ്-അശ്വതി ദമ്പതികളുടെ മകന്‍ കൗശിഷ് എസ്. നായര്‍ ആണ് മരിച്ചത്. തിങ്കളാഴ്ച രാവിലെ സീതത്തോട് പവര്‍ ഹൗസിന് മുന്നിലാണ് സംഭവം. സീതത്തോട് വിദ്യാധിരാജ സ്‌കൂളിലെ യു.കെ.ജി വിദ്യാര്‍ഥിയാണ് കൗശിക്. അമ്മ അശ്വതിക്കൊപ്പം സ്‌കൂട്ടറില്‍ സ്‌കൂളിലേക്ക് പോകുമ്പോഴാണ് അപകടം നടന്നത്. മുന്നില്‍ പോയ കാറിന് പിന്നില്‍ ഇവര്‍ സഞ്ചരിച്ചിരുന്ന സ്‌കൂട്ടര്‍ ഇടിക്കുകയായിരുന്നു. സ്‌കൂട്ടറിന് മുന്നില്‍ നിന്നിരുന്ന കൗശികിന്റെ നെഞ്ചിന്റെ ഭാഗം ഹാന്‍ഡലില്‍ ശക്തിയായി ഇടിക്കുകയായിരുന്നു. ഉടന്‍ തന്നെ പത്തനംതിട്ട …

പത്തനംതിട്ട: വിദ്യാഭ്യാസ വായ്പ ശരിയാകാതെ വന്നതിനെ തുടര്‍ന്ന് ബംഗളൂരുവിലെ നഴ്‌സിങ് പഠനം മുടങ്ങിയതില്‍ മനംനൊന്ത് വിദ്യാര്‍ഥിനി ജീവനൊടുക്കി. കോന്നി എലിയറയ്ക്കല്‍ അനന്തുഭവനില്‍ ഹരി-രാജലക്ഷ്മി ദമ്പതികളുടെ ഇളയ മകള്‍ അതുല്യ (20) ആണ് മരിച്ചത്. കഴിഞ്ഞ ദിവസം ഉച്ച കഴിഞ്ഞ് രണ്ടിന് കിടപ്പുമുറിയിലെ ഫാനില്‍ തൂങ്ങിയ നിലയില്‍ കണ്ടെത്തിയ തുല്യയെ സഹോദരങ്ങള്‍ കോഴഞ്ചേരിയിലെ സ്വകാര്യ ആശുപത്രിയില്‍ എത്തിച്ചെങ്കിലും രാത്രി 9.30ന് മരിച്ചു. കഴിഞ്ഞ വര്‍ഷം ബംഗളൂരു ദേവാമൃത ചാരിറ്റബിള്‍ ട്രസ്റ്റിന്റെ സഹായത്താല്‍ നഴ്‌സിങ് അഡ്മിഷന്‍ നേടിയതായിരുന്നു അതുല്യ. അടുത്തിടെ ട്രസ്റ്റ് അധികൃതരെ വായ്പാ തട്ടിപ്പിന് കര്‍ണാടക …

റാന്നി: കാണാതായ വയോധികന്റെ മൃതദേഹം പമ്പാനദിയില്‍ കണ്ടെത്തി. മാടമണ്‍ മണ്ണുങ്കല്‍ ഗോപിനാഥന്‍ നായര്‍(60)ആണ് മരിച്ചത്. വെള്ളിയാഴ്ച രാത്രി 12 മണിയോടെ ഗോപിനാഥന്‍ നായരെ വീട്ടില്‍ നിന്നുമാണ് കാണാതായത്. ശനിയാഴ്ച രാവിലെ മുതല്‍ ഗോപിനാഥനെ മാടമണ്‍ പ്രദേശത്ത് കണ്ടതായി പ്രദേശവാസികള്‍ പറഞ്ഞു. മാടമണ്‍ ക്ഷേത്രക്കടവില്‍ ഇദ്ദേഹത്തിന്റെ വസ്ത്രം പ്രദേശവാസികള്‍ തിരിച്ചറിഞ്ഞു. പെരുനാട് പോലീസില്‍ വിവരം അറിയിക്കുകയും റാന്നി ഫയര്‍ ഫോഴ്‌സ് സംഭവസ്ഥലത്ത് തെരച്ചില്‍ ആരംഭിക്കുകയും ചെയ്തു. എന്നാല്‍ ആദ്യ ദിവസത്തെ തെരച്ചിലില്‍ ഇയാളെ കണ്ടെത്താന്‍ കഴിഞ്ഞില്ല. ഞായറാഴ്ച മൃതദേഹം മാടമണ്‍ വള്ളക്കടവില്‍ അടിഞ്ഞു. മൃതദേഹം പത്തനംതിട്ട …